Sælureitur - Húsasmiðjan

Músavarnir
Í verslunum Húsasmiðjunnar er að finna
ýmsar vörur sem snúa að músavörnum, allt frá
hefðbundnum músagildrum og hátíðni músafælum
að nokkrum gerðum af gildrum sem fanga mýsnar
lifandi þannig að það er hægt að sleppa þeim út í
móa.
Þar á meðal:
Músavinur, lítill lokaður hólkur með fellihlera á
öðrum endanum. Beitu komið fyrir innst í hólknum,
músin hleypur inn og hlerinn lokast á eftir henni.
Músamótel, safnkassar sem eru með pláss fyrir
nokkrar mýs í einu.
Góður frágangur heldur músunum úti.
Það getur borgað sig að vanda til frágangs á
byggingum til þess að halda músunum úti.
Meðal þess sem Húsasmiðjan hefur upp á að
bjóða í slíku efni er:
Músanet fyrir stærri op.
Eiturefnalaust músakítti til að setja í rifur,
sprungur og samskeyti þar sem nagdýr ættu
annars greiða leið. Músaheldur möskvi er 5 x 5
mm. Í kíttinu er efni sem festist í tönnum nagdýra
og þau hætta strax að naga. Efnið er að öðru leyti
skaðlaust.
Músaband fyrir veggklæðningu, sem er
tenntur borði og settur er neðst í klæðningu og
varnar músunum inngöngu, en tryggir útloftun
klæðningar. Hentar jafnt fyrir liggjandi og standandi
klæðningu.
Varnir gegn flugum og skordýrum
Í verslunum Húsasmiðjunnar er úrval af vörnum
gagnvart flugum og skordýrum. Skordýrafælur,
flugnaspaðar, límspjöld til að fanga flugur og
pöddur, flugnaeitur, bæði í úðaformi og sem
strikunarpenni og flugnagildrur, allt gert til að
losa okkur við ónæði og ágang frá flugum og
annarri óværu, þegar við viljum njóta þess
að slappa af. Leitið ráða hjá afgreiðslufólki
varðandi þá flugnavörn sem myndi henta best
hverju sinni.
Hitamælar
Veðrið skiptir ávallt miklu máli á Íslandi
og þess vegna er gott að geta fylgst með
hitastiginu, jafnt úti sem inni. Í verslunum
Húsasmiðjunnar eru í boði bæði hefðbundnir
hitamælar, þráðlausir hitamælar sem fylgjast
með inni- og útihita og veðurstöðvar, sem
greina auk þess frá rakastigi og veðurhorfum.
Heimilið, sumarhúsið og jörðin
53