Sælureitur - Húsasmiðjan

114
Viðarklæðning á
útveggjum
Náttúruleg, hlýleg og umhverfisvæn
klæðning
Timbur er náttúruleg afurð og þolir vel miklar
sveiflur í hita og kulda, jafnvel betur en flest önnur
byggingaefni. Einangrunargildi timburs er einnig
sérstaklega mikið. Þess vegna eru timburhús,
eða hús klædd með timbri eitt algengasta
byggingaefni á norðurhveli jarðar.
Í dag er algengast að timburhús séu klædd með
“vatnsklæðningu”, liggjandi borðum sem læst
er saman með tappa og nót. Hvert borð leiðir
rigningarvatn yfir samskeytin og niður á næsta
borð og þannig áfram til jarðar. Á árum áður
tíðkaðist einnig “standandi” klæðning og þá var
klætt “ein utan á tvær” sem fólst í því að eitt
viðarborð huldi samskeyti borðanna á bakvið.
Töluvert hefur verið um það að blandað sé saman
viðarklæðningu og öðrum efnum, svo sem báruáli
eða sléttu áli. Hægt er að fá vatnsklæðningu í
nokkrum gerðum.
Viðarklæðning húsa færist í vöxt, fólki líður betur
í timburhúsum og þau eru í sókn vegna þess
hversu umhverfisvæn þau þykja.
Timbur utanhússklæðningar
Húsasmiðjan hefur framleitt staðlaðar
utanhúsklæðningar úr timbri í fjölda ára t.d.
vatnsklæðningar, bæði heflaðar og bandsagaðar,
sléttar og kúptar, ásamt bjálkaklæðningu
og hefðbundinni standandi klæðningu.
Klæðningarnar eru framleiddar úr valinni,
skandínavískri þéttvaxinni furu, ofnþurrkaðri
niður í 16-18 % rakastig.
Klæðningarnar eru til í lengdum frá 3,6 og upp í
allt að 6,0 m.
Mikilvægt er að bera strax á utanhússklæðningar
og þarf að grunna þær með t.d. Vísi grunni og bera
síðan á 2 umferðir af hálfþekjandi eða þekjandi
viðarvörn. Ekki er mælt með mjög ljósum litum á
timburklæðningar svo sem natur eða furu lit.