Sælureitur - Húsasmiðjan

112
Báruál/bárustál:
Algengasta klæðning á útveggi í 130 ár á Íslandi
Algengasta klæðingarefni á Íslandi hefur verið galvanhúðað bárujárn. Fyrsta bárujárnið fluttist hingað
til lands einhvern tímann á árunum 1870-1880.
Á seinni árum hafa bæst við fleiri gerðir af klæðningum, s.s. ál, álsink og litaðar álplötur, í nokkrum
litum. Færst hefur í vöxt að nota litað báruál/bárustál með öðrum efnum í útveggjaklæðningar, svo
sem harðviði eða lituðum furuborðum, og þá er báruálið/stálið sett á þannig að bárur eru láréttar á
veggjum.
Séu hús klædd með þessum veggjaklæðningum nálæg sjó eða þar sem hætta er á seltu er frekar
mælt með notkun á lituðu báruáli, en inn til landsins er allt eins hægt að nota litað bárustál, því þar er
ryðhættan minni.
Sléttar álklæðningar:
Veður og álagsþolnar með litarhúð sem stenst sólaljós vel
Húsasmiðjan selur sléttar áklæðningar frá Áltak ehf og BM Vallá.
Áltak hefur undanfarinn áratug sérhæft sig í álklæðningum og undirkerfum fyrir álklæðningar, og
selur Alcan-Novelis ál-klæðningarplötur sem eru margviðurkenndar fyrir einstök gæði í yfirborðslit.
Yfirburðirnir felast í PVDF litarhúð sem er einstaklega veður- og álagsþolin auk þess sem liturinn þolir
sólarljós einstaklega vel og heldur sér nánast óbreyttur í áratugi við erfiðustu aðstæður.
Álplöturnar hnoðaðar á álundirkerfi í sléttum plötum. Beygt inn að gluggum og öll úthorn. Festingar
sýnilegar. Mikið litaúrval.
Í mörg ár hefur BM Vallá boðið ál til klæðningar á húsum hvort heldur litað eða ólitað. Þetta litaða ál
hefur verið Polyesterhúðað og hefur margsannað sig fyrir gæði. BM Vallá býður einnig upp á PVDF
litað ál frá Euromax, fyrirtæki sem hefur orð á sér fyrir einstaklega vandaða vöru. PVDF húðun er
einhver sú besta yfirborðsmeðferð sem völ er á í klæðningum og sem tryggir enn betur þol gegn
veðrun og sólarljósi.
Álundirkerfin frá BM Vallá eru með THERMOSTOP einangrun sem hindrar rafleiðni milli málmfestinga.
Eingöngu er boðið upp á upp á fyrsta flokks álblöndur sem þegar hafa sannað sig við erfiðar íslenskar
aðstæður.
Lituð fura getur verið falleg með öðrum gerðum veggjaklæðningar
Annar valkostur er að nota litaða furuklæðningu sem mótvægi við slétt ál eða báruál á útveggjum.
Furan er þá lituð í dökkbrúnum lit, sem í fjarlægð er þá svipuð harðviðarklæðningu, en kostar mun
minna og með því að endurnýja viðarvörnina reglulega er þetta kostur sem endist árum saman og
gefur húsinu fallegt yfirbragð.
Á þessari mynd er Duropal - veggklæðning
ásamt litaðri furu.