Sælureitur - Húsasmiðjan

110
Randers Tegl í Danmörku:
Múrsteinn úr brenndum leir þolir vel veður og vinda og þarfnast ekki viðhalds
Það er engin tilviljun að múrsteinn úr brenndum leir hefur verið eitt helsta byggingarefni á
Norðurlöndum, fyrir utan timbur, í mjög langan tíma. Meginástæðan er sú að hús úr múrsteini þola
vel álag veðurs og vinda án þess að kalla á mikið viðhald. Hjá Húsasmiðjunni er boðið upp á múrstein
úr brenndum leir frá Randers Tegl í Danmörku, sem er einn af stærstu framleiðendum múrsteins í
Norður-Evrópu, með mjög breitt úrval sem framleitt er í tæknilega háþróuðum verksmiðjum, og eru
múrsteinar frá þeim seldir um öll Norðurlöndin ásamt Þýskalandi.
Múrsteinninn þolir vel raka, er fljótur að losa sig við yfirborðsraka og hann fúnar ekki.
Útfjólubláir geislar sólar og súrt regn getur farið illa með málað og fúavarið yfirborð á tré, en
múrsteinninn hvorki upplitast né rýrnar.
Múrsteinn úr brenndum leir þolir vel frost og eyðist ekki af völdum veðurs né vinda. Í staðinn fær
múrsteinninn fallega áferð í áranna rás.
Múrsteinn er vissulega dýrari valkostur sem utanhúsklæðning en hafa verður í huga sparnaðinn af því
að þurfa ekki að mála að fúaverja á þriggja eða fjögurra ára fresti.
Röben – þýskt fjölskyldufyrirtæki sem byggir á gamalli hefð:
Steyptur þýskur hleðslumúrsteinn sem er fáanlegur í ýmsum litum
Annar valkostur fyrir þá sem vilja klæða húsið með klassísku efni eins og steyptum múrsteini er
brenndur steypur múrsteinn frá þýska fyrirtækinu Röben, fjölskyldufyrirtæki sem framleitt hefur
múrstein í meira en 150 ár og starfrækir í dag 16 verksmiðjur i Evrópu og Ameríku.
Novabrik:
Veggklæðning úr steyptum steinum sem hentar jafn á ný og eldri hús
Önnur gerð úrsteinsklæðningar sem rutt hefur sér rúms á undanförnum árum og þykir henta mjög vel
hér á landi er Novabrik, veggjaklæðning úr steyptum steinum, sem eru skrúfaðir á trégrind, og henta
þannig jafnt á ný sem og eldri hús.
NOVABRIK INTERNATIONAL INC. er með aðalstöðvar í Montreal í Kanada, og er með framleiðslu í
Kanada, Bandaríkjunum, Bretlandi, Tékklandi, Suður-Kóreu og í Japan. Novabrik-veggjasteinninn hjá
Húsasmiðjunni kemur frá verksmiðjum Novabrik í Tékklandi.
Múrsteinarnir eru með gróp sem grípur í grindina sem heldur steinunum að veggnum og næsta röð
leggst síðan vel yfir og myndar góða vörn gagnvart veðri og vindum. Steinarnir eru skrúfaðir fastir á
trégrindina með jöfnu millibili.
Novabrik er mjög góður kostur sem veggjaklæðning fyrir ný og eldri hús, allur frágangur í kring um
glugga og á hornum er einfaldur því Novabrik býður upp á fjölda valkosta hvað varðar frágangssteina,
inn- og úthorn og gluggaáfellur.