Sælureitur - Húsasmiðjan

Útveggjaklæðningar
Breytileg veðrátta hér á landi kallar á góða vörn útveggja á húsum og jafnframt að slíkar klæðningar
séu þannig úr garði gerðar að þær þurfi lítið viðhald.
Í aldanna rás hafa útveggir verið timburklæddir, eða úr hlöðnum steinum, en með breyttum tímum var
farið að nota önnur efni, svo sem bárujárn, eða aðrar slíkar veggjaklæðningar.
Flest þessi efni hafa kallað eftir yfirborðsmeðhöndlun, málningu eða annarri slíkri meðhöndlun, og
þess vegna hafa komið fram lausnir sem kalla á lítið sem ekkert viðhald eins og innbrennda litarhúð
á báruáli og sléttum álklæðningum, viðhaldsfríar trefjaklæðningar og hleðslusteinar fyrir útveggi og
aukin notkun á gleri.
Í nágrannalöndunum hefur múrsteinn verið mikið notaður í útveggi, því útveggir úr múrsteini kalla
á lítið viðhald og eru með mikið veðrunarþol. Vegna þessara kosta hefur notkun á múrsteinum og
öðrum hleðslusteinum sem vörn á útveggi rutt sér verulega til rúms hér á landi á síðustu árum til
viðbótar við hefðbundnar viðarklæðningar.
Við hönnun nýrri bygginga hefur verið tekið æ meira tillit til þessara þátta hvað varðar verndun útveggja
og það hefur færst í vöxt að blanda saman ýmsum lausnum í þessu efni, til dæmi að blanda saman
innbrenndu báruáli/bárustáli og viðarklæðningum, ýmist úr harðviði eða litaðri furu.
Allt frá upphafi hefur Húsasmiðjan boðið upp á gott úrval viðarklæðninga fyrir útveggi ásamt því að
bjóða upp á þau efni, viðarvörn og málningu, sem þarf að nota til að tryggja góða endingu slíkra
útveggjaklæðninga. Jafnframt því að bjóða upp á hefðbundnar viðarklæðningar fyrir útveggi þá hefur
fyrirtækið boðið upp á ýmsar lausnir varðandi
útveggjaklæðningar. Þar má nefna Stoneflex og
Duropal útveggjaplötur, Röben hleðslumúrstein,
frá Þýskalandi og Randers Tegl frá Danmörku,
Novabrik, sem er steypur hleðslusteinn, sem
er skrúfaður á lektur og hentar því jafnt fyrir ný
og eldri hús, bárustál/ál og sléttar álklæðningar.
Þessi upptalning gefur til kynna, að ýmsir valkostir
eru í boði hvað varðar klæðningu útveggja
hjá Húsasmiðjunni, jafnt fyrir nýbyggingar,
viðbyggingar og viðhald eldri húsa.
Sölumenn Timbursölu Húsasmiðjunnar á
Selfossi hafa sérhæft sig í lausnum varðandi
útveggjaklæðningar og er hægt að leita eftir
upplýsingum hjá þeim í síma 480 0800 eða send
tölvupóst á netfangið utveggir@husa.is. Einnig er
hægt að leita eftir upplýsingum hjá Þjónustuveri
Húsasmiðjunnar í síma 525 3000.
Hér á næstu síðum gefur að líta yfirlit yfir
helstu útveggjaklæðningar sem eru í boði hjá
Húsasmiðjunni.
Veggjaklæðningar
109