You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
106<br />
Málað utanhúss<br />
Vinnu við utanhúsmálningu má skipta í tvo flokka. Annars vegar það viðhald sem húseigandinn getur<br />
framkvæmt sjálfur með góðu móti og hinsvegar það viðhald sem kallar á aðstoð iðnaðarmanna og<br />
sérfræðinga.<br />
Flestir húseigendur fylgjast vel með útliti hússins síns og sjá því fljótt hvort þörf er á viðhaldi.<br />
Almenna reglan varðandi steinsteypt hús er að mála húsin með ákveðnu millibili, sem fer eftir gerð<br />
þeirrar málningar sem notuð hefur verið. Ef engar skemmdir eru sjáanlegar er nægilegt að skafa<br />
lausa málningu í burtu, bursta með vírbursta og mála síðan yfir. Leitið eftir ráðgjöf í málningardeild<br />
Húsasmiðjunnar, og þá er gott að vita hvaða málning er á húsinu fyrir, því það auðveldar starfsmönnum<br />
málningardeildar ráðgjöfina.<br />
Leitið aðstoðar fagmanna ef þörf er á<br />
Ef skemmdir eru hinsvegar sjáanlegar á yfirborðið steypunnar, svo ekki sé talað um sprungur, er<br />
ráðlegt að kalla til sérfræðing og athuga málið. Sprunguviðgerðir í steinsteypu eru yfirleitt ekki á færi<br />
leikmanna og kalla á aðstoð iðnaðarmanna.<br />
Að fenginni ráðgjöf getur húseigandinn síðan ákveðið framhaldið, hvort hann málar sjálfur eða fær<br />
aðstoð til þess hæfra manna. Húsamálun er lögvernduð iðngrein og húsamálarar hafa yfir að ráða<br />
þekkingu og þeim tólum og tækjum sem tryggja að viðhaldið verður með þeim hætti sem bestur er.