Sælureitur - Húsasmiðjan

Steyptir útveggir
Flestir húseigendur fylgjast vel með útliti hússins
síns og sjá því fljótt hvort þörf er á viðhaldi.
Almenna reglan varðandi steinsteypt hús er að
mála húsin með ákveðnu millibili, sem fer eftir
gerð þeirrar málningar sem notuð hefur verið.
Ef engar skemmdir eru sjáanlegar er nægilegt
að skafa lausa málningu í burtu, bursta með
vírbursta og mála síðan yfir. Leitið eftir ráðgjöf
í málningardeild Húsasmiðjunnar, og þá er gott
að vita hvaða málning er á húsinu fyrir, því það
auðveldar starfsmönnum málningardeildar
ráðgjöfina.
Leitið aðstoðar fagmanna ef þörf er á
Ef skemmdir eru hinsvegar sjáanlegar á yfirborðið
steypunnar, svo ekki sé talað um sprungur, er
ráðlegt að kalla til sérfræðing og athuga málið.
Sprunguviðgerðir í steinsteypu eru yfirleitt ekki á
færi leikmanna og kalla á aðstoð iðnaðarmanna.
Að fenginni ráðgjöf getur húseigandinn síðan
ákveðið framhaldið, hvort hann málar sjálfur eða
fær aðstoð til þess hæfra manna.
Plastmo, danskar plast þakrennur, mjög harðar og sterkar,
enda límdar á samskeytum. Til í gráu og hvítu, hægt að
sérpanta svartar og brúnar.
Reiknivél fyrir Plastmo
þakrennur á www.husa.is
Reiknaðu efnisþörfina fyrir þakrennur og
fáðu tilboð í efnið á www.husa.is.
Þakrennureiknivélin er einföld, þú slærð inn
lengd á þakbrún og reiknivélin kemur með
tillögu að efnismagni sem þú þarft í verkið.
Tréverk
Þótt stærra hlutfall íbúðarhúsnæðis sé úr
steinsteypu hér á landi, þá hefur orðið mikil
aukning í notkun á ýmiskonar tréverki á útveggjum
með steypunni. Þá eru heilu fletirnir klæddir með
viðarklæðningu, ýmist úr harðviði eða öðrum
viðartegundum, sem þá eru varðir með olíu eða
viðarvörn.
Mjög ítarlega er fjallað um meðhöndlun á slíkum
viðarklæðningum hér framar í þessu riti, en
almenna reglan er sú að þessi fletir þarfnast
viðhalds með svipuðu millibili og gluggarnir.
Þakrennur
Góðar þakrennur sem eru í lagi veita ekki aðeins
vatni sem fellur á þökin í niðurföll, því þær vernda
útveggi hússins fyrir því vatni sem ella myndi
streyma af þakinu í votviðri.
Þakrennur eru að miklum hlut blikkrennur sem
tærst og ryðga með tímanum fái þær ekki
viðeigandi viðhald. Á síðari árum hefur því færst
mjög í vöxt að nota þakrennur úr plastefnum sem
ekki kalla á jafn mikið viðhald, eða blikkrennur
sem eru plasthúðaðar eða með innbrenndum
lit sem eru með meiri endingu en hefðbundnar
blikkrennur.
Mikilvægt að hreinsa úr rennum
Mikilvægasti þátturinn í viðhaldi á þakrennum
er að hreinsa óhreinindi og rusl úr þakrennum.
Rusl sem sest í þakrennur veldur því að vatnið á
ekki lengur greiða leið úr rennunnum, sest í polla
og þar sem vatnið liggur hraðar það tæringu og
ryðmyndun.
Þess vegna er mikilvægt að hreinsa rennurnar
vandlega vor og haust, og skoða vel hvort
einhver tæring eða ryðmyndun er til staðar. Ef
svo er þarf að bursta ryðið vel og grunna síðan
með ryðvarnargrunni áður en málað er yfir með
heppilegri málningu. Ef tæringin er orðin svo mikil
að gat er komið í gegn er annað hvort nauðsynlegt
að skipta um rennur eða ef skemmdin er aðeins
á litlu svæði er hægt að fá sérstaka límborða frá
Soudal, sem eru límdir yfir skemmdina í rennunni
og síðan málað vandlega yfir. Borðinn er skorinn í
rétta stærð og lagður með hitabyssu.
Skoða þarf vel allar rennufestingar, hvort þær eru
farnar að tærast og ef svo er þarf að bursta þær
upp, grunna og mála síðan yfir.
Isola, norskar kanntaðar PVC rennur, til í hvítu og svörtu.
Henta öllum byggingum, einföld samsetning. Kraginn á
rennunum er tvöfaldur, sem gefur meiri styrk og gerir þær
stöðugari.
Viðhald
105