Sælureitur - Húsasmiðjan

Hreinsun á gráma, sveppagróðri og
óhreinindum af timbri
Veðurfar á norðlægum slóðum fer ómildum höndum um trépalla, skjólveggi og önnur mannvirki sem
við smíðum úr timbri. Vetrarveðrin skilja einnig eftir óhreinindi sem auka á mislitun yfirborðsins. Sterkir
útfjólubláir geislar sólarinnar ganga nærri yfirborðinu og ná ekki aðeins að upplita viðinn og gera hann
gráan, því sólargeislarnir losa einnig um efsta lag trefjanna í viðnum og það byrjar að leysast upp.
Þetta sést oft best á því hvernig æðarnar í viðnum verða meira áberandi samhliða því að viðurinn
upplitast.
En hvernig getum við borið okkur að við hreinsun á sólpallinum og hvaða efni á
að nota?
Fyrst skal nota sérstakt hreinsiefni sem borið er á samkvæmt leiðbeiningum og síðan sérstakt
bleikingarefni ef ekki næst allur grámi með hreinsiefninu.
Hafið í huga:
• Pallaolía á að ganga inn í viðinn og ekki að mynda filmu á yfirborðinu
• Varist að bera á í sterku sólarljósi
• Varist að bera á í röku veðri og við lágt hitastig
• Lágt hitastig og mikill loftraki eykur þann tíma sem tekur efnin að þorna.
• Hafið í huga á vorin og haustin sest oft dögg á tréverk þegar hitastig er lágt.
• Jotun Terrassebeis þarf að vera orðin þurr áður en hún fær á sig raka. Athugið veðurspár hvort líkur
séu á rigningu fyrsta sólarhringinn eftir að efnið er borið á.
• Fylgið leiðbeiningum um notkun vandlega.
Rétt er að benda á að í Áhaldaleigu Húsasmiðjunnar er hægt að leigja sérhæft tæki til að hreinsa
viðarpalla og stéttar.
100
Jotun Terrasserens er kröftugt hreinsiefni sem hreinsar upp
viðarfleti og fjarlægir sveppagróður, sót, grillolíur, ryk o.fl. Vætið fyrst
flötinn með köldu vatni. Berið efnið á óþynnt með rúllu eða pensli á
flötinn. Skrúbbið svo létt yfir þannig að efnið dreifist vel. Látið liggja
á í 15 - 20 mín. Gætið að væta flötinn með vatni á meðan svo efnið
þorni ekki, spúlið svo af með hreinu vatni. Eftir að viðurinn er orðinn
þurr, er hægt að bera á Jotun Treolje eða Trebitt Terrassebeis.
ATH! Jotun Terrasserens lýsir einnig upp viðinn og ber að varast að
hann fari á aðra fleti en unnið er með.
Jotun Terrassebleker er lífrænt hreinsiefni sem frískar upp
viðarfleti og fjarlægir viðargráma. Skal nota eftir hreinsun með Jotun
Terrasserens. Sé þörf á að lýsa viðinn enn frekar berið efnið óþynnt
með rúllu eða moppu á flötinn. Látið svo liggja á í 15 - 30 mín. Gætið
að væta flötinn með vatni á meðan svo efnið þorni ekki, spúlið svo af
með hreinu vatni. Athugið að efnið hentar ekki á eik eða tekk Eftir að
viðurinn er orðinn þurr, er hægt að bera á Jotun Treolje eða Trebitt
Terrassebeis.