Deutsch_euskaldunentzat

1. GRAMMATIK - Modul 2
GR 13
Akkusativ
Aditza iragankorra denean, subjektua, aditza eta objektua dira perpaus
bakunaren osatzaileak.
Adibidez, schlafen-ek ez du subjektua baino behar, nork lo egin duen edo
nor dagoen lo jakin behar da.
Sein aditzak ere ez darama osagarri zuzenik (Akkusativ), nominatiboa
baizik (subjektuari buruzko zehaztasunak), aditz iragangaitza delako.
Das ist Peter.
Er ist Ottopatxis Freund.
Sehen aditzak, ordea, argibide gehiago eskatzen du: nor/zer ikusi duen
nork. Nork subjektua dela badakigu jadanik. Ikusi den gauza edo pertsona
osagarri zuzena da hemen, hau da Akkusativa. Perpaus bakunean
gehienetan agertzen dena da.
◊ Ikus. Dativ buruzko argibide gehiago GR 15. Dativen fitxan.
Ottopatxi (wer?) sieht das Haus (was?).
Ottopatxi (wer?) sieht den Jungen (wen?).
Objektua zein den, artikuluak argitzen digu, deklinatu egin behar baita.
Izenaren ordez pertsona-izenordaina badago, hori ere deklinatu egiten
da. Beraz, edo objektuaren izena edo haren pertsona-izenordaina jarri
behar da beti.
Gauzentzat: Was? (ein Haus) eta pertsonentzat: Wen? (den Jungen) galdetzen
da, Akkusativ denean.
55