Deutsch_euskaldunentzat

Hallo Freunde,
Kaixo lagunok:
Ottopatxi naiz eta zuen artean lurreratu berria
naiz, zuekin alemana ikasteko eta gozatzeko.
Espero dut nire aholkuak lagungarriak izan zaizkizuela,
eta nirekin jolas batzuk egiteko ere
prest egongo zaretela!
Hemen, alemana ikasteko lagungarri izango dituzuen
gai batzuk aurki ditzakezue. Lehenenik eta
behin, Lt irakurtzea gomendatzen dizuet, hizkuntza
berrira hurbiltzeko lagungarria izango zaizue-eta.
Gero, gramatika arloa finkatu eta ziurtatzeko,
ariketa batzuk egin ditzakezue. Baina,
jakina, atalen artean loturarik ez dagoenez,
kurtsoan zehar zuen beharraren arabera erabil
ditzakezue atal desberdinak. KOM eta IKU ataletan,
eguneroko egoerari buruzko informazioa ez
ezik, beraien bizimoduari buruz hitz egiten
duten gazte alemanak ere ezagutuko dituzue.
Batzuetan galderak egingo dizkizuet, edo beste
herri batera eramango zaituztet. Beste batzuetan,
erantzunak internet-en bilatu beharko dituzue.
Baina orain hasi elkarrekin gozatzen eta ondo
pasatzen!
Laster arte
Ottopatxi
Liburu honek euskararen eta alemanaren arteko eta, oro har, euskararen
eta atzerriko hizkuntzen arteko harremanak zuzenekoa izan behar
duelako ideia hartu du abiapuntutzat.
Alde batetik, atzerriko hizkuntzen irakaskuntzan ama hizkuntza kontuan
hartzea didaktikoki lagungarria delako, bai gramatika arloan eta
ariketak egitean, eta baita kulturarekin zerikusirik duten gaiak lantzean
ere. Izan ere, ikasleek, elebidunak izanda ere, ama-hizkuntza hartzen
baitute abiapuntutzat beste hizkuntzak ikasteko orduan: euskaldunen
kasuan, euskara, alegia.
6