Deutsch_euskaldunentzat

1. GRAMMATIK - Modul 1
GR 8
Der Aussagesatz
Perpausen sintaxia elementu ezberdinez osatzen da: subjektua, objektua,
eta zenbait osagarri. Alemanez sintaxi hau aditz eta subjektuaren
inguruan jartzen da. Subjektua aditzaren aurretik joaten da gehienetan.
Aditza bigarren posizioan egoten da normalean, gero aditzarekin lotuta
doazen objektuak eta, azkenik, osagarriak.
Wir fliegen morgen nach Berlin
Denbora, lekua edo modua adierazten duten osagarri guztiak ez dira
nahitaezkoak esaldian, baina dagoen bakoitzak bere lekua du esaldian:
Ich gehe morgen alleine ins Kino.
Esaldi honetan denborazko, moduzko eta lekuzko elementuak daude.
Haien ordena orokorra ondoko hau: lehenengo denbora, gero modua eta
azkenean lekua ipintzen da.
Sintaxiaren elementu bakarra ere indartu daiteke. Elementu hori aditzaren
aurrean ipini behar da, baina osagarri bat ipintzen den bakoitzean,
subjektua aditzaren atzera doa. Kontuan hartu ezinezkoa dela osagarri
ezberdin bat baino gehiago ipintzea!
Morgen fliegen wir nach Berlin.
Nach Berlin fliegen wir morgen.
Kontuan hartzekoa da: Adibideko dann eta antzerakoak erabiltzen direnean,
haien atzean ezin da komarik jarri, eta esaldiaren sintaxia aldatu
egin behar da, gainera.
Dann komme ich.
Nahiz eta guztiak oraindik ez ezagutu, hona hemen garrantzitsuenak:
andererseits, also, ausserdem, besonders, danach, dann, deshalb,
endlich, manchmal, meiner Meinung nach, oft, schließlich, trotzdem.
35