Deutsch_euskaldunentzat

3. Interkulturalität - Modul 3
Adventskalenderarekin abenduko egunak kontatzen dira. 1etik 24 arte,
egunero, egutegi baten dauden 24 atetxoetatik bat zabaltzen da. Ate
ostean txokolate zati bat egoten da ezkutatuta.
Adventskranza berriz abendu osoan etxean edukitzen da. Lau kandela
dituen uztai bat da: lehen kandela azaroko azken igandean pizten da
normalean. Bigarrena, abenduko lehenengo igandean, eta, horrela jarraituz,
lau kandelak piztuta dauden arte.
4. Bada horrelako tradiziorik zuenean? Nolako ohiturak
dituzue jai eta ospakizun horien inguruan? Ezagutzen
duzu ‘Neujahr’ otsailean ospatzen duen beste herrialderik?
Edo ‘Weihnachten’ urtarrilean edo agian jai horiek
ospa tzen ez dituen herrialderik?
◊ Ikus GR 7 Zahlen fitxa.
Alemaniako jai tradizionalei buruz ari garenean, herriko jaiak ere aipatu
behar dira. Ospatzen diren herrialdearen arabera, izen desberdinak
dituzte: Kirchweih, Kirmes, Kerb… Lurralde batzuetan (Bayern, Baden-
Württembergen behintzat) jendeak bere Trachten (soineko tipikoak) jazten
ditu eta Festplatz-era joaten da dantzatzera, jatera eta garagardoa
edatera.
Bertan janaria ere oso tipikoa izaten da sarritan idi batzuk erretzen dira.
Ospetsuena München-eko Oktoberfest da.
(www.muenchen.de/ Tourismus/Oktoberfest/7548/index.html)
5. Zein dira zure herrialdeko herriko jairik ospetsuenak?
Zergatik?
Eta zuen janari tipikoa? Idatzi!
171