You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4<br />
BARN:<br />
Un o’r heriau sy’n ein wynebu ni yng<br />
Nghymru, fel mewn gwledydd eraill, ydy<br />
cyfathrebu negeseuon.<br />
Mae’r obsesiwn sydd yn Lloegr gyda’u ‘straplines’ yn<br />
eu harwain i ddyfroedd dyfnion iawn, yn aml iawn.<br />
Felly faswn i ddim yn hyrwyddo hynny, ond mae<br />
cyfathrebu, yn rhyfedd iawn, i feidrolion sy’n medru<br />
siarad, yn her.<br />
O ran y maes tai, un peth dw i wedi sylwi arno ydy bod<br />
rhai yn cyfeirio at y broblem dai gwyliau fel y broblem<br />
‘Airbnb’.<br />
I rai ohonom,<br />
rydyn ni’n deall bod y<br />
defnydd o’r gair<br />
‘Airbnb’ weithiau yn<br />
gyfystyr â chyfeirio<br />
at bob math o dai<br />
gwyliau, ac y defnyddir<br />
‘Airbnb’ weithiau i<br />
gynrychioli ‘tai<br />
gwyliau’.<br />
Ond i laweroedd nad sydd ynghlwm â thrafodaethau yn<br />
ymwneud â thai gwyliau (er efallai yn berchen ar un!),<br />
mae Airbnb yn golygu Airbnb.<br />
Hynny yw os yw eich tŷ gwyliau ar unrhyw wefan arall,<br />
ond ddim ar Airbnb, yna mae popeth yn iawn, mae’ch<br />
cyfraniad yn fawr.<br />
Hynny yw, mae camddealltwriaeth o amgylch bod<br />
rhai yn credu mai’r platfform yw’r broblem, ac nid y tai<br />
gwyliau - i gyd, ar ba bynnag blatfform maen nhw’n cael<br />
eu gwerthu.<br />
Mae dealltwriaeth ymysg rhai bod dweud Airbnb yn<br />
golygu tai gwyliau, ond rhaid i’r rhai sy’n deall hyn,<br />
ddeall nad dyma ddealltwriaeth pawb o’r ‘term’.<br />
Dw i’n nabod rhai sydd yn tynnu eu tai gwyliau oddi ar<br />
y platfform hwnnw, ond yn eu cadw ar blatfformau eraill,<br />
ac yn wirioneddol gredu nad yw eu tŷ gwyliau nhw yn y<br />
pentref yn broblem bellach.<br />
Gochelwn felly rhag cyfathrebu ‘tai gwyliau’ fel hyn.<br />
A thra ein bod yn faes chwarae i bobl ddwad, ry’n ni ar<br />
yr un pryd yn hollol amherthnasol fel endid, yn wir dydyn<br />
ni ddim yn cael ein gweld o gwbl.<br />
Wrth i mi sgwennu’r pwt bach hwn, y ‘newyddion’ ydy,<br />
yn ôl ystadegau o ‘swyddfa’r ystadegau’ (Lloegr) fod llai<br />
‘Beth mae hyn oll yn ei wneud ydy ein<br />
glynu ymhellach wrth Loegr, gwanhau ein<br />
democratiaeth a’n analluogi i gynllunio’<br />
Dewch bawb felly i fyw<br />
‘yngnghymrualloegr’ mewn<br />
‘Airbnb’ a bydd popeth yn iawn!<br />
‘...ry’n ni ar yr un pryd yn hollol<br />
amherthnasol fel endid, yn wir dydyn<br />
ni ddim yn cael ein gweld o gwbl’<br />
- gan Heledd Gwyndaf<br />
o blant wedi eu geni eleni yngnghymrualloegr.<br />
Nid yw hyn yn dweud DIM wrthym am niferoedd geni<br />
yng Nghymru. Gall fod y nifer wedi dyblu yng Nghymru,<br />
ond os y byddai wedi gostwng yn Lloegr, gall ei fod dal<br />
wedi gostwng yngnghymrualloegr.<br />
Nawr mae ffigyrau am bethau fel hyn, ac yn enwedig<br />
hefyd ym maes trosedd a chosb yn penderfynu ar sut mae<br />
gwlad yn mynd i’r afael â heriau sy’n debygol o godi yn<br />
sgil y ffigyrau hyn, a beth ddylsai blaenoriaeth gwlad fod.<br />
Tra fod pobl Cymru yn cael ffeithiau anghywir, mi<br />
fyddwn ni’n cynllunio yn anghywir.<br />
Mae hi’n anodd iawn, os nad yn<br />
amhosibl cael ffigyrau cywir am<br />
Gymru yn unig ar wefan y swyddfa<br />
ystadegau (nid ydym hyd yn oed<br />
yn atodiad), ac yn sicr mae’n hen<br />
bryd i newyddion Radio Cymru<br />
(BBC) roi’r gorau i adrodd ffigyrau<br />
yngnghymrualloegr a chreu<br />
trafodaethau o amgylch rhywbeth na<br />
wyddwn os yw hyd yn oed yn berthnasol i ni.<br />
Beth mae hyn oll yn ei wneud ydy ein glynu ymhellach<br />
wrth Loegr, gwanhau ein democratiaeth a’n analluogi i<br />
gynllunio.<br />
Tan ein bod yn wlad annibynnol,<br />
yngnghymrualloegr fyddwn ni, ond tan hynny, rhaid i’n<br />
Llywodraeth ni roi’r gorau i ymwneud ag unrhywbeth<br />
sydd yngnghymrualloegr - ac mae yn sicr angen i staff y<br />
BBC yng Nghymru wneud hefyd.<br />
‘Roedd cyngor R Alun<br />
wastad yn werth ei gael’<br />
- teyrngedau i’r darlledwr<br />
Bu farw’r darlledwr, awdur a gweinidog gyda’r<br />
Annibynwyr, y Parchedig R Alun Evans yn dilyn salwch<br />
byr fis diwethaf. Roedd yn 86 oed.<br />
Mewn gyrfa amrywiol gyda’r BBC roedd yn un o wynebau<br />
a lleisiau mwyaf cyfarwydd y byd darlledu Cymraeg. Bu’n<br />
gyflwynydd y rhaglen gylchgrawn Heddiw yn y 1970au, yn<br />
sylwebydd ar gemau pêl-droed a digwyddiadau mawr y BBC<br />
yn y Gymraeg.<br />
Yn ogystal a’i waith darlledu daeth yn ffigwr amlwg<br />
yn yr Eisteddfod Genedlaethol gan ymgymryd â sawl rôl<br />
allweddol, cyn cael ei anrhydeddu’n Gymrawd am oes o<br />
wasanaeth i’r Brifwyl.<br />
Bu hefyd yn Llywydd ar yr Annibynwyr Cymraeg.<br />
Mewn teyrnged iddo dywedodd Betsan Moses, Prif<br />
Weithredwr yr Eisteddfod Genedlaethol: “Bu’n rhan o<br />
lywodraethiant y Brifwyl am flynyddoedd lawer, ac roedd ei<br />
ffyniant a’i datblygiad yn agos iawn<br />
at ei galon.<br />
“Roedd yn arweinydd naturiol a<br />
gofalus yn ystod ei gyfnod wrth y<br />
llyw, ac roedd ein perthynas gydag<br />
R Alun yr un mor gryf ac agos<br />
heddiw ag y bu erioed.<br />
“Cwta dair wythnos yn ôl roedden<br />
ni’n cydweithio er mwyn cwblhau’r<br />
argraffiad newydd o’i gyfrol ar hanes<br />
Gwobr Goffa Llwyd o’r Bryn, ac<br />
rydyn ni mor falch o fod wedi cael y cyfle i gwblhau’r<br />
prosiect hwn a oedd mor agos at ei galon.<br />
“Roedd cyngor R Alun wastad yn werth ei gael. Roedd<br />
yn fodern ei weledigaeth, yn gweld dyfodol yr Eisteddfod<br />
yn glir, ac yn rhannu o’i brofiad a’i syniadau gyda ni tan y<br />
diwedd.”<br />
Dywedodd Rhuanedd Richards, Cyfarwyddwr BBC<br />
Cymru: “Roedd R Alun Evans yn ddarlledwr crefftus a<br />
chraff; yn gawr ac yn arloeswr ymhlith darlledwyr Cymru<br />
dros sawl degawd a chanddo’r gallu unigryw hwnnw i greu<br />
agosatrwydd arbennig gyda’i gynulleidfa. Fe dorrodd dir<br />
newydd mewn sawl maes yn y byd darlledu.<br />
“Roedd yn gyflwynydd newyddion ar y rhaglen Heddiw, yn<br />
gyfrifol am sylwebaethau pêl-droed cofiadwy, yn dywysydd<br />
drwy seremonïau Eisteddfodol dirifedi ac ar raglenni addysg<br />
a chrefydd y BBC.”<br />
Cafodd ei eni a’i fagu yn Llanbrynmair cyn graddio yn<br />
y Gymraeg ym Mhrifysgol Bangor. Ddilynodd ei dad i’r<br />
weinidogaeth a chael ei ordeinio yn Llandysul yn 1961.<br />
Ond roedd eisoes wedi dechrau ymddiddori mewn darlledu<br />
ac fe ymunodd ag Adran Grefydd BBC Cymru yn 1964.<br />
Ymunodd â rhaglen Heddiw yn 1969, gan ohebu a<br />
chyflwyno tan 1979. Yn ystod y cyfnod hwn bu hefyd yn<br />
sylwebu ar seremonïau’r Eisteddfod ac yn sylwebu ar gemau<br />
pêl-droed.<br />
Fe’i dyrchafwyd wedyn yn un o reolwyr y BBC a chafodd<br />
ei benodi’n bennaeth ar ganolfan y BBC ym Mangor. 81.<br />
Ar ôl ymddeol o’r byd darlledu yn 1996, fe astudiodd<br />
a chael Doethuriaeth am ei waith ar ‘Dechrau a datblygu<br />
darlledu yng Ngogledd Cymru’.<br />
Fe ddychwelodd hefyd i’r weinidogaeth, gan wasanaethu<br />
i’r Annibynwyr yng Nghaerffili a Gwaelod y Garth nes ei<br />
ymddeoliad ddiwedd 2014.<br />
Gawn ni ysgol newydd fel hyn plis? ...barn y disgyblion i benseiri eu hadeilad newydd<br />
Cymerwyd cam ymlaen mewn prosiect i ail-ddatblygu’r<br />
ysgol ac adnoddau cymunedol ym Montnewydd ger<br />
Caernarfon, wrth i Gyngor Gwynedd benodi’r penseiri<br />
fydd yn dylunio’r adeiladau newydd.<br />
Bu cyfle i gynrychiolwyr o gwmni TACP o Wrecsam i<br />
gwrdd â theulu’r ysgol yn ystod ymweliad cyn diwedd<br />
tymor yr haf er mwyn iddynt gael gweld beth yw anghenion<br />
y disgyblion, y staff a’r gymuned wrth i waith ar y cynllun<br />
gwerth hyd at £12 miliwn symud yn ei flaen.<br />
Yn ystod eu hymweliad roedd cyfle i’r penseiri glywed<br />
gan y disgyblion beth hoffent weld yn eu hysgol newydd ac<br />
i drafod anghenion staff yr ysgol gyda’r pennaeth.<br />
Yr Wyddfa - neu fel y disgrifir yn aml am ryw reswm od<br />
- ‘Y mynydd uchaf yng Nghymru a Lloegr’<br />
Un o gonglfeini’r ysgol newydd fydd ei ethos ecogyfeillgar.<br />
Bydd hyn yn amlwg yn ystod y gwaith adeiladu<br />
gyda’r bwriad o ail-ddefnyddio cymaint ag sy’n bosib o<br />
ddeunyddiau gwreiddiol yr ysgol a’r ganolfan gymunedol<br />
bresennol gan leihau cylch bywyd carbon yr adeilad ac<br />
adnoddau newydd. Yna, wedi i’r ysgol newydd agor,<br />
bydd yr adeilad yn sero net o ran ei allyriadau nwyon tŷ<br />
gwydr gan wneud defnydd o ynni adnewyddol, insiwleiddio<br />
effeithlon ac annog teithio cynaliadwy.<br />
Dywedodd y Cynghorydd Menna Trenholme, Aelod<br />
o Gyngor Gwynedd dros Bontnewydd: “Roedd yn braf<br />
iawn cael croesawu’r penseiri i Bontnewydd ac roedd yn<br />
gyfle gwych i ni ddechrau trafod ein dymuniadau ar gyfer<br />
yr ysgol a’r adnoddau cymunedol efo nhw. Roedd yn<br />
fendigedig cael mewnbwn y plant a dwi’n edrych ymlaen at<br />
gael cyfleoedd pellach i gydweithio i’r dyfodol.<br />
“Er bod yr hen ysgol yn agos at galonnau pawb ohonom<br />
ac mae’n le hapus, does dim dwywaith fod pawb yn edrych<br />
ymlaen yn fawr at weld y cynlluniau’n siapio a’r ysgol<br />
newydd yn cael ei chodi.<br />
“Rydw i’n falch y bydd yr ysgol newydd yn fwy o ran ei<br />
maint gydag amgylchedd ac adnoddau dysgu sy’n gweddu<br />
gofynion modern.<br />
“Dwi hefyd yn falch y bydd cyfle trwy hyn i’r plant<br />
ddysgu am gynaliadwyedd a phensaernïaeth drwy gydol y<br />
prosiect.”