Create successful ePaper yourself
Turn your PDF publications into a flip-book with our unique Google optimized e-Paper software.
15<br />
Ar y cyfryngau -<br />
gan Dylan Wyn Williams<br />
Dau ffefryn gwych - dirgelwch y llofruddiaeth<br />
ym Môn - ac edrych ’nol ar yr ymgyrch losgi<br />
Beth sy’ gan ohebwyr BBC Cymru, prif leisydd<br />
‘Y Cyrff’ ers talwm, ffarmwr o Lanllechid, Theresa<br />
May a phrifardd coronog Boduan yn gyffredin?<br />
Mae’r cyfan i’w clywed ar bodlediad am ddirgelwch<br />
y llofruddiaeth ar y Fam Ynys adeg Pasg 2019.<br />
Mi fuasai’n gwneud chwip o ddrama deledu ar BBC<br />
Wales yn lle’r nonsens Wolf, ond am y tro, mi wnaiff<br />
stori sain chwe-rhan Meic Parry (y mae’r adroddwr<br />
Tim Hinman yn mynnu ei alw’n ‘Mike Perry’ am<br />
ryw reswm) yn tsiampion.<br />
The Crossbow Killer ydi cyfraniad diweddara<br />
Cymru i gronfa BBC Sounds, ac ydi, mae’n braf<br />
clywed acen Gogs fel Meic a’r gohebwyr Elen Wyn a<br />
Siôn Tecwyn, i ddrysu’r Middle Englanders sy’n meddwl ein<br />
bod ni gyd yn siarad Saesneg ystrydebol y Cymoedd.<br />
Mae’n hyfryd clywed Meic yn dechrau sgwrsio’n<br />
Gymraeg gydag ambell gyfrannwr iaith gyntaf hefyd, cyn troi<br />
i’r Saesneg er budd y gynulleidfa Brydeinig.<br />
Roeddwn i’n lled-ymwybodol o achos Gerald<br />
Corrigan, a laddwyd dan amgylchiadau erchyll wrth drïo<br />
trwsio signal teledu ei fwthyn - ond nid y mân droseddwyr<br />
eraill a ddatgelwyd fesul pennod.<br />
Roedd yr elfennau ddogfennol wir yn hoelio’r sylw, wrth<br />
glywed Meic Parry yn ail-greu siwrnai’r drwgweithredwyr a<br />
hel tystiolaeth CCTV i gyfeiliant y gwynt a’r tonnau ochr yn<br />
ochr â cherddoriaeth gefndir Mark Roberts.<br />
Gwrando wrth ddreifio oeddwn i’n bennaf, ond bu’n rhaid<br />
dal i fyny eto yn nhawelwch adra lle cefais fy nghludo’n ôl i<br />
arfordir gwyllt Ynys Gybi. Do, mi deimlais ias wrth wrando<br />
felly. Er bod y saethwr Terry Whall bellach dan glo, mae’r<br />
ffaith nad yw’r union gymhelliad yn gwbl glir yn awgrymu<br />
bod pennod afaelgar arall eto i ddod.<br />
‘Mae’n hyfryd clywed Meic yn<br />
dechrau sgwrsio’n Gymraeg<br />
gydag ambell gyfrannwr iaith gyntaf<br />
hefyd, cyn troi i’r Saesneg er budd<br />
y gynulleidfa Brydeinig’<br />
Daeth podlediadau i’r adwy sawl tro ar hyd yr A470<br />
syrffedus, wrth i mi lawrlwytho a gwrando’n ôl trwy system<br />
Bluetooth y car.<br />
Ffefryn arall ydi Gwreichion sy’n olrhain hanes yr ymgyrch<br />
losgi 30 mlynedd ers iddi ddod i ben.<br />
Roeddwn i’n gwybod ein bod ni mewn dwylo diogel,<br />
gan mai’r newyddiadurwr Ioan Wyn Evans oedd awdur a<br />
chyflwynydd podlediad cyfareddol Y Diflaniad am ffarmwr<br />
Pwylaidd ym mhentre Cwm-du ym 1953.<br />
’Nôl i’w bodlediad diweddaraf, ac mae’n gronicl<br />
cynhwysfawr o’r tŷ haf cyntaf a losgwyd ym 1979 hyd at yr<br />
achos llys drwgenwog yng Nghaernarfon 1993.<br />
Clywn gan arbenigwyr niferus, o’r hanesydd Dr Elin<br />
Jones, Marian Wyn Jones ac Alun Lenny o’r BBC, a’r<br />
cyn-wleidyddion Elfyn Llwyd a’r Tori Nicholas Bennett - heb<br />
anghofio Dafydd Iwan.<br />
Meic Parry<br />
arlein - Y<strong>Cymro</strong>.Cymru<br />
Y bennod ddifyrraf oedd ‘Yng ngwyneb y<br />
fflam’ am y bobl gyffredin ddaeth i gyswllt â<br />
gweithredoedd Meibion Glyndŵr.<br />
Clywsom am brofiadau Euros Edwards,<br />
‘dyn y Preseli o’i gorun i’w sawdl’ ac aelod<br />
o’r criw tân lleol wnaeth ymateb i dŷ a oedd<br />
yn wenfflam yn unigeddau Mynachlog-ddu<br />
ym 1985.<br />
Wrth iddo fe ac Ioan Wyn Evans<br />
ddychwelyd i safle’r llosgi, mae’n cofio’r<br />
braw o weld bom tân (incendiery device) yn<br />
ffrwydro yn llaw’r arbenigwr difa.<br />
Cawn atgof arall o fis <strong>Medi</strong> 1986, a<br />
Marian Wyn Jones yn sôn am ‘gyfweliad<br />
emosiynol iawn iawn’ gyda pherchennog tŷ<br />
haf a losgwyd yn golsyn.<br />
Perchennog a oedd yn digwydd siarad<br />
Cymraeg, cofiwch.<br />
Prawf nad oedd y sefyllfa’n gwbl ddu a gwyn, fel y Cymry<br />
hynny sy’n elwa ar yr AirBnBs cynhennus heddiw.<br />
Mae cyfres dwy ran Firebombers! ar iPlayer yn trafod yr un<br />
cyfnod cythryblus yn ein hanes, ac yn y ciw gwylio fama.<br />
Bechod nad ydi’r rhaglen ddogfen Bryn Fôn: Chwilio am<br />
Feibion Glyndwr a ddarlledwyd ar S4C dwy flynedd yn ôl<br />
yn dal ar gael trwy archif Clic.<br />
Sôn am Clic, braf gweld y gwasanaeth ar alw Cymraeg yn<br />
ymddangos ochr yn ochr â’r mawrion ffrydio fel Netflix a<br />
Disney+, gan agor S4C i 16 miliwn o gartrefi newydd yn ôl<br />
gwefan freeview.co.uk.<br />
Llai o wylio ar sgrin bitw fy ffôn lôn felly, a mwy ar deledu<br />
clyfar mawr y lolfa, yn enwedig gan fod Clic yn<br />
rhagori ar iPlayer o safbwynt isdeitlau Cymraeg.<br />
Jesd mewn pryd i ddal i fyny ar rygbi o Ffrainc a<br />
drama newydd Anfamol y mis hwn.<br />
The Crossbow Killer - mi fuasai’n gwneud<br />
chwip o ddrama deledu ar BBC Wales<br />
Gwreichion sy’n olrhain hanes yr ymgyrch losgi<br />
30 mlynedd ers iddi ddod i ben<br />
Lauren Jenkins a phodlediad Cwpan Rygbi’r Byd<br />
Y Mosabbirs - Cymry Bangladeshaidd Aberteifi