Omega-Frettabref

Omega
Fréttabréf
Ágæti vinur,
Ég sendi þér bestu kveðjur frá Sjónvarpsstöðinni Omega.
Ég hef góðar fréttir að færa. Við erum að gefa út blað með vitnisburðum frá fólki
sem hefur eignast lifandi trú á Jesú Krist og uppbyggilegum trúarstyrkjandi greinum.
Fyrir nokkum árum gaf Omega út blað sem hét Betra land. Blaðinu var dreift inn á
hvert einasta heimili í landinu. Við erum Guði ævinlega þakklát fyrir þá sem hjálpuðu
til með þá öflugu boðun inn á heimili landsmanna Guði til dýrðar.
Nú erum við enn á ný að hefjast handa og væntanlega kemur blaðið út í ágúst n.k. Í
blaðinu verður kynning á Sjónvarpsstöðinni Omega og þeim mikilvæga boðskap sem
þar er til staðar.
Það eru einstök forréttindi að geta átt hlutdeild í því að miðla fagnaðarerindinu til
íslensku þjóðarinnar. Við viljum hvetja alla vini okkar, til að biðja fyrir þessu
mikilvæga útbreiðslustarfi.
Það er augljóst mál að við lifum á síðustu tímum þar sem við væntum þess að
Jesús komi til baka. Öll tákn benda til þess að tíminn sé stuttur.
Við verðum að gera allt sem í okkar valdi stendur til þess að ná til þjóðarinnar með
góðan og heilbrigðan boðskap, sem færir fólk nær Guði og hjálpar því að eignast
lifandi trú á Jesú Krist.
Baráttan hefur oft verið hörð. Í morgun þá las ég gott og uppbyggilegt orð sem ég
vil miðla mér þér. Það segir í Jakobsbréfi:
“Sæll er sá maður sem stenst freistingu og reynist hæfur. Guð mun veita honum
kórónu lífsins sem Hann hefur heitið þeim er elska Hann.“
Margoft lesum við í orði Guðs vers, þar sem Guð er að hvetja okkur til dáða. Guð
hvetur okkur til að treysta Honum og halda áfram því verki sem Hann hefur kallað
okkur til.
Það besta sem við getum gert er að sækja fram og gefa ekkert eftir.
Guð blessi þig og launi þér ríkulega fyrir hlutdeild þína í þessu mikilvæga
útbreiðslustarfi.
Vinarkveðja,