Betra land - 1 Tbl. - október 2015
- No tags were found...
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ég var staðráðinn í því að deyja
Nafn mitt er Rev. Ratna Kumar Sajja.
Ég vil byrja á því að gefa Guði dýrðina
af því að frelsa mig undan strangtrúaðri
fjölskyldu hindúatrúar. Ég
reyndi að standa gegn Guði en náð
hans, sem nær út fyrir allan mannlegan
skilning, leitaði mín og fann
mig þegar ég var týndur.
Ég fæddist inn í efri þjóðfélagsstétt
Kamma í Andhra Prades, á Indlandi,
árið 1964. Faðir minn, Sri. Gowthameswara
Rao Sajja, og móðir mín,
Srimathi Bharathi Devi, voru strangtrúaðir
hindúar. Föðurafi minn var meira að segja svo
ákafur í hindúatrú sinni að hann var í þjónustu
fyrir hindúatrúna og annaðist ýmsar helgiathafnir
og helgisiði.
Hindúar segjast hafa 330 milljón guði og
gyðjur. Foreldrar mínr voru trúfastir sínum
hindúaguðum. Faðir minn var trúræknastur
allra í fjölskyldunni. Hann fór á fætur fyrir sólarupprás
til þess að fara eftir venjum og helgisiðum
eins og því að baða sig í helgri á, fara
með hindúamöntrur og brenna reykelsi. Hann
gerði þetta í von um að geta með því nálgast
guð. Í leit sinni að guði hitti hann margt strangtrúað
hindúatrúarfólk, þar á meðal presta eða
lærimeistara (gúrúa) til þess að komast að því
hvort þeir hefðu nokkurn tíma séð guð, en viðbrögð
þeirra voru ekki uppörvandi.
Móðir mín hélt fast við líkneskin sín og
skreytti þau blómsveigum á hverjum morgni.
Við fórum í pílagrímsferðir til helgra hofa til
þess að þóknast guðum og leita guðdómlegs
velvilja. Foreldrar mínir tóku trúarbrögðin
alvarlega og héldu föstur og vökur af einlægni.
Stéttarkerfi hindúa stendur gegn kristindómi.
Í gegnum aldirnar hafa þeir talið kristið fólk
til stéttleysingja þjóðfélagsins. Meðal strangtrúaðra
hindúa er uppi sú skoðun að stéttleysingi
sé óhreinn. Honum er meinað að fara inn
í hindúahof. Hvorki má snerta hinn kristna
né nálgast hann. Hann þarf að vinna lélegustu
verkin og lág laun sjá til þess að hann
lifir í sárri fátækt. Í huga okkar fjölskyldu var
kristindómurinn trú stéttleysingja. Ef kristinn
einstaklingur snerti eitthvað töldum við að það
yrði óhreint við það. Til þess að hreinsa það aftur,
þurfti að brenna það í eldi og þvo með vatni.
Þótt við værum fáfróð í viðhorfi okkar til
raunveruleikans notaði Guð ýmsar kringumstæður
til þess að leiða okkur til þekkingar
á sér. Á þessum tímum þjáðist amma mín af
blóðlátum og hafði leitað til margra lækna en
illa útbúnir spítalarnir gátu ekkert fyrir hana
gert. Síðasta hálmstrá hennar var að fara til
hvítasunnuprests sem bað fyrir henni og hún
læknaðist fyrir forsjá Guðs almáttugs. Þetta
kveikti trúarneista í lífi hennar en hún mátti
þola alvarlegt mótlæti af hálfu fjölskyldunnar
vegna trúarinnar á Jesú. Synir hennar vildu
ekki snerta hana og töldu að hún hefði orðið
óhrein við það að heimsækja prestinn. Fjölskyldan
gladdist öll yfir lækningu hennar en
líkaði ekki við Jesú vegna allra ranghugmyndanna
sem fjölskyldan hafði um kristindóm.
Í atvinnuleit fluttu foreldrar mínir til Nellore
héraðsins í Andhra Pradesh. Við börnin vorum
þrjú talsins, Prasada Rao Sajja, Santa Kumari
og ég, Ratna Kumar. Þegar ég var þriggja
ára veiktist ég af mikilli hitasótt sem leiddi að
betra líf október 2015
3