Shkendijat 42

..
shkendijat
Revistë për nxënësit e shkollave fillore, kaTËrkollë, nr. 42 maj—2023

Redaksia e revistës “Shkëndijat”
ju uron— Gëzuar Ditën e Shkollës—15 Maj. Me
këtë rast falënderojmë të gjithë nxënësit dhe
mësimdhënësit për bashkëpunimin.
SHKË NDIJAT
Revista shkollore
Nr. 42
Kryeredaktore:
Prof. Ardita Muçaj
Redaktore:
Prof. Arjeta Kurti
Dizajni:
prof. Memli Kurti
Ndihmoi: Seksioni letrar
Për shtypin e këtij numri
falënderojmë
ish-mësuesin e kësaj
shkolle e tashmë afaristin e
suksesshëm në SHBA
z. Flamur Anamali, i cili
për të dytin vit radhazi
mundësoi botimin e kësaj
reviste. Ne si shkollë i jemi
mirënjohës pafundësisht
për kontributin dhe
përkrahjen e vazhdueshme .
Përmbajtja
Revista e shte regjistruar ne
evidence n e mjeteve informative
publike te RMZ ne n nr. rendor
03/1-889, prane Sekretariatit pe r
informim
Adresa:
Shkolla fillore “Bedri Elezaga”
Kate rkolle
85366
Tel: 030/459-230
E-mail : bedrielezaga@t-com.me
skola@os-belezaga.edu.me
Nr. Zh. Ll.— 530 - 2982 - 88
NLB BANKA AD Filiali—Ulqin
Faqja 3.........................................Fjala e drejtorit
Faqja 4......................................... In Memoriam
Faqja 5........................................ .Jubilari
Faqja 6.........................................Një jetë në arsim
Faqja 7........................................ .Risi
Faqja 8 ........................................ Historiku– Rinovimi
Faqja 9......................................... Trojet tona
Faqja 10........................................ Psikologji
Faqja 11.......................................Të dalluarit
Faqja 12—13...............................Garat
Faqja 14—15...............................Aktivitete argëtuese
Faqja 16........................................Mjedisi
Faqja 17........................................Dhuratat
Faqja 18-19..................................Aktivitete
Faqja 20-21...................................Krijimtaria letrare
Faqja 22-23...................................Krijimtaria letrare
Faqja 24-25...................................Krijimtaria letrare
Faqja 26-27...................................Ekskursioni
Faqja 28-31....................................Galeria
Faqja 32 ........................................Gjenerata 2022 / 2023

Drejtori
Një VIT PLOT ARRITJE
Sot në një realitet të ri shkolla jonë ka
objektiva, mision dhe vizion të qartë.
Metodologjia në shkollën tonë mbështetet
në rregullat e Republikës së Malit të Zi, mbi
arsimin dhe edukimin, e cila në qendër ka
nxënësin. Me përkushtimin maksimal, me
seriozitet dhe punë të pandalshme synojmë
që të arrijmë objektivat, që kjo shkollë vërtet
të jetë anëtare në familjen e shkollave
bashkëkohore.
Puna ime për këtë periudhë është e
fokusuar që të gjithë ta ndiejnë vetën e vet
të barabartë në mes të barabartëve, ku me
anë të aktiviteteve të ndryshme të gjithë të
ndihen të motivuar të promovojnë vlerat dhe arritjet në aspektin edukativo-arsimor në këtë
institucion.
Shkolla jonë është dhe mbetet vatër e diturisë dhe e dritës për shumë gjenerata me radhë, nga
gjiri i së cilës lindën shumë intelektualë me të cilët krenohet treva jonë e më gjerë. Mburremi
me ish nxënës të kësaj shkolle, të cilët sot po japin kontributin nga vendet ku jetojnë e punojnë.
Vlen të theksohet se gjatë këtij viti shkollor u realizuan disa projekte me vlerë të
rëndësishme si : rinovimi i paraleleve të ndara në Krythë, Millë dhe Rashtishë, tek të cilat u
arrit që të krijohen kushte më të përshtatshme dhe më bashkëkohore për zhvillimin e procesit
mësimor. Theks i veçantë bie mbi rijetësimin e hapësirës më me vlerë të këtij institucioni,
bibliotekës së shkollës, rinovimi i së cilës sot na ofron kushte të favorshme për lexim, mësim,
orë jashtë mësimore dhe takime të ndryshme .
Të gjitha këto projekte u realizuan falë donacioneve të vazhdueshme nga bashkatdhetarët
tanë nga diaspora, të cilët çdo herë na gjenden pranë me përkrahjen dhe mbështetjen e
palodhur , gjë për të cilën i falënderojmë dhe iu jemi mirënjohës .
Nuk mund të lëmë pa përmendur edhe raportin dhe bashkëpunimin e vazhdueshëm me
komunën e Ulqinit si dhe me të gjitha ndërmarrjet që funksionojnë në kuadër të Komunës.
Falë mësimdhënësve të shkollës dhe angazhimit të tyre, sot nxënësit tonë korrin suksese në
gara të ndryshme si në kuadër të shkollës, po ashtu edhe në gara lokale dhe republikane, pa
harruar edhe aktivitetet
jashtë mësimore.
Vetëm me punë,
vullnet të mirë,
angazhim maksimal të të
gjithëve sot kemi nxënës
të shkëlqyer, nesër njerëz
të dalluar në shërbim të
familjes, vendit dhe
gjithë komunitetit.
Foto: Samir Ismaili
Shkëndijat 41 Faqja 3

In memoriam
Avni Kurti ( 1950—2023 )
Avni Kurti u lind në vitin 1950, në fshatin Sukubinë, fshat i cili dha
shumë intelektual të profileve të ndryshme. Në vendlindje kreu
shkollën fillore, nga klasa e parë deri në të gjashtën, kurse klasën e
shtatë dhe të tetë i kreu në Katërkollë. Pas përfundimit të shkollës
fillore , Avniu pat fatin e mirë që shkollën e mesme ta vazhdojë në
Ulqin në vitin 1965/66, të cilën e kreu me sukses dhe në afat. Në
atë kohë nevoja për kuadro të arsimuar ishte e madhe dhe Avniu
vazhdon SHLP në Prizren në Grupin Gjuhë dhe Letërsi ruse, ku
dhe merr titullin arsimtar i kësaj lënde. Në shtator të vitit 1971
punësohet pranë Shkollës fillore “Bedri Elezaga” në Katërkollë.
Disa vite me radhë ka punuar edhe në Krythë e Sukubinë me klasat e pesta duke dhënë të
njëjtën gjuhë. Avniu i takon plejadës së intelektualëve në arsim që dhanë dritë në Anë të
Malit.
Nga viti 1990 Avniu shkëputet nga mësimdhënia dhe merr vendimin në vendin e punës si
bibliotekist i shkollës, punë të cilën e kryente me pasion ku nxënësve në çdo kohë dhe me
kënaqësi u shërbente. Çdo herë ishte pranë nxënësve duke i udhëzuar për lektyrat shkollore
dhe ato jashtëshkollore me vlera edukative e arsimore. Pas një pune 46-të vjeçare Avniu
shkon në pension në janar të vitit 2017. Gëzoi pensionin në gjirin familjar për 6-të vite. Avniu
kishte ndërtuar një familje mbi baza të forta , një familje të shëndoshtë ku jetonte i lumtur e
zemër plot deri në tetor të vitit 2020 ku humbi birin e tij të vetëm. Për gjatë dy vite e gjysmë
jetoi me dhimbjen e madhe dhe plagën e pashëruar. Avniu ndahet nga kjo jetë në janar të viti
2023, duke shtuar dhimbjen tek familja dhe mungesën tek miqtë, shokët, si dhe mbarë farefisi.
I pa harruar qoftë kujtimi për ty, mësues Avni Kurti!
Viti 1985
Faqja 4
Shkëndijat 41

Jubilari
TRI DEKADA MË PARË...
Viti shkollor 2022/23 përmban një domëthënie të
veçantë për shkollën fillore “ Bedri Elezaga” sepse
shënon Jubilarin 30- vjeçar të hartimit të Kalendarit
të parë shkollor. Pikërisht përgjatë vitit 1992/93 ,
mësimdhënësi, përkatësisht drejtori i atëhershëm i
kësaj shkolle, Z.Rexhep Lleshi, përpiloi për herë të
parë Kalendarin shkollor, qëllimi i të cilit ishte
koordinimi dhe harmonizimi i punës brenda një viti
mësimor.
Sipas pohimit të vet autorit në një ndër shkrimet e
tij , ky ishte dokumenti i parë i tillë i shkruar dhe i
aprovuar në këtë shkollë dhe e i vetmi në Republikën
e Malit të Zi.
Kalendari shkollor 1992/93
Kështu me iniciativën e vet drejtorit të atëhershëm,
kalendari u hartua në formën më të mirë të mundshme për tu ofruar në shqyrtim fillimisht Këshillit të
Mësimdhënësve të Shkollës i cili aprovoi njëzëri këtë dokument duke nxjerrë për herë të parë Kalendarin shkollor
për vitin 1992/93. Kalendari kryesisht cilësohej me numër të njëjtë të ditëve të javës H - P, në gjysmëvetorin e
parë dhe të dytë, për klasët e I-VII dhe VIII, të fundit. Ai u bë bazë dhe shërbeu si çelës i sigurt në organizimin e
punës, planifikimin e drejtë dhe përfundimin e përkryer të të gjitha lëmive mësimore dhe jashtë mësimore në
shkollë. Ai ndihmonte përcjelljen me saktësi në çdo kohë dhe të çdo segmenti të punës dhe si i tillë u bë dhe
shërbeu si ”doracak” i punëtorëve të shkollës.
Si dokumennt pune për çdo vit shkollor kalendari i është dërguar Ministrisë së arsimit dhe shkencës në
bashkangjitje Planit vjetor të punës së shkollës.
Më vonë, më fillimin e Reformës së Re shkollore,
Ministria e Arsimit dhe Shkencës, për herë të parë
shpall Kalendarin për vitin shkollor 2003/2004
sipas të cilit punuan dhe punojnë ende të githa
shkollat ne Mal të Zi. Për shkollën tonë ky
dokument nuk ishte i ri, as i panjohur sepse me te
punonohej që 11 vite më parë.
Mirënjohje të veçantë dhe respekt z. Rexhep
Lleshi për profesionalizmin e treguar si dhe
kontributin që i dha shkollës „‟ Bedri Elezaga‟‟ tri
dekada më parë, dhe jo vetëm.
Kalendari shkollor 2022/23 Duhet kujtuar dhe vlerësuar edhe puna kërkimore
disavjeçare për nxjerrjen në dritë të botimit
„‟Monografia‟‟ e Shkollës Fillore „‟Bedri Elezaga‟‟ në Katërkollë, 1869-2019 , e që hyn radhën e çmuar të
botimeve rreth shkollës sonë.
Punë dhe vepra të tilla meritojnë të çmohen e kujtohen pavarësisht kalimit të viteve!
Shkëndijat 41 Faqja 5

Një jetë në arsim
Reshit Ujkashi
Arsimtar Reshit Ujkashi , u lind me datë 21.07.1958 në fshatin Sukubinë. Po
në këtë fshat ai përfundoi edhe arsimin fillestar (1965-1970) për të vazhduar
pastaj në Katërkollë përgjatë viteve 1971-1974. Shkollën e mesme e vazhdoi
në qytetin e Ulqinit , në gjimnazin e përgjithshëm “Vëllazërim -
Bashkim” (1974-1978).
Pas përfundimit të shkollës së mesme ars. Reshit Ujkashi vendosi që studimet
e larta t‟i vazhdoje ne SHLP “Xhevdet Doda” në Prizren , në degën e
matematikës. Ai studioi me vendosmëri dhe përkushtim , ku menjëherë pas
diplomimit ai fillon edhe të punojë në shkollën fillore “Muharrem Bekteshi”
në fshatin Hoce të Prizrenit ,si mësimdhënës i matematikës. Edhe pse atëherë
ende i ri në profesion, ai shumë shpejt u dallua si një mësues i shkëlqyeshëm ,
i njohur për përkushtimin , punën korrekte dhe kërkuese ,por mbi të gjitha për
dashurinë e treguar ndaj nxënësve të tij. Pas një periudhe të shkurtër pune në
Prizren, vendosi të kthehet në vendlindje , ku me datë 06.02.1982 , filloi punë
në shkollën fillore “Bedri Elezaga” në Katërkollë. Por ars. Reshiti në vitin 1983 ,largohet për të kryer shërbimin
ushtarak, i detyrueshëm në atë kohë. Menjëherë pas përfundimit të shërbimit ushtarak , me datë 15.06.1984 ,
vazhdon mësimdhënien si arsimtar i matematikës po në shkollën e Katërkollës. Që nga ai vit ai vazhdoi punën e
tij të palodhshme deri me datën 01.02.2023 ku edhe u pensionua duke përmbushur kështu gjithsej 40 vite pune ,
plot përkushtim , dashuri, angazhim dhe pasion për profesionin e tij, mësimdhënien .
Edhe pse tashmë i pensionuar nga mësimdhënia , trashëgimia e këtij
mësimdhënësi vazhdon te
jetojë në zemrat dhe mendjet e shume gjeneratave qe ai i mësoi.
Nebije Lika
Arsimtare Nebije Lika, u lind me 07.04.1961 në fshatin Brajshë. Shkollimin fillor
e ka mbaruar në vendlindje, në shkollën fillore “Bedri Elezaga”. Shkollën e
mesme e vazhdoi në Prishtinë, në drejtimin bashkëpunëtore – përkthyese e degës
arkivo- muzikore. Poashtu në Prishtinë e përfundoi edhe degën e bazave të
arsimit politeknik , ku edhe diplomohet, me datë 23.01.1986 . Pas përfundimit të
studimeve në afat dhe nivel të duhur , ars.Nebija rikthehet në vendlindje , ku për
herë të parë punësohet në fshatin fqinj Katërkollë, si ndihmëse dizajnere , në
fabrikën e tapetave “Ultep”.
Në vitin 1998/99 , ars.Nebija fillon punën në arsim tashmë në profesionin e saj si
mësimdhënëse e Arsimit Teknik në shkollat fillore “Marko
Nuculloviq” ,„‟Marshall Tito “ dhe “Bedri Elezaga”.
Me datë 01.11.2003 ajo punësohet me normë të plotë në shkollën fillore „‟Bedri
Elezaga‟‟ ku dhe fiton vendimin e përhershëm . Gjate kësaj periudhe, pikërisht
me datë 20.05.2005 përfundon me sukses kursin e I, II, III te kompjuterëve në
sistemin operativ WINDOWS 98 dhe ne programet : Microsoft Word , Microsof Exel, Corel Draw 8, Internet
Explorer dhe Outlock Express.
Ne këtë shkollë me sukses kreu edhe kursin për ICT coordinator.
Me 07.03.2016, për Ditën e Mësuesit, së bashku me bashkëshortin e saj , arsimtarin e biologjisë Rexhep
Liken ,shpërblehet me mirënjohje nga kolektivi i shkollës për kontributin e shquar si mësues në edukimin dhe
arsimimin e brezave, te nënshkruar nga kryetari I atëhershëm i O S ,i ndjeri Dritan Kurti.
Pas heqjes se arsimit teknik ,punoi si mësimdhënëse e teknikës dhe informatikës si dhe koordinatore e shkollës
deri në pensionim , me datën 01.02.2023.
Mësimdhënëse Nebije Lika do të mbahet mend si një mësuese, kolege dhe bashkëpunëtore e vyer dhe e
përkushtuar në këtë mision të shenjtë.
Faqja 6
Shkëndijat 41

Risi
Ndihemi të privilegjuar që shkolla jonë është një ndër shkollat e përzgjedhura në të
cilën u angazhua një ndër vullnetarët e Korpusit të Paqes, z. Eric Beuerman.
Vullnetari i Korpusit të Paqes në bashkëpunim me mësimdhënëset e gjuhës angleze, jo
vetëm që po realizon orë të gjuhës angleze por edhe aktivitete të larmishme edukative
jashtëshkollore, e gjitha me qëllim të shkëmbimit të njohurive dhe përvojave mes dy
shteteve, Malit të Zi dhe Shteteve të Bashkuara të Amerikës në fushën e arsimit.
Ceremonia e Betimit për 6 amerikanët e përzgjedhur që shërbejnë në shkollat në Mal të
Zi si vullnetarë të Korpusit të Paqes u mbajt në Podgoricë.
Korpusi i Paqes (Peace Corps) është program i vullnetarëve i drejtuar nga Qeveria e
Shteteve të Bashkuara të Amerikës, misioni i të cilit përfshin sigurimin e asistencës
teknike, duke ndihmuar njerëzit jashtë SHBA të kuptojnë kulturën amerikane dhe në të
njëjtën kohë të ndihmoj amerikanët të kuptojnë kulturat e vendeve tjera.
Nga viti 2018, Korpusi i Paqes vepron edhe në Mal të Zi, fillimisht vetëm në fushën e
arsimit.
1. Mund të na thoni se cilat kanë qenë pritshmëritë tuaja për shkollën ‘’Bedri Elezaga’’?
Kam zbuluar se kjo shkollë ka një komunitet të shkëlqyer të nxënësve. Gjithmonë e kam menduar se si mund të jetë një shkollë që i përket
një fshati të vogël. Në vjeshtë kam qenë në një shkollë tjetër në Peçuricë, nxënësit atje ishin shumë të mirë, kështu që e dija që nxënësit në
shkollën ‘’Bedri Elezaga’’ do të jenë të mirë gjithashtu.
2. Çfarë mendove për nxënësit dhe mësimdhënësit kur erdhe këtu për herë të parë?
Në ditën time të parë më uruan mirëseardhjen me një përshëndetje të veçantë enkas për mua në pjesën kryesore të shkollës. Kjo më bëri të
kuptoj që të gjithë do të sillen mirë .Isha i shqetësuar sepse mendoja që nuk do të arrija që t’i mësoj emrat e të gjithëve. Kjo mori vetëm
disa javë praktikë, por tani është e lehtë. Mësimdhënësit u treguan mikpritës, më shërbenin çaj dhe më pyesnin nëse ndihesha mirë dhe
nëse kisha nevojë për ndihmë.
3. A keni hasur në vështirësi gjatë komunikimit me mësimdhënës duke e ditur që nuk e njohin të gjithë gjuhën angleze?
Po, ndonjëherë është e vështirë ! Fatkeqësisht kur gjuha është një barrierë nuk mund të zhvillohen biseda interesante sepse personalisht as
unë nuk di fjalë në gjuhë shqipe. Shpresoj që dy vitet në vazhdim aftësitë e mia të gjuhës të përmirësohen në mënyrë që të komunikoj më
lirshëm me të tjerët.
Përveç asaj, unë gjatë kësaj kohe iu jam bashkuar disave nga mësimdhënësve për çaj në shkollë dhe jashtë shkolle , ku disa me ngrohtësi
më ftuan në shtëpitë e tyre. Duket se disa nga kolegët e mi shpresojnë që unë të martohem para se të largohem vitin tjetër( thotë duke
qeshur).
4. Jemi në dijeni që ju po përpiqeni të mësoni gjuhën shqipe. A mendoni që është një gjuhë e vështirë?
Po! Duket sikur janë rreth 50 mënyra të thuash “e jotja”. Edhe pse mbaresat duken se janë të lehta në fletë, nuk është e lehtë që të dish se
çfarë shkronjash të vendosësh në fund të një emri. Shqiptaret vendosin E dhe TË para çdo fjale! Ndjehem sikur po mësoj 2 gjuhë
njëkohësisht, për shembull, sapo mësoj nga libri i gjuhës kohën e së ardhmes mësimdhënësi më tregon që çdokush e thotë në mënyra të
ndryshme në varësi të dialektit.
5. Çfarë të pëlqen më së shumti në shkollën tonë dhe çfarë mendon që mund të ndryshojë?
Jam i impresionuar se sa të afërt janë me njëri -tjetrin njerëzit këtu. Është shumë ndryshe me shkollat në Amerikë ,ku studentët janë më
individual. Në klasat më të larta(6,7,8 dhe 9)çdokush ka orarin e vet shkollor. Ato nuk kanë grupe, sikur në Amerikë. Mendoj që të mbash
orë si një grup të bën më të lidhur me të tjerët.
Është punë e shkëlqyer të mësosh në kabinete, por shpresoj që një ditë shkolla të ketë më shume projektorë dhe tabela të bardha.
6. A keni planifikuar ndonjë aktivitet për shkollën tonë në të ardhmen?
Do të dëshiroja që nxënësit të kenë aktivitete të larmishme. Shkolla është më shumë se sa vetëm të mësosh. Në shkollë mund të
organizohen dhe të zhvillohen aktivitete të ndryshme si : drama, debate ose klube te shahut. Pak a shumë gjithçka që je i interesuar që të
besh. Këto eksperienca janë pjesë e mësimit për jetën edhe pas përfundimit të shkollës.
7. Cila do të ishte këshilla juaj për nxënësit?
Të besoni vetveten. Kur të dalësh në botë, do të njihesh për atë çfarë ke bëre dhe jo për atë që të kanë ndihmuar të tjerët. Nuk ke pse
ndryshon botën që të jesh më i mirë. Thjesht bëj një diferencë në jetën e njerëzve q jetojnë përreth teje.
Intervistuan: Egzona Deda dhe Ilderina Hoxhiq , 9-1
Shkëndijat 41 Faqja 7

Historiku — Rinovimi
Historiku i Shkollës Fillore në Krythë
Organizimi territorial i Anës së Malit në vitin pas mbarimit të Luftës së
Parë Botërore, ka qenë në tri komuna, pra u formuan tri komuna:
Katërkolla, Krytha dhe Sukubina të cilat më vonë u njësuan në një
komunë (1924), atë të Katërkollës. Ky bashkim më vonë rezulton me
vendim për rihapjen e tri shkollave të para, me 1929, në Selitë, Kosiq
dhe Sukubinë.
Shkolla në Kosiq punën e rifilloi në shtëpinë e Kasem Nasradinajt në
Tuzaj - Kosiqi Poshte. Shtëpia ishte kulle në kat, muret të ndërtuara prej
gurit të lidhura me lloç gëlqereje ndërsa pullazi i mbuluar me tjegulla. Nga orenditë kishte pesë banka prej dërrase.
Mësuesi i parë në këtë shkollë ka qenë Milenko Guberiniqi. Nga viti 1932, shkolla e vazhdon punën në ndërtesë të re
në Krythë. Si shoqëri patriarkale deri në vitin 1932, shkollën e vijonin vetëm djemtë.
Lufta e Dytë Botërore ndërpret shkollimin në shkollën fillore në Kosiq/Krythë, Sukobinë dhe Katerkollë. Pas çlirimit
të vendit, punën e vet shkolla e vazhdon në vitin 1945/46 ku mësimin e kanë ndjekur nxënësit nga fshatrat përreth:
Krytha, Kalimani, Milla, Kosiqi, Bojku, Zenelaj, Kllezna e Naltë, Kllezna Poshtë.
Nga pasojat e mëdha që solli termeti i 15 prillit 1979, u rrënua edhe shkolla fillorë në Krythë dhe nuk ishte më
funksionale për zhvillimin e mësimit edukativo-arsimore. Në vend të shkollës së shëmbur pas termetit katastrofal në
Mal të Zi, u ndërtua shkolla e tipit të montazhës në të cilën mësimi dhe arsimimi i breznive të reja vazhdoi në këtë
shkollë disa vite me rrallë.
Pasi që kjo shkollë nuk i plotësonte kushtet dhe nevojat elementare për nxënës dhe për mësimdhënës, lindi ideja nga
mërgimtarët tanë qe jetonin dhe vepronin në emigracion, kryesisht në Shtetet e Bashkuara të Amerikës, për ndërtimin
e një shkolle të re e cila do ti plotësonte të gjitha kushtet për funksionimin e rregullt të procesit mësimor.
Ato nisën punën konkrete, grumbullimin e mjeteve financiare dhe e bënë realizimin e projektit ideor të shkollës.
Përgjegjësinë dhe barrën kryesore, e morën kryesisht banorët e fshatit të Krythës, të rinjet qe emigruan nga fundi i
shekullit XX. Aksioni i tyre ishte i shenjtë, sukssesshëm e solidar ku morën pjesë edhe qytetarë të tjerë, nga trevat e
Anës së Malit, Ulqinit dhe të gjitha zonave tjera ku jetojnë dhe veprojnë
Shqiptarët në Mal të Zi.
Fakti që vendlindja nuk harrohet asnjëherë nga bijtë e saj, e dëshmon më
se miri aktiviteti që ndërmorën mërgimtarët tanë në diasporë, për
rinovimin e shkollës fillore në Krythë. Ky aktivitet nisi në shtator të vitit të
kaluar, përmes Shoqatës “Trojet Tona” me seli në New York të cilët
vendosën vullnetarisht të mbledhin donacione, me ndihmën e
bashkëvendasve tanë që veprojnë në diasporë por edhe të atyre që jetojnë
dhe veprojnë këtu, kanë arritur të sigurojnë një shumë të konsiderueshme
të mjeteve fianciare për rinovimin e shkollës. Nga kjo nismë e ndërmarre,
deri më tani është përfunduar pjesa e jashtme e shkollës (ulluqet dhe
izolimi i fasadës së jashtme). Mbetet që nga ky projekt të kryhen akoma
disa punime të tjera, të parapara në pjesën e brendshme të shkollës.
Bashkëvendasit tanë në diasporë kanë dëshmuar për të disatën herë me rrallë, që janë gjithmonë të gatshëm të
ndihmojnë komunitetin nga i cili vijnë, përmes kontributit në realizimin e shumë projekteve me vlerë, siç është edhe
rinovimi i shkollës fillore në Krythë, institucionit bazë të dijës për fëmijet tanë, ku ne si punëtorë të arsimit por edhe
prindërit e nxënësve të kësaj shkolle shprehim mirënjohje të sinqertë ndaj të gjithë atyre që mundësuan përmirësimin e
kushteve në këtë shkollë.
(Një pjesë e shkurtër e historikut të shkollës së Krythës, është huazuar nga Monografia e Shkollës fillore “Bedri Elezaga” në Katerkollë, 1869-2019 e autorit Rexhep Lleshi)
Përgatiti:
Mësimdhënësja, Zyra Mehani
Faqja 8
Shkëndijat 41

Trojet tona
Mbështetja e fondit humanitar “Trojet tona”
Fondi humanitar “Trojet tona” që nga
fillimi i veprimtarisë së vet ka ndërmarrë
iniciative të shumta duke ndihmuar në
mënyra dhe forma të ndryshme, jo vetëm
trevën e Anës së Malit, por edhe më
gjerë. Përveç donacioneve humanitare
për familjet në nevojë, bursat për
studentë apo donacionet e dedikuara për
përmirësimin e kushteve fizike në
shkollën tonë, ata vazhdojnë me
mbështetjen e aktiviteteve të larmishme
për fëmijët dhe të rinjtë e kësaj treve siç
janë shkolla e volejbollit për vajza
„Barbana‟, klubi i karatesë “Ulqini-Ana e Malit” si edhe ansambli i këngëve dhe valleve
“Trojet tona” gjë që iu mundëson nxënësve tanë që të
kenë një larmishmëri aktiviteteve të lira sportive,
kulturore dhe argëtuese.
Ajo që vlen të theksohet për vitin që lamë pas është që
ky fond siguroj një numër të konsiderueshëm të
lektyrave shkollore për bibliotekën e shkollës sonë në
vlerë prej 500$, gjë që reflektohet në pasurimin e fondit
të bibliotekës me libra në gjuhën shqipe. Shkolla jonë
është veçanërisht mirënjohëse të gjithë bashkatdhetarëve
tanë që veprojnë dhe ndihmojnë në kuadër të fondit
humanitar „Trojet tona‟ sepse tashmë ata janë bërë pikë
referimi për ne dhe bashkëpunimi i suksesshëm sjell
vazhdimisht rezultate pozitive si edhe avancimin e
kushteve të përgjithshme në shkollë. Po ashtu, vlen të
përmendet edhe kontributi i tyre në vlerë prej 1 350 $
për të mundësuar shëtitjen tre-ditore për dhjetë nxënës
të klasave të nënta që u realizua gjatë muajit nëntor të vitit kaluar.
Për të përmbyllur këtë vit shkollor, mbështetja e radhës vjen në organizimin dhe
financimin e ekskursionit dy-ditor me nxënësit e klasave të teta i cili do të realizohet në
fund të muajit maj dhe që ka për qëllim që
nxënësit të njihen më trashëgiminë kulturore
dhe historinë shqiptare. Është viti i dytë me
radhë që fondi humanitar “Trojet tona”
realizon këtë aktivitet shumë të qëlluar pasi
që kështu iu mundëson nxënësve tanë një
përvojë të mrekullueshme dhe në të njëjtën
kohë shumë të rëndësishme.
Shkëndijat 41 Faqja 9

Psikologjia
Parlamenti i nxënësve
Parlamenti i nxënësve synon rritjen e cilësisë
në procesin arsimorë. Një mbledhje mes meje si
organizatore dhe e mini intelektualëve të mi,
Parlamenti i nxënësve te shkollës sonë “Bedri
Elezaga” përbëhet nga 14-të anëtar, çdo
përfaqësues nga secila paralele e ciklit të lartë
nga klasa V-të deri në të IX-tën. Në Parlamentin
tonë synim është fjala e lirë dhe të shprehurit
me logjikë të shëndoshë, të tilla janë dhe temat
që bëjmë me nxënësit tanë! Duke përdorur
psikologjinë e kundërt që do të thotë : “një
metodë për ta shtyrë dikë të bëjë atë që
dëshiron, duke u shtirur se nuk e dëshiron atë
ose duke u shtirur se dëshiron diçka tjetër”.
Këtë vit kam zgjedhur disa tema jetësore sociale
që i ndihmon nxënësit në ndërgjegjësimin e veprimeve qoftë atyre objektive apo subjektive. Disa nga ato
tema janë çfarë është empatia, përmes njohjes së empatisë kuptojmë si të parandalojmë bullizimin, impakti
i disiplinës në jetën e studentëve, çfarë duhet të hamë dhe si mund të shprehim emocionet përmes artit!
Gjithashtu si grup i Parlamentit të nxënësve këtë vit për herë të parë jemi zhvendosur në Parlamentin e
Komunës së Ulqinit ku kemi ndarë një eksperiencë shumë jetësore mes udhëheqësve të Komunës tonë si
dhe nxënësit patën mundësin t‟i referoheshin me pyetjet e tyre anëtarëve. Data të veçanta çdo vit tek ne
shënojnë dhe ”Poetry & Down Syndrome day” si dhe muaji i ndërgjegjësimit për Autizmin si dhe data të
tjera nacionale dhe internacionale.
Kaq nga unë Arbijana Haxhibrahimi/psikologe e shkollës ndërkohë në pjesën poshtë lexoni paragrafët e
përgatitura nga Kryetarja e Parlamentit të nxënësve Egzona Deda gjithashtu dhe nga procesmbajtësja Arisa
Veliq.
Të gjithë kemi pikëpamjet tona, nga cepi jonë i artë që na përket vetëm neve. E rëndësishme është që këto
pikëpamje shihen nga persona të ndryshëm, të cilët nuk kanë ngurtësi ti përshkruajnë bukurinë artistike që
shohim. Lirinë e të shprehurit ne e kemi gjetur pikërisht tek Parlamenti jonë, i cili nxjerr në pah anën tonë
me të ndritshme. Kjo e fundit është një përfitim jashtëzakonisht i madh, që nënkupton njoftimin me njohuri
për të cilat nuk kemi pasur rastin që të dëgjojmë aq konkretisht rreth temave të ndryshme jetësore siç janë:
empatia, disiplina, etj., që padyshim do të na shërbejnë në jetë. Jam tej mase e lumtur që kjo mundësi m‟u
dha mua, për shprehjen e pikëpamjes sime si dhe të dëgjuarit për pikëpamjen e të tjerëve, në mënyrë që të
kuptojmë më shumë për botën dhe këndvështrimet më të cilat ajo shikohet.
Egzona Deda
Diferenca e secilit njeri mes vete është
pikëpamja e tyre dhe mënyra se si i
kuptojnë gjerat. Parlamenti i shkollës sonë,
nga pikëpamja ime, është një mënyrë tjetër
se si nxënës të dalluar nga secila klase ju
jepet mundësia të shprehin mendimet e tyre
në tema të cilat na i ofron pedagogia/
psikologia e shkollës. Thelbi i temave që ne
shqyrtojmë mes njeri - tjetrit gjatë
mbledhjeve ka të bëjë me përmirësimin dhe
edukimin tonë në fusha të llojllojshme,-
Arisa Veliq.
Përgatitur nga pedagogia
Arbijana Haxhibrahimi
Faqja 10
Shkëndijat 41

Të dalluarit
Si çdo vit, edhe këtë herë, Këshilli i
Mësimdhënësve të shkollës sonë
zgjodhi nxënësit më të mirë të
paraleleve të cilët shpërblehen me
rastin e Ditës së Shkollës.
Katërkollë
Elif Selloviq kl. I
Eldiar Muçaj kl. II
Blerina Kokoviq kl. III
Rion Muçaj kl. IV-1
Lijana Hoxhiqkl. V-1
Bora Kurti kl. V-2
Ubejd Sella kl.VI-1
Arlinda Gjeloshi kl.VI-2
Mirvan Taganoviq kl.VI-3
Rinesa Cekoviq kl.VII-1
Fiona Avdiu kl.VII-2
Rea Ceka kl.VII-3
Gresiana Ceka kl.VIII-1
Sara Paleviq kl.VIII-2
Berina Ismaili kl.VIII-3
Beisa Salloviq kl. IX-1
Jasmina Spahiq kl. IX-2
Nahida Hajdaroviq kl. IX-3
Rashtishë
Elisa Xhurretoviq kl. II
Ajan Hoxhiq kl. IV
Shtodër
Rajana Hoxha kl. I
Gleon Gjeloshi kl. III
Krythë
Andi Ismaili kl. I
Veton Jahaj kl. II
Amelia Ismaili kl.III
Amin Hajdaroviq kl. IV
Amra Tagani kl. V
Sukubinë
Samra Kurti kl. I
Rona Kurti kl. II
Dardan Ujkashi kl. III
Erina Ujkashi kl. IV
Millë
Kenza Nikaj kl. I
Erina Nikoviq kl. IV
Kravar
Aila Alosheviq kl.III
Adelisa Alosheviq kl. IV
Kllezën
Liza Jankoviq kl.III
Fraskanjel
Esra Veliq kl.III
Nxënësja e gjeneratës 2022/2023
Nurije Maxhar, e lindur me
30.04.2008. Vjen nga fshati i Katërkollës. Ajo
që në fillimet e saj është shquar si nxënëse
shembullore si nga mësimi ashtu edhe nga
sjellja. Shkolla dhe mësimi për Nurijen kanë
qenë dhe vazhdojnë të jenë prioriteti i saj më i
madh. Pasion të veçuar ka leximin. Më së
shumti preferon të lexojë libra në gjuhën
shqipe, por duke mos lënë pas dore asnjëherë
edhe ata në gjuhë të huaj.
Për këtë vit shkollor 2022-2023, Nuri
shpallet ‘’Nxënësja e gjeneratës’’ dhe ky
shpërblim është kurorëzimi i mundit dhe i
punës së saj si nxënëse e dalluar për nëntë vite
radhazi.
Urojmë dhe dëshirojmë që ky shpërblim
i merituar të jetë vetëm fillimi i rrugëtimit të
saj drejt suksesit dhe horizonteve të ndritura
në të ardhmen!
Shkëndijat 41 Faqja 11

Garat
Në shkollën tonë, përveç që kemi nxënës të mirë e të shkëlqyer në sjellje e në mësime, kemi
dhe nga ata që shkëlqejnë në lëmi të veçanta me talentet e tyre.
SARA PALEVIQ– Pas sukseseve të shumta të treguara në gjuhën gjermane, nxënësja e klasës
së tetë, Sara Paleviq këtë vit bëri krenare shkollën tonë. Ajo në garat shtetërore zuri vendin e
dytë. Pasi që çdo vit në nivel të shtetit të Malit të Zi organizohen garat shtetërore ku marrin pjesë
nxënësit që kanë treguar sukses të mirë në garat brenda shkollës, edhe nxënësja e shkollës sonë
Sara ishte njëra nga pjesëmarrëset.
Sara Pali është një nxënëse e shkëlqyer në të gjitha lëmit, por sukses të veçantë ka treguar në
gjuhën gjermane në garat shkollore ku falë arritjeve të saja i mundësohet pjesëmarrja në garat
shtetërore që u organizuan në kryeqytetin e Malit të Zi, në Podgoricë.
Garat shtetërore në gjuhët e huaja organizohen në dy pjesë, ne atë me shkrim dhe në pjesën me
gojë. Me 25. Shkurt nxënësja me përcjelljen e mentorit te saj, mësimdhënësit të gjuhës gjermane
Memli Kurti, mori pjesë në garat me shkrim, ku nxënësi garon në të dëgjuarit, të lexuarit, të
shkruarit dhe në leksik e gramatikë. Në këtë pjesë të garës ajo u rendit e dyta, ku edhe e fitoj të drejtën për
pjesëmarrje në gara gojarisht. Garat me gojë u zhvilluan me 05. Mars ku Sara gjithashtu ka marrë pjesë dhe si vijim
u vlerësua me pikët maksimale nga kjo pjesë.
Për nder të festës së 7 Marsit, Ditës së Mësuesit, në Qendrën Kulturore në Tuz u mbajt
Edicioni i II i Garave në recitim me moton “ Poezia na bashkon “ në nivel të
shkollave fillore dhe atyre të mesme me Arsim ne Gjuhën Shqipe në Mal të Zi.
Shkolla jonë u përfaqësua me dy poezi :
1.” Andrra ime” - nga autori At Zef Pllumi , të cilën e interpretoi Eldar Muça, nxënës i
kl. së 7- të , i cili u shpërblye me vendin e dytë për ciklin e tretë.
2. “ E kujtoj mësuesin”- të autorit Agim Vinca , të cilën e interpretoi Bora Kurti,
nxënëse e kl. së V- të , e cila u shpërblye me vendin e dytë për ciklin e dytë.
Nxënësit e shkollës sonë u përgatitën nga mentoret e gjuhës dhe letërsisë shqipe
Ardita Muçaj dhe Arjeta Kurti.
Nga shkolla jonë në Qendrën Kulturore-Tivar, morën pjesë 7 nxënës, të cilët pas
transmetimit të filmave diskutuan me profesionistë të filmit për secilin veç e veç.
Në fund nxënësit votuan për filmat e preferuar duke u bërë kështu pjesë e Jurisë së
të Rinjve.
Për të gjithë pjesëmarrësit u ndan çertifikata nderi.
Nxënësit Damir Rexha dhe Enes Islami për shkak që shkëlqyen në këtë ngjarje do
të vazhdojnë angazhimin në festivale të tjera.
Diskutimet dhe analizat nxënësit i bënë në gjuhën angleze.
Tivar më ,13.11.2022
Me datë 04.03.2023, në shkollën fillore "Bedri Elezaga" u mbajtën garat
nga lënda e gjuhës angleze organizuar nga Qendra Austriako-Gjermane
“Willkommen”. Ky është viti i dytë me radhë që zhvillohen garat në fjalë në
shkollën tone e që kanë karakter ndërkombëtar.
Në raundin e parë në këtë garë morën pjesë 10 nxënës.Të gjithë nxënësit
pjesëmarrës treguan rezultate shumë të mira por Daris Gjeloshi nxënës i
klasës VII-2, zuri vendin e IV-të në nivel të Malit të Zi në kategorinë
Willkommen 3.Ky rezultat nxënësin e kualifikoi në gjysëm finale.
Faqja 12
Shkëndijat 41

Garat
Me 28 nëntor 2022 nxënësi Ubejd Tula mori pjesë në Maratonën e Pavarësisë Shkodër-Ulqin (42km) të cilën e
përfundoi me sukses. Ubejdi me këtë garë përfaqësoi Ulqinin, pasi që ishte i vetmi garues nga qyteti ynë. Ai u
rendit i 14-ti nga një konkurrencë mjaft e madhe në këto vrapime prej më shumë se 40-të garuesish.
Në ndeshjet ndërmjet klasave të VII-ta fituese u shpall klasa e VII-1, me nxënësit pjesëmarrës: Anes S. , Sylon
S. , Ensar Gj. , Erjona A., Rinesa C. dhe Xhihad S.
Në ndeshjet ndërmjet klasave të VIII-ta fituese u shpall klasa e VIII-1, me nxënësit pjesëmarrës: Haxhi P. ,
Erion K. , Edin A. , Rehad Sh. , Ensar L. , Ledion A. , Gresiana C. , Loris K.
Goethe Institut-i me qendër në Beograd në bashkëpunim me Deutsches Haus
Montenegro me qendër në Podgoricë kanë organizuar garën e
ashtuquajtur ,,Lesekiste" për të gjitha shkollat fillore në Mal të Zi. Në këtë garë
nxënësit kanë paraqitur në mënyrë figurative përmbajtjen e librit të tyre të
preferuar.
Shkolla jonë në këto gara është përfaqësuar nga nxënëset:
-BEISA SALLAJ, ERONA CEKA dhe NURIJE MAXHAR me librin ,,Die
Buchdiebin" (Vendi i parë)
-ILDERINA HOXHIQ dhe DEA HOXHIQ me librin ,,Zwei Jahre Urlaub" (Vendi i dytë)
-SARA PALEVIQ me librin ,,Harry Poter" (Çmimi special )
NAHIDA HAJDARI dhe JASMINA SPAHIQ me baladen ,,KONSTANTIN UND DORUNTINA (DORUNTINAS
RÜCKKEHR )" (Pjesmarrëse)
Me paraqitjen ,punën dhe kreativitetin e tyre ne si shkollë krenohemi çdo ditë e më shumë .
Gjithashtu falënderojmë mësimdhënësit Nezmije Taipi dhe Memli Kurti për punën e palodhshme dhe përkrahjen e
vazhdueshme ndaj këtyre nxënësve, dhe jo vetëm.
Me datën 08.05.2023 u mbajtën garat shkollore në lëndën e matematikës
në mes të nxënësve të klasave të VI-ta, VII-ta, VIII-ta dhe të IX-ta.
Rezultatet në garë janë siç vijojnë:
KLASAT E GJASHTA: 1. Rinor Kurti; 2. Ubejd Sella; 3. Mirvan Tagani
KLASAT E SHTATA: 1. Rinesa Cekoviq; 2. Anes Salloviq; 3. Daris Gjeloshi
KLASAT E TETA: 1. Emir Islami; 2. Berina Ismaili; 3. Ledion Nela
KLASAT E NËNTA: 1. Donart Çobaj; 2. Ilderina Hoxhiq; 3. Nahida Hajdaroviq
Garat e lartpërmendura janë realizuar në kuadër të Aktivit të matematikës.
Shkëndijat 41 Faqja 13

Aktivitete argëtuese
TA SHOHIM ULQININ NGA DETI
Projekt i Shoqatës se Anijeve të Ulqinit
në kuadrin e të cilit ishin të ftuara të
gjitha shkollat e Komunës së Ulqinit.
Një nga të ftuarat ishe edhe shkolla jonë
„‟ Bedri Elezaga‟‟, në emrin e së cilës
falënderojmë përzemërsisht
organizatorin z. Sabo Vogliqin dhe të
gjithë pronarët e anijeve.
Lundrimi filloi nga Plazhi i vogël ku
gjatë disa xhirove me anije vizituam
limanin dhe Plazhin e madh. Gjatë gjithë rrugës na shoqëroi muzika. Kjo ka qenë
një eksperiencë e re dhe mbresëlënëse për shumë nga ne nxënësit. Kemi parë disa
nga pjesët më të bukura të qytetit që
nuk kemi pasur mundësi t‟i shohim
më parë. Atë dite qielli ishte i
ndriçuar nga rrezet e arta të diellit
dhe valët e kaltërta rrëmbenin
vëmendjen e çdonjërit. Fytyrat tona
të gëzuara pasqyroheshin në
shkëlqimin e detit madhështor. Kjo
ishte një shetitje e paharrueshme
dhe nxënësit e shkollës tone do ta
kujtojnë gjatë këtë lundrim
përrallor. Ju jemi falënderues për kujdesin që keni treguar për secilin veç e veç ,e për
të gjithë bashkë!
Bukuri e kaltërt
Flladi i detit te rreh në fytyrë
Dhe uji i tij ngjan si pasqyrë.
Anijet mbi kaltërsinë e tij lundrojnë
Valët me njëra-tjetrën sikur garojnë.
Bukuri e rrallë përrallore
Thellësi e pafund madhështore
Zemra e kaltërt në brendësi
sikur thotë diçka në fshehtësi.
Ilderina Hoxhiq - IX —1
Faqja 14
Shkëndijat 41

Aktivitete argëtuese
Me
rastin e shënimit
të Ditës së Ulqinit , e cila
përkon me të shtunën e parë
të muajit Prill, Komuna e
Ulqinit organizoi karnavalet
ku në të cilat mori pjesë dhe shkolla jonë. Në defile u prezantuan fëmijë, nxënës të
shkollave të ndryshme, me larmi kostumesh , banda frymore dhe orkestra nga qytete
të ndryshme.
Nxënësit tanë në këtë karnaval sollën personazhe të ndryshëm,
të cilët nën
përkujdesjen e
mësimdhënësve,
përfaqësuan shkollën
në mënyrën më të
mirë të mundshme.
Karnavalet u
shoqëruan me këngë e
valle nga nxënës e
mësimdhënës. Ndërsa në Plazhin e Vogël në
kuadër të kësaj dite, u mbajt programi kulturo-argëtues me fëmijë të grup moshave
të ndryshme ku shkolla jonë u paraqit edhe me këngë edhe me valle.
Shkëndijat 41 Faqja 15

Mjedisi
Me rastin e shënimit të 31 -vjetorit të shpalljes së Malit të Zi shtet ekologjik,me datën 20.09.2022, Komuna e Ulqinit në
bashkëpunim me shkollat e qytetit, organizoi një punëtori kreative me temën ‘’RICIKLIMI I MBETURINAVE’’.
Qëllimi i punëtorisë ishte të edukojë anëtarët më të rinj të
komunitetit për rëndësinë e riciklimit, si dhe ndërgjegjësimin për
rëndësinë e ruajtjes së mjedisit.
Shkollën tonë me sukses e përfaqësuan nxënësit e përzgjedhur nga
koordinatori, profesori i gjeografisë Fadil Demiri.
Vlen të theksohet se shkolla jonë vazhdimisht ka përkrahje të plote
nga organet kompetente të
Komunës, me ç‘rast ju jemi
mirënjohës.
Në bazë të
konceptit ,,Zerowaste", që
do të thotë ,,zero mbetje", nxënësit elaboruan shembuj e modele të ndryshme të
cilat mund lehtë t'i ndjekim si në shkollë, shtëpi dhe në jetën tonë të përditshme
dhe atë duke filluar nga baza që është së pari refuzimi dhe reduktimi i konsumimit
të gjërave të panevojshme e pastaj ripërdorimi, riciklimi dhe dekompozimi i atyre
që janë vërtetë të nevojshme.
Të ndarë në tre grupe nxënësit arritën të përcjellin mesazhe të ndryshme duke i
paraqitur në forma të ndryshme, si në vijim:
Në kuadër të fushatës sensibilizuese për rëndësinë e ruajtjes së
mjedisit, me 12.03.2023, në shkollën tonë u mbajt punëtoria e
ashtuquajtur “Ndryshimi fillon nga ne”. Kjo punëtori, e cila u realizua
me nxënës të klasave të nënta, përgatitur nga mësimdhënëset Vjollca
Lika Çobaj, Edona Bakalli dhe Nezmije Taipi. Qëllimi i aktivitetit ishte
vetëdijesimi i nxënësve,, njohja e tyre me rrezikun e ndotjes së
mjedisit, si dhe motivimin se
si mund dhe duhet të
kujdesemi për mjedisin
jetësor.
Grupi i parë - krijoi një përbindësh me
mbeturinat e mbledhura në oborrin e shkollës,
duke na kujtuar me këtë se si po shndërrohet
mjedisi nga moskujdesi ynë.
Grupi i dytë-klasifikoi mbeturinat e zakonshme që hidhen brenda një ditë në koshat e
plehrave në secilin kabinet, i ngjitën në poster, dhe pranë tyre bashkëngjiten kohën e
nevojshme që u duhet atyre të shpërbëhen në natyrë.
Grupi i tretë- demonstroi se si nga mbetje të ndryshme siç janë kafeja, çaji, letra, lëkura
frutash e perimesh mund të bëhet komposto natyrale që mund ta përdorim për
plehërim.
Ishte një mundësi e veçantë që nxënësit në një mënyrë kreative dhe interaktive të
vetëdijesohen për rëndësinë e hapave të vogla për mbrojtjen e planetit.
Mësimdhënëset e angazhuara u shpërblyen me certifikata, libra dhe çanta.
Faqja 16
Shkëndijat 41

Dhuratat
Për nder të festave të fundvitit, në ambientet
magjepsëse të Hajdari Family Public Park në Anë të
Malit u mbajt një program kulturo-argëtues, program i
përgatitur nga nxënës e mësimdhënës të shkollës tonë.
Me iniciativë të familjes Hajdari (e cila jeton dhe
vepron në SHBA), si dhe në bashkëpunim me shkollën
tonë u organizua për disa vite me radhë programi
argëtues i fundvitit. Shkolla jonë si çdo vit edhe këtë vit
u paraqit me një program zbavitës, me këngë, valle
popullore dhe moderne, aktrime, recitime dhe urime.
Vlen të përmendet se familja Hajdari ashtu si vitin
e kaluar edhe këtë vit gëzoi zemrat e fëmijëve, nxënësve tanë me nga një dhuratë speciale. Shpërndarja e
dhuratave që të ngelin në kujtesë sa më gjatë u bë nga animatorët e qytetit të Shkodrës, të cilët argëtuan dhe
gëzuan nxënësit me muzikë e lojëra shpejtësie. Ishte kjo një surprizë e bukur për nxënësit, surprizë e ideuar po
nga familja Hajdari.
Ne si shkollë i jemi mirënjohës përherë familjes Hajdari për çdo kontribut të dhën për shkollën dhe
nxënësit tanë. Kjo mbrëmje u mbyll në mënyrën më të bukur të mundshme nën hedhjen e fishekzjarreve,
muzikës dhe urimit për një vit më të mirë për të gjithë njerëzit anë e mbanë botës.
Edhe këtë vit shkollor vijon aktiviteti i Klubit të
leximit me nxënësit adhurues të librit dhe leximit.
Siç është cekur edhe më përpara synimi i këtij
aktiviteti është që nxënësit të kultivojnë aftësitë
shprehëse në të folur dhe në të shkruar; të
pasurojnë fjalorin dhe të fitojnë aftësi komunikuese
sa më të mira si dhe shumë përfitime të tjera të
vlefshme.
Si rrjedhojë e këtij aktiviteti dhe që këta nxënës
të motivohen dhe të stimulohen edhe më tej Këshilli Kombëtar i Shqiptarëve në Mal të Zi iu dhuroi libra
nga libraria ‘’Ulqini’’ duke iu ofruar mundësinë që
përzgjedhjen ta bëjnë sipas dëshirës. Ishte një
dhuratë e veçantë dhe shumë domethënëse për vet
faktin se ishte edhe pragu i Vitit të Ri.
Një mirënjohje dhe falënderim i sinqertë për
gjestin e bukur të treguar ndaj nxënësve të shkollës
sonë.
‘’ Dhurata më e bukur për çdo nxënës është libri’’
Shkëndijat 41 Faqja 17

Aktivitete
Është bërë traditë tashmë festimi i Ditës Europiane të gjuhëve të huaja, çdo 26 shtator,
që nga viti 2001.Kjo ditë është vlerësuar si një ditë nxitëse por dhe gjithë përfshirëse,
e cila mbështet nxënësit që të arrijnë potencialet e tyre dhe të luajnë një rol
aktiv në shoqëritë e ndryshme demokratike.
Tema e zgjedhur këtë vit ishte: Thuaji jo racizmit!Në lidhje me temën në fjalë nga
nxënësit janë bërë video inçizime dhe aktivitete të ndryshme për të përcjellur mesazhin
e paqes dhe bashkëpunimit ndërmjet njerëzve.
Çdo vit organizohet Java Globale e Edukimit (GEW), në kuadër të së cilës zhvillohen
aktivitete të ndryshme. Këtë vit Java Globale e Edukimit u organizua në periudhën nga
14 deri më 20 nëntor 2022.
Tema e përzgjedhur ishte Komunikimi Ndërkulturor si temë me rëndësi për brezat e
rinj.
Mysafir në orë patëm Mr.Shkencave Kulturore Edin Gjenashi I cili enkas për këtë orë
ka përgaditur një ligjeratë në nivel në lidhje me temën në fjalë.
Ministria e Arsimit, Forum MNE dhe Enti për shkolla janë pjesë e edukimit Global nga
Mali i Zi.
Për këtë aktivitet të gjithë pjesëmarrësit pajisen me çertifikata.
Dita Botërore e Poezisë 21 marsi, me Dr.Ismail Doda-mbledhësin e njohur të folklorit.
Tema: Folklori- poezia e popullit.
Dita e Pranverës; Pranvera- hyjnesha e stinëve. Shkencë,
traditë dhe zakone!
Mbjellja e Laurit, pemës së lavdisë.
Me pjesëmarrjen e Gazmend Kovaçi, përgjegjës i Muzeut Ulqinit.
Shoqata për Prosperitet Demokratik – Zid, në kuadër të
lëvizjes mbarëbotërore Dita e Veprës së Mirë, për të
katërtën herë radhazi shënoi Ditën e Veprës së Mirë, nga datat 16 deri më 21 prill 2023.Pas
kontaktit me Shoqatën për Prosperitet Demokratik – Zid, shoqatë e cila pajisi disa nxënës me
bluzat me logo të aktivitetit, në Ditën e Veprave të Mira vendosëm të përkujtojmë një
komunitet të veçantë që ka jetuar në Ulqin, Harapët e Ulqinit.
Për të folur rreth këtij komuniteti kishim nderin dhe kënaqësinë që si mysafir të veçantë të
kishim Dr.Nail Dragen. Aktiviteti u shoqërua me ligjeratë dhe pjesë nga libri me të njëjtin titull
të autorit Ali Llunji dhe me një mini ekspozitë. Për aktivitetin në fjalë të gjithë pjesëmarrësit pajisen me çertifikatë.
23 prilli- Dita Ndërkombëtare e Gjuhës Angleze.
Ligjeratë nga Eric Beuerman (Peace Corps) me temë: Historik i gjuhës
angleze dhe mini ekspozitë me foto të Mbretëreshës së Alpeve Shqiptare
Edit Durham dhe Lord Byron ( me kostum shqiptar).Vajzat
e veshura si Edit Durham zbukuruan aktivitetin.
Dita Globale e veprimeve (Global Actions Days)
bimët.
U shënua me mbjelljen e farave të lapsave. Këta lapsa përdoren
si një mjet i zakonshëm shkrimi, por pasi të jenë përdorur dhe
mprehur, ato mund të mbillen në tokë.Ideja këtyre lapsave është të promovojnë qëndrueshmërinë
dhe ndërgjegjësimin për mjedisin., duke ofruar një mënyrë argëtuese dhe praktike për të rritur
Aktivitetet u realizuan nga mësimdhënësja e gjuhës angleze - Luljeta Avdiu-Cura (Mbajtëse e titullit
“Shkëlqyeshëm për 5”)
Materialin e përgatiti Luljeta Avdiu—Cura
Faqja 18
Shkëndijat 41

Aktivitete
Dita Ndërkombëtare e Biblotekave shkollore
Manifestimi “ International Woman Peace”
Pjesëmarrja në aktivitetin “Asociacioni
Internacional Kulturor “ , 25 . 11. 2022
Kremtimi i Viti të Ri 2023, Katërkollë
Dita e Planetit Tokë
Kremtimi I Vitit të RI -
PN Sukubinë
Aktiviteti “Gatuajmë së bashku”
PN Shtodër
“Ndotja dhe mbrojtja e mjedisit” - Kimi
Aktiviteti “ Stop dhunës në shkollë”
Shkëndijat 41 Faqja 19

Krijimtaria letrare
Aty ku gjendet shkolla ime…
Eh, ku ka më bukur se në shpatin e malit!
Në një fshat malor nën rreze të diellit,
ku barinjtë dikur i binin ëmbël fyllit.
Nëpër gur e nëpër shkrepa,
Edhe rrugët plot me dredha...
Aty ku ujë i freskët qetë gurgullon
Në oborrin me pisha zogu cicëron
Aty ku edhe ketri kërcen degë më degë
Aty pra gjendet shkolla im
Në më të bukurin vend.
Erina Nikoviq, IV
Millë
Gjuha shqipe
Gjuhë e lashtë shekullore
Lindur, rritur n’tokë arbërore
Më je Ti !
Nëpër këngë e kënduar
Përmes vargjeve gjithnjë shkruar
Sikur Ti !
Të dëgjoj e s’ngopem dot
Si dikur edhe sot
Vetëm Ty !
E bekuar dhe e dlirë
Ti je gjuha më e mirë
S’ka si Ti !
Eldar Muça, VII-2
Vendlindja ime
DUA TË RRITEM
Dua të rritem veç për inat,
Ta ndryshoj botën pak e nga pak,
Të mësoj nga fjalët
Që me të vërtetë kanë vlerë,
Të mos trokas në derën
Që më është mbyllur njëherë.
Dua të rritem e të mos mbaj inat,
Se në kraharorë kam margaritarë të artë,
Të mos brengosem fort as për të ardhmen,
Se kështu s‟do di ta jetoj dot as të tashmen.
E në këtë botë të quajtur Jetë,
Jemi udhëtarë, kjo është e vërtetë.
Dua të rritem ashtu veç për inat,
T‟ju buzëqesh stinëve për një kohë të gjatë,
Dhe tu them se çdo ditë e ka një fillim,
E me to do qëndis faqet e librit tim.
E nëse më pyesni se cili është emri im
Unë jam Mirësia, të mbroj nga çdo hidhërim...
Rea Ceka, VII 3
E dashur vendlindja ime,
këtu lindin më të bukurat agime
më prek çdo cep të zemrës sime,
këtu krijoj më të bukurat kujtime.
E dashur vendlindja ime,
këtu dielli ka më të bukurat rrezatime.
Qielli i kaltër shkëlqen me ngrohtësi,
banorët i mbush me kënaqësi.
Me bukuritë e tua,
me fusha e bregore,
me malet e larta,
vendlindja ime, thjesht përrallore!
Trashëgimia e kulturës dhe tradita
këtu rrahin me zemër,
kjo tokë e shenjtë
e ka një emër!
Sado larg të shkoj,
qoftë dhe larg në mërgime,
zemra mua më rri
vetëm tek vendlindja ime.
ILDA MEHANOVIQ, VII-3
Faqja 20
Shkëndijat 41

Krijimtaria letrare
ZEMRA FLET MË SHUMË SE FJALËT
Dielli kishte trokitur në dritaren e dhomës sime. Unë nuk e di a i kisha mbyllur sytë gjatë gjithë natës nga gëzimi dhe entuziazmi i
madh.
- Era, zgjohu- thiri mami- unë me hov të madh u ngrita në këmbë. U bëra gati në mënyrën më të shpejt të mundshme. Zemra po më
dilte nga vendi. Tek porta e shtëpisë kishin arritur edhe shokët e shoqet, të gjithë të veshur me rrobat më të bukura.
Tek sapo zbrisja shkallët , mami kishte në dorë një kavanoz me ujë dhe filloi të më gjuante nga pas, dhe në fund e derdhi të tërin.
Zakon i vjetër ky i vendit dhe i popullit tim, ku domethënia e tij sipas gjyshes sime është që mësimi për atë vit shkollor të shkojë
mbarë, si rrjedha e ujit.
Arritëm në oborrin e shkollës. Tik-takët e zemrës sa vinin e rriteshin.
-Era, Era- thiri shoqja ime e ngushtë Besa- dhe unë që po vrapoja drejt saj për ta përqafuar fort.
-Sa paske ndryshuar – i thashë - qenke zbukuruar, flokët të qenkan rritur.
Nuk po i ndanim duart nga njëra-tjetra, duar të cilat ishin të lagura nga djersitja. Vazhduam drejt klasës , ku filluam t’i
përshëndesnim dhe t’ju uronim fillim të mbarë të gjithë shokëve e shoqeve.
Për çudi njëra nga shoqet e klasës nuk më përshëndeti. Mua aty më kishte ngelur mendja.
-Përse vallë nuk më përshëndeti?
-Mos ndoshta nuk i pëlqeva, apo… nuk dita ta përshëndesja?!
Unë dhe shoqja ime kishim zënë bankën e parë, në mënyrë që edhe mësuesit t’i binim në sy.
- Hyri mësuesi buzagaz. Pa u ulur fare filloi të prezantohej,- ne me sy e veshë të gjithë nga ai. Sa bukur fliste!
E tani e gjithë vëmendja ishte tek ne nxënësit, të cilët filluam të prezantoheshim një e nga një. Radha i erdhi dhe shoqes sime të
klasës që nuk më përshëndeti.
- Sa kurioze isha ….!
Ajo quhej Shpresa, kështu e prezantoi mësuesi. Një vogëlushe e qetë, e brishtë, e heshtur, me një fjalë e VEÇANTË. Dhe unë pa
mbaruar mësuesi e pyeta, e pyeta si është bota e fëmijëve të veçantë?
-Mësuesi pa hezituar u shpreh - se bota e tyre është plot ngjyra, por sa të aftë jemi që ti shohim ato ngjyra magjepsëse?
–Ne mendjen time mendova- sa e lumtur jam që në klasën time kam prezent një shoqe të tillë. Do t’i gjendem pranë në çdo moment
sepse më shumë se çdo njëri nga ne duhet të pranohet , të kuptohet dhe të duhet.
Kaloi java e parë dhe filloi e dyta. Çdo ditë e më shumë njiheshim me njëri-tjetrin.
Mëngjesi i çdo dite niste duke vrapuar të hynim në klasë. Vraponim se kush e para të ulej në bankë me Shpresën, po po me Shpresën.
Sa më fat jemi që kemi një shoqe si Shpresën– i thashë Besës- e cila na fal dashuri pa kushte.
-Shpresa ajo e mbani mend që ditën e pare të shkollës nuk na përshëndeti, është ajo Shpresë me përqafimin e së cilës ne nisim ditën.
Bora Kurti — V-2
Shpresa nuk duhet asnjëherë të shuhet !
Ndodh që secili nga ne të përballet me vështirësi e sfida të ndryshme, sepse sfidë është vet jeta.
Nganjëherë gjërat nuk shkojnë ashtu siç dëshirojmë ne, por secila pengesë që na shfaqet është pjesë
e jetës e cila na përgatit që të ecim përpara. Të paktën kështu mendoj unë! Fragmente të tilla jete
mund të tejkalohen dhe të ballafaqohen vetëm duke mos e humbur shpresën, shpresë e cila na e
forcon atë besimin që qëndron brenda nesh duke na thënë se çdoherë do të ia dalim mbanë
pavarësisht rrethanave dhe gjendjes tonë. Është pothuajse e pamundur që të mbijetosh pa pasur atë
shpresën se do të bëhet më mirë, sepse kjo botë çdo ditë e më shumë po tregohet e zymtë, egoiste e
materijaliste kundrejt njerëzimit. Prandaj në këtë lëndinë të quajtur jetë ku bashkohen të gjithë ato
trëndafilat e suksesit dhe të lumturisë , por ku ka edhe nga ata trëndafila thumbues si dështimi dhe
zhgënjimi ne duhet të jetojmë duke shpresuar e besuar sepse pikërisht ky gërshetim i këtyre dy të
fundit na shërben si orientim drejt së mirës sikur një busulle.
‘’Edhe po të fryjë erë e madhe, mali nuk tundet’’- shpreso, beso dhe jeto!
Sara Paleviq, VIII-2
Shkëndijat 41 Faqja 21

Krijimtaria letrare
T’i lëmë vend dhe Mirësisë...
Shekulli XXI...epokë e shpejtë, dinamike, stresuese, mediatike dhe virtuale. Kohë ku intriga dhe interesi e shfrenojnë
egon njerëzore dhe morale, por akoma ka vende, akoma ka shpresë për fjalët më të ëmbla, ndjenjat më të bukura
dhe buzëqeshjet më të ngrohta.
Fjalët ‘’Dashuri dhe Mirësi’’ të cilat duhet të ndihen thellë në zemër tashmë sikur nuk po i ndiejmë dhe nuk po i
përcjell më askush, përveç se të shkruara në letër apo mesazhe me shkrim. Por këto fjalë dhe këto ndjenja
emancipuan njerëzimin dhe krijuan histori. Dashuria absolute duket sikur ka mbetur vetëm ajo e nënës ndaj fëmijës
së vet, ku sakrifica e saj ndjehet si kënaqësi për frytin e saj të cilin e do pa interes dhe pret që të marrë po të njëjtën
ndjenjë. Kurse mirësia është hyjnore, të cilën rrallë po e shohim tek njerëzit.
Mirësia dhe dashuria sikur të përcilleshin me rrezatimin dhe ngrohtësinë e tyre do të kishim një botë më të mirë dhe
më të pastër. Lufta do të bëhej me lule, uria do të shuhej me ngrohtësi dhe etja do të kalonte me buzëqeshje.
Prandaj ne duhet të mundohemi që këto mos ti ruajmë thjesht si fjalë në fjalorin tonë, por t’i kultivojmë së pari tek
vetja e pastaj edhe në shoqërinë ku jetojmë. Duhet të mundohemi që mos të ua humbasim vlerën , përkundrazi, të
këmbëngulim që ato të rriten, sepse një botë me vlera i lë vend të mirës dhe dashurisë.
Pra, le të flasim me gjuhën e ,,dashurisë dhe mirësisë"!
Albijona Islamoviq , IX-3
Pranvera erdhi...
Ç’ke, moj erë?
Ç’ ke moj erë, pse vrapon?
Pse thërret e qan?
Ç’ ke, më thuaj, kënd kërkon?
Nënën a babanë?
Pse moj erë, ulërin?
Pse dritares vjen?
Mos ke humbur ti shtëpinë?
Udhën dot s’e gjen?
Natë e ftohtë me furtunë
Bredh e s’di ç’ kërkon...
Eja mike, rri tek unë,
Bora jashtë shtron.
Pse troket ti në çdo derë?
Shoqet mos të lanë?
Me ngadalëz qaj , moj erë
Se më zgjon vëllanë.
Amra Deda, V-1
Lulet kanë çelur, dielli rrezaton gjithë vendin.
Bora ka shkrirë, qukapikët trungun gdhendin.
Si qenie njerëzore pemët rriten , atmosferë e bukur.
Bilbili ia thotë këngës, të gjithë janë të lumtur.
E bukur është pranvera, e ëmbël si qershia.
Lulet ngjyrosin vendin, si fllad vjen freskia.
Oh, sa lumturi me fal kjo magjike stinë,
I rrethuar me zogj e me lule me ngjyra,
I falem nënës natyrë që marrim frymë
Nga kjo bukuri më qesh edhe fytyra.
Edhe pranvera e stolisur pa ndalim buzëqesh.
E lumtur është dhe ajo që gjendet mes nesh.
Edon Shaba, V-1
Flamuri ynë
Atdheu im i dashur,
të them me dashuri.
kur mbi ty shoh,
flamurin Kuq e Zi.
Është flamuri ynë,
flamuri i të parëve.
I shenjtë, i bekuar
simbol i të gjithë shqiptarëve.
Ndriçon ngjyrë e tij,
më e shndritshme se kurrë,
qëndron krenare
Shqiponja në flamur.
Rejhana Çapriq, kl.VIII-3
Faqja 22
Shkëndijat 41

Krijimtaria letrare
Nënës...
Krijesë e bukur, krijesë e shtrenjtë,
Sa emër të madh ke në këtë jetë.
Nënë, më je e shenjtë!
Prania yte më bën më të plotë,
Unë pa ty nuk jetoj dot.
Nënë, e vetmja në botë!
Dashuria yte e veçantë për mua,
Dashuri që s’merret askund tjetër hua.
Nënë, sa shumë të dua!
Berina Ismaili, KL.VIII-3
Nëna ime
Eh sa shkronja e sa fjalë
Për ty nga zemra kanë dalë
Nënë moj, e mira nënë
Ti je diell e ti je hënë.
S’ka si nëna, o njeri
Të dhuron jetë e dashuri
Nënë moj, e mira nënë
Ti je diell e ti je hënë.
Dhe sa herë që na ther zemra
Mendja shkon veç të nëna
Nënë moj, e mira nënë
Ti je diell e ti je hënë.
Emira Xhurretoviq VIII-2
Shqipëria ime
O Shqipëri, e imja nënë,
Për ty trima jetën kanë dhënë.
Që të mbrojnë këtë tokë arbërore,
Të mbrojnë tokën shekullore.
O Shqipëri, sot je e lirë,
Ti ke gjuhën më të mirë.
Gjuha shqipe, gjuhë e nënës,
Që ma dridh telin e zemrës.
Festo sot e festo mot,
Ty askush nuk të mposht dot.
E gëzofsh përherë lirinë,
Urime Shqipëri Pavarësinë!
Leart Seferi, KL.VIII-3
Lodrat e mia
Shumë lodra të bukura,
prindërit më kanë dhuruar,
si shpërblim për mësimet
në shkollë që kam mësuar.
Shumë më pëlqejnë lodrat,
por më shumë mësimi
sepse pas çdo pune,
vjen edhe shpërblimi.
Dua të bëhem i sjellshëm
dhe prindërit t’i dua,
Ato bashkë me mësuesen,
më edukojnë mua.
Genart Shabani
Klasa I—Krythë
Shkëndijat 41 Faqja 23

Krijimtaria Letrare
Mbretëria ime
Tridhjetë e gjashtë shkronja është mbretëria ime,
Tridhjetë e gjashtë tinguj është pasuria ime,
Heshtja nuk është pushteti im,
Zbrazi energjinë time nga zinxhiri i alfabetit,
Mbretëria ime nuk është fjala!
ANESA ISLAMOVIQ, VII-3
Mëngjesi
Zgjohem në mëngjes, është një ditë e re,
Mbushur me buzëqeshje e plot me hare,
Zogu në dritare troket me gëzim,
Neve nxënësave na fton më mësim.
Në mëngjes qyteti gjallërohet,
Punëtorët drejt punës drejtohen,
Vesa mbi lule shkëlqen sikur ar,
Fluturat duken si margaritar.
Motra ime
Vesa Jahaj
Kl.VII-3
Është e bukur, është e mirë,
Është e ëmbël, ëmbëlsirë,
Më dhuron shumë dashuri,
Është e dashur me çdo njeri.
Më gjendet pranë, më këshillon,
Për detyra më ndihmon,
Është ilaç për zemrën time,
E ku ka si motra ime.
Veton Jahaj
Kl.II, Krythë
Nëna
Fjala nënë sa shumë do te thotë,
Më të shtrenjtë s’ka në këtë botë,
O princeshë e shpirtit tim,
Ti që fal vetëm gëzim.
O e shtrenjta mbretëresha ime.
Që më rrite me shumë
mundime,
Lodhjen nuk e ndjeve fare,
o trimëreshë, o luftëtare.
Bota ime
Bota ime plot me ngjyra
Për çdo ditë më qeshet fytyra
Luaj, qeshi dhe mësoj
Botën time zbukuroj.
Shumë gëzime e dashuri
Botës time ia dhuroj
Me krah hapur dhe me shpresë
Boten time e përqafoj.
Uzejr Sella
KL.IV, Katërkollë
ALFABETI
Shkronjat i mësova,
Fillova të lexoja,
Çdo ditë e më shumë
Poezi recitoja.
I dua shkronjat
E Alfabetit tim,
Me to hedhi valle
Çdo ditë në mësim.
ANESA ISLAMOVIQ, VII-3
Koha
Oqeani i përgjigjet Hënës.
Ndërsa Hëna , Diellit
Dielli i përgjigjet Kohës
Koha, asnjërit…
Egzona Deda 9-1
Gjuha shqipe
Gjuha shqipe, gjuhë hyjnore
Gjuhë e artë e madhështore
Gjuha shqipe, gjuhë e vjetër
Atë e dua e asnjë tjetër.
Gjuha shqipe, gjuhë e t‟parëve
Rezistente ndaj barbarëve
Gjuhë e të gjithë shqiptarisë
Tokës së lashtë, Ilirisë.
Emira Xhurreta, Kl. VIII-2
Nxënësja:Rejana Zeneli, kl.4, PN Shtodër
Emanuela Jankoviq V-2
Faqja 24
Shkëndijat 41

Krijimtaria Letrare
Abschiedswörter...
Die Tage, die Wochen, die Jahre vergingen wie im Flug und noch wenige Tage trennen die Schüler der neunten
Klassen von der Grundschule.
Mir ist unglaublich, wie diese Zeit so schnell vergangen ist. Ich errinere mich noch an dem ersten Tag der Schule,
als ich mit meinen Eltern in der Schule kam, wo ich zum ersten Mal meine Freunde und Freundinen traf.
Neun Jahre sind als neun Monate vorbeigegangen. Diese Jahre waren die Jahre des Lachelns, der Freude, des
Streites, die Jahre des Lernens, des Fehlers, des Weinens, der Unschuld...
Jetzt vor uns steht eine neue Herausforderung, ein neues Schlachtfeld, ein Wechselbad der Gefühle zwischen
Freude, Aufregung, Sorgen und Ängsten-Das Gymnasium wartet auf uns!
Aber trotz der neuen Wege des Lebens, werde ich immer an unseren Lehrer mit Liebe und Nostalgie errinern.
Besonders werde ich eine Person hervorheben, eine Person, die zu uns wie eine zweite Mutter war, die immer uns
unterstützte und half. Diese Person ist meine Klassenlehrerin, Nezmije Taipi, die immer bereit war, uns zu lernen
und zu raten, immer lächelnd und voll mit positiver Energie, immer da uns aktiv und fleißig zu machen, sowie an
verschiedenen Schulaktivitäten einzubeziehen.
Sie war mehr als eine Lehrerin, sie war unsere beste Freundin, die unsere Wünsche immer realisieren versuchte.
Sie war der Grund, warum ich heute die Deutsche Sprache als mein Lieblingsfach halte.
Ich bedanke sie für alles was sie für uns gemacht hat, für den Geduld, für die Zeit, die Sie uns gewidmet hat, für
die schönen Momente und die unzahlbaren Erlebnisse, die wir zusammen verbracht haben.
Geschrieben von Dea Gjeka, Klasse IX-1
Will future reunite us?
Not much time is left until we separate,until we will only see eachother in the hallways, until we will only
remain memories to eachother. Next year won’t reunite us anymore.We may keep in contact with each other,we
also may not, but theres still time to find that out.It’s really wierd to think that we sit in the same desks
everyday, and each of us will have different journeys and a different future. We passed every exam and test
together, laughed together, stressed together, all at once. We will miss every detail, even the ringing of the
bell. We can’t really go back in time, but we will be wishing it every second. I never thought I would say this
but I’m going to miss school, I’m going to miss every moment, and every day i was absent. We aren’t really
used to change, but we have to learn to accept it, because thats life. It challanges you with everything including
change.We have to remind ourselves that it wasn’t just school,it was a whole photo album where
memories will be stored forever,it was a chapter that wasn’t supposed to end.But the same question remains:”Will
future reunite us?”
Ilderina Hoxhiq IX-1
Shkëndijat 41 Faqja 25

Ekskursioni
Në kutizën e memorieve të arta, momentet e kaluara me shoqëri janë ato që do të ndriçojnë përherë. Do të
qëndrojnë përherë aty për të na kujtuar se sa e çmuar është shoqëria në jetën e secilit prej nesh.
Ekskursioni tre ditor nuk ishte thjesht një udhëtim nga relacioni në relacion, por do e quaja një aventurë
plot rastësi, hare dhe çmenduri. Me plot gojën mund të themi që ishin tri ditët më të bukura që kemi
përjetuar deri më tani. Ne që për nëntë vite radhazi edhe pse nuk u ndamë asnjëherë, kësaj radhe u ndjemë
të bashkuar më tepër se kurrë. Prandaj me entuziazmin më të madh do të përshkruajmë këto ditë që do të
mbeten gjatë në kujtesën tonë.
Ditë e enjte, herët në mëngjes filloi aventura jonë në drejtim të
shteteve fqinje Kosovë dhe Maqedoni. Kjo aventurë pikënisjen
e pati në Katërkollë e ndalesën e parë të rëndësishme në
Prekaz të Kosovës. Aty vizituam shtëpinë e heronjve Jasharaj,
historia e të cilëve sa herë që e dëgjojmë sikur na e forcon atë
ndjenjën e atdhedashurisë. Udhëtimin tonë e vazhduam në
qendrën tregtare “Albi Mall” e pastaj në hotel, ku u sistemuam
dhe hëngrëm darkë. Argëtimi jonë më pas vazhdoi deri në orët
e para të mëngjesit me biseda e të qeshura pafund.
Mëngjesi i ditës së premte, dita e dytë, na zbardhi në Prishtinë.
Pasi që hëngrëm mëngjes në hotel, vazhduam për vizitë në
qendrën e Prishtinës, ku ndodhet dhe Kuvendi i Kosovës. Ne me kureshtjen dhe kënaqësinë më të madhe
hymë në Kuvend ku na mirëpritën punonjësit e atij institucioni dhe na treguan më gjerësisht hapësirat që
ndodheshin aty, e të cilat nuk ishin të pakta. Pasi që përfunduam edhe këtë vizitë destinacioni i radhës ishte
Maqedonia. Kur arritëm atje në rrallë të parë vizituam kopshtin zoologjik, ku edhe pamë shumë kafshë që
nuk i kishim parë kurrë më parë në jetën reale. Kjo ditë e gërshetuar
me të qeshura e atmosferë të bukur përfundoi në hotelin që kishim të
rezervuar. Realisht ishim të rraskapitur, por nga entuziazmi që po
eksploronim hapësira të ndryshme as që e ndjenim lodhjen fare.
Kështu erdhi edhe dita e tretë e këtij udhëtimi argëtues. Nuk e kishim
kuptuar nga kishin kaluar ditët po një gjë dinim sigurt, që ajo ishte dita
e fundit, dhe që herët apo vonë atë ditë do të ktheheshim nëpër shtëpitë
tona. Kështu që këtë ditë vendosëm t‟a kalonim në mënyrën më të
bukur, fillimisht duke vizituar
qytetin e vjetër të Shkupit, qytet i cili na la mbresa sa të bukura aq
edhe të veçanta. E përfunduam këtë udhëtim në ndalesën e fundit, në
qendrën tregtare „‟Abi Çarshia‟‟ në Prizren duke përfshirë edhe
atmosferën argëtuese në autobus.
Pa marrë parasysh se sa na kanë lënë përshtypje vendet e vizituara, ajo
çfarë do mbetët më së shumti në memorien tonë për një kohë të gjatë
Faqja 26
Shkëndijat 41

Ekskursioni
janë momentet e shpenzuara me shoqëri dhe me
arsimtarët të cilët padyshim i falënderojmë pafund për
përkujdesjen dhe kohën që na kushtuan, të cilat do të
mbetën përherë në sirtarin tonë të kujtimeve e më mijëra
herë do të dëshiromë t‟i rijetojmë.
Do të mbesë ky udhëtim përherë i paharruar si një
përmbyllje përrallore për 9 vite po aq të mrekullueshme!
Egzona Deda ,IX-1 &
Edona Veliq ,IX-3
Lamtumirë shkollë fillore
Erdhëm ne tek ti si zogj
Që nuk dinim fluturimin.
Ti na mësove shkolla ime,
Ti na dhe edukimin.
Erdhëm ne tek ti si lule,
Si lule pa vlerë.
Ti na ujite rrënjën,
Na mbushe me erë.
Erdhëm ne tek ti të vegjël,
Me sy të mbushur me lot.
Nuk e dinim se do të largohemi,
Duke u përqafuar fort.
Lamtumirë shkollë fillore,
Me kokën lart ne po shkojmë.
Ti qëndro gjithmonë krenare,
Se ne do të kujtojmë gjithmonë.
Dea Gjeka 9-1
Shkëndijat 41 Faqja 27

Galeria
Daris Gjeloshi VII-2
Rinesa Ceka VII-1
E
Eriona Mehmedi VIII-2
Edona Veliqi IX-3
Emanuela Jankoviq V-2
Anes Salloviq VII-1
Nahida Hajdrari IX-3
Faqja 28
Shkëndijat 41

Galeria
Ilda Mehani VII-3
Arban Tahiri IX-2
Fiona Avdiu VII-2
Andi Sella VI-1
Klasa I , PN SHtodër
ANes Sallaj VII-1
Shkëndijat 41 Faqja 29

Galeria
Amelia Ismaili—kl. III—Krythë
Ajdisa Osmanoviq—KL V
Vesa Jahaj—VII-3
Ajdisa Osmanoviq— kl V
Diona Ceka— kl V-1
Emanuela Jankoviq V-2
Gresjana Ceka—VIII-1
Faqja 30
Shkëndijat 41

Galeria
Andi Ismaili , Kl I - Krythë
Vesa Jahaj—
Vesa Jahaj VI-3
Klasa I dhe IV—PN Shtodër
Besni Llolla—IX-2
DIar Çobaj—kl III PN Krythë
Shkëndijat 41 Faqja 31

Gjenerata 2022 / 2023
IX-1
IX-2
IX-3