Kappityt Fees | 20 tot 25 Februarie 2023

riaan
van Rensburg
Riaan van Rensburg is een van Suid-Afrika se
sing
top musikante en perkussiespelers, en is veral
bekend vir sy deelname aan die immergewilde TV
reeks NOOT VIR NOOT. Riaan se ma is bekende
sangeres, Rina Hugo en sy pa natuurlik Johan van Rensburg, een van die stigterslede van NOOT
VIR NOOT. Riaan maak sy debuut as dromspeler op die ouderdom van 4 op die program, WIELIE
WALIE. Die res is natuurlik geskiedenis. As drommer het Riaan saam met verskillende kunsternaars,
orkeste, popgroepe en platejoggies opgetree. Nie net in Suid-Afrika nie, maar ook regoor die wêreld.
Riaan se passie vir kultuur en tradisionele musiek maak van hom ‘n baie veelsydige kunstenaar.
Alhoewel hy spesialiseer in ritmes van Wes-Afrika en Kuba, vind hy homself gereeld projekte
aanmekaar sit vir korporatiewe temafunksies wat soms kultureel-spesifiek kan wees, of wat selfs ‘n
mengsel van klomp musiek genres en kulture kan wees.
Maar in hierdie konsert, RIAAN VAN RENSBURG SING!, sien ons ‘n ander sy van Riaan – die van
sanger. Riaan fokus op sy kultuur van oorsprong, Afrikaans, en sing liedjies wat hy self geskryf
het sowel as ‘n paar Afrikaanse treffers. Verwag tipiese Afrikaanse tradisionele volksmusiek met
sterk florerende ritmiese ondertone wat elemente van Latyns-Amerikaans en ook eg Suid-Afrikaans
bevat. Hierdie mengsel gee “skop” aan die musiek en jy gaan beslis nie wil stil sit nie. Jy gaan wil
dans! RIAAN VAN RENSBURG SING! is lekker, dis prettig en dit is ligte vermaak vir die hele gesin.
Kom sien hoe het die Riaan van vier ontwikkel vanaf die WIELIE WALIE- dae tot die kunstenaar,
Riaan van Rensburg.
Vrydag, 24 Feb 16:00 Teatro San Carlo
R120 75 min Musiek Almal