Kappityt Fees | 20 tot 25 Februarie 2023

BOBBY
van Jaarsveld
Bobby van Jaarsveld het op die jong ouderdom van sewentien jaar oud die Afrikaanse musiekbedryf
oorrompel met sy eerste album, Duisend Ure, wat in 2006 vrygestel is. Een van sy eerste groot
musiekfeeste was vir Lefra Produksies se Afrikaanse Musiekfees wat by Carnival City aangebied
is. Nadat hy in dieselfde jaar die toekenning vir Beste Nuweling by die Huisgenoot Tempotoekennings
ontvang, word daar voorspel dat hy nog een van Suid-Afrika se grootste kunstenaars
gaan word. Bykans vyftien jaar later is Bobby wel een van die land se grootste kunstenaars wat
spog met treffer na treffer. Liedjies soos Spieëltjie, Net Vir Jou, Kyk Waar is Ons Nou en Net ’n Man,
is om maar net ’n paar van dié liedjies te noem wat daagliks op radiogolwe landwyd gespeel word.
Bobby se verhoogpersoonlikheid gaan jou meevoer van die oomblik wat hy op die verhoog is en hy
spog met ’n wye spektrum aanhangers van tussen 8 en 80 jaar oud. Bobby moes sy stem vir twee
jaar laat rus het, maar hy is nou in volle aksie terug op die verhoog en dit is vir die Kappityt Fees ‘n
groot eer om Bobby terug te verwelkom op die verhoog.
Woensdag, 22 Feb 16:00 Teatro San Carlo
Vrydag, 24 Feb 21:30 Teatro San Carlo
R150 90 min Musiek Almal