EUSKADIKO KOOPERATIBEN LEGEAREN GAINEKO IRUZKINAK

XEDAPEN OSAGARRIAK
Arau baten indarraldiaren hasiera argitalpen ofizialak zehazten du, eta hori legeak era
formalean argitaratzeko printzipioaren ondorio da. Printzipio hori 1978ko Konstituzioaren
9.3 artikuluan jasota dago. Artikuluak ezartzen duenez, “Konstituzioak arauen publizitatea
bermatzen du”.
Egitate edo une horretatik abiatuta, legeak berehala edo geroratuta hasi ahal izango dira
indarrean, bigarren kasu horretan, era ofizialean argitaratzen direnetik, legeek ezartzen
duen denbora-tartea igaro ondoren −vacatio legis moduan ezagutzen dena−.
33.4.5.2. Berrikuntza nagusiak aurreko araudiaren aldean
1/1982 Legeak (azken xedapenetako zortzigarrena) ezarri zuen EHAAn argitaratu eta
hurrengo egunean jarriko zela indarrean. 4/1993 Legeak (azken xedapenetako lehenengoa),
berriz, 30 eguneko epea ezarri zuen horretarako.
33.4.5.3. Iruzkin orokorra eta esanahi praktikoa
Xedapen honek hogeita hamar eguneko epea ezarri du –vacatio legis–, EHAAn argitaratzen
denetik aurrera indarrean jartzeko.
Ondorio horietarako, epe bat ezartzeak legea ezagutzea erraztu egiten du (gutxienez,
legearen esanahia edo haren ildo nagusiak), argitaratzen denetik indarrean jartzen den arte,
batez ere, bertan jasotako arauek zuzenean eragindakoen partetik.
Legea berehala indarrean ez hastea, geroratutako epean baizik (hogeita hamar eguneko
epean, hain zuzen ere) alderdi onuragarria delakoan gaude.
625