EUSKADIKO KOOPERATIBEN LEGEAREN GAINEKO IRUZKINAK

SOZIETATE KOOPERATIBO TXIKIA
27.5. Egokitzapenari eta desegiteari buruzko xedapenak
27.5.1. Estatutu sozialak egokitzea
142. artikulua.– Estatutu sozialak egokitzea.
1.– Baldin eta sozietate kooperatibo txikiak gainditu egiten badu iraupen mugagabeko
bazkide langileentzat edo lan-bazkideentzat ezarritako kopurua, estatutu sozialak
egokitu beharko ditu.
2.– Halaber, baldin eta lehenago sorturiko sozietate kooperatiboren batek sozietate
kooperatibo txikiaren forma hartu nahi badu, eta arau honetan finkatu diren
betekizunak betetzen baditu, estatutu sozialak egokitu beharko ditu lege honen
aginduetara.
27.5.2. Berrikuntza nagusiak aurreko araudiaren aldean
Euskadiko Kooperatiben ekainaren 24ko 4/1993 Legeak ez zuen kooperatiba-sozietate
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu
zuen, 4/1993 Legearen artikulu jakin batzuetara egindako igorpenari kalterik egin gabe.
Legearen 142. artikuluaren edukia eta Kooperatiba-sozietate txikiari buruzko ekainaren
25eko 6/2008 Legearen 7. artikuluaren edukia ia-ia berdinak dira.
Berrikuntza juridiko bakarra dago, Euskadiko Kooperatibei buruzko ekainaren 24ko
4/1993 Legerako igorpena kendu baita.
27.5.3. Iruzkin orokorra eta esanahi praktikoa
1. atalaren edukia aginduzkoa da, eta bertan ezarri da kooperatiba txikiak hamar bazkide
langile edo lan-bazkide baino gehiago baditu, sozietatearen estatutuak egokitu behar dituela,
kooperatiba-sozietate txikia izateari utzita.
2. atalak eduki mistoa dauka, aginduzkoa zein xedapenezkoa izan baitaiteke. Aginduzkoa
litzateke baldin eta txikia ez den kooperatiba batek betekizunak izateari uzten badio
eta kooperatiba txiki batenak baditu. Kasu horretan, kooperatiba gisa jarraitu nahi badu,
estatutuak egokitu beharko ditu kooperatiba txiki bat izateko, eta estatutuak egokitu nahi
ez baditu kooperatiba-sozietate txikientzat ezarritako araudiaren arabera, adibidez, sozietate
mugatu bihurtu ahal izango da (arauaren xedapenezko zatia, kooperatibak sozietateestatutuak
ez egokitzea erabaki baitu).
27.5.4. Beste arau aplikagarri batzuk
Estatuko legerian ez dago bat datorren manurik, kontuan hartuta kooperatiba-modalitate
hori ez dela arautzen.
27.5.1bis. Sozietatea desegiteko arrazoiak
143. artikulua.– Sozietatea desegiteko arrazoiak.
526