EUSKADIKO KOOPERATIBEN LEGEAREN GAINEKO IRUZKINAK

KONTSUMO-KOOPERATIBAK
a. Kontsumitzaileak babesteko gaietan eskumenak dituzten langileen prestakuntza
sustatzea, gehienbat merkatua kontrolatzeko lanetan eta kontsumitzaileei eta
erabiltzaileei informazioa eta orientabidea ematen aritzen diren langileena eta,
orobat, kontsumitzaileen eta erabiltzaileen elkarteetako langileena.
b. Enpresa-erakundeekin batera, enpresa-sektoreen kontsumo-arloko prestakuntza
sustatzea eta garatzea.
16.4. Beste arau aplikagarri batzuk
Kontsumo-kooperatibek, ezinbestean −bizitzan, oro har, gertatzen den moduan−, bilakatu
behar izan dira gizarte-aldaketetara egokitzeko. Kooperatiba-mota berrientzako eredu
izatetik gaur egun, kasu batzuetan, izugarri hazi dira, tamaina handiko erakunde bihurtu arte,
edo hirugarrenekiko jarduerak egitea onartu zaie, aldaketa esanguratsu batzuk aipatzearren.
Etengabeko bilakaera horri kontsumo-kooperatiben kontzeptua partez aldatzen duen
alderdi bat gehitu behar zaio gaur egun, gizarteak kontsumitzaileak eta erabiltzaileak
babesteko beharra azaleratu zuenetik, haiek babesteko legeria modernoarekin bat eginda.
Kontsumo-kooperatibek bazkidek eta haiekin bizi direnek erabiltzeko eta kontsumitzeko
ondasunak lortzeari edo zerbitzuak emateari lotutako ohiko helburuari kontsumitzaileen
eta erabiltzaileen interes legitimoen defentsa babestea gehitu diote, bai eta horien heziketa
eta prestakuntza sustatzea ere. Horren ondorioz, kooperatibatzat ez ezik, kontsumitzaileen
elkartetzat ere jo behar dira, horrek dakarren guztia aintzat hartuta.
Bada, aurrekoa esanda, Kontsumitzaileen eta Erabiltzaileen Estatutuari buruzko abenduaren
22ko 6/2003 Legea aipatu behar dugu arau aplikagarri gisa.
400