Jolabaeklingur_2020_prent

Jólabærinn
Hafnarfjörður 2020

Höfum gaman
saman í Hafnarfirði
- þar sem hjartað slær
Hafnarfjörður hefur líklega aldrei verið jólalegri og hlýlegri
á aðventunni en einmitt nú. Hvít og mild jólaljósin hafa yljað og glatt
okkur íbúa og gesti bæjarins undanfarnar vikur en ákveðið var að setja
ljósin upp í miðbænum mun fyrr en áður. Viðbrögðin voru ánægjuleg
og sannfærðu okkur um að hafi einhvern tíma verið þörf á að lýsa upp
umhverfið þá var það á þessu hausti. Stórkostlegt er að sjá hve bjartur
og fagur bærinn er nú í skammdeginu.
Við leggjum mikið upp úr því að hingað til Hafnarfjarðar sé
notalegt að koma á aðventunni, njóta og hafa gaman saman.
Hafnarfjörður er orðinn sannkallaður jólabær þar sem fjölskyldur
og vinahópar upplifa hlýlega og afslappaða jólastemningu. Það
hefur verið sérlega ánægjulegt að sjá hve margir sækja okkur heim
úr nágrannasveitarfélögunum og sækja í þann jólaanda sem ríkir í
bænum. Jólahúsin í jólaþorpinu og skreytingarnar í kringum það hafa
jafnan mikið aðdráttarafl. Þar er hægt að kaupa listmuni og handverk,
sælkeravörur og annað fallegt í jólapakkana. Og í ljósi aðstæðna
munu nú óvæntir viðburðir skjóta upp kollinum á hinum ýmsu tímum
og stöðum í miðbænum í stað auglýstrar skemmtidagskrár eins og
venja er. Lystigarðurinn Hellisgerði hefur í ár verið fallega skreyttur
og prýddur ljúfum jólaljósum. Við munum geta upplifað sannkallað
jólaævintýri í þessum fallega garði, innan um hraun og kletta í
vetrarbúningi.
Verið velkomin heim í Hafnarfjörð þar sem jólahjartað slær og hlýlegt
andrúmsloft ræður ríkjum.
Með jólakveðju,
Rósa Guðbjartsdóttir bæjarstjóri
3

Innihald
Huggulegasti heimabær
höfuðborgarsvæðisins
Hafnarfjörður er bær sem hefur allt til alls. Undanfarin ár
hefur fjöldi nýrra þjónustuaðila og verslana séð tækifæri til
opnunar og vaxtar í stækkandi samfélagi. Þessi uppbygging
nær ekki bara til miðbæjar Hafnarfjarðar heldur ekki síður til
annarra hverfa bæjarins. Þannig virðist m.a. hugmyndafræðin
sem liggur að baki kaupmanninum á horninu, sælkerabúða
og listsköpunar vera að skila sér í opnun slíkra verslana og
greinilegt að Hafnfirðingar og vinir Hafnarfjarðar um land
allt kunna vel að meta öðruvísi og einstakar verslanir í bland
við aðra mikilvæga og hefðbundna verslun og þjónustu.
Lykillinn er áhugi og hvatning samfélagsins m.a. með verslun
í heimabyggð. Markaðsstofa Hafnarfjarðar, í samstarfi við
Hafnarfjarðarbæ, hefur lagt áherslu á að kynna Hafnarfjörð
sem heillandi bæ til búsetu, atvinnu og rekstrar.
4

Plastlaust -
beint frá býli
Smákaupmenn í matvöru- og heimilisvörugeiranum hafa sótt
í sig veðrið undanfarin ár með aukinni meðvitund almennings
um umhverfisvernd og plastlausan lífsstíl. Það þykir aldeilis
orðið hipp og kúl að kaupa vörur af litlum framleiðendum og
gjarnan beint frá býli um land allt. Á þessu ári opnuðu þrjár
nýjar og spennandi verslanir með þessar áherslur
í Hafnarfirði.
Matarbúðin Nándin
Við Austurgötu 47 er fjölskyldufyrirtækið
Urta Islandica og í sumar opnuðu þau einnig
Matarbúðina Nándina í húsnæðinu, matvöruverslun
þar sem m.a. er hægt að skila glerflöskum
og -krukkum og jarðgeranlegt efni er notað
í stað plasts. Fjölskylduna hafði lengi dreymt um
að getað orðið plastlaus, enda búin að vinna
náið með íslenskri náttúru í tíu ár og vildu leggja
sitt af mörkum til að verja hana.
Vistvera
Vistvera er krambúð, sem opnaði í verslunarmiðstöðinni
Firði, og selur þar ýmsar neysluvörur,
helst alveg plastlausar, en einnig heimilisvörur úr
náttúruefnum. Þau leggja áherslu á að bjóða upp
á umbúðalausar vörur, eða úr endurvinnanlegu efni
til að draga úr einnota lífsstíl. Hægt er koma með
eigin ílát til áfyllingar.
Gott & blessað
Gott & blessað ehf. við Flatahraun 27 er vefverslun,
smásala og markaðstorg á netinu sem sérhæfir sig í
að selja vörur íslenskra smáframleiðenda og tryggja
þannig aðgengi neytenda að góðum íslenskum
matvælum með beinum og markvissum hætti.
5

Hangikjötsbökur
Í Bretlandi eru handheldar kjötbökur sem kallast „pasties“
vinsælar. Þær eru venjulega blanda af kjöti og grænmeti bökuð
í smjördeigsskel í laginu eins og hálfmáni og byggja á þeirri
hugmynd að nýta afganga og draga úr matarsóun. David
Anthony Noble hjá Pallett Kaffikompaní deilir hér hugmynd að
því hvernig nýta má afgang af íslenskum jólamat í bökurnar.
Gott er hafa nægan lauk og krydd og jafnvel bæta við osti.
Innihald
Innihald:
250 g afgangs kartöflur, soðnar, bakaðar
eða hráar, að eigin vali
200 g hangikjöt (eða hamborgarhryggur,
að eigin vali)
75 g Ora baunir
50 g hrár laukur (eða eldaður,
bæði virkar vel)
3/4 tsk salt
1/2 tsk pipar
5 msk af afgangs jafningi
1 msk hveiti (til að sáldra á vinnusvæði)
1 egg (til að pensla)
Pakki af smjördeigi
Aðferð:
• Skerið kartöflur í litla teninga
og setjið í stóra skál
• Skerið hangikjöt í litla teninga
eða rífið það
• Saxið laukinn fínt og bætið honum við
• Hellið vatni af baununum og bætið þeim
við ásamt salti og pipar
• Blandið öllu vel en varlega saman
• Bætið jafningi við og blandið vel
saman
• Sáldrið hveiti á vinnusvæði og leggið
smjördeig þar á. Notið lítinn disk sem mót
til að skera út tvo hringi úr deiginu
• Vætið brúnir hvors hrings og setjið síðan
helming fyllingar í miðju hvors hrings
• Brjótið aðra hlið hringsins yfir fyllinguna
og búið þannig til hálfmána
• Þrýstið brúnunum létt saman og þéttið
með gaffli
• Skerið þrjár litlar rifur, c.a. 3 cm langar,
í hverja böku og penslið með þeyttu eggi
• Bakið við 200°c (180°c blástur) í 25-30
mínútur eða þar til orðið er gullinbrúnt
• Berið fram með súrsuðu rauðkáli og jafnvel
smá klettasalati fyrir aukna beiskju
Njótið!
6

Jólaþorpið í Hafnarfirði
- síðan 2003
Hafnarfjarðarbær býður jólin velkomin með sínu árlega
jólaþorpi, fullu af gleði, gómsætum bitum og skemmtilegum
jólavarningi. Fagurlega skreytt jólahúsin eru löngu orðin
landsþekkt fyrir fjölbreytta og spennandi gjafavöru, góðgæti,
handverk og hönnun. Óvæntar uppákomur og öðruvísi
jóladagskrá verður undirtónn hátíðarhaldanna þetta árið.
Opið allar helgar á aðventunni frá kl. 13-18.
7

Blómstrandi
bakki
Norðurbakkinn er orðinn ein
af perlum bæjarins og með
fyrirtækjum sem þar blómstra,
er þetta svæði orðin órjúfanleg
tenging við aðra verslun og
þjónustu í miðbænum og hluti af
mannlífinu þar. Lokkandi ilmur
og gómsætt góðgæti í bland við
skapandi hugsun og heillandi
hönnun.
8

Nýjar verslanir
við Strandgötuna
Á undanförnum árum hefur hver verslunin á fætur annarri ýmist hafið
starfsemi eða flutt í húsnæði við Strandgötuna. Mikil eftirspurn er eftir rými
við þessa vinsælu og fallegu götu í Hafnarfirði. Meira að segja á þessu
óvenjulega ári í ár opnuðu snyrtivöruverslunin GlowUp að Strandgötu
32 og gjafavörubúðin Bæjarbúð í húsi nr. 43. Fyrr voru komnar Ziaja við
Strandgötu 17 og hin skemmtilega Garnbúð Eddu í hús nr. 39.
9

Komdu og upplifðu
Hafnarfjörð
Hafnarfjörður er heillandi og líflegur sjávarbær, með litrík hús staðsett
innan um víðfeðmt hraun og fallega náttúru. Hér kemur hugmynd að
hlýlegum degi (dögum) í Hafnarfirði sem felur í sér upplifun, skemmtun,
útivist og heilan helling af fersku sjávarlofti fyrir alla fjölskylduna.
Sund
Sundlaugarnar eru þrjár og hafa allar sín sérkenni
og sjarma, þannig að auðvelt er að finna laug við
hæfi. Tilvalið að hefja daginn í sundi!
Miðbær
Miðbæinn er ánægjulegt að upplifa fótgangandi.
Njóta jólaljósanna, meðtaka og draga inn
bæjarandann og skoða litrík og falleg hús sem eru
einkennandi fyrir fjörðinn. Ekki gleyma að taka mynd
í Hjarta Hafnarfjarðar og deila undir myllumerkinu
#hjartahafnarfjarðar.
Hafnarsvæði
Afslappandi göngutúr um höfnina er hin besta
núvitund. Stefndu á smábátahöfnina og upplifðu
hljóð, angan og allt það sem fyrir augu ber. Þessi
heillandi gamla höfn er m.a. heimili listafólks og
vinnustofa sem sýna og selja íslenska list og hönnun.
Hellisgerði
Þessi skrúðgarður Hafnfirðinga er sannkallaður
ævintýraheimur sem kallar á opinn hug og trú á
álfa og huldufólk. Heyrst hefur að huldufólkið ætli
að taka jólin alla leið í ár og skreyta með fallegum
ljósum. Teppi, hlý föt og nesti eru staðalbúnaður í
Hellisgerði.
Bakarí eða kaffihús
Mörg skemmtilega ólík kaffihús og bakarí prýða
Hafnarfjörð. Heimabakað góðgæti og ferskir
drykkir er kærkomið að sundferð lokinni.
Verslun og þjónusta
Hlýja, fjölbreytileiki og fegurð einkenna hina
persónulegu, hafnfirsku verslun og þjónustu.
Listir og menning blómstra í bænum með íslenskri
hönnun, handverki og hágæðavöru. A.m.k. ein
heimsókn í Jólaþorp Hafnarfjarðar er nánast skilyrði
á aðventunni.
Söfn
Öll söfn Hafnarfjarðarbæjar eru staðsett í hjarta
Hafnarfjarðar, sjálfum miðbænum. Komdu og
upplifðu sögu, menningu og list eftir leiðandi
listamenn í fortíð, nútíð og framtíð. Kaffi, blöð og
bækur á bókasafni er einnig tilvalið.
Aðgangur er ókeypis á öll söfnin!
Veitingastaðir
Ást og metnaður liggja að baki matseðlum, hráefni,
umhverfi og þjónustu fjölbreyttra veitingastaða
í Hafnarfirði. Endaðu daginn á vel völdum
veitingastað og upplifðu notalega stund með fólkinu
þínu.
Gisting
Dugar ekki dagurinn í öll þessi ævintýri og upplifun?
Gistimöguleikar í Hafnarfirði eru fjölmargir og
mismunandi. Fjörukráin – The Viking Village er
einn þeirra. Vestnorrænt þema og herbergi í anda
víkinga. Rólegt og rómantískt umhverfi fyrir gesti eftir
ævintýri dagsins.
10

11

Inn
Siglandi lífsstíll
í Sæúlfi
Árið 2008 seldu hjónin Markús, formaður Siglingaklúbbsins Þyts og
eiginkona hans, Helena, húsið sitt og bílinn og fjárfestu í skútunni Sæúlfi.
Stefna hjá Þyt er að leggja grunn að því að þjónusta við innlenda og
erlenda siglara verði í sérflokki í Hafnarfirði. Fjölmörg fyrirtæki í bænum
gætu komið að slíkri atvinnugrein með einum eða öðrum hætti. Einstök
innsigling og nálægð við alla helstu þjónustu hefur mikið með það að gera.
Naumhyggja
Fjórar káetur eru um borð í Sæúlfi, auk rýmis sem
er bæði eldhús og stofa. Fjölskyldan hefur smám
saman tileinkað sér einfaldan lífsstíl, því vegna lítils
pláss þarf að hugsa á praktískan hátt um stærð á
heimilistækjum, magni af matvöru, borðbúnaði og
að hafa pláss fyrir varahluti og fleira. Jólagjafir hafa
því gjarnan verið umslög með peningum eða hlutir
sem nýtast í skútulífinu.
Jólin um borð
í fjarlægu landi
Fjölskyldan lagði áherslu á siglandi lífsstíl þegar
hvert barn var í 9. bekk. Í siglingunum lærðu
þau sjálfstæði og sjálfbærni með þátttöku í
samvinnuheimi siglingafólks og það veitti þeim
mikinn þroska. Börnin Guðmundur Ísak, Hjörtur Már
og Tara Ósk hafa öll týnst að heiman um 17 ára, en
einkadóttirin er þó enn með annan fótinn þar. Þegar
fjölskyldan sigldi um heimsins höf hélt hún jólin um
borð í fjarlægu landi og þá var skreytt, bakað, notið
samveru og snæddur jólamatur, eins og á öðrum
heimilum. Í dag þiggja Markús og Helena heimboð
til fjölskyldna sinna í Hafnarfirði á jólunum, þótt þau
skreyti skútuna í Flensborgarhöfn.
12

Innihald
Vinsælar
verbúðir
Í húsnæði fyrrum verbúða
við Flensborgarhöfn fer fram
fjölbreytt starf fyrirtækja og
vinnustofa sem hafa sum hver
markað sér sérstöðu og getið sér
gott orð í heimi lista og hönnunar
á Íslandi. Þar fer sköpun, hönnun,
verslun og þjónusta fram í
námunda við sjávarilminn.
13

Innihald
Eitt jólalegasta
hús bæjarins
Við Hellisgötu 34 stendur fallegt, hvítt, steinsteypt hús með rauðum
dyrum. Þar hafa hjónin Sveinbjörn Björnsson og Katrín Danivalsdóttir í
þrjú ár vakið athygli og aðdáun fyrir einstaklega fallegar jólaskreytingar.
Sveinbjörn sér um uppsetningu á yfir 9000 perum. Hann byrjar að setja
upp í október og segir ástríðuna fyrst og fremst liggja í því að gleðja fólk
í skammdeginu. Þau kveiktu reyndar ljósin óvenju snemma í ár, vegna
hvatningar frá Hafnarfjarðarbæ. Smáfuglar eru hjónunum hjartfólgnir og
þau gefa þeim alltaf blöndu af haframjöli og matarolíu og jafnvel eplabita.
Fjölmargar tegundir fugla gæða sér á þessu í garðinum og gleðja um leið
heimilisfólkið.
14

Heilsueflandi
samfélag í St. Jó
Lífsgæðasetur St. Jó að Suðurgötu 41 er skapandi samfélag 18
einstaklinga, fyrirtækja og félagasamtaka sem bjóða heilsueflingu,
snemmtæka íhlutun, forvarnir og fræðslu sem auka með einum
eða öðrum hætti lífsgæði fólks. Einnig svefnjóga, jóga nidra,
líkamsmeðferðir, heilsufarsmælingar, fyrirlestra, námskeið og
jafningjafræðslu af ýmsu tagi. Fyrsta árið hefur gengið vel og með
mikilli útsjónarsemi hefur tekist að aðlaga starfsemina að nýjum
veruleika vegna aðstæðna í samfélaginu og bjóða fjarþjónustu af
ýmsu tagi.
Nýtt og mikilvægt hlutverk
Undanfarna mánuði hefur verið unnið að viðgerðum
og málun utanhúss, ásamt því að bæta aðgengismál
hússins. Stefnt er að því að opna glæsilegan
aðalinngang frá Suðurgötu á næstu vikum og verður
þá vonandi hægt að bjóða gestum og gangandi í
heimsókn til þess að skoða þetta fallega hús sem
hefur fengið nýtt og mikilvægt hlutverk í að skapa
Hafnarfirði sérstöðu sem heilsueflandi samfélags.
15

Inn
Aldagömul
íhugunarregla
Regla Karmelsystra er aldagömul íhugunarregla, skrifuð árið
1209. Hún varð til í samfélagi einsetumanna á Karmelfjalli í Ísrael.
Þaðan er nafnið komið. Systurnar eru pólskar og mestur tími fer í
bænahald og messur. En þær rækta einnig til jafns sinn innri anda
og stóra og fallega bakgarðinn. Hæfileikar nunnanna eru margs
konar og áhersla lögð á að nýta þá sem best.
Lítil verslun sem er öllum opin
Lítil verslun er rekin innan veggja klaustursins.
Vinna systranna er í heiðri höfð og mikil natni
lögð í handverk sem m.a. er selt í versluninni, þar
sem þær skiptast á að standa vaktina alla daga
frá kl. 9-18, nema sunnudaga. Meðal þess sem
Karmelsystur selja eru kerti, skreytingar, tónlist,
bænir og helgigripir af ýmsu tagi. Vinsælt er að
panta skrautáritun á kerti og gjafakort hjá þeim og
eftirspurn er mest fyrir jólin. Þá hafa þær einnig tekið
þátt í Jólaþorpinu.
16

Innihald
Ástríða fyrir bókum
og börnum
Í Hafnarfirði hefur alist upp fjöldi fólks sem hefur búið til
ógleymanleg verk fyrir börn og ungmenni í tímans rás.
Barnamenning er í hávegum höfð á fjölbreyttan hátt með ýmsum
viðburðum og uppákomum. Bæjarlistamenn Hafnarfjarðar
undanfarin tvö ár eru þekktir fyrir ástríðu sína gagnvart þessum
aldurshópi og fyrir að virkja þessa mikilvægu einstaklinga til
sjálfstæðrar hugsunar, sköpunar og þátttöku á sviði menningar.
Björk Jakobsdóttir (2019)
Hingað til hef ég haldið mig að mestu við skrif fyrir
leikhús en skeiða nú inn á barnabókamarkaðinn með
merina Hetju í forgrunni í hörkuspennandi sögu um
vin okkar og þarfasta þjón frá landnámi.
Bergrún Íris Sævarsdóttir (2020)
Leikur og lestur eru kærkomin truflun, hugleiðsla sem
heilar og gefur hvíld. Það sem eyðir áhyggjunum
er samvera, hvort sem það er bíókvöld með
fjölskyldunni, símtal til vinar, bóklestur eða göngutúr
í náttúrunni.
17

Ný tækifæri
á nýjum stað
Hjónin Stefán Gíslason og Harpa Lind Harðardóttir fluttu fyrirtæki
sitt Willamia nýlega frá Garðatorgi til Gjáhellu. Ný staðsetning
þykir fullkomin fyrir sýningarsal með hágæða húsgögnum,
netverslun og lager. Allt á einum og sama staðnum. Þeim hjónum
finnst umhverfið heillandi og segja ánægjulegt og hvetjandi að
fylgjast með vinnuvélum, framkvæmdum og uppbyggingu út um
gluggana. Rekstur sem þessi á svona stað er nokkuð algengur víða
erlendis þar sem Stefán og Harpa bjuggu um árabil.
Blærinn þróast í takti
við tækifærin
Hellnahverfi, við hlið Vallahverfis, er ört vaxandi
svæði þar sem fyrirtækjum með fjölbreytta starfsemi
fer fjölgandi. Margir myndu kalla það iðnaðarhverfi
en blærinn þar hefur þróast í takti við þau tækifæri
sem fyrirtæki sjá fyrir starfsemi sína þar.
18

Jóla eplakaka
Ævar Olsen matreiðslumeistari á Rif Restaurant deilir hér með
okkur uppskrift að jólalegri eplaköku sem er ómissandi hluti
af jólunum hans heima við.
Aðferð:
Innihald
Innihald:
1 bolli af hveiti
1 tsk lyftiduft
1/4 tsk salt
1/2 bolli ósaltað smjör, við stofuhita
2/3 bolli sykur
1 msk flórsykur til að strá yfir köku
2 stór egg
1 tsk vanilludropar
3 msk dökkt romm
3 stk Lady epli
• Hitið ofninn í 175 ° C og stillið ofngrind í miðju
• Smyrjið 9 tommu kringlótt form með smjöri
eða eldunarúða
• Þeytið saman hveiti, lyftidufti og salti
í lítilli skál
• Notið handhelda hrærivél og blandið saman
rjóma, smjöri og sykri uns það er létt og
dúnkennt, í um það bil 3 mínútur
• Bætið eggjum út í, einu í einu. Þeytið vel og
skafið niður hliðar skálar eftir hverja viðbót
• Bætið vanillu og rommi eða appelsínulíkjör út í
• Bætið hveitiblöndu saman við og blandið á
hægum hraða þar til hún er aðeins sameinuð
• Notið gúmmíspaða, brjótið niður söxuðu eplin
og setjið út í
• Skafið deigið á tilbúna pönnu og sléttið toppinn
• Stráið jafnt yfir 1 msk af flórsykri
• Bakið í um það bil 40 mínútur, eða þar til kakan
er gullin og hún bökuð í gegn
• Leyfðu kökunni að kólna á grind
• Tertuna má bera fram heita eða við stofuhita,
látlausa eða með létt-sætuðum og þeyttum
rjóma eða vanilluís.
Njótið!
19

Skapandi samfélag
í gömlu frystihúsi
Við Strandgötu 90 stendur Íshús Hafnarfjarðar í gömlu frystihúsi
sem fékk fyrir 6 árum nýtt hlutverk sem aðstaða fyrir einyrkja og lítil
fyrirtæki í skapandi störfum. Um 40 manns dvelja þar að jafnaði, í
styttri eða lengri tíma, og fjölbreytnin í framleiðslu er mikil.
Gamlir hlutir fá nýtt líf
Í takti við áherslur við endurnýtingu í starfseminni
ber Íshúsið að innan þess glöggt merki að gamlir
hlutir fá nýtt líf og meðal slíkra listamanna með
vinnustofur eru Borghildur Ingvarsdóttir, sem hannar
og saumar fatnað og töskur úr m.a. leðurflíkum
og tjaldbotnum, Gunnar Júlíusson, sem málar
á tunnulok og spýtur, Sóley Þráinsdóttir, sem
gerir hreinlætisvörur úr hrosshárum og íslenskum
skógarafurðum og Úlfhildur Bjarnasen, sem gefur
húsgögnum sem hefðu lent í landfyllingum, nýtt líf
sem einstakir listmunir.
20

Jólatrjáasala
Skógræktarfélagsins
Skógræktarfélag Hafnarfjarðar, stofnað 1946, er með yfir 770
félagsmenn, þrjá starfsmenn og blómlegt starf. Heimild er um
jólatrjáahögg í Undirhlíðum á sjöunda áratug síðustu aldar, en um
1990 hóf Skógræktarfélagið sölu á jólatrjám með því sniði sem er í
dag. Jólatrjáasala félagsins hefur síðan vaxið jafnt og þétt í fjölda
trjáa og umfangi.
Stafafuran er barrheldin
og ilmandi
Félagið heggur fyrst og fremst stafafuru í sínum
skógum og selur við Gróðrarstöðina Þöll. Fyrst seldi
félagið eingöngu tré úr eigin ræktun, en með aukinni
sölu og skorti á trjám hefur félagið einnig keypt
jólatré af öðrum innlendum ræktendum. Stafafuran
nýtur sífellt meiri vinsælda, enda barrheldin og
ilmandi og ein mest gróðursetta trjátegundin
í skógum félagsins.
Rétt meðhöndlað
jólatré endist vel
Rétt meðhöndlað jólatré endist vel, geymt úti og
helst í vatni. Síðan er sagað aðeins af stofninum og
jafnvel tálgað upp á stofninn til auka vatnsupptöku.
Þá er bláendinn settur í sjóðandi vatn í 1-2 mínútur
og svo beint í jólatrésfótinn með köldu vatni. Passa
þarf vel upp á að vatnið klárist aldrei. Sumir láta
nægja að setja heitt vatn í jólatrésfótinn í upphafi.
Í tímans rás hefur verið hefð að bjóða upp á heitt
súkkulaði og piparkökur í boði Fjarðarkaupa tengt
jólatrjáasölunni. Auk jólatrjáa býður félagið upp
á kransa, leiðisgreinar og jólavendi úr efniviði
skógarins.
21

Tónlist skapar tilfinningar
og minningar
Fjöldi tónlistarfólks hefur alið manninn í Hafnarfirði og sett svip á
tónlistarsögu bæjarins, margir á landsvísu og jafnvel á heimsvísu.
Litróf hafnfirskar tónlistar er fjölbreytt; m.a. popp, rokk, jazz, blús
og jafnvel kvikmyndatónlist. Sama hvaða tegund tónlistar það er
þá á listin það sameiginlegt að skapa tilfinningar og minningar
í huga og hjarta hvers og eins.
Tónlistarhátíðir hluti
af hefðum bæjarins
Saga tónlistar í Hafnarfirði er löng og merkileg.
Í Hafnarfirði eru tónlistarhátíðir orðnar órjúfanlegur
hluti af menningu bæjarins og laða gesti víða
að. Má þar t.d. nefna Bjarta daga, Hjarta
Hafnarfjarðar, HEIMA hátíðina, Sönghátíð
í Hafnarborg, 17. júní, auk mikils fjölda viðburða
sem m.a. hafa ratað hafa á fjalir Bæjarbíós
undanfarin ár. Í Jólaþorpinu hefur verið lögð sérstök
áhersla á að kalla til hafnfirskt tónlistarfólk á öllum
aldri, allt frá barnakórum og ungum poppstjörnum
og upp í eldri goðsagnir, kóra og Lúðrasveit
Hafnarfjarðar, sem af mörgum er talin sú besta
á landinu.
Kaupum, hlustum,
njótum og styrkjum
Í tengslum við stórhátíðina sem framundan er, sjálf
jólin, vill Hafnarfjarðarbær minna sérstaklega
á íslenska tónlist og tónlistarfólk. Njótum þess að
hlusta á flott og fjölbreytt listafólk á efnisveitum,
kaupum plötur og mætum á tónleika um leið og allt
opnar á ný.
22

Hvetjandi heilsuráð
og Hressleikar
Linda Hilmarsdóttir í HRESS hefur síðan 2009 staðið að
Hressleikunum til að styrkja fjölskyldur í Hafnarfirði sem standa
höllum fæti fjárhagslega. Linda gefur okkur góð heilsuráð sem
hafa nýst henni vel. Hún tók þá ákvörðun að vera glöð fyrir sig
og aðra, þrátt fyrir erfitt ár.
Innihald
• Hreyfum okkur reglulega og munum að allt telur.
Gönguferðir eru dýrmætar og gera mikið fyrir
sál og líkama.
• Reynum að umvefja okkur jákvæðu fólki sem
við treystum og gefa okkur orku.
• Tölum okkur upp. Verum mild við okkur og
klöppum okkur á bakið daglega, því fylgir meiri
gleði og útgeislun. Þakklæti breytir hugarfari.
• Gefum okkur tíma. Horfum á mynd, gerum
ekkert, förum í sund, spilum, leikum eða dekrum
við okkur og förum á kaffihús. Þannig fáum við
meiri orku til að gefa öðrum. Gleymum draslinu
og njótum dagsins.
• Gefum af okkur án þess að búast við einhverju
til baka. Að bjóða fólki í mat er gefandi,
sérstaklega þeim sem kunna að meta það.
Jafnvel panta frá veitingastað. Kveikjum á
kertum og setjum á lága tónlist, það klikkar ekki.
• Verum kát, önsum glaðlega í símann; líka þegar
von er á erfiðu símtali. Tökum vel á móti fólki
sem kemur í heimsókn, sækjum á flugvöllinn eða
bjóðum í bústaðinn.
• Nauðsynlegt er að losa um erfiðar tilfinningar
með þeim sem við treystum. Munum að spyrja
líka þann sem veitir okkur stuðning hvernig hann
hefur það.
• Við lærum mikið af mistökum og erfiðleikum.
Að viðurkenna mistök sín er styrkleiki.
• Látum aldur ekki stoppa okkur af við að læra
eitthvað nýtt. Lesum og tölum við áhugavert
fólk. Komum í veg fyrir stöðnun og verum
óhrædd við að breyta okkur.
• Hollt og gott mataræði og góður svefn
eru lykillinn að góðum degi. Horfum ekki í
baksýnisspegillinn. Allir dagar eru nýtt upphaf
og áskorun um betra líferni.
23

Umhverfisvernd
og endurnýting
Sönn og falleg jól snúast um að láta gott af sér leiða og reyna
að gera heiminn að betri stað fyrir okkur öll. Fyrirtækin Terra og
Sorpa, nágrannar í Hellnahverfinu í Hafnarfirði, leggja áherslu á
umhverfisvernd og endurnýtingu í sinni starfsemi. Frábær leið til að
styðja við hringrásarhagkerfið er að gefa notaða hluti í jólagjöf og
tryggja þeim þannig framhaldslíf. Starfsfólk Góða hirðisins finnur
fyrir sífellt meiri eftirspurn eftir notuðum vörum – sérstaklega í
jólapakkann.
Innihald
Hagnýt ráð fyrir heimilið
• Mandarínukassar eru sterkir og endingargóðir
og upplagt er að föndra úr þeim. Þegar notkun
er lokið fara kassarnir í almennt sorp eða á
móttökustöðvar og eru flokkaðir með öðru
timbri. Kassarnir fara ekki í bláu tunnurnar.
• Ónýtum jólaseríum á að skila í ílát fyrir
smáraftæki á endurvinnslustöð. Seríurnar enda
hjá viðurkenndum vinnsluaðilum þar sem efni
sem geta reynst hættuleg umhverfinu eru flokkuð
frá og meðhöndluð með viðeigandi hætti.
• Tilvalið er að endurnýta jólapappír, opna þá
bara gjafir varlega og brjóta pappírinn saman
til geymslu. Það sama gildir um pakkaskraut og
upplagt að safna því saman og nýta aftur.
• Jólapappír og pakkabönd flokkast með
blönduðum pappír og pappa og má setja
í tunnu fyrir endurvinnsluefni.
24

Hafnfirsk jól fyrir
hartnær öld
Hafnfirsk jól fyrr á tímum, eða fyrir tæpri öld, voru að sögn elstu
Hafnfirðinga heldur íburðarminni og látlausari en í dag. Jólatré
voru ýmist smíðuð úr þykkum krossvið eða kústsköftum og vír og
á þau voru sett lifandi kerti. Miklar breytingar urðu á jólaskrauti á
íslenskum heimilum á millistríðsárunum. Jólaskraut einkenndist af
músastigum úr kreppappír, sem hengdir voru horn í horn og einnig
kramarhúsum. Sameiginleg tilhneiging manna var fyrst og fremst
að gera fallegt hjá sér á jólunum og lýsa upp skammdegið.
Kerti og spil
Jólahald á þessum tíma, í kringum 1930,
einkenndist af bakstri, messuhaldi, jólamáltíð og
gjafastund. Jólagjafir voru kerti og spilastokkar
og minni leikföng. Einnig var eitthvað um rauð
epli og smávegis af sælgæti. Um 3000 manns
bjuggu í Hafnarfirði og kirkjurnar voru tvær,
Hafnarfjarðarkirkja og Fríkirkjan í Hafnarfirði.
Frú Bergþóra Nýborg
og Beggubúð
Verslun var töluverð og við Strandgötu 5, aðal
verslunargötu bæjarins, var árið 1906 reist
vefnaðarvöruverslun Egils Jacobsen. Frú Bergþóra
Nýborg tók við rekstrinum árið 1937 og festist nafnið
Beggubúð þá við hana. Vigdís Madsen rak síðan
verslunina frá 1959 til ársins 2000. Tveimur árum
síðar var húsið flutt á svæðið fyrir aftan Pakkhúsið,
gert upp, og varð að verslunarminjasafni árið
2008.
25

Hugheilar
hátíðarkveðjur
- starfsfólk Hafnarfjarðarbæjar
26

Útgefandi: Hafnarfjarðarbær
Ritstjórn: Olga Björt Þórðardóttir og Árdís Ármannsdóttir
Ábyrgðarmaður: Sigurjón Ólafsson
Hönnun og umbrot: H:N Markaðssamskipti
Ljósmyndun: Andri Þór Unnarsson og Olga Björt Þórðardóttir
Prentun: Ísafoldarprentsmiðja
27