Thakur Vaishnava Gana

Śrī Chaitanya Sāraswat Maṭh Philippines
Śrī Nāma Haṭṭa Center
U.P. Campus, Diliman, Quezon City 1101
November 2020
Thakura Vaisnava Gana
thakura vaisnava-gana kari ei nivedana
mo bada adhama durachara
daruna-samsara-nidhi tahe dubaila vidhi
kese dhari' more kara para [1]
O mga kapita-pitagan at mga kagalang-galang na Vaishnavas, ang panalangin na ito’y
para po sa inyo. Hindi maikakaila na bukod sa pagiging hamak at kakaaba-aba, talaga
namang ako’y napakasamang tao. Tila ‘ata na ganito na ang kapalaran ng buhay ko, na
mabuhay sa nakakatakot na karagatan ng materyal na mundo. Nawa, ako’y inyong
kaawaan at sagipin, kahit sa buhok pa ninyo hablutin madala lang sa dalampasigan.
vidhi bada balavan na sune dharama-jnana
sadai karama-pase bandhe
na dekhi tarana lesa yata dekhi saba klesa
anatha katare tei kande [2]
Sadyang napakatindi ang lakas at kapangyarihan nang may-tangan ng aming
kinabukasan. Kahit na anong klaseng katwiran ayon sa relihiyon na aking
pinaniniwalaan, ganunpaman, patuloy parin akong iginagapos nang karma. Kung
kaya’t hanggang ngayo’y patuloy parin akong naghihirap at nagdurusa. Wala na
akong maisip na paraan, upang ibsan ang aking labis-labis na kalungkutan, kundi ang
umiyak lamang.

kama, krodha, lobha, moha, mada, abhimana saha
apana apana sthane tane
aichana amara mana phire yena andha jana
supatha vipatha nahi jane [3]
Samu’t-saring bagay ang tumatakbo sa aking damdamin at isipan, kamunduhan, ngitngit
at galit, ilusyon, kahambugan at kayabangan, ang lahat ng ito ang humahatak sa
akin. Tulad ng isang bulag, kung saan-saan ako napa-padpad, nangangapa kung saan
ang masama at tamang daan.
na la-inu sat mata asate majila chita
tuya paye na karinu asa
narottama dase kaya dekhi' suni' lage bhaya
taraiya laha nija pasa [4]
Sa katigasan ng aking ulo, ayaw kong makinig nang kahit anumang payo. Ganito na
ang naging kalagayan ko, na nakalubog sa ilusyon at kahibangan, kung kaya’t maging
ang lumapit at sumilong sa iyong paanan ay sadya ko nang tinalikuran. Ito po ang
napansin kong nangyayari sa akin, na labis-labis kong kinatatakutan at
kinasisindakan. Ito po si Narottam Das at sa inyo’y lumalapit. Ako po ay inyong
kaawaan, at sana, iligtas po ninyo at alagaan.”
Ni Srila Narottam Das Thakur