You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
MOKRA MAJ - QERSHOR 2020
NGJARJE QE S’DUHEN HARRUAR
1
QERSHOR 1944: VEPRIME ÇNJERËZORE
NË PLESHISHT DHE PODKOZHAN TË MOKRËS
Nga Lefter Z. SPIROLLARI
Ishte muaji qershor i vitit 1944Familjarë
të ndryshëm të fshatit Pleshisht kishin
shkuar në punët e ditës. Në mbrëmjen
- 76 vjet më pare -
e datës 20 qershor në këtë fshat mbritën
disa “mysafirë” të paftuar, të shoqëruar
nga disa persona të njohur të zonë, ku
midis tyre kishte pjesëtarë, që flisnin në
dialektin gegërisht, por edhe në gjuhë
MBI 20 DJEM DHE VAJZA NGA
VELÇANI KANË HUMBUR OSE JANË
VRARË NË EMIGRACION...
Nga Bardhyl BERBERI
Emigracioni është parë si një nga
burimet e jetës në komunën e thellë
të Velçanit. Terreni i vështirë malor
dhe klima e ashpër i ka detyrua këta
djem të emigrojnë në Greqi dhe Itali,
shumica në mënyrë klandestine për
GAZETE E SHOQATËS ”MOKRA” VITI XXIII I BOTIMIT MAJ-QERSHOR 2020 NR.5-6 (244-245) Kryeredaktor: FLORI SLATINA
POGRADECI, THJESHT NJE VEND
I MREKULLUESHEM PUSHIMESH
INTERVISTA:
PER MOKREN,
POGRADECIN,
FLET PER
GAZETEN
KRYETARI I
BASHKISE,
ILIR XHAKOLLI
HOMAZH PER
NIKO NIKOLLEN
POETI I PENELIT
VARRET E SELCËS
NË STUDION E ANASTAS KOSTANDINIT MONUMENTET QË DUHEN VIZITUAR
KLSH: Qukës-Qafë Plloçë duhet të ishte mbaruar
në 2018, kostot u rritën me 59 milion dollarë
2 EKSKLUZIVE
MAJ - QERSHOR 2020 MOKRA
Portreti i një kryetari bashkie
Intervistë ekskluzive për gazetën “Mokra” me kryetarin e Bashkisë Pogradec, z. Ilir XHAKOLLI
Mirëdita z. Kryetar, faleminderit që
pranuat të jepni këtë intervistë për informimin
e publikut me arritjet dhe
problemet që ju kanë dalë gjashtë muajt
e parë të qeverisjes suaj.
Së pari si mendoni se u prit zgjedhja
juaj në postin e kryetarit të Bashkisë nga
qytetarët pogradecarë?
Së pari faleminderit për intervistën, është
gjithmonë kënaqësi që të flas për gazetën
“Mokra” pasi në këtë mënyrë flas me të
gjithë mokrarët dhe pogradecarët mbi atë
se cfarë jemi duke bërë. Sa i përket zgjedhjes
time e kam thënë edhe më herët, ato
ishin zgjedhje të pazakonta. Pritshmëritë
e pogradecarëve sigurisht që ishin dhe
janë të ende të mëdha. Ka nisur një punë e
mirë prej disa vitesh dhe shumë projekte
të tjera do zbatohen. Ne e nisëm me këmbë
të mbarë që në javët e para të drejtimit
tonë, por edhe fati nuk ka qenë shumë në
anën tonë për shkak të situatës së tërmetit
dhe më tashmë pandemisë Covid19, gjë
e cila ka ngadalësuar mjaft zbatimin e
projekteve tona. Por sërish ja kemi dalë
që të japim shërbimet e duhura ndaj
qytetarëve dhe disa investime janë kryer
tashmë. Kemi edhe shumë për të bërë
dhe tanimë pasi të kalojmë edhe gjendjen
e emergjencës kombëtare do vijojmë edhe
më fuqishëm.
Ju shqetësoi mungesa e kundërshtarëve
në zgjedhjet e 30 qershorit?
Të them të drejtën po, kur më kërkuan që
të kandidoja për bashkinë unë erdha për
përballje, përplasje idesh dhe programesh
por më erdhi keq që kundërshtarët
nuk dolnë në fushë betejë le ta quajmë.
Megjithatë fakti që askush nuk u përball
me ne nuk do ndalte as programin dhe
as vizionin që unë dhe stafi im kemi për
bashkinë e madhe të Pogradecit.
Cila ishte gjendja financiare e Bashkisë
kur morët detyrën?
Më vjen keq ta them këtë por gjendja
financiare e kësaj bashkie ka qenë dhe
vijon të jeto problematike. Ka një borxh
goxha të lartë i cili është akumuluar ndër
vite dhe sot mbetet një barrë e rëndë për
cilindo kryetar bashkie që do ta drejtonte
këtë bashki. Fakti që kemi një borxh kaq
të lartë na kushtëzon në realizimin e të
gjitha investimeve që ne duam të realizojmë,
kjo për shkak se çdo vit duhet
parashikuar që një sas e buxhetit vjetor
të shkojë për shlyerje të këtyre borxheve.
Megjithatë jemi duke u përpjekur fort që
të marrim një mbështetje nga qeveria për
të shlyer njëherë e mirë këtë borxh.
A kishit objektiva afatshkurtra për
muajt e parë të qeverisjes, si mendoni se
i keni realizuar?
Sigurisht, objektivi jonë i parë sapo
u futëm në bashki ishte të pastronim
njëherë e mirë Pogradecit dhe rrethinat e
tij nga mbetjet urbane të cilat ishin bërë
një problem i madh. E nisëm mbarë dhe
arritëm të pastrojmë të gjitha zonat e nxehta
dhe të ndotura nga mbetjet urbane
dhe inerte. Pastruam totalisht zonën tek
ish Turizmi dhe Oktapodi, pastruam
rrugët dhe zonat e nxehta në të gjitha
fshatrat e njësive administrative. Qëllimi
jonë ishte jovetëm të pastronim të gjithë
situatën problematike të krijuar por edhe
të nisnin mjë mënyrë të re mbi mënyrën
e pastrimit dhe menaxhimit të mbetjeve.
Besojmë se jemi në rugë të mbarë pasi
tashmë ashtu si Pogradeci edhe njësitë
Buçimas dhe Udënisht pastrohen çdo
ditë dhe jo më me grafik dy herë në javë.
Ndërsa njësitë e tjera për shkak edhe të
sasisë më të vogël që prodhojnë pastrohen
me grafikë dy herë në javë. Objektiv
tjetër afat shkurtër që kishim dhe që
ndërmorëm ato idtë ishtë edhe atmosfera
festive që duhet të krijonim pasi ishim në
prag fundviti. Ne sollëm një frymë të re
në organizimin e festave. Kjo nisi me Festën
e Verërave dhe Gështenjave e cila këtë
herë erdhi e transformuar në organizim
dhe risi. Zgjodhëm që të shpenzonim më
pak dhe të festonim me qytetarët. Përjashtuam
mbrëmjën gala të restorant për
të ftuarit e festës dhe qëndruam bashkë
me ta në shesh me qytetarët. Gështenjat
po ashtu erdhën si një risi duke qenë se
Pogradeci është i njohur për këtë frut dhe
Verë me Gështenjën krijojnë një ndërthurje
fantastike dhe kjo ide pati një mikpritje
të gjerë nga të gjithë. Festa që sollëm
ishte si asnjë vit më parë kjo pastaj u
tregua edhe nga pjesëmarrja. Vijuam më
pas me përgatitjet për festat e fundvitit
dhe ashtu si thashë edhe më lart donim
të sillnim risi dhe dicka mjaft të bukur. E
shikoja me keqardhje në kohën kur isha
deputet se si Pogradeci nuk karahasohej
as me Maliqin apo Prrenjasin sa i përket
dekorit festiv dhe për këtë bashkë me stafin
punuam fort të sillnim dicka që nuk
ishte parë më herët në këtë qytet. Arritëm
që të transformojmë në pak ditë rrugët e
qytetit me atmosferën që krijuam ku edhe
kjo pati një mikpritje mjaft të gjerë në radhët
e qytetarëve por jovetëm kaq u rrit
ndjeshëm numri i të ardhurve nga qytete
të tjera të vendit. Krahas zbukurimeve ne
krijuam edhe “Fshatin e Festave” ku biznese
të zonës promovonin dhe tregëtonin
produket e tyre. Nuk realizuam dot
më pas planin e festave të përditshme
deri në mbyllje të vitit për shkak të rënies
së tërmetit. Këto ishin disa objektiva afatshkurtra
të cilat ne në kohën kur i realizuam
në qytet u ndje vërtet se ne kishim
tjetër vizion.
Cilat janë sipas jush problematikat më
të mprehta që shqetësojnë qytetaret pogradecarë?
Përgjatë viteve të fundit në Pogradec
është krijuar një mëndësi se ky qytet është
lënë pas dore nga qeveria sa i përket investimeve.
Megjithatë duhet theksuar se
investime madhore ka pasur edhe pse
nevoja e këtij qyteti apo fshatrave të tij
janë shumë të mëdha sidomos ne drejtim
të infrastrutkurës. Pogradeci në këto vite
ka marrë disa investime madhore mjaft
të domosdoshme. Rruga Lin-Pogradec
tashmë e përfunduar, rruga “Unazë”
këto kanë qenë dy investime madhore të
qeverisë të cilat kanë lehtësuar lëvizjen e
të gjithëve. Blloku tek stadiumi i qytetit
është një tjetër investim i qeverisë i cili
ka transforumuar zonën. Unë e paranoj
që Pogradeci është ndër të paktat qytetenë
vend që nuk ka shijuar “rilindjen urbane”
dhe për këtë ne kemi nisur tashmë
punën për të ndryshuar pamjen e këtij
qyteti. Kemi ideuar dhe realizuar tashmë
“Sheshin e Trëndafila” i cili njëkohësisht
do të jetë edhe “Sheshi i Dasmave”
pasi aty kemi menduar të realizohen
edhe ceremnonitë martesore për ciftet e
reja. Kemi mbjellë gati 4 mijë trëndafila
shumëngjyrësh të cilët kanë një kohëzgjatje
lulëzimi prej 9 muajsh. Ideuam edhe
stolat në këtë shesh, ata janë në formën
e librit dhe kanë si mbishkrime pjesë
nga veprat e Lasgushit dhe Mitrushit.
Ndërkohë një detaj mjaft interesant do të
jetë edhe një shatërvan në formë libri qe
do të vendose në qendër të këtij sheshi.
Nisim së shpejti investimin për transformimin
e sheshit “Odeon”. Kemi rehabilituar
tërësisht bregun e liqenit deri në
Tushemisht. Së shpejti merr jetë edhe projekti
për rehabilitimin e lagjes “ Gurore”
rruga e Mokrës etj.
Kemi disa projekte madhore për infra-
MOKRA MAJ - QERSHOR 2020
INTERVISTE
3
strukturnë në Mokër sin ë plan afatgjatë
edhe afat shkurtër. Brenda vitit nisim
punën për të investuar në ujësjellësat e
njësive Proptisht dhe Velçan e kemi thënë
se nuk do bëjmë më politikë me ujin e
pijshëm dhe ashtu si kam premtuar do e
mbyllim këtë investim për çdo fshaat të
Pogradecit. Ndërkohë që së shpejti do të
nisim rikonsturkionin e aksi rrugor që të
çon në drejtim të Zall Torrës. Prioritetet
tona për Mokrën janë akset
-Trebinjë- Shën Marenë
-Proptisht- Slabinjë-Bishnicë-Velçan
-Dardhas- Osnat- Niçë
Keto krahas punë mirëmbajtëse që jemi
duke bërë për rrugët e tjera apo pastrimet
e kanaleve të vaditjes dhe rrugëve për në
parcelat e tokave bujqësore që kemi në
vijim.
Të tjera problem shqetësuese janë ndotja
e lumenjve nga mbetjet urbane, ne
kemi nisur pastrimin e tyre dhe takimet
me banorët që të mos I hedhin në lumenj.
Përgjatë tyre do të vendosim puntor
kontrollor i cili për cdo rast ndotjeje
do të aplikojë gjobë, ndërsa firmës së
pastrimit I është lënë detyre vendosja e
rrjetave mbrojtëse ne fund të lumenve
për të parandaluar derdhjen e mbetjeve
në liqen. Mirëmbajtja e parqeve lulishteve
kanë qenë kërkesa të tjera që ne jemi duke
I zgjidhur në vazhdim hap pas hapi.
A është i mjaftueshëm buxheti i vitit 2020
për të përballuar nevojat e Bashkisë?
Për nevojat që ka kjo bashki sigurisht që
është pak, por ne jemi treguar nikoqirë
për të arritur investime jetike dhe shërbime
të cilat janë mjaft të domosdoshme.
Megjithatë ky është vetëm viti i parë i qeverisjes
tonë dhe sic thashë edhe më lart
kemi zbatuar disa projekte dhe të tjera do
zbatojmë në vijim thejshtë janë ngadalësuar
pak për shkak të situatës në të cilën
jemi duke kaluar. Syninimi kryesor krahas
realizimit të investimeve dhe shërbimeve
ne kemi si qëllim të rritim performancën e
mbledhjes së tarifave vendore tëek subjektet
debitore, rritja e performancës sigurisht
që rrit të ardhurat dhe mundësinë e realizimit
të sa më shumë shërbimeve efektive
dhe investimeve konkrete.
Mendoni se administrata juaj ka bërë
kthesë në pritjen e qytetarëve në dallim
me administratën e mëparshme? A keni
testuar regimin qytetar për këtë problem
bazik?
Këtë jemi munduar fort ta bëjmë që në fillim
kur morëm drejtimin e bashkisë. Që
nga zyra e informacionit pranë bashkisë,
specialsitët, drejtorët deri edhe tek zv/kryetarët.
Më së shumit kam zgjedhur që t’iu
jap të gjithëve atë se cfarë iu takon. Kryetari
i bashkisë është një administrator
dhe si i tillë zgjedh njerzit e duhur për të
punuar me të. Ndaj nuk ka pse cdo qytetar
të vijë tek kryetari edhe për problemin
më të vogël, të gjithë drejtorët dhe specialsitët
kanë në dorë zgjidhjen e të gjitha
problematikave që kanë njerzit. Në rast
të moszgjidhjes së tyre atëherë ndërhyn
edhe kryetari i bashkisë, por kjo gjë nuk
ka ndodhur deri më tani, ç’ka tregon se
puna është duke ecur mirë. Jovetëm me
pritjen por edhe me dëgjesat publike, si
asnjëherë më parë ne zgjodhëm që buxhetin
e këtj viti ta bënim bashkë me qytetarët
duke folur me ta dhe duke marrë
problemet më të mprehta që kanë. Mbi
bazën e kërkesave dhe ankesave të tyre
ne kemi hartuar edhe buxhetin 2020. Kjo
ka qenë një formë e pa aplikuar më parë.
Gjithashtu administratorët e njësive kanë
për detyre që cdo ditë të jenë në një fshat
dhe të raportojnë për problemet që kanë
banorët që të gjehet zgjidhja më pas. Së
fundmi ne kemi shtuar edhe Koordinatorët
e lagjeve, 5 për qytetin dhe nga 1 për
çdo njësi administrative të cilët punë të
përditshme të tyrë kanë problemet e qytetarëve,
problemet sociale, ekonomike etj.
Ata janë duke shkuar derë më derë për të
bërë një raport të përgjithshëm të të gjithë
situatës aktuale të problemeve.
Si janë realizuar deri tani objektivat në
fushën e kulturës dhe veprimtarive artistike?
Edhe në këtë sektor Zv/ kryetarja Entela
Gusho dhe stafi i saj janë duke bërë një
punë fantastike. Kemi hartuar kalendarin
e vepritmtarive kulturore, historike si
edhe ditët e shënuara të personaliteve të
shquara të Pogradecit si edhe kalendari
i festave lokale, ditët evropiane e ndërkombëtare
dhe aktiviteteve në kuadër të
sezonit turistik etj. Gjatë periudhës Gusht
2019- Maj 2020 janë organizuar një sërë
aktivitetesh me tjetër format. Që nga Clirimi
i qytetit, Festa e vererave dhe geshtenjave,
ndezja e dekorit festiv, 120 vjetori
i lindjes së Lasgushit, promovimi i filmit
„Sa kam jetë kam shpresë“ kushtuar Dr.
Jani Bashos, 100 vjetori i Kongresit të Lushnjës,
promovime librash si edhe shumë
aktivitete artistike, nga teatri i kukullave,
qendra e kulturës për ta përmbyllur me
plot aktivitete nga qendra e të rinjve një
zyrë e posacme e ngritur në bashki me
fokus të rinjtë. Për shka të pandemisë
një pjesë e tyre tashmë janë zhvilluar në
kushte karantine duke u shfaqur në rrjetet
sociale dhe tv lokale. Në raportet javore
të „Bashki të Forta“ bashkia jonë zë
vend dominant në aktivitete të këtij lloji.
Ndërkohë po punohet me dy strategji
pune në atë të kushteve të pandemisë dhe
kushteve normale pas 23 qershorit për sa
i përket aktiviteteve.
Shoqata “Mokra“ ka në gjirin e saj më
shumë se gjysmën e elektoratit. Si i keni
ndërtuar marrëdheniet me të?
Me shoqatën „Mokra“ kam pasur besoj
marrdhënie shumë të mira qysh në kohën
kur kam qenë deputet dhe sigurishtedhe
tani që drejtoj bashkinë. Takohemi herë
pas here me antarë dhe drejtues të saj
në kuadër festash lokale, kombëtare apo
evente të ndryshme artisitiko-kulturore.
Vlerësi mjaft të madh për punën e saj për
përcimin e vlerave dhe trashëgimisë së
zonës së Mokrës tek brezat e rinj. Është
gjithmonë kënaqësit kur diskutoj me ta
pasi rrahim edhe mendime se si dhe ku
duhet investuar për Mokrën.
A keni sugjerime për gazetën “Mokra“si
e vetmja gazetë lokale e Bashkisë suaj?
Deri më sot është duke e kryer misionin
e saj me sukses. Shpresoj dhe uroj të jetë
sa më jetëgjatë në treg pasi i duhet jovetëm
Mokrës, Pogradecit por gjithë Shqipërisë.
Të gjithë duhet të njihen me historinë, traditat
dhe kulturën e Mokrës dhe ku ka
më mirë sesa ta marrin këtë informacion
npëpërmjet kësaj gazete. Ju uroj punë të
mbarë dhe të përconi gjithmonë të vërtetën.
Si e përballuat situatën e pandemisë Covid19
dhe a do të ketë këtë vit turizëm
Pogradeci.
Qysh në fillim të herës bashkia jonë ka
marrë të gjitha masat për tëe bërë të mundur
përballimin e situatës së pandemisë
dhe këtu kemi gjetur mjaft mirë edhe
bashkëpunimin e qytetarëve. Një nga
vendimet e mia të para ishte mbyllja e tregut
industrial e cila mund të ishte një vatër
potenciale për përhapjen e virusit. Ishte
vendim që preku shumë qytetarë dhe
tregëtarë dhe shfrytëzoj rastin t’iu kërkoj
ndjesë por ishte një vendim që duhej marrë.
Nga ana tjeëtër qytetarët kanë qenë
mjaft të rregullt në zbatimin e masave që
nga distance sociale, respektimi i fashave
orare apo shmangia e grumbullimeve
massive. Grupi i punës me inspektorë të
tatim-taksave, policisë bashkiake, policisë
së rendit dhe inspektorët e shëndetit public
ka funksionuar mjaft mirë. Në mënyrë
të përditshme ata bënin survejimin e situatës
tek të gjitha subjektet e mbyllura me
vendim qeverie. Në përgjithësi pati zbatim
të tyre në masë, me përjashtim të dy
tre subjekteve që i shkelën dhe u gjobitën.
Një tjetër grup pune ishte edhe ai pë te
sherbyer per pensionistët e vetmuar ne
qytet dhe fshatra, 12 skuadra vepruan
e terren duke dhënë ndihmën në kohë
reale për banorët në vështirësi për të lëvizur
si pasojë e situatës dhe janë me mijra
raste që ne iu kemi shërbyer cdo ditë. Prej
filllimit të pandemisë ne morëm masa për
të siguruar paketa ushqimore për familjet
nevojtare. Nuk ishte e nevojshme një
punë e madhe për identifikimin e tyre
pasi janë në listat e skemës së ndihmës
ekonomike dhe fakti që ne u përgatitëm
shpejt lidhje me shifrën. Pogradeci në
rang prefekture ka numrin më të lartë të
familjeve që trajtohen me ndihmë ekonomike
mbi 6 mijë dhe si e tillë puna që
duhej të bënim ishte tepër e madhe. Nga
këto lista si fillim evidentuam familjet në
kushte më esktreme dhe nisëm furnizimin
e tyre me paketa ushqimore në bazë
edhe të vendimit të qeverisë apo kritereve
që duhet të plotësonin. Mbi 600 paketa
janë siguruar me buxhetin e bashkisë Pogradec,
në një kohë kur janë 3 mijë të tjera
që i kemi shpënrdarë në bashkëpunim
me bizneset, individët, Ojf humanitare etj.
Pra sot ne kemi mbi 3600 familje të furnizuara
me ushqim ndërkohë që vijojmë
ende pasi fondacionet janë duke na ofruar
të tjera paketa ushqimore për familjet
që kanë mbetur pa u trajtuar dhe që do
trajtohen në vijimësi. Jovetëm këtu por
bashkia Pogradec ishte në pararojë edhe
sa I përket mikpritjes së shtetasve shqiptarë
që vinin nga Greqia apo Maqedonia
e Veriut dhe karantinoheshin në Pogradec.
Në njërin prej hoteleve bashkia mori
përsipër furnizimin me ushqim të 70
qytetarëve për tre vakte, veprim që nuk e
bëri asnjë bashki tjetër ku u hapën karantina
për emigrantët. Këtë e bëmë në bashkëpunim
me biznesin dhe qytetarët cka
tregoi edhe njëherë se pogradercarët kanë
vlera dhe dhembshuri në cdo lloj situate.
Ne jemi duke punuar njësoj sikur sezoni
veror do te celet me 6 qershor. Paralelisht
me punën kundër pandemisë ne vijuam
me përgatitjet për sezonin dhe tashmë e
kemi vënë para kur I thonë fjalës. Ne rehabilituam
5 km vijë liqenore me plazh
ranor nga Pogradeci deri në Tushemisht
duke I dhënë një pamje që nuk e ka pasur
kurrë më parë dhe një pastërti e cila
besoj do të tërheqë mjaft pushues këtë vit.
Vazhdojmë gjithashtu edhe në brendësi
të qytetit me plazhet publike jemi duke
punuar për të rikthyer shkëlqimin e palzhit
të “Huckave” po rehabilitohet dhe
zgjerohet 100m metër katorë sipërfaqe
dhe më pas do vendosim edhe ndricimin
publik dhe stolat në zonë. Po ndërtojmë
trotuarin e ri tek rezidencat qeveriatare
që perdoret shumë për të pedaluar dhe
ecur në mbrëmje nga qytetarët. Kemi
edhe shumë të tjera në process ndërkohë
që kemi bere gati risinë më të re të këtij
viti në Pogradec, sheshin e trëndafilave
ose të dasmave për të gjithë ciftet e reja që
do lidhin martesë. Sa i përket mbështetjes
së biznesit e thashë edhe më lart, po do
të ketë një program të vecantë për tan ë
varësi të gjendjes do të lehtësojmë tarifat
vendore të paktën këto ka në dorë bashkia
në mënyrë që ata të kenë mundësinë të
rimarrin veten pas pandemisë. Frekuentimi?
Pogradeci ka qenë plot edhe në ditët
e tij më të këqija, me punën që po bëjmë
besoj që nuk do ta ndjejmë fare këtë që po
kalojmë hde sezoni veror dashtë zoti të na
japë ditë me diell do jetë i suksesshëm.
Intervistoi:
Istref HAXHILLARI
Gazetar & Kryetar i deges Pogradec te
shoqatës ”Mokra”
4
Pogradec/ Dhjetëra liqene
akullnajore presin vizitorët
në malin Valamara
Pogradeci nuk ka vetëm liqenin, por edhe destinacione turistike
malore ku gjenden dhjetëra liqene akullnajore në malin Valamara.
Bashkia Pogradec tha sot se guidat turistike në Pogradec
kanë filluar në malin Valamara dhe liqenet akullnajorë.
“Një super ngjitje sot në malin e Valamarës! Pika me potencial
të paparë turistik që bashkon Pogradec-Maliq-Gramsh. 2 orë
udhëtim me automjet 4 orë në këmbë dhe në fund në majën e
Valamarës mbi 2 mijë metra lartësi. Dhjetra liqene akullnajorë
dhe bimësi mbi 300-vjeçare. Vizitoni këtë mrekulli të natyrës”,
shprehet bashkia.
Valamara është mal me lartësi 2373 m në kufirin midis rrethit
të Korçës, atij të Gramshit dhe të Pogradecit. Në veri kufizohet
me Gurin e Topit.
Ka forma të shumta të relievit akullnajor dhe liqene akullnajore
mbi 1600 m. Në shpatin lindor buron lumi Shkumbin, kurse
në atë perëndimor dhe juglindor, Devolli.
Bimësia përbëhet nga pyje ahu e pishe në pjesën e ulët dhe nga
kullota të pasura verore në pjesën e sipërme.
Një kartolinë turistike nga Pogradeci,
gati për sezonin veror
Pogradeci, qyteti buzë liqenit të Ohrit, është një nga destinacionet
më interesante që ofron vendi ynë pasi ndërthuren bukuritë
e peizazhit me mikpritjen dhe gatimet tradicionale të zonës.
I njohur për peizazhet mrekullueshme, liqeni i bukur i Pogradecit
është frekuentuar shumë gjatë viteve të fundit dhe është
konsideruar si një nga vendet më të mira për të kaluar pushimet
si nga vizitorët vendas dhe ata të huaj.
Bashkia Pogradec, përmes disa fotografive me pamje nga qyteti
i Pogradecit dhe liqeni i Ohrit, njofton se, së shpejti qyteti është
gati për sezonin veror, duke respektuar zbatimin e protokolleve
kundër COVID-19. Për t’i paraprirë sezonit veror, grupet e
shërbimit në bashki, janë angazhuar çdo ditë në pastrimin e vijës
liqenore nga mbetjet, rikonstruksionin e trotuareve dhe gjelbërimin
e ambienteve publike, krahas dezinfektimit të hapësirave
publike kundër COVID-19.
Ndërsa tuneli panoramik në aksin Lin – Pogradec, i rindërtuar
vitin e kaluar me standardet më të larta, shkon paralelisht në
harmoni me bukurinë natyrore të liqenit të Ohrit.
Turistët kanë tashmë mundësinë të shijojnë bukuritë e zonës.
AKTUALITET
MAJ - QERSHOR 2020 MOKRA
Operacioni humanitar në Pogradec/
Ndihma për 6200 familje gjatë 2 muajve
të pandemisë
Rreth 6200 familje në nevojë,
në bashkinë Pogradec janë
mbështetur me pako me ushqime
përgjatë 2 muajve të pandemisë.
Krahas 130 paketave të
vëna në dispozicion nga Ministria
e Mbrojtjes dhe Forcat e
Armatosura bashkia Pogradec,
me buxhetin e saj ka shpërndarë
mbi 600 paketa familjare dhe
në bashkëpunim me fundacionet
mbi 3500 familje të tjera
janë asistuar përgjatë kësaj periudhe.
Këtë fundjavë, bashkia
në bashkëpunim me një fondacion
shpërndau pako me ndihma
ushqimore për 30 familje
në zonat rurale të Pogradecit.
Bashkia Pogradec bën të ditur
se, mbështetja për familjet
në nevojë dhe të moshuarit e
vetmuar do të vazhdojë deri në
përfundim të luftës ndaj Covid-19.
Këshilli bashkiak i Pogradecit miraton
lehtësi fiskale për bizneset e turizmit
Këshilli bashkiak i Pogradecit, ka miratuar sot lehtësi fiskale
për bizneset që operojnë në sektorin e turizmit, në kushtet e
situatës së krijuar nga COVID-19.Bashkia e Pogradecit bën të
ditur se, “lehtësitë konsistojnë në ndryshimin e kostove për
stacionet e plazhit, ku tarifa do të paguhet për numër tavolinash
apo shezlongësh dhe jo për sipërfaqe siç ishte më parë”.
Ndërkohë që për sezonin veror (dymujor) subjektet turistike
do të paguajnë tarifat vendore për vetëm 45 ditë, nga 60 ditë
për të cilat paguanin më parë.
Pogradec, nis puna për pastrimin e
varrezave publike të qytetit
Grupet e shërbimeve publike në bashkinë Pogradec po vijojnë
punën për pastrimin e varrezave publike të qytetit.
Varrezat publike të qytetit shtrihen në një sipërfaqe prej 24
mijë katrorë dhe angazhimi i punëtorëve në procesin e pastrimit
dhe mirëmbajtjes do të marrë disa ditë kohë.
“E nisëm fillimisht me rrugicat ndërmjet tyre, vijojmë ende në
brendësi. Kjo është një punë e ndërmarrjes përkatëse që varet
nga bashkia, punë për të cilën qytetarët paguajnë tarifën mujore”-
shprehet bashkia e Pogradecit.
Bashkia Pogradec, po ashtu shpreh angazhim maksimal për
vazhdimësinë e punëve publike në shërbim të qytetarëve dhe
që garantojnë rregull dhe pastërti në qytetin e bukur liqenor,
që tani në këtë sezon veror është mjaft i frekuentuar edhe nga
vizitorë e turistë të ndryshëm.
Sot sipas planit të Ministrisë
së Mbrojtjes, bashkë me Gjeneralen
Shehu, nisëm shpërndarjen
e 129 pakove me ndihma për
COVID-19. Paketat do të shpërndahen
sipas përcaktivmeve të
ministrisë, sot u shpërndanë më
Pogradec nga nesër vijohet me
njësitë administrative.
Krahas kësaj kryetari i bashkisë
e njohu Znj. Shehu edhe me
"Sheshin e Trëndafilave"
Foto/ Pogradec,
rikonstruktohet
plotësisht gjimnazi
“Gjergj Pekmezi”
Gjimnazi “Gjergj Pekmezi”
në Pogradec tashmë është i
rikonstruktuar plotësisht, sipas
standardeve bashkëkohore.
Mjediset e jashtme dhe të brendshme
të kësaj shkolle, bashkë
me mjediset sportive, janë
rindërtuar dhe rehabilituar sipas
modeleve më të mira. Projekti i
rehabilitimit ka mundësuar investime
bashkëkohore edhe në
sistemin sanitar, por edhe në atë
të ngrohjes.
Bashkia Pogradec njoftoi se
“viti i ri shkollor për nxënësit e
këtij gjimnazi do jetë krejt ndryshe
dhe tashmë është detyrë e
të gjithëve që ta ruajmë këtë investim
që ta gëzojnë brezat që
vijnë”.
Një mbyllje e pazakontë e festës
së Abetares për shkak të pandemisë,
por këta vogëlushë kishin
një buzëqeshje si asnjëherë më
parë sot teksa pas dy muajsh takoheshin
së bashku me mësuesen
për mbylljen e vitit shkollor.
Suksese e ardhmja e qytetit
KUJTESE
MOKRA MAJ - QERSHOR 2020
5
NGJARJE QE S’DUHEN HARRUAR
QERSHOR 1944: VEPRIME
ÇNJERËZORE NË PLESHISHT
DHE PODKOZHAN TË MOKRËS
Një shtëpi me dy dëshmorë
Nderim e respekt për dëshmorët Haxhi e Shahin
Collaku dhe Nënë Nurkën, që e jetoi me
nder jetën e saj të vështirë e me kokën lart.
Përvjetori i 76-të i këtyre
dëshmorëve është një
moment i rëndësishëm
dhe nuk mund të kalojë pa vëmendjen
e duhur. Xëme Shahin
Çollaku u lind në Dunicë më
1943. Ajo vinte nga një familje
atdhetare, me burrë trima e të
zgjuar. Haxhiu dhe Shahini, atë
e bir, patriotë të mëdhenj për atdheun
e për Shqipërinë.
Shihini dhe bashkëshortja e tij
Nurka kanë lindur një djalë në
vitin 1940, Rustemin. Prindërit
u gëzuan shumë dhe sipas zakoneve
të vendit organizuan
navigjet. Në tre ditë të fëmijës
së lindur i vihej emri. Në këto
navigje ftoheshin njerëzit, pra
miqtë e nuses dhe vëllazëria
e familjes. Në këto raste shtrohej
sofër buke dhe si ëmbëlsirë
gatuhej një bukëvale. Hapeshe
me lugë mesi i saj dhe të ftuarit,
në përfundim hidhnin lekë
duke uruar emrin e fëmijës.
Edhe gjyshërit e fëmijës, Haxhiu
me zonjën e tij u gëzuan
pa masë. Ata ishin të moshuar
dhe ky ishte një gëzim më
shumë për ta. Ishte kohë lufte
dhe nuk dihej se çfarë mund të
ndodhte. Por, në akt ky gëzim
u shndërruar pak kohë më as
në hidhërim. Në 16 qershor
1944 në fshatin Dunicë hynë dy
batalione ballistësh, Blloshmi
dhe Alarupi, të cilët bënë krime
të papara. Ata vranë Haxhiun
dhe Shahinin, babë e bir, dogjën
shtëpinë e morën gjënë e gjallë e
çfarë gjetën. Lindja dhe gëzimi
i djalit në navigjet u kthye në
mort brenda pak vitesh. U vranë
babai dhe gjyshi. Nënë Nurka
ishte nga Dërdusha e Gorës,
mbesa e kapedan Ismail Dërdushës.
Ajo ishte nënë e vuajtur,
e torturuar por asnjëherë
përkulur. Qëndroi si nënë bur-
rneshë, në zbatim të traditës
dhe kapedanit të dëgjuar Dërdusha.
Ajo me shahinin lindën
dhe rritën dy fëmijë, Rustemin
dhe Xëmen. Kohë lufte, burrin e
vrarë, ajo me shumë vështirësi,
bashkë me kunatën e saj, i rriti
dhe edukoi fëmijët e saj dhe nuk
u mposht asnjëherë.
Rustemi u rrit dhe nëna e fejoi
në Homcan me Lirien e Rexhep
Kasmollarit, edhe ky “Dëshmor
i Atdheut”.
Nënë Nurka, e ndihmuar
nga kunata Selime dhe i kunati
Hajdari, bënë një dasmë të
madhe. Cifti lindi e rrit gjashtë
fëmijë, tre djem e tre vajza, që
sot të gjithë janë të martuar e
me fëmijë. Nënë Nurkja qe e
kënaqur nga ata që la pas por
iku me brengë në shpirt. Si nënë
trimëreshë ajo martoi e vajzën
e saj, Xëmen, në Hondisht me
Fuatin e Suli Pancit. Edhe kjo
familje ishte një familje shumë
e mirë, punëtorë, të dashur e
trima, burra fisnikë e luftëtarë.
Edhe Xëmja soli në jetë një djalë
e tre vajza, të gjithë të martuar e
rregulluar.
Fuati me Xëmen sot jetojnë në
Pogradec. Sot Xëmja, Fuati,
Xhevdeti dhe Dashamiri janë
pasardhës dëshmorësh.
Nënë Nurka si derë babe kishte
Xhafer Spahiun, si nip edhe
ky prej Dërdushe. Xhaferi me
Nurkën ishin kushërinj dhe ata
u mbështetën te njëri tjetri për të
mirë e për të keq. Rustemi me Xëmen
aty u rritën se prindërit ishin
të zënë me punë për të ndërtuar
shtëpinë e punuar tokën.
Nderim e respekt për dëshmorët
dhe Nënë Nurkën, që
e jetoi me nder jetën e saj të
vështirë e me kokën lart.
Nias SPAHIU
Nga Lefter Z. SPIROLLARI
Ishte muaji qershor i vitit 1944. Familjarë të
ndryshëm të fshatit Pleshisht kishin shkuar në
punët e ditës. Në mbrëmjen e datës 20 qershor
në këtë fshat mbritën disa “mysafirë” të paftuar,
të shoqëruar nga disa persona të njohur të zonë,
ku midis tyre kishte pjesëtarë, që flisnin në dialektin
gegërisht, por edhe në gjuhë të huaja: italisht
dhe gjermanisht.
Pushtuesit italianë dhe shërbëtorët e tyre janë
orvatur për t’i nënshtruar Mokrarët, por më kot.
Atëhere ndërruan metodë.
Filluan të paraqiten para mokrarëve me premtime
nga më të ndryshmet në të mirë të kësaj
zone. Sipas dokumenteve në arkiva, nga fillimi
i vitit 1943, filluan bisedime me përfaqësuesit e
fshatrave nga milicia fashiste, duke u rekomanduar
se do të shikohen postat ushtarake dhe do
të furnizoheshin fshatrat me ushqime dhe artikuj
të tjerë.
Këto premtime u analizuan nga shtabi i Batalionit
dhe Këshillit NÇ-tar dhe përfaqësuesit në formë
të një një kuvendi të gjërë popullor me një
frymë të lartë patriotike.
Nga ky kuvend iu dhanë përgjigjen e merituar:
populli i mokrës dhe bijt e tij nuk do të lejojnë të
shkel këmbë milici e rebeli fashist, ushtari i kujtdo
shteti qoftë, tradhëtarë të kujtdo lloji. Djemtaë
tanë janë betuar para flamurit në momentin e
krijimit , ndër të parat, Çeta e Mokrës në fshatin
Pleshisht. Edhe pas kësaj përgjigje ata nuk hoqën
dorë, duke u munduar për ta marrë kalanë nga
Brenda. Bën takim me përfaqësuesit e KNÇ-tar
dhe çfrytëzuan rastin se në fillim të këtij muaji
arrestuan në fshatin Pleshisht:kryetarin e këtij
këshilli Zafir (Zako) Spirollari, mbështetësit e
luftës: Bexhet Sali Doce, Todi Josif Spirollari,
Thanas M. Spirollari, Qirillo J. Kumbulla, Kostika
Gj. Gjokëmëma, Ligor L. Maçolli, Ligor S.
Maçolli.
Ata iu premtuan përfaqësuesve se do të ndërhynin
pranë organeve të milicisë për lirimin
e tyre, gjithashtu kërkuan dhe shkuan te këto
familje për darkë me të njëjtin premtim..
Gjithë këtë e bënë për të krijuar jehonë se fshati
Pleshisht, që kishte pritur partizanët, mbështetur
Luftën, krijimi i Çetës, ndërroj mendim e qëndrim.
Edhe me këtë manovër nuk ia arritën qëllimit,
por ata edhe këtë e prisnin dhe kishin përgatitur
planin e tyre: si kundërveprim djegien e atyre
-76 vjet më pareshtëpive,
që mbështesnin luftën, ndërs ate shkolla
e fshatit akoma vazhdonin bisedimet dhe po fillonte
shpërndarja.
Edhe këtu nuk arritën gjë. Ata ishin vendosur në
4 pozicione strategjike me nga 20-30 vetë. Njëri
grup te Kisha e Shën Kollit në rrugën, që vinte nga
Zëmça, tjetri grup rrugën, që vjen nga Hoshteça,
te Kisha e Shëndëllisë, , tjetri në Stronja, rruga nga
Trebinja dhe tjetri te bregu i Gështenjëve. Fillimi:
qëlluan me armë, duke thënë se na kini tradhëtuar,
jemi të rrethuar nga partizanët. Njëri grup
iu drejtua shtëpisë së Pasko Simon Maçollit, tjetri
drejt shtëpisë së kryetarit të KNÇ-tar Zako Mihal
Spirollarit, tjetri grup shtëpisë së Sabri Zenel
Doces, një familje patriote, që kishte ndikuar në
familjet e këtij fshati për të mbështetur luftën.
Sinjali për zjarr u dha me tre breshëri dhe vepruan,
duke marrë nën vërejtje pjesëtarët e familjeve
dhe u bënin presion për të treguar pjesëtarët e
tjerë të familjes.
Grabitën shtëpitë, duke marrë çfarë u pëlqente
dhe mandej vazhduan me zjarrin
Por më e rëndë ishte edhe për bashkëfshatrët, kur
po digjej shtëpia, plaku 70-vjeçar Mihal Pani Spirollari
i arrestuar para shtëpisë, duke kërcënuar
se familja do të internohej dhe djemtë do të kapen
dhe do të japin llogari, nuk e lanë me kaq, këtë
plak e rrëmbyen të lidhur me litar, të cilin e panë
deri sa kaloi bregune Gështenjëve për të mos u
kthyer i gjallë e as i vdekur. Fshatarët të mobilizuar
për të shojtur zjarret, se po u digjej ajo pak
pasuri.
Të tilla veprime çnjerëzore sin ë fshati Pleshisht u
kryen edhe neë fshatra të tjerë, por jo me këto përmasa.
Më rëndë vepruan në fshatin Pokozhan, të
cilin e kanë djegur dy herë i gjithë fshati. Aty u krye
një akt barabar nga barbarët, duke shpuar me bajonetë
një foshnjë 2-vjeçare në djep. Veprime të tilla
çnjerëzore shtuan edhe më shumë urrejtjen e bijve
Mokrarë, duke shtuar radhët partizane në moshat
14-17 vjeçarë.
Një pjesë nga ata nuk u kthyen më, por akti dhe
vepra e tyre do të mbetet e pavdekshme sat ë jetë
jeta, gjashtë Dëshmorët e fshatit tonë, të cilët kujtohen
e do të kujtohen në çdo përvjetor të dative
historike: Jovan Th. Gjika, Pandi K. Degërmeni,
Mistokli V. Naqe,, Mihal P. Spirollari, Xhemal M.
Abeshi, Llazi M. Pjetri dhe Dëshmorët e të gjithë
Mokrës në panteonin e madh të Lirisë.
Gazeta - botim i shoqatës kulturore, atdhetare “Mokra”
(Numri i parë doli më 25 mars 1999)
Kryetari i shoqatës “Mokra”: Ramadan KLLOGJERI
Zv/kryetar: Pëllumb ZADE
Sekretari: Zenun FERO
Kryeredaktor: Flori SLATINA
Zv/kryeredaktor: Haris DURBAKU
6
AKTUALITET
MAJ - QERSHOR 2020 MOKRA
KLSH: Qukës-Qafë Plloçë duhet të ishte mbaruar
në 2018, kostot u rritën me 59 milion dollarë
Projekti “Ndërtimi i rrugës Qukës Qafë Plloce” është projekt i cili është i strukturuar në tre
lote me bashkë financimi nga Banka Botërore (IDA) për lotin I dhe II në shumën 125 milionë
USD, ndërsa për lotin III financimi është i Bankës Islamike në shumën 25 milionë USD.
Projektet e rrugëve në
vend, qofte edhe ato me
financimeve të huaja
zvarriten e keqmenaxhohen
duke krijuar kosto të rënda në
buxhetin e shtetit.
Një prej tyre është ai I “Ndërtimit
të Rrugës Qukës-Qafë
Plloçë”, i cili duhet të përfundonte
në vitin 2018, ndërkohë
që deri në fund të muajit tetor
2019, nuk është realizuar më
shumë se 57 % e disbursimeve.
Scan Televizion disponon rezultatet
e auditimit të kryer nga
Kontrolli i Lartë i Shtetit mbi
zbatimin e tij, i cili nxjerr në pah
që projekti jo vetëm është vonuar,
por kostoja e tij është rritur
me afërisht 59 milionë dollarë.
“Referuar ndryshimeve të miratuara
deri në momentin e
auditimit dhe ato në proces miratimi,
kosto e projektit rritet
me vlerë mbi 59 milionë USD,
vlerë e cila pritet të rritet deri
në përfundim të projektit, duke
i kushtuar shumë buxhetit të
shtetit në investimet me financime
të huaja”, thekson raporti i
Kontrollit të Lartë të Shtetit.
Mbështetur në gjetjet nga auditimi,
KLSH arrin në konkluzionin
se nga strukturat drejtuese
të projektit nuk janë marrë
hapat e duhur për njoftimin në
kohë të pasojave që sjell mos
financimi i plotë i projektit,
veçanërisht i lotit 3. Janë krijuar
vonesa kryesisht në zbatimin e
kontratave të punimeve civile,
vonesa të cilat kanë rezultuar
me vonesë të projektit në tërësi,
ndryshimin herë pas here të
planit të disbursimeve, si dhe
kosto shtesë kryesisht si pasojë
e zgjatjes së afatit të kontratave
të shërbimeve konsulentë,
konkretisht për mbikëqyrjen e
punimeve.
Nga ana e ARRSH nuk janë
marrë masat e duhura për realizimin
e rokurimeve për shërbimin
e projektimit, pasi projektzbatimi
ka rezultuar me mangësi
të theksuara.
Nga auditimi kanë rezultuar
efekte negative financiare me
vlerë 582.5 mijë USD, vlerë e cila
përbën pagesa për mjete transporti
të pa nevojshme, punime
të dëmtuara nga rrëshqitjet e
skarpateve si dhe dëm ekonomik
me vlerë 37.4 mijë USD,
i cili rezulton nga pagesa për
shërbime të pa realizuara për
transport personeli.
Projekti “Ndërtimi i rrugës
Qukës Qafë Plloce” është projekt
i cili është i strukturuar në
tre lote me bashkë financimi
nga Banka Botërore (IDA) për
lotin I dhe II në shumën 125 milionë
USD, ndërsa për lotin III financimi
është i Bankës Islamike
në shumën 25 milionë USD.
Ky projekt rezulton se ka një
vonesë te konsiderueshme ne
zbatimin e tij dhe kjo vjen kryesisht
për mos përfundimin dhe
pezullimin e punimeve për lotin
III, si pasojë e mungesës së
fondeve nga pala shqiptare.
Për këtë lot në marrëveshjen financiare
midis Bankës Islamike
dhe palës shqiptare është përcaktuar
se shuma e dhënë në
formë huaje është 25 milion USD
dhe pjesa tjetër e financimit do të
përballohet nga shteti shqiptar.
Meta vlerëson ishpartizanin e Mokrës, Myfit
Guxholli, me “Dekoratën e Artë të Shqiponjës”
Në vlerësim dhe mirënjohje
për veprimtarinë e
shquar si luftëtar i lirisë
në Luftën Antifashiste Nacional-
Çlirimtare, dhe për kontributin e
veçantë në krijimin dhe konsolidimin
e artit të luftës e shkencës
topografike ushtarake shqiptare,
pata sot nderin t’i akordoj
Kolonelit veteran Myfit Guxholli
“Dekoratën e Artë të Shqiponjës”.
Si përfaqësues i një brezi të
lavdishëm idealistësh që në
momentet më të vështira dhe të
errëta për vendin u bashkuan
me armë në dorë për çlirimin e
Atdheut, Kolonel Guxholli dhe
familja e Tij luftuan përkrah
Heroit të Popullit Reshit Çollaku
me çetën partizane të Mokrës,
duke shkëlqyer me heroizmin
e tyre, që na bën krenarë dhe
frymëzon brezat e rinj me ndjenjat
më të larta të atdhedashurisë.
Kolonel Guxholli, si bashkëthemelues
i Organizatës
të Bashkuar të Veteranëve të
LANÇ, me Dr.Ymer Dishnicën,
“Si përfaqësues i një brezi të lavdishëm idealistësh që në momentet më të vështira
dhe të errëta për vendin u bashkuan me armë në dorë për çlirimin e Atdheut, Kolonel
Guxholli dhe familja e Tij luftuan përkrah Heroit të Popullit Reshit Çollaku me
çetën partizane të Mokrës, duke shkëlqyer me heroizmin e tyre...”
Gjeneral Rrahman Parllakun,
Liri Belishovën, Edip Ohrin,
Skënder Malindin e shumë të
tjerë në drejtimin e saj, i kanë
bërë shërbimin më të mirë kombit
dhe popullit shqiptar, duke
nderuar sakrificën sublime,
gjakun e dëshmorëve, heroizmin
e luftës partizane, që ishte
dhe mbetet lufta më e madhe
patriotike për liri që ka zhvilluar
populli ynë.
Kjo luftë e lavdishme që realizoi
Çlirimin e Atdheut nga okupatori
nazifashist dhe e shpëtoi
vendin nga planet për ndarjen,
duke e radhitur Shqipërinë
në anën e Aleancës së madhe
të popujve kundër Aksit të së
keqes, është padyshim një meritë
për Shqipërinë europiane, sot
anëtare e NATO-s dhe aspirante
për anëtare të BE-së, sepse në
themel të Europës së Bashkuar
qëndrojnë vlerat demokratike
dhe çlirimtare të Luftës së Dytë
Botërore.
Përherë mirënjohës për kontributin
shumë të çmuar të Kolonel
Guxhollit dhe familjes së tij për
Shqipërinë, për ushtrinë tonë
dhe kombin shqiptar.
AKTUALITET
MOKRA MAJ - QERSHOR 2020
7
Mbi 20 djem dhe vajza nga Velçani kanë
humbur ose janë vrarë në emigracion...
Bardhyl BERBERI
E
tërë krahina e Mokrës,
me 47 fshatra të ndara
në dy pjesë, përbën atë
që quhet Mokra e Sipërme dhe
Mokra e Poshtme. Mokra është
e ngjeshur e tëra në gjirin e maleve
dhe fshatrat e saj kalojnë
deri në 1200 m mbi nivelin e
detit.
Kemi zbritur Qafë Thanën
dhe pa u futur në qytetin e Përrenjasit
rruga majtas të shpie
në Mokrën e Poshtme…Sapo
makina del mbi Qafën e Katjelit,
si në një ekran të shfaqen njëra
pas tjetrës fshatrat e Mokrës së
Poshtme. Shtëpi të vendosura
në gjoksin e maleve dhe nëpër
monopate që ngajnë si fole dallandyshesh.
Mokra është një nga
krahinat më të vjetra të vendit
ku u kaluara ka lënë gjurmë të
thella. Ajo shquhet për trimëri,
mikpritje dhe bujari. Por Mokrës
nga e kaluara i kanë ngelur edhe
shumë fjalë të rënda si “Ara e
gjakut”, “Luadhet e sherrit” apo
emrat e njerëzve: Sose, Mbaresa,
Qëndrim…
Jemi afruar Golikut. Një urë e
hershme e rrugës Egnatia. Ura
është e gjatë 37 m dhe e gjerë 3
m. E ndërtuar me dy qemerë rrethorë
me nga një dritare shkarkuese.
Ura të mahnit nga konstruksioni
arkitektonik, që flet
më së miri për nivelin e lartë të
mjeshtrave vendas të kësaj krahine
ku ndërtimi i rrugëve dhe
urave ka patur një zhvillim të
veçantë. Më pas pasi kemi lënë
Proptishtin dhe Slabinjën dhe i
jemi drejtuar Velçanit të thellë
malor. Në disa lugina të pjerrta
mbi fshat shohim tufa të mëdha
me dele dhe dhi.
Mes blegtorëve
Është një ditë me diell, por
e ftohtë. Dielli që ka dalë nga
maja e maleve të Mokrës herë
shfaqet dhe herë fshihet nëpër
qafat e maleve duket sikur luan
symbyllurazi me ne. Ndalojmë
pranë një stani. Blegtorët janë
njerëzit e sakrificës dhe nuk i
dëgjon që të qahen ndonëse shtëpia
i sheh rrallë. Duhet të ecësh
këtyre maleve dhe monopateve
që të takosh barinjtë për të marrë
mbresa nga ky mjedis baritor
plot mbresa dhe përshtypje.
Bukuri e veçantë. Takohemi me
një bari të moshuar, 70 – vjeçarin
Riza Çela që na pret buzagaz.
– Kemi një tufë të madhe prej
400 krerësh me dele dhe dhi, na
thotë ai. Rizai i merr çdo dele
nga 55 litra qumësht në vit. Eh,
thotë ai, nuk është bari ai që nuk
qëndron pranë stanit kur pjellin
delet. Delja një herë pjell more
vëlla dhe po të mos i njohësh
qingjin çfarë bariu je, thuaj më
mirë që nuk jam për këtë punë!
Pak më tutje takojmë 40 –
vjeçarin Mersin Elezin. Stani
i tij dallon mbi të tjerët është i
ri me një mbulesa bashkohore
të stallave dhe vathat verore.
Mersini ka qenë emigrant për
shumë vite në Greqi dhe me të
ardhurat që ka fituar ka krijuar
një kompleks modern blegtoral.
Ai ka një tufë të madhe me dhi
cilësore të racës. Ai merr për
çdo dhi nga 210 litra qumësht
në vit dhe brenda 60 ditëve kecat
arrijnë një peshë prej 14 kg.
– Unë vajta emigrat në Greqi jo
për t’u bërë hyzmeqar i grekut,
por për të siguruar të ardhuar
dhe për të sjellë atë përvojë që
ata kanë dhe për qenë vetë pronar,
thotë ai.
Më poshtë ai thotë se që të
kesh sukses në blegtori duhet
ta njohësh kullotën pëllëmbë
për pëllëmbë, çfarë gjethe dhe
barëra kanë luginat dhe honet
ku kullosin dhitë, kullotën
duhet t`a ndash me shkop atje
ku ke vajtur sot të mos shkosh
nesër. Unë kam futur rimjeljen
e dhive dhe kjo më ka dhënë
rezultat, thotë ai. Populli thotë
se një pikë qumësht t`i ngelet
në gji deles apo dhisë ajo e bën
shterpë, ndërkohë që ujë iu jap
dhive tre katër herë në ditë se po
nuk i dhe ujë dhia apo delja nuk
t`a jep qumshtin që t`i kërkon.
Barinjtë na kanë shtruar gunat
dhe ne jemi ulur pranë zjarrit.
Në vatër digjet një zjarr i madh,
por ai nuk ndjehet nga ajri i
ftohtë në atë lartësi mbi 1200
m mbi nivelion e detit. Këmborët
e zileve tringëllojnë në
gjuhën e tyre të cilën e kupton
mirë vetëm çobani. Ata e ndjejnë
sado larg që të jetë kopeja.
E kuptojnë kur ajo është e qetë
dhe kur është e ndërkryer para
rrezikut të egërsirave që zbresin
nga pyjet e Bishnicës. Atëherë
ata ngrihen dhe iu bëjnë ballë
egersirave sëbashku me qentë e
stanit. Por në Velçan ka shumë
tufa me dele dhe dhi, është Arif
Biba apo Salo Mysliu. Dhe të
gjithë këta barinj dhe shumë
të tjerë në këtë fshat të thellë
me këto tufa sigurojnë bukën e
familjeve të tyre.
Velçani
Jemi futur në fshat. Velçani
është fshati më i madh dhe më
i thellë i krahinës së Mokrës
me 2000 banorë. Ky fshat është
edhe qendra e ish Komunës së
Velçanit. Shtëpi të ndërtuara
me gurë të skalitur dhe të mbuluara
me rrasa guri ngjajnë si
shkëmbinj të latuar nga erërat
e forta të Mokrës. Fshati ka një
shkollë të mesme dhe qendër
shëndetësore me dy mjekë. Ish
kryetari i komunës Ramazan
Rrapçe na thotë se rreth 70 për
qind e fshatit Velçan kanë nga
një pjestar të familjes në emigracion.
Emigracioni dhe blegtoria
janë dy elementët bazë që këta
njerëz në këto zona të thella
sigurojnë me sakrifica mbijetesën
e tyre. Por telashet nuk
kanë të sosuar. Njerëzit janë të
pakënaqur…Na kanë mërzitur
boll, thonë fshatarët e Velçanit,
boll halle kemi…Infrastruktura
e fshatit është e mjeruar, rrugët
e ngushta dhe tepër të vështira
tashmë presim dimrin dhe shtresa
akulli janë tepër të rrezikshme
në këtës tinë të vështirë.
Dimrin e kaluar nga rrëshqitja e
dheut u shkatërruan 24 shtëpi.
Dramat e djemve të tyre, të
vrarë në emigracion
Emigracioni është parë si një
nga burimet e jetës në komunën
e thellë të Velçanit. Terreni
i vështirë malor dhe klima e
ashpër i ka detyrua këta djem
të emigrojnë në Greqi dhe Itali,
shumica në mënyrë klandestine
për të siguruar bukën e gojës,
larg vendbanimit dhe familjeve
të tyre dhe në një Shqipëri të
mbyllur mokrarët kanë qënë
mërgimtarët e parë. Por ky emigrim
i tyre nëpër botë ka sjellë
drama rrëqethëse. Vërtet djemtë
e Velçanit kanë sjellë të ardhura
familjeve të tyre, por shumë
prej tyre kanë humbur jetën. Në
fshat dëgjon ngjarje rrënqethëse.
Kështu 22 – vjeçarin Aleksandër
Xhevit Lufo, para disa vjetësh,
e ka therur me thikë një pronar
grek pasi grekut i kishin vjedhur
kasetofonin e makinës dhe
akuzonte pa të drejtë djaloshin
Velçani është
një nga fshatrat
më të vjetër dhe
më pak të braktisur
në vitet e
trazicionit nga
banorët e tij.
nga Mokra, të cilin e theri me
thikë në mes të një fshati grek.
Apo vrasjen e 37 – vjeçarit Feridon
Lufo, babain e dy fëmijëve,
të cilin e vranë ushtarët grekë në
kufi…Ismail Çelës i janë vrarë
dy djem në Greqi. Edhe Istref
Biba ka humbur dy djem në
emigracion, njërin në Greqi dhe
tjetrin në Itali…Dhe faktet janë
rrëqethëse. Në fshatin fqinjë të
kësaj komune në Laktesh janë 6
djem të vrarë në Greqi, në Bishnicë
2 të vrarë dhe në fshatin
Buzaishtë të po kësaj komune
mungon një vajzë e zhdukur në
mënyrë enigmatike nga familja
Krasaliu…Ëngjëllushe Krastalliu
pasi trafikohet arrin që t`u
shkëputet trafikantëve dhe me
ndihmen e një prifti arrin që të
martohet me një shtetas italian
dhe ka pesë vjet që ka humbur
lidhjet me familjen. Tashmë që
shkojmë pa viza, thonë ata, të
paktën do të çmallemi me fëmijët
tanë që kemi në emigracion,
do të shkojmë të shohim nipat e
mbesat se na ka këputur malli..
– Eh, thotë Ramazan Rapçe, sa
gjak dhe jetë djemsh mokrarësh
kanë humbur nëpër male,
vetëm në këtë komunë në këto
vite tranzicioni ka mbi 20 djem
e vajza të zhdukur në emigracion
apo të vrarë në kufi nga
ushtarët grekë.
Tradita
Velçani është një nga fshatrat
më të vjetër dhe më pak të braktisur
në vitet e trazicionit nga
banorët e tij. Ai shquhet për
prodhimin e mjaltit. Gjermanët
janë kontraktuesit kryesorë
që tërheqin mjaltin e zonës së
Velçanit i cili përbëhet nga 72
lloje lulesh. Velaçanakët janë
mjeshtër të punimit të drurit.
Prania e pyjeve të shumtë rreth
e rrotull ka bërë që ata të jenë
mjeshtra të prodhimit të eneve
të drurit si kade të madhësisve
të ndryshme për bulmet dhe
për prodhimin e verës. Velçani
shquhet për prodhimin e patates
dhe punimin e gurit. Ky
është Velçani me praninë e
pyjeve rreth e rrotull dhe lartësinë
mbi 1200 mbi nivelin e detit
duke patur një dimër të gjatë
me dëborë, të pranverave të
ndezura nga blerimi…
8
PANORAMË
MAJ - QERSHOR 2020 MOKRA
POGRADECI, thjesht një vend
Pogradeci është një nga vendet turistike më të
mira në Shqipëri, do ta quanim unikal. Lasgush
Poradeci do ta quante atë pa një të dytë. Për
shkak edhe të traditës dhe të përvojës që ka në pritjen e
përcjelljen e njerëzve, aty ofrohen shërbime me standarde
ndërkombëtare.
Nëse doni t’i shpëtoni vapës që iu zë frymën në qytetet
e zhurmshme, nëse jeni në kërkim të freskisë dhe të
qetësisë, nëse doni të shijoni freskinë që vjen nga kontinenti,
nëse doni të jetoni në një atmosferë liqenore pranë
mërmëritjes së butë të dallgëve të liqenit më të thellë
në Ballkan dhe nëse doni të ushqeheni me produkte që
kanë mbetur ende krejt natyrale, atëherë zgjidhja ka
vetëm një emër: Pogradeci dhe liqeni i tij.
HISTORI
Në Antikitet, krahina e Pogradecit ka qenë e banuar
nga fiset ilire, Enkelejtët dhe Dasaretët. Sipas të gjitha
gjasave, këto fise arritën të organizojnë edhe një shtet
të fuqishëm duke ndërtuar edhe një sistem të tërë fortifikimesh
antike ku bënin pjesë kështjellat e Enkelanës,
Baosës, Seljanës dhe Pelionit. Zbulime arkeologjike
janë bërë në dekadat e fundit në vendbanime të ndryshme
si në Bllacë, Tushemisht, Selcë e Poshtme, Lin
dhe në vetë Kalanë e Pogradecit. Vetëm 40 kilometra
larg Pogradecit, në zonën malore të Mokrës, në Selcën e
Poshtme ndodhen 5 varre monumentale, 2400-vjeçarë,
të ndërtuar nga fundi i shekullit të IV para Krishtit, të
cilat janë unikale në Evropë për nga aplikimi i tyre në
shkëmb. Bazilikat kristiane në fshatin Lin dhe mozaiku
i ndodhur atje datojnë në shekullin e VI e të VII të
erës sonë. Ato janë vepra të kulturës bizantine. Kalaja e
Pogradecit, 789 metra mbi nivelin e detit, ndodhet në
afërsi të qytetit dhe ka filluar të banohet që nga shekulli
V para Krishtit.
LIQERI
Kështu do ta quante Lasgush Poradeci. Dhe vërtet
ai është pa i pashoq jo vetëm figurativisht në mënyrë
metaforike për nga bukuria, madhështia, por sepse
edhe nga pikëpamja shkencore është nga më të vjetrit
dhe më të veçantët në botë. Ai është formuar 2-3 milionë
vjet më parë, nga tërmetet që e çanë peizazhin dhe
krijuan gropën e tij. Në një liqen kaq të vjetër sa ky, me
kodrat dhe malet përreth që e kanë veçuar nga ujërat
e tjera, u zhvillua një koleksion krejt i veçantë bimësh
e kafshësh. Disa nga këto bimë e kafshë kanë qenë të
zakonshme miliona vjet më parë, por u zhdukën praktikisht
nga vendet e tjera në botë. Shkencëtarët i quajnë
këto specie “relikte” ose fosile të gjalla. Ka edhe
specie që gjallojnë vetëm në Liqenin e Ohrit dhe nuk
janë gjetur gjetiu në planet. Në këto specie “endemike”
bën pjesë korani i famshëm dhe shumë peshq të tjerë,
kërminj, krimba, Pogradeci është një nga vendet turistike
më të mira në Shqipëri, do ta quanim unikal.
Lasgush Poradeci do ta quante atë pa një të dytë. Për
shkak edhe të traditës dhe të përvojës që ka në pritjen e
përcjelljen e njerëzve, aty ofrohen shërbime me standarde
ndërkombëtare.
Nëse doni t’i shpëtoni vapës që iu zë frymën në qytetet
e zhurmshme, nëse jeni në kërkim të freskisë dhe të
qetësisë, nëse doni të shijoni freskinë që vjen nga kontinenti,
nëse doni të jetoni në një atmosferë liqenore pranë
mërmëritjes së butë të dallgëve të liqenit më të thellë
në Ballkan dhe nëse doni të ushqeheni me produkte që
kanë mbetur ende krejt natyrale, atëherë zgjidhja ka
vetëm një emër: Pogradeci dhe liqeni i tij.
VENDBANIM I LASHTË DHE I RI
Liqeni i Ohrit është një liqen me rëndësi të jashtëzakonshme
vendore e ndërkombëtare. Popullsia në pellgun
ujëmbledhës të liqenit është rritur me të shpejtë që
nga Lufta II Botërore. Tani ajo i afrohet 200 000 banorëve
të përhershëm, përveç shumë mijëra të tjerëve që vinë
me pushime në liqenin e Ohrit dhe liqenin e Prespës.
Në pjesën maqedonase të pellgut ujëmbledhës ka rreth
106,000 banorë, kurse në pjesën shqiptare të pellgut
ka rreth 61,000 banorë. Shumica e popullsisë banon
në disa qytete të mëdha si: Ohri, Struga e Resnje në
Maqedoni dhe Pogradeci në Shqipëri, por ka gjithashtu,
edhe bashkësi të shpërndara andej-këndej pellgut
ujëmbledhës. Shtimi i popullsisë dhe zhvillimi kanë
ushtruar ndikim në liqen, në shumë mënyra, çka përbën
kërcënim për larminë e veçantë biologjike të liqenit
e për kthjelltësinë kristalore të ujit, që aq shumë i tërheq
turistët.
BURIMET E USHQIMIT TË LIQENIT
Lumenjtë e përrenjtë që rrjedhin tatëpjetë nga malësitë
dhe nga luginat në liqen, si p.sh. Lumi i Çërravës dhe
Lumi Koselska, sjellin rreth gjysmën e ujit të tij. Pjesa
tjetër vjen nga burimet që dalin në pjesën jugore të liqenit,
në Shën Naum, Drilon e Tushemisht. Këto burime
ushqehen nga ujërat që rrjedhin prej maleve poroze
në lindje, Galicica e Mali i Thatë. Gjatë mijëra vjetëve,
poshtë shkëmbinjve malorë janë formuar zgavra e kanale.
Nëpër këto kanale kalon uji që nga Liqeni i Prespës
në Liqenin e Ohrit. Meqenëse Liqeni i Prespës është 150
m mbi Liqenin e Ohrit, ujërat e tij rrjedhin “tatëpjetë”
drejt Liqenit të Ohrit, përmes kanaleve në karst. Pothuajse
çdo 11 vjet, i gjithë uji i Liqenit të Prespës zëvendësohet
nga uji i ri. Ndryshe nga kjo duhen rreth 70
vjet që i gjithë uji i Liqenit të Ohrit të ndërrohet. Nga
Liqeni i Ohrit, pranë Strugës, del Drini i Zi. Ky lumë në
fund të fundit derdhet në det.
KALLAMISHTET, HABITAT I RËNDËSISHËM
Zona e kallamishteve është një habitat me rëndësi të
veçantë për shumë organizma, e po ashtu është me
shumë dobi për njerëzit. Rrënjët e kallamave e mbajnë
baltën të ngjeshur, kurse kërcejtë pengojnë dallgët,
duke pakësuar kështu erozionin e bregut. Këto bimë
largojnë edhe një sasi fosfori e lëndësh të tjera ndotëse
që vijnë në liqen. Ato përbëjnë hapësirën jetësore dhe
vendin ku fshihen shumë specie peshqish e zogjsh uji;
kallamishtet janë, gjithashtu, terreni ku lëshojnë vezët
gjuhca (shojza) e krapi. Peshqit e rosat i pëlqejnë kallamishtet
sepse ato janë strehë për t’ju fshehur grabitqarëve.
Në dimër, kur kallamat thahen shtojnë në ujë
lëndë organike, ushqim për organizma të tjerë, si kërmijtë
e krimbat, që nga ana e vet janë ushqim për peshqit
dhe shpendët e ujit. Me zhvillimet njerëzore përgjatë
bregut, njerëzit i kanë prerë ose djegur kallamat. Kjo
praktikë kërcënon peshqit dhe jetën e kafshëve në liqen,
ndaj duhet të mbahet nën kontroll.
GJALLESA ENDEMIKE, UNIKE NË BOTË
Ka dy bashkësi unike bimësh e kafshësh në Liqenin
e Ohrit: bashkësia pranë bregut, ose e zonës litorale,
dhe bashkësia përtej bregut, ose pelagjike, në ujërat e
thella mes liqenit. Gjallesat që jetojnë në fundin e Liqenit
të Ohrit janë krejt unike. Ka shumë kafshë të vogla
parruazore (kafshë pa shtyllë kurrizore a rraaza) që
gjenden veç në Liqenin e Ohrit. Sfungjeri i rrumbullakët
i Ohrit Ochridospongia rotunda gjendet vetën në
Liqenin e Ohrit. Kafshë më të afërta me të gjenden në
Liqenin Bajkal, një liqen tjetër i lashtë në Rusi, që është
formuar nga tërmetet. Në fundin shkëmbor hasen rëndom
midhje të vogla. Ato kapen pas shkëmbinjve me
anë të disa fijeve ngjitëse që i sekretojnë vetë. Në fundin
ranor ka një larmi të madhe krimbash, kërminjsh,
MOKRA MAJ - QERSHOR 2020
PANORAMË
9
i mrekullueshëm pushimesh
Shën Naumit. Brenda në manastir ndodhet një kishë e
vogël, ku ndodhet varri i Shën Naumit, një dishepull
i shekullit X i Shën Klementit të Ohrit dhe njëri prej
etërve themelues të krishtërimit ortodoks. Naumi
themeloi manastirin e Shën Mihalit dhe u varros më
krustacesh dhe organizmash të tjerë që jetojnë dhe fshihen
në zgavrat e tabanit.
PESHKIMI PA KRITER, KËRCËNIM SERIOZ
Peshkimi në Liqenin e Ohrit përbën një sektor të rëndësishëm
për ekonominë e Shqipërisë e të Maqedonisë.
Llojet e peshqve që gjuhen rregullisht nga peshkatarët
janë gjashtë, duke përfshirë koranin e famshëm të Liqenit
të Ohrit, belushkën më të vogël, gjuhcën, krapin ,
ngjalën dhe gurnecin. Gjatë dekadës së fundit, në liqen
peshkohen 200,000 deri në 300,000 kg peshk çdo vit.
Përmasat mesatare dhe numri i peshqve janë zvogëluar
dhe bilanci gjinor po ndryshon. Përveç trysnisë së mbipeshkimit,
peshqit vendës (nativë) të Liqenit të Ohrit
janë nën kërcënim nga speciet e futura, jo-vendëse.
Shqetësim të veçantë paraqet trofta e ylbertë sepse ajo
mund të zhvendosë koranin vendës.
RREZIK, RRJEDHJET ANËSORE TË PELLGUT
Ka edhe disa dëshmi paraprake se pesticidet e përdorura
nga bujqit në zonën e pellgut ujëmbledhës
mund të jenë një kërcënim për peshqit në liqen. Këto
pesticide janë gjetur në indet e peshqve të zënë në
liqen. Po kështu mbetjet industriale, ujërat e zeza, detergjentët
përbëjnë rrezik për prishjen e florës dhe faunës
së liqenit. Humbja dhe copëzimi i habitateve, si
edhe shqetësimet nga ana e njerëzve, janë rreziku më i
madh për vazhdimësinë e gjallesave.
VENDE QË MUND TË VIZITONI
Kalaja
Pogradeci ka një të mirë. Krahas pushimeve buzë liqenit,
mbasditja mund të organizohet me veprimtari të
tjera argëtuese. Kështu, psh, mund të shkohet në Kalanë
e qytetit. Kalaja ka qenë e banuar që në shekullin e V
para Krishtit. Kalaja u banua deri në shekullin X, kohë
pas së cilës banorët zbritën më afër liqenit të Ohrit, të
cilin romakët e quajtën Lyhnidos, që do të thotë Liqeni
i Dritës. Në kala sot nuk kanë mbetur shumë gjëra për
t’u parë. Porse për amatorët e shëtitjeve në natyrë, kalaja
është një rast më tepër për ta parë gjithë sipërfaqen e
liqenit nga lart.
Manastiri i Shën Naumit
Nëse shkoni në Pogradec, pasi kaloni kufirin e fshatit
turistik Tushemisht, ia vlen të vizitoni Manastirin e
910. Afresket që ndodhen në kishë janë kopje të origjinaleve
të shekullit të XIX. Ikonostasi me gdhendje të
pasur i përket vitit 1711, ndërsa ikonat janë të shekullit
të XVIII të pikturuara me mjeshtëri nga Kostandini.
Lini
Fshati i sotëm Lin është një fshat piktoresk buzë liqenit
të Ohrit. Nëse arrini aty do të shihni vetë Ballkanin në
miniaturë, por kësaj here vetëm paqësor. Në Shqipëri
Lini është i njohur jo vetëm për bukurinë, por edhe për
historinë e tij. Veçanërisht interesante është pjesa jugore
e gadishullit që ka mbetur ende e pabanuar. Këtu
mund të bëni banjo dielli në një plazh fare të virgjër
rëre, në të cilin shkohet pasi të keni kaluar disa kopshtije
të këndshme.Por Lini ka edhe objekte me interes
arkeologjik. Ai kamozaikët që quhen mozaikët e Linit,
datojnë në shekullin VI pas Krishtit. Ata ndodhen 22
km larg qytetit të Pogradecit. Lini, mozaiku bizantin i
shekullit të VI-VII është mozaiku më i madh në Ballkan
me një sipërfaqe prej 220 metra katrorë.
Driloni
Pika turistike e Drilonit, emri i vjetër Volorekë, ndodhet
4 kilometra nga qyteti i Pogradecit, në skajin jugor
të qytetit, ku derdhet në liqen një lumë i vogël.
Burimet e pastra dhe peizazhi do t’ju mahnit nëse e
vizitoni. Rreth e rrotull ka shelgje vajtues dhe pemë
gjetherënëse. Përveç shëtitjeve në këmbë, ju mund të
bëni shëtitje akoma më të këndshme me varka të vogla
për të lundruar në liqen. Varkat do t’ju çojnë deri thellë,
pikërisht atje ku lind burimi i Volorekës.
Tushemishti
Nga Driloni në Tushemisht shkohet fare mirë në këmbë.
Ai nuk është veçse disa qindra metra larg burimit
të famshëm. Tushemishti është i njohur në krejt zonën
për numrin e madh të burimeve që vërshojnë poshtë
shtëpive të fshatit, duke ardhur nga kodrat drejt liqenit.
Fshati është duke përjetuar një lidhje shumë të
fortë me turizmin. Në anë të liqenit do të gjeni hotele
dhe lokale të pajisura më së miri, porse shumë shtëpi
fshatare që janë fare afër liqenit janë shndërruar në
pensione familjare shumë komode, shumë intime dhe
me çmime shumë të leverdishme. Në to mund të përjetoni
edhe më mirë atmosferën tipike të një fshati në
anë të liqenit. Në Tushemisht është xhiruar filmi i famshëm
“Zonja nga Qyteti” nga artistja e madhe, Violeta
Manushi. Megjithëse ajo ka vite që ka vdekur, por, në
qoftë se u ka marrë malli, shkoni dhe e “takoni” aty
buzë rrëkeçkave të fshatit, e derdhur bukur në bronz.
LASGUSH PORADECI
Poradeci
Perëndim i vagëlluar mi Liqerin pa kufir
Po përhapet dal-nga-dale një pluhúrë si një hije.
Nëpër Mal e nër Lëndina shkrumb’ i natës që po bije,
Duke sbritur që nga qjelli përmi fshat po bëhet fir…
E kudó krahin’ e gjërë më s’po qit as pipëlim:
Në katund kërcet një portë…në Liqer heshtë një lopatë…
Një shqiponjë-e arratisur fluturon në Mal-të-Thatë…
Futet zemra djaloshare mun në fund të shpirtit t’im.
Tërë fisi, tërë jeta, ra… u dergj… e zuri gjumi…
Zotëroj më katër anë errësira…
Po tashi:
Dyke nisur udhëtimin mes-për-mes nër Shqipëri,
Drini plak e i përrallshëm po mburon prej Shëndaumi…
KORANI DHE BELUSHKA
Arti i natyrës
Ndër peshqit e ujërave të cekëta bëjnë pjesë gurecka,
si dhe peshqit që gjuhen nga peshkatarët, si gjuca dhe
krapi. Gjatë periudhës së lëshimit të vezëve, në zonën
përgjatë bregut (litorale) vijnë shumë peshq të tjerë
duke përfshirë edhe koranin e Liqenit të Ohrit. Këta
peshq janë një urë lidhëse midis habitateve të ujërave të
cekëta dhe ujërave të thella. Korani është një specie endemike,
karakteristikë e liqeneve të thellë. Është i vetmi
i mbetur si specie endemike.
ARTI I KUZHINËS
Pogradeci njihet për gatimin e tij krejt të veçantë.
Vetëm me koran, peshkun e rrallë të liqenit bëhen mbi
10 gatime të ndryshme: me qepë, tavë peshkatari, i
zgarës, fileto korani, sallatë korani, koran i pjekur në
hell, koran tavë me arra etj. Gatime të tjera janë: Belushkë
e skuqur me arra, qofte të rreme me hudhra e kos.
Bëni kujdes me peshkun, pasi në vend të koranit, mund
t’u japin troftë dhe të mos e kuptoni. E themi këtë sepse
edhe ata që shesin në rrugë troftën ta shesin për koran.
10 TURIZMI
MAJ - QERSHOR 2020 MOKRA
Varret e Selcës, monumentet që duhen vizituar
Varret e Selcës gjenden 40
km larg Pogradecit, në zonën
malore të Mokrës, në
Selcën e Poshtme. Ky sit arkeologjik
qëndron mbi një pllajë malore me
pamje nga lumi Shkumbin. Në
këtë sipërfaqe janë zbuluar 5 varre
monumentale mbresëlënëse, që sipas
dokumentave janë ndërtuar nga
fundi i shekullit të IV para Krishtit.
Katër nga këto varre janë gdhendur
si tunele në shkëmb dhe njeri është
i rrethuar me blloqe katërkëndore
guri. Brendësia e varreve përbëhet
prej një paradhome dhe dhomës së
varrimit, me një shtrat prej guri për
trupin dhe rafte për pajisen e varrimit.
Mbi varre është një shesh
orkestre, për ceremonitë e varrimit.
1. Varri i parë përbëhet nga një
dhomë varrosjeje drejtëkëndore me
paradhomë ose katrore. Një hark të
lartë që mbulon dhomën e varrimit,
lartësia e së cilës është 2.10 m. Fasada
e varrit ka një kolonadë të shtyllave
dorike me sipërfaqe, të tipit të rendit
Jonik. Në fasadë gjurmët e bojës
janë ende të dukshme. Në dhomën
e varrimit ka dy shtresa shkëmbi të
gdhendur, njëra kundrejt murit anësor
dhe tjetra kundrejt murit të pasëm.
Ky varr është i orientuar drejt varrit
monumental maqedonas nga gjysma
e dytë e shekullit IV para Krishtit.
2. Varri i dytë ka dy elemente: më
poshtë është një dhomë varrosje drejtkëndëshe
me shkallët që të çojnë
poshtë, mendohet se është vulosur
fillimisht me pllaka guri. Mbi të ka
një kompleks si ai i teatrove, me dy
rreshta vëndesh që mund të kenë
shërbyer për çdo ritual apo për vizita
nga anëtarët e familjes të të ndjerit.
3. Varri i tretë është me dy nivele.
Niveli i sipërm është në një prerje
gjashtëkëndëshe në shkëmb, si në
emiciklin jonik (pjesa e amfiteatrit
ku uleshin spektatorët me rend arkitektonik
të frymëzuar nga dobësia
femërore), me tetë shtylla, pjesët
e sipërme të të cilave janë gdhendur
veç e veç në krah të hyrjes. Në
të majtë ka një kamare me një reliev
të gdhendur me një Bucranium
(dekorim që paraqet skeletin e kokës
së kaut) dhe një helmetë të Pergamit.
Në të djathtë ka një reliev të një mburoje
iliro-maqedonase. Dyshemeja e
varrit duket se ka pasur një mozaik,
megjithëse nuk ka asnjë gjurmë të
tij. Dera, e cila dikur ishte e mbyllur,
të çon në një dhomë të ngushtë.
Dhoma e dytë ka një hark të lartë dhe
përmbante dy sarkofagë të gdhendur
bukur në shtresa. Dhjetë varrosje
janë gjetur në këtë dhomë, disa në
sarkofagë dhe të tjera në dysheme.
4.Varri i katërt ka një fasadë të lartë
5 m me dy kolona jonike të gdhendura
veç e veç dhe trabeazione dhe
timpano ( janë terma arkitektonikë,
afërsisht tregojnë rregullimin e
strukturave mbështetëse të pjesëve
mbivendosëse.) të një tempulli. Është
varri më monumental nga të gjithë.
Fasada nuk është më në vëndin e
vet, megjithëse disa pjesë janë ende
të dukshme në tokë. Dhoma e varrit
të mbuluar është gdhendur në një
hark dhe ka qënë fillimisht e mbuluar
me suva të pikturuar. Dhoma përmban
një sarkofag të vetëm të bërë me
pllaka guri, të grabitur në antikitet.
Shtatë kamaret janë të gdhendura në
shkëmbin e fasadës së gjatë, pjesërisht
të mbuluara me mbishkrime
që mund të jenë bërë nga ndërtuesi
i varrit ose nga personi përgjegjës
për punimet, sipas asaj që mendojnë
arkeologët.
5. Varri i fundit ka stilin e atyre
maqedonas (i cili përbëhet nga një
dhomë e harkuar, fasada arkitektonike
me dyer monumentale, korridor
dhe gurë) ,he përbëhet nga paradhoma
dhe dhoma varrimi mbretërore,
të dyja të mbuluara dhe të ndërtuara
në ashlar (mbivendosje blloqe guri
rreshta të stivosur). Një pllakë guri
në reliev shërben si një hyrje e rreme
në dhomën e varrit. Në të njëjtën
dhomë ka mbetje të tre sarkofagëve
në formën e klinai (të shtretërve të
konvikteve, mbi të cilat dikush hante
gjysëm i shtrirë, të llojit të trikliniumit
të përdorur nga romakët e lashtë.)
Sarkofagët u përdorën kryesisht për
Kujtojmë lindjen e gazetarit
e karikaturistit Niko Nikolla
Shkrimtari i shquar pogradecar ka qenë i pranishëm në faqet e gazetës
“Mokra” që në numrin e parë me tregimin “Karaktere mokrarësh”
Niko Nikolla lindi më 20 maj 1931
në qytetin e Pogradecit. Punoi për
shumë vite si gazetar pranë gazetës
“Zëri i Popullit” dhe më pas si kryeredaktor i
Revistës “Hosteni”, deri në vitin 1991 kur doli
në pension. Me qindra e qindra janë fejtonet,
artikujt dhe reportazhet që mbajnë firmën e
Niko Nikollës, në të gjithë shtypin shqiptar.
Dikush e ka quajtuar optimisti i përjetshëm
dhe si i tillë pas viteve ’90, Niko Nikolla botoi
libra në fushën e publicistikës, humorit, por
edhe prozës. Përmenden këtu “Shënime të një
gazetari”, “Pushtimi i Amerikës”, “Një angleze
në rrugën e Dibrës”, “Furtuna e janarit”,
“Lamtumirë Vlorë”, “Njeriu pa emër”, “Zhyl
Verni në katror”, “Mjaltë dhe Gjak”, “Kronika
nga Fronti i Dytë”, “Vdekja e varrmihësit”,
“Një lumë midis dy shenjtorëve”, “Dallëndyshet
e dimrit”, “Koloneli me një sy”, ndërsa
ka në proces botimi “100 Novela e tregime
varrosjen e trupit dhe vetëm në një
moment tjetër u vendosën rafte dhe
pajisje funerali. Megjithatë, varri
ishte grabitur në antikitet.
nga Ballkani”. Gjithashtu ai botoi një kolanë
prej shtatë titujsh mbi temën e Ballkanit, ku
përmes humorit sa dhe dramës arriti të shpreh
ç’është Ballkani, ç’janë ballkanasit dhe si do të
ecë Ballkani. “Ta kthejmë Ballkanin nga një fuçi
baruti në një fuçi humori” është një nga shprehjet
e humoristit, i cili në vitin 1991 botoi në këtë
lëmë dhe revistën Ballkan, ku shkruan penat më
të njohura të gadishullit tonë.Gjatë aktivitetit të
tij letrar-publicistik, Niko Nikolla është nderuar
disa herë me çmime në konkurse të ndryshme
letrare si dhe me pesë çmime të para në fushën e
gazetarisë dhe të letërsisë si çmimi “Çajupi” në
vitin 1989. Miqtë e Niko Nikollës janë shprehur
se humori i tij buron nga tërë qënia e tij
dhe ishte pjesë e së përditshmes së tij. Në ceremoninë
e 70 vjetorit të tij, më 2001, Nikolla
u tha miqve: “Nesër jam 71 vjeç, por nesër do
t’u ndërroj vendin numrave dhe do të jem 17
vjeç”. Mes vlerësimeve që ka marrë veprimtaria
e gjerë publicistike dhe letrare e Niko Nikollës
është dhe Urdhëri “Naim Frashëri” i klasit të
parë (1978). Në vitin 2003 për “kontributin në
fushën letraro-artistike, kontributin si gazetar,
por edhe si veprimtar për qytetin e tij të lindjes”,
Këshilli Bashkiak i Pogradecit unanimisht i dha
Niko Nikollës titullin “Qytetar nderi”. Ndërroi
jetë mëngjesin e datës 4 janar 2006
Por nder të figurës të Niko Nikollës, Bashkia
Pogradec organizon në muajin shtator
“Ditët e Humorit dhe Bienalen Ballkanike të
Karikaturës” një aktivitet dinjitoz dhe i një
rëndësie të veçantë për qytetin e Pogradecit.
MOKRA MAJ - QERSHOR 2020
11
Nga Artin Halili
AKTUALITET
Korça dhe Pogradeci, gati për pritjen e turistëve
Korça dhe Pogradeci po
bëhen gati për turistët
dhe hapjen e shumëpritur
të 18 Majit. Në pazarin e
vjetër në Korçë bizneset po
bëhen gati ndërsa pavarësisht
pandemisë, ka edhe subjekte të
reja. Kriza dhe pandemia nuk i
ka trembur të gjithë.
Disa, frikën e pasigurisë e kanë
nxjerrë duke investuar me tej në
një prej zonave më të frekuentuara
të Korçës.
Edhe bizneset ekzistuese po
përgatitën për 18 majin, ditën
kur shqiptarët do të lejohen të
ulen sërish në bare e restorante.
Këtu operojnë 140 dyqane dhe
6 hane.
Por pas pezullimit dy mujor,
pronarët janë skeptikë.
Bashkia e Korçës nga ana e
tjetër thotë se po merren të gjitha
masat ndihmëse për biznesin.
Ndërsa qyteti është gati të
presë turistët që u kanë munguar.
Edhe bashkia Pogradec vijon
politikat lehtësuese për bizneset
gjatë muajve të sezonit turistik.
Natyrë si “e pikturuar”/ Pogradeci, ky destinacion
turistik që duhet shijuar në çdo stinë
Në Pogradec nuk të pret
vetëm natyra e bukur
dhe turizmi familjar,
por edhe një botë plot aventura
dhe histori. Pogradeci dhe rrethinat
e tij ofrojnë për turistët
një atraksion të përhershëm turistik
me natyrën, kulturën dhe
historinë që i japin madhështinë,
ndërsa liqeni i jep hijeshinë.
Përveç liqenit, Pogradeci ka
edhe shumë bukuri të tjera natyrore
në periferinë e tij, në fshatrat
që e rrethojnë, ka monumente
të rëndësishme kulturore e historike
që të tërheqin t’i vizitosh.
Pogradeci ofron shumë mundësi
për turizëm ujor, malor
dhe historik. Gjithashtu edhe
kuzhina dhe kulinaria pogradecare
është shumë e veçantë dhe
e pëlqyeshme nga vizitorët shqiptarë
dhe të huaj. Ministri i Turizmit
dhe Mjedisit, Blendi Klosi,
publikoi një video me pamje
nga Pogradeci për promovimin
e qytetit në juglindje të vendit, që
mbledh rreth vetes mijëra turistë
në çdo stinë të vitit.
“Pogradeci, ky destinacion turistik
që duhet shijuar. Aty gjen
njerëz mikpritës e të buzëqeshur,
peizazhe fantastike, atraksione
që duhen shijuar”, – tha Klosi.
Në këtë qytet kudo ka bukuri
si Lini, një gadishull i vogël në
brigjet perëndimore të liqenit të
Ohrit me një fshat të bukur me
të njëjtin emër.
Shtëpitë janë të ndërtuara prej
guri dhe tulla në anët e rrugicave
të ngushta mbuluar me pjergulla.
Në jug të Linit, afër Buqezës në
liqen, në thellësinë 2-3 m ndodhen
disa palafite. Ai është një
vendbanim i tipit liqenor ndërtuar
në sipërfaqe të liqenit, si ajo
e Maliqit në rrethin e Korçës. Ka
gojëdhëna që dikur gadishulli i
Linit ka qenë një ishull i bukur
me bimësi të lulëzuar.
Ndërsa burimet e Drilonit që
ndodhen rrëzë kodrave afër
fshatit Tushemisht dhe Gurras, 4
km nga Pogradeci kanë një pamje
të pakrahasueshme.
Këtë monument natyre mund
ta vizitoni në qoftë se ndiqni
rrugën Pogradec-Doganë-Shën
Naum. Ai është një burim i
madh gëlqeror që buron me
rrjedhje vertikale të ujit në fund
të bllokut gëlqeror, duke vazhduar
më pas rrjedhjen në liqenin
e Ohrit. Uji vjen nga liqeni
i Prespës përmes Malit të Thatë.
Uji del jashtë si një burim i madh
i veçantë me një rrjedhje prej 7
m3/sek. Zona është e rrethuar
me bimësi të dendur.
Pogradeci ka edhe mjaft kisha
mesjetare si kisha e Shën Bitrit,
që vendasit janë mësuar ta thërrasin
kisha e Shën Bitrit, ndodhet
disa qindra metra larg fshatit
Potkozhan.
Kjo ndërtesë e vogël prej guri,
mbuluar me plloça është me
vlera unikale për sa i përket dy
kupolave të vogla në anën lindore
dhe murit shumë të veçantë
EKSPOZITA PERSONALE “ÇAST” E PIKTORIT
QEMAL GURI NGA QYTETI LIQENORI POGRADECIT
Ekspozita e titulluar “Çast”
është çelur këtë fundjavë
në Galerinë e Arteve “Lasgush
Poradeci”, një ekspozitë personale
e piktorit nga qyteti liqenor,
Qemal Guri.
Duke e lidhur dhe me situatën
që po kalojmë për shkak
të pandemisë në fokus të pikturave
të realizuara nga autori
ishte këndvështrimi rreth të
pikturuar me afreske në pjesën
e brendshme të tij. Edhe pse
afresket janë dëmtuar, vizitorët
përsëri mund të admirojnë misterin
dhe bukurinë e shenjtorëve
pikturuar në muret e tij.
Një tjetër kishë është ajo e Shën
Marenës në veri të fshatit Llenge,
zonë e Pogradecit, me një pamje
dominuese në majë të malit mbi
lumin Shkumbin. Kisha është
një ndërtesë e vogël afërsisht
8-12 metra e gjatë. Altari është
i ndarë nga pjesa qendrore e
kishës me një ikonostas druri 6
m të gjerë dhe 4 m të lartë. Ikonostasi
është gdhendur me motive
luleje. Gjithë pjesa e brendshme
e kishës është e mbuluar
me afreske që i përkasin dorës
së mjeshtrit të këtyre zonave,
Kostandin Shpataraku. Qyteti i
Liqenit, Pogradeci, është qyteti
elitar i Shqipërisë i cili vizitohet
në të katër stinët. ATSH
përditshmes, realitetit dhe ëndrrave.
Një detaj që kalonte përtej
ngjyrave të peisazheve ishte
figura femërore në madhështinë
e veprave të saj.
Ekspozita “Çast”, me rreth
120 punime, u çel mbështetjen
e bashkisë Pogradec dhe do të
qëndrojë e hapur për dy ditë
në qytetin liqenor të juglindjes.
NGJYRA MBI GODINAT INDUSTRIALE, FLORA E
FAUNA E OHRIT “I JEP JETË” FASADËS NË POGRADEC
Një magazinë e vjetër e
kohës së komunizmit në
hyrje të Pograecit po merr jetë
nga ngjyrat. Flora e fauna e liqenit
të Ohrit po hidhet aty në një
pikturë murale nga Eljan Tanini.
Pikturat murale në Shqipëri nuk
janë të panjohura por të bëra
mbi objekte të rrënuara janë
shumë të rralla. Këtë ka nisur ta
bëjë prej disa vitesh piktori Eljan
Tanini. Prej 3 javësh ai është
duke punuar në zonën e Gurit
të Kuq në Pogradec. Mbi këtë
Në varkë mushamaje 16 veta,
tritol vetes nëse na kapnin
Babai iu arratis në vitin
1949, por familjarët
e tjerë u burgosën, u
persekutuan, u internuan, u
përndoqën në të gjitha format.
“Vëllai u dënua 13 vite burg,
por, kur doli nga burgu, lufta e
klasave bënte kërdinë, ajo ishte
e padurueshme, e papërballueshme.
Ne kërcënoheshim
vazhdimisht të arrestoheshim.
Vendosëm që ne, tre vëllezërit,
të iknim pa pjesëtarët e tjerë.
Por fati i mirë i yni dhe i familjes
ishte që mami e pikasi planin
tonë, pasi na gjeti kamerdaren
me të cilën do të iknim. Ajo filloi
të qajë dhe na tha: ‘Nëse jeni
burra, nuk do ikni t’i lini gratë
t’jua përdhunojnë këta, pak
hoqëm ne nga baba’. Kur sheh
nënën duke qarë, sigurisht që
tërhiqesh. Ajo, në fakt, na mbolli
në tru një mendim, o të vdesim të
gjithë, o të shpë- tojmë të gjithë,
rrugë të tretë nuk kishte”, tregon
Haki Fejzollari, ndërsa me babain
prej 12 vitesh nuk kishin
pasur asnjë komunikim. Letrat
që vinin prej tij, i grisnin pa ua
çuar në shtëpi. Me ndërtimin e
varkës është marrë Ethemi, pasi
ishte më “usta” me saldimin.
E ka krijuar në vetëm 3 ditë,
aq sa leje i dhanë nga puna si
godinë të vjetër të komuizmit,
po ndërthur mjeshtërisht artin
e tij të ngjyrave me florën dhe
faunën e liqenit të Pogradecit.
Tanini thotë se kjo ishte një
mënyrë mjaft e mirë për të dalë
nga karanatina si pasojë e situatës
së krijuar nga pandemia.
Ngjyrat tashmë i kanë dhënë
jetë godinës së ish minierës,
ndërsa Pogradeci nga ana tjetër
ka një tjetër detaj mirëseardhjeje
për këdo që udhëton drejt
qytetit buzë liqenit.
kuzhinier. “Varka është bërë
me mushama, pa gozhdë, sepse
po t’i vinim gozhdë do duhej ta
merrnim të përgatitur, të ndërtuar,
deri në liqen dhe do na
shihnin rrugës. Mënyra më e
mirë ishte që ta bënim të montueshme,
të çmontueshme dhe e
çuam pjesë-pjesë në breg, e fshehëm.
Pak a shumë bëmë disa
llogari me ligjin e Arkimedit, sa
kubikë do varka që të zhvendoset
uji duke llogaritur peshën e
njerëzve. Fillimisht menduam
që unë dhe vëllai i vogël t’i lëmë
fëmijët dhe gratë, por kjo nuk
u realizua, sepse vëllai në fund
tha ‘unë nuk vij pa fëmijët’. Na
rrezikoi shumë në fakt, sepse
varka u rëndua dhe nga pesha
mbeti vetëm pesë gisht mbi
ujë”, thotë autori i librit Ethem
Fejzollari. Udhëtimi zgjati 8 orë,
u nisën në orën 12:00 dhe në 8
të mëngjesit ishin në bregun
maqedonas. “Ne i kishim marrë
masat tona, por rreziku ishte
njëlloj, si të mbyteshim, si të na
kapnim. Por ne kishim një kuti
me tritol, i kishim vënë dhe fitilin
dhe në çdo rast do t’i vinim
shkrepësen të shpërthenim,
sepse e dinim se çfarë na priste,
më mirë vdisnim aty sesa si
minj”, kujtonte Ethemi.
12
KULTURË
MAJ - QERSHOR 2020 MOKRA
Anastas Kostandini: Teatri Kombëtar
duhej ruajtur si një kompleks monumental
Mes institucioneve dhe artistëve
në jetën artistike
ka munguar dialogu, duke
sjellë probleme të ndryshme. Artistët
shprehen se zëri i tyre nuk dëgjohet
nga institucionet, ku ndjehet një lloj
indiference përballë problemeve që
ata kanë. Shembja e Teatrit Kombëtar
ka ngjallur shumë reagime, ku artistë
të ndryshëm janë shprehur për vlerat
historike dhe kulturore. Në intervistën
e mëposhtme piktori i njohur Anastas
Kostandini thotë se mund të kemi salla
moderne që do të ofrojë teatri i ri,
por atë efekt kulturor që kishte salla
e Teatrit Kombëtar nuk do ta ketë tjetra.
Piktori Kostandini thotë se Teatri
Kombëtar ishte me vlera monumentale
por dhe historike, ndërsa ndërtesa
e re mund të ishte transferuar në një
hapësirë tjetër të Tiranës. Në vijim të
problemeve me jetën artistike, piktori
Anastas Kostandini thotë se arti ka
rëndësi dhe për turizmin në vendin
tonë, por kjo gjë pak merret parasysh
nga bashkitë në vend. Sipas tij, edhe
GKA duhet të ketë një tjetër aktivitet,
sepse deri tani ka qenë një institucion
i bunkerizuar.
-Jeni i vlerësuar me aktivitetin tuaj
brenda dhe jashtë vendit ndër vite.
Sa rëndësi merr sipas jush merr arti
edhe për turizmin dhe çfarë mund të
na thoni për qytetin ku ju punoni?
-Në Pogradec unë si qytetar shikoj që
është punuar, ndërkohë ka një ndërhyrje
në qendër në lidhje me një lulishte,
që është lulishtja e dy monumenteve.
Rrotull sheshit të flamurit dhe këtyre
monumenteve janë vendosur disa stola
në formë libri, që janë shkruar pjesë
nga letërsia. Kjo është interesante, një
letërsi që njerëzit mund të shikojnë
monumentet, por dhe fjalën e tyre. Kur
janë bërë këto monumente me përjashtim
të vlerës së tyre monumentale, më
janë dukur shumë të thjeshtë dhe të
varfra në pikëpamjen e shoqërimit me
elemente të tjerë dhe gjëja që iu mungonte
sipas meje ishte fjala e tyre. Unë
ia kam thënë dhe skulptorit dhe drejtuesve
atje, që fjala e tyre ku është,
sepse ata janë shkrimtarë, janë artistë
që kanë lënë fjalën e tyre. Fjala nuk
ekzistonte dhe në një farë mënyre kjo
është rregulluar. Por ka një gjë që mua
më shqetëson që jam një artist aktiv,
një artist monumental, ku shpesh
qyteti im nuk e ka të qartë fare, që artistë
të tillë nuk i njeh fare. Nuk ka asnjë
lloj informacioni të tyre dhe nuk e
kuptojnë prezencën e një artisti monumental,
të një piktori monumental
që mund të bëjë vepra publike, ku të
lavdërojë historinë lokale, ku të bëjë
gjëra të bukura, që lidhen me sheshet
dhe hapësirat. Unë dua të bëj diçka të
tillë, por është e vështirë të merrem
me ta, me gjithë eksperiencën që kam
dhe emrin shumë të mirë që kam në
nivel kombëtar. Ata nuk mendojnë që
artistët duhet të ftohen dhe ky është
një problem. Kultura jashtë turizmit
sot është një kulturë pak e vjetruar, jo
funksionale. Kultura që lidhet me turizmin
është funksionale, e cila jeton
sepse turizmi e konsumon. Por këta
drejtues që drejtojnë në një mënyrë të
rëndomtë qytetet me principe të vjetra,
nuk e kanë aktivizuar kulturën si
pjesë të qënësishme të funksionimit të
qyteteve. Pra artistët për ta nuk përbëjnë
lajm dhe nuk i angazhojnë në
punë. Nëse shkojmë jashtë shtetit dhe
shikon një këshill bashkiak, apo një
bashki ti aty merr informacion të plotë
rreth historisë së atij vendi, aty shikon
piktura, skulptura, shikon elemente të
tjerë që tregojnë për historinë. Këtu
ndodh e kundërta, nëse hyn në bashki
zëre se hyn në një spital. Nëse hyn në
një institucion kulturor zëre se hyn në
një ujësjellës kanalizime, kjo është e
tmerrshme. Drejtuesit në përgjithësi
kanë një mentalitet të kooperativave
bujqësore dhe nuk kanë ide rreth kulturës.
Në rastet kur duan ta aktivizojnë
kulturën nuk janë mendime profesionale,
por mendime personale të këtyre
drejtuesve që zakonisht nuk kanë kulturën
e duhur, por mund të kenë qenë
ekonomistë, mësues, etj. Kjo që unë
them mendoj se është vende -vende.
Kemi qytete që drejtohen dhe nga
njerëz më me kulturën që e çmojnë atë,
sepse dhe turizëm pa kulturë nuk ka.
-Artistë të ndryshëm gjatë kësaj
kohe janë shprehur për Teatrin
Kombëtar. Çfarë solli sipas jush shembja
e këtij kompleksi teatror në
Tiranë?
- Unë kam pasur mendime të dyzuara,
edhe më pëlqente të ishte një teatër
i ri por më pëlqente veçanërisht ruajtja
e dëshmive të së kaluarës dhe unë
jam i prirur ndaj kësaj. Ai vend për
fat të keq nga 1945 është shpërdoruar,
sepse ai kompleks i ndërtuar në kohën
e Italisë ka qenë i lidhur me harqe me
një lloj ansambli. Ato dy godinat kanë
qenë të lidhura dhe ato kufizonin dhe
një park brenda, që ishte një lulishte.
Ky ansambël pas 1945 është dëmtuar,
ai nuk kishte atë vlerën e projektimit
bazik që ishte bërë nga Italianët. Kjo
gjë duke u dobësuar, u dobësuan dhe
parametra të tjerë dhe duket sikur nuk
ka vlera monumentale. Por në fakt bukuria
e asaj salle, kubatura, sallat parahyrëse,
etj, Maks Velo i ka shpjeguar
mirë nga pikëpamja arkitekturore, nga
pikëpamja e estetikës së interierit dhe
të vlerës monumentale të tyre, shto
këtu dhe vlerat historike. Këto i japin
arsye faktit, që ajo duhej ruajtur si një
OPINION
MOKRA MAJ - QERSHOR 2020
13
Ky ansambël pas 1945 është dëmtuar, ai nuk
kishte atë vlerën e projektimit bazik që ishte
bërë nga Italianët. Kjo gjë duke u dobësuar, u
dobësuan dhe parametra të tjerë dhe duket sikur
nuk ka vlera monumentale. Por në fakt bukuria
e asaj salle, kubatura, sallat parahyrëse, etj,
POETI I PENELIT
Një vizitë ne studjon e piktorit ANASTAS KOSTANDINI
kompleks monumental, që është pjesë
e një kompleksi më të madh monumental
që është bulevardi kryesor,
ndërtesat kryesore të ndërtuara në kohën
e Italisë, sipas një projekti madhor
që përbën shtyllën kurrizore të
kryeqytetit, që është edhe stadiumi, Instituti
i Arteve, godina qëndrore e universitetit,
kryeministria, hotel “Dajti”
etj, por ky kompleks i teatrit ka qenë
një detaj shumë interesant. Unë po flas
si artist, sepse kam dhe një eksperiencë
teatrale, ku kam punuar rreth 15
vjet si skenograf dhe e di mirë se çfarë
është skenografia dhe mund të them që
do ti mungojë steriliteti, bukuria, ajo
ngjyresa jashtëzakonisht interesante
e kubaturës, e sallës shumë specifike
në përputhje me psikologjinë e një
kryeqyteti si Tirana, që është salla e dikurshme
e Teatrit Kombëtar. Ne mund
të kemi salla shumë ekstravagante,
salla moderne që do të ofrojë teatri i
ri dhe do të jetë një gjë padiskutim i
bukur, por atë efekt kulturor, atë meditim
që do marrësh nga ajo sallë që ka
qenë nuk do ta ketë tjetra, ndërkohë
kjo godinë mund të ishte transferuar
në një nga hapësirat e pafundme, që po
i rezervohet Tiranës në bulevardin e ri.
-Dalëngadalë jeta po i rikthehet
normalitetit pas kufizimeve me pandeminë.
Nëse flasim për artin në
vend, çfarë përgjegjësie sipas jush
ka Ministria e Kulturës?
- Për jetën artistike do të doja që ministria
të ishte më e dhënë pas kulturës
dhe pas disa projekteve konkrete, që
të jenë të prekshme dhe të dukshme.
Është një lajm shumë i mirë, që jeta
e vendit do të dimensionohet edhe
me kulturën. Pavarësisht në mënyrë
të pjesshme, por jeta muzeale, jeta
që bën arti vizual, artefaktet, muzeu
është shumë e rëndësishme dhe ka
lidhje të drejtpërdrejtë me turizmin.
Për mendimin tim çdo gjë shpjegohet
me turizmin. Ministrinë mund ta pyesësh
me dhjetëra herë dhe të mos japë
përgjigje, e ka në teknikë indiferencën
ose kthimin me zor të përgjigjes dhe
të një mungese dialogu me artistët. Ka
nevojë për më pak zyrtarizëm të injektuar.
Injektimi zyrtar bëhet që nga
nivelet e larta të qeverisë, i injektohet
ministrisë. Ministria më pas vepron në
një mënyrë të kujdesshme. Kjo gjë e
bën të pamundur një lloj zhdërvjellësimi
që duhet të ketë ministria, një lloj
pavarësie në kompetenca që të marrë
kontakt me artistët dhe komunikojë
me ta. E njëjta gjë që ndodh me kryetarët
e bashkive, që ndonëse e dinë
shumë mirë që kanë artistë në qytetin
e tyre nuk i thërrasin ata dhe nuk iu
kërkojnë gjë atyre.
(vijon ne faqen 11)
Nga Miho GJINI
Pasi ndahesh nga bregu i liqenit, ku qëndrojnë
madhërishm të dy monumentet
e personaliteteve te Pogradecit, të Lasgushit
e të Kutelit, pak më tej, në një rrugicë të
heshtur, gjëndet edhe shtëpia-studjo e një personaliteti
të gjallë, e piktorit Anastas Kostandini.
Që të tre poet: Lasgushi i poezisë lirike
brilante, i dyti i prozës poetike rrëfimtare magjepsëse
dhe i treti, piktori, nje poet i ngjyrës.
Në studjon e tij, njeriu do të humbas nëpër
“Labirinthet” rrëzëllitese qe krijon magjia e
ngjyrave dhe që duket sikur vjen po nga ai refleksion
i liqenit përbri, gjatë gjithë ditënatës
dhe i jetës së tij. Qindra-mijra tabllo te piktorit
qëndrojnë aty, njërapastjetrës, nëpër mure, koridore
e anekse, në të dyja katet e kësaj shtëpie
te kthyer ne muze se gjalli artistit, për të vazhduar
në një tjatër studjo më të gjërë në mjediset
e Pallatit të Kulturës me emrin e Kutelit. Dhe
është ky Kostandin, njeriu me i varfër ne dukje
e më i pasuri në shpirt, sikundër ishin dikur
Lasgushi i shenjtëruar, me pallton e tij të vjetër
e me shkopin e pleqëris dhe Kuteli i gjorë “me
dy emra”, që s’ju nda “biografia e keqe” pas
vetes dhe hija e tmerrshme e burgut...E kushdo
do të pikëllohej, po të merrte vesh se këta
kollosë të kulturës kombtare, nuk kanë ende
një shtëpi –muze, ku do të gjunjëzoheshin me
nderim poetët e sotshëm dhe te brezave që vijnë,
si edhe do te brengoseshin qe shëtitorja
ku ecte Lasgushi brigjeve te “liqerit pakufi”,
karshi Malit të Thatë, nuk e ka ende emrin e tij
të ndritshëm.
Anastas Kostandini është mjeshtër i penelit,
nga më të mirët qe kemi sot, piktori i të gjitha
rrymave, të së djeshmes dhe të së sotmes. Në
arsenalin e krijimtarisë së tij do të hasësh pikturën
monumentale dhe tabllo të panumërta të
të gjitha dimensioneve, portrete njerëzish të
vdekur e të gjallë, pejsazhe të natyrës, kompozime
te përmasave te ndryshme në vaj, pastelë
e ne grafikë, skica e vizatime të pafundme,
mozaike të gjalla e trille të piktorit te fiksuara
ne dru, në guacka e në hedhurina gjithfarësh
qe marrin trajtë e vlerë piktorike. Edhe sendet,
edhe objektet më të rëndomta, sikur marin jetë
prej duarve te artistit...Një jetë e tërë është sintetizuar
aty përmes fantazisë dhe ngjyrës, gjithmonë
nga një këndvështrim estetik i artistit të
paqetë, kërkimtar, interpretues i thellë i natyrës
mëmë e i njerëzve qe e rrethojn, me peshën e
një filozofi që zhbiron pareshtur jetën e tij dhe
jetën tonë. E gjithë bota e i tërë shpirti i tij sikur
mblidhen këtu, në këto “kocofole të mistershme”
ku rishfaqen edhe shpirtrat e Poradecit
e te Kutelit, që enden përmbi liqen përjetësisht!
Po pikturat e këtij artisti të pazëshm, në pjesën
më të madhe të tyre, janë ekspozuar e shpërndar
nëpër botë. Ato nuk gjënden vetëm ne të
dyja studjot e tij te Pogradecit, po edhe në Tiranë,
Korçë, Fier, Gjirokastër, Prishtinë, Tetovë
e Ohr. Por edhe më tejë: ne Sh.B.A, Gjermani,
Francë, Holandë, Rumani e Bullgari.
Isha, si te thuash, me fat që qëndrova dy ditë
pran tij, që e piva kafen me të, me njeriun e
thjeshtë dhe artistin e madh, që e pata si “mik
tryeze”, që kuvëndova shtruar dhe pashë piktura
të rralla, të cilat më “dehën shpirtin”, por
edhe që eca me të bregut të liqenit në një shi
të butë, kur fërfërinin gjethet e pemëve e pikonin
çatitë. Në portretin e tij thuajse enigmatik,
vija re ne heshtje filozofin, qe flet me “syrin e
mëndjes”, por që di aq bukur të “bëjnë te flasin”
mijëra tabllo në pëlhurë!
14 OPINION
MAJ - QERSHOR 2020 MOKRA
Historia e gjatë e njerëzimit ka treguar se rreziku më i madh që i kanoset një kombi është mungesa e vlerave
Vlerat e kulturës sonë kombëtare drejt shkatërrimit
Nga Bardhyl BERBERI
Në fshatin Lin të Pogradecit
ndodhet një nga bazilikat më
të vjetra dhe më ineteresante
për gjithë rajonin e Ballkanit, i ndërtuar
që në shekullin e VI të erës sonë. Ai ka
tërhequr dhe vazhdon të tërheqi një numur
të madh turistësh nga e gjithë bota,
pasi vlerat e tij janë të evidentuar në
hartën arkeologjike të Europës si mozaiku
më unikal në tërë Europën. Është
vërtet një tempull i trashëgimnisë së
kulturës sonë kombëtare për teknikën
e ndërtimit dhe konfiguracionin që
paraqesin figurat e parardhësve tanë
të lashtë. Por çfarë po ndodh me këtë
bazilikë të lashtë e cila është në prag të
rrënimit të saj?
Në vitin 2004 mozaiku është vizituar
nga personeli i ambasadës gjermane në
Tiranë të cilët të mahnitur nga vlerat e
mozaikut dhe të tronditur nga gjendja
e mjeruar akorduan një fond prej 200
mijë euro për ta mbrojtur mozaikun me
një mbulesë xhami, madje është bërë
dhe një projekt, por në vend të këtij projekti
në vitin 2005 u adoptua një projekt
tjetër me një konstruksion metalik prej
12 shtyllash me një mbulesë që shiu dhe
bora që binte jashtë e gjitha hynte brenda
mozaikut. Por para pak kohësh Instituti
i Monumenteve ka dhënë një fond
tjetër prej 50 mijë euro për ta shkatërruar
këtë mbulesë për të cilën u harxhuan
200 mijë euro. Dhe më pas thonë drejtuesit
e Institutit të Monumenteve të
Kulturës se do të bëhet një projekt tjetër
dhe do të hapet një tender i ri se këto
që kanë kaluar kanë qenë të dështuar.
Besoj se këto fakte nuk kanë nevojë për
Koha është një shoshë e madhe dhe e pagabueshme.
Tashmë ajo është duke veçuar se çfarë ka mbetur dhe
çfarë po shkatërrohet çdo ditë nga kultura jonë kombëtare.
shumë koment.
Le të marrim një shembull tjetër, në
fshatin Dërdushë ka qenë një ndërtesë
pesë katëshe e njohur si kulla e Dërdushës,
e ndërtuar 300 vjet më parë nga
Meço beu dhe ajo para pak kohësh u
rrënua nga neglizhenca e drejtorisë së
monumenteve të kulturës në qarkun e
Korçës edhe pse ka qenë një monument
kulture unikal, i ndërtuar me teknikën
e asj kohe, të shoqëruar me shumë dekoracione
brenda saj. Monumenti ishte
veshur me dru dhe tavanet ishin me
dekore gdhendjesh.
Tjetër shembull: Në fshatin Llëngë të
Pogradecit është shkatërruar me tritol
një nga urat unikale të rrugës ‘Egnatia’
me një qemer që lidhte dy anët e lumit
Llëngë. Persona ende të paindentifikuar
me tritol kanë shkatërruar urën
dhe ende nuk është dhë asnjë përgjigje
për këtë akt të rëndë. Kjo urë qe unikale
me një qemer të rrugës ‘Egnatia’ që iu
ka rezistuar qindra mijra vjet, tashmë
shkatërrohet nga disa barbarë që duan
të “gjejnë florin te këmbët e urës”.
Fjalët e Plutarkut se nuk ka patur
dhe nuk mund të ketë ndonjëherë
qytetërim pa tempull të trashëgimnisë
së kulturës tregojnë se është tempulli ai
që e lind dhe e mban qytetërimin. Vetë
shoqëria njerëzore ka lindur dhe është
organizuar rreth vlerave të trashëguara
nëpër shekuj dhe sa më të forta të kenë
qenë këto vlera aq më e fortë ka qënë
shoqëria. Qytetërimi, në kuptimin më
të thellë të fjalës, nuk përcaktohet nga
sasia e banesave dhe e gradaçielave,
por nga vlerat që mbart kjo shoqëri dhe
nga mendimtarët që e kanë udhëhequr
atë në periudha të ndryshme historike
dhe vlerat që ata kanë lënë për shoqërinë
njerëzore.
Nëse një shoqëri nuk nxjerr mendimtarët
e saj për çdo periudhë historike
atëherë kjo shoqëri është në rrezik;
motivimi i jetës dhe ekzistenca është
shumë e dobët shoqëria është pa rrënjë
dhe çdo tronditje sado e vogël që
mund të vijë mund të sjellë katastrofa
të mëdha.
Është fare e qartë që çdo komb dhe
çdo qytetërim është mbajtur mbi këto
vlera me njerëzit më të ditur të tij dhe
kanë qenë këto vlera që janë bërë fuqia
transformuese e këtyre kombeve drejt
progresit, në të kundërt ka ndodhur
një shkatërrim dhe një degradim moral
të pandalshëm të shoqërisë…
Ne sot jetojmë në një kohë kur vlerat
ndodhen në rrezik me tempujt e kulturës
bëhen tendera për tendera që
nuk kanë si qëllim ruajtjen e vlerave
të tyre por mbushjen e xhepave… Personalitete
të kulturës sonë që mund të
quhen si shtylla të këtyre tempujve të
kulturës si Skënderbue, Nënë Tereza,
Naim Frashëri, Kadareja, Lasgush Poradeci,
Mitrush Kuteli, Faik Konica,
Fan Noli dhe shumë ikona të tjera të
kulturës shqiptare sulmohen nga disa
pseudointelektualë të cilët duke u
marrë me këta gjigandë të kulturës shqiptare
duan të rritin vlerat e tyre në
mënyrë artificiale…
Historia e gjatë e njerëzimit ka treguar
se rreziku më i madh që i kanoset një
kombi është pikërisht mungesa e vlerave.
Kjo është njësoj sikur të presësh
rrënjët e një peme. Është e njëjta gjë
edhe me prerjen dhe shkatërrimin e
vlerave. Një qytet dhe një komb pavlera
kthehet në një kaos. Një shoqëri që nuk
ka vlera ka antivlera të shoqëruar me
pushtetarë, politikanë, gjykatës, policë
dhe administratorë të korruptuar.
Vendi ynë ka nevojë për vlera dhe
mendimtarë të zotë dhe ajo që i mungon
më tepër në këtë kohë janë pikërisht
mendimtarët e zotë dhe ruajtja dhe
restaurimi i tempujve të kulturës sonë
kombëtare…
Martin Luter King ka thënë se “jo veprimet
e gabuara të të njerëzve të këqinj,
por heshtja e njerëzve të mirë është ajo
që prish një komb…”.
MOKRA MAJ - QERSHOR 2020
KULTURE
15
OPINION:
KËSHILLI POLITIK KA
DISKUTUAR SHUMË,
POR S‘ KA THËNË ASGJË
Nga Dhimitër Gegprifti
E
titullojmë kështu shkrimin
tonë për disa arsye.
Këshilli politik është një
strukturë e re në kuadër të reformimit
të mëtejshëm të Reformës
Zgjedhore, e cila ka qënë
është dhe do të mbetet e tillë, sa
herë do të ketë zgjedhje në Shqipëri.
Por jo vetëm kaq, por akoma
edhe më aktuale deri sa në
poltikën shqiptare do të ecet me
mentalitete, synimet dhe veprimet
e saj, që bien ndesh me një
sistem demokratik të kërkuar.
Është hera e parë që në një strukturë
të tillë të ngritur enkas nga
palët pjesëmarrëse për zbutjen e
situatave aktuale të krijuara artificialisht.
Kemi dy opozita të
së njëjtës forcë politike, opozita
e opozitës, kemi dhe një opozitë
parlamentare dhe jashtparlamentare,
që rikthehet si djali
plangprishës, të penduar ose
jo. Afati kohor i vendosur për ta
përmbyllur brenda muajit maj
2020, kur kanë mbetur vetëm
pesë ditë, duket se janë largë
edhe për shkakun kohë.
Akoma edhe më imperative bën
situatën në këto momente intersimi
direkt, konkret, urdhëror
i Ambasadores së SHBA-kës,
duke iu prerë çdo shpresë për
pazare, zvarritje të kësaj Reforme,
duke i kthyer sytë te populli, që e
ka miratuar nga viti 2016.
Kanë diskutuar shumë, do të
diskutojnë edhe këto ditë, që
kanë mbetur, nëse nuk shtyhet
afati, siç është bërë zakon në
Shqipëri, por kanë „harruar“
jo padashje themelin e Reformës:
Sistemin Zgjedhor, të cilin
ua sugjeroj edhe Ambasadorja
Amerikane, Sistemin Danez.
Vetëm zonja Hajdari e ka kërkuar
prej kohësh, e përmendi edhe sot
26 maj 2020, duke i bërë thirrje
edhe opozitës Jashtparlamentare,
zoti Basha për ta mbështetur.
Nënteksti i deklaratve për mediat
të le të kuptosh se ata anëtarë
të atij Këshilli Politik bëjnë sikur
nuk dëgjojnë, se u ikin nga duartë
„monopoli“ mbi listat zgjedhore
për vendosjen e kandidaturave,
kur thonë se do të vendosim raportin
një në tre Grua.
Me këtë tregojnë se do t’i vendosim
ne, kështu u vlerësuaka
Barazia Gjinore, duke hartauar
dhe sistem mbrojtës ligjor. Barazia
gjinore, nuk është problem i ri
i kësaj politike, është i hershëm,
por është përdorur dhe vazhdon
të përdoret edhe sot në shekullin
XXI si dekor nga mënyra sesi
vlerësohet dhe si luhet me të.
Pse u dashka t’i vendosë politika,
le të jenë krejt të lira, brenda
dhe jasht strukturave të ndryshme
të Demokracisë, të kandidojë
e fitojë ai ose ajo, që e meriton
dhe e justifikon, pse nuk
përdoret për gjinininë mashkull
ky standard një në tre gra njw
burrw, por humbasin Pushtet, e
mbi të gjitha humasin pasuri, që
s‘i kanë parë as në ëndërr.
Kandidatura fituese të jetë ajo, që
do të dali nga përballja me realitetin,
me komunitetin, me moralin,
por edhe me programin ambicioz,
që prek çdo cep të jetës sonë,
duke dhënë zgjidhjen dhe afatin
kohor dhe të vijë vetë të japë llogari
për realizim apo mosrealizim,
kush do fitojë më shumë pikë , ai
e meriton.
Ç’është ky financim i partive
politike! Me sa jemi të informuar
deri tani, në botën jasht
futen në Fushata Zgjedhore
me shpenzimet e tyre, kurse ne
duam të futemi në politikë për të
fituar nga ajo nga burimet më të
ndryshme të saj, duke aktivizuar
korrupsionin.
Bëjnë sikur e luftojnë korrupsionin,
por e ledhatojnë.
Marrin nga Buxheti i Shtetit, por
prap nuk duhet të mbeten pa
gjë edhe nga financimi privat
jo 100%, por 50 %. Përse duhen
këto para, ku shkojnë, si përdoren,
kush i kontrollon?.
Besojmë se edhe sot do të ketë
parti poltike, që nuk kanë bërë bilancet
për financimet e zgjedhjeve
të mëparëshme në KQZ! Nëse ka,
ato nuk duhet të lejohen të marrin
pjesë në zgjedhjet, që vijnë pas.
Edhe një problem tjetër, që
duhet ta kishte në konsideratë
Këshilli Politik, sipas nesh, është
ky: Partitë Politike nuk duhet të
vendosin në lista apo të pranojnë
kandidatura nga Shoqëria
Civile, nga komuniteti persona
gra apo burra, të cilët pak apo
shumë përflitet jo mirë në komunitet,
ish-deputetë, ish-qeveritarë,
ish kryetarë Bashkish, Partish,
Qeverish sot Administratorë
të Njësive Administrative,
ish apo janë, për të cilët përflitet
shumë, akoma më keq, kur janë
të akuzuar, në proces apo jo, pa
një vendim gjykate për pafajësi,
apo pastërti. Kjo duhet filluar që
tani, sa nuk është vonë, një Veting
Special për këtë kategori.
Pse nuk diskutohet për numërin e
deputetve në Parlament të shkurtohet
në mënyrë drastike, kritere
të larta për kandidaturat. Në një
Republikë Parlamentare si Shqipëria
dhe askund, problemet e
zhvillimit të një vendi nuk zgjidhen
nga madhësia e Parlamentit,
por nga niveli sa më i lartë dhe
përkushtimi i tyre për këtë popull-
Vetëm kështu , mendojmë ne, do
të arrijmë të gjitha ato, që i dëshirojmë
dhe do të realizohen pa
tjetër me zgjedhje të ndershme e
me nivel të lartë.
Teatri Kombëtar
kujton
90-vjetorin
e lindjes
së regjisorit
Esat Oktrova
O
ktrova është shpallur
“Qytetar nderi” i Pogradecit
dhe i Shkodrës. Ka mbajtur
titullin shkencor “Profesor”
dhe është dekoruar me titullin
“Artist i merituar”.
“Esat Oktrova lindi në Pogradec
më 28 prill 1930 dhe
vdiq në Tiranë më 21 mars
2001. Mësimet e para i mori
në qytetin e Pogradecit dhe në
shkollën e mesme në Korçë.
Më pas vazhdoi Liceun artistik
“Jordan Misja” në Tiranë. Në
këtë kohë fillon karriera e tij në
fushën e aktrimit, veçanërisht
në “Estradën e Ushtarit” në
Tiranë, ku ra në sy talenti i
padiskutueshëm.
Pas mbarimit të ushtrisë ai
vijoi studimet e larta në Institutin
e Lartë Shtetëror të Artit
Teatral në Moskë, në Fakultetin
e Regjisë. Pas përfundimit
të studimeve, emërohet fillimishte
regjisor e më pas
drejtor i Teatrit “Migjeni” në
Shkodër. Ishte viti 1961 kur
Esat Oktrova trokiti në portën
e teatrit “Migjeni” të Shkodrës.
Ajo trokitje kishte tingëllimën
dhe ngjyrën e një ‘fryme të re’
në fushën e teatrit. Talenti dhe
shpirti i tij fisnik do të bënin që
për të “të çeleshin arkapijat”.
Kështu që ardhjen në qytetin
Verior nuk e quajti si “humbje”,
por diti ta vlerësojë, sepse dinte
të vlerësonte. Ky vlerësim e kjo
dëshirë në teatrin “Migjeni” i
dhanë rezultate të shkëlqyera,
sepse teatri në atë kohë kishte
aktorë me emër.
Gjithashtu, ai ka qenë një
nga pedagogët e shquar të
Fakultetit të Artit Skenik
në Akademinë e Arteve, në
lëndën e regjisurës së teatrit,
hartues i programeve dhe teksteve
mësimore.
Është shpallur “Qytetar
nderi” i Pogradecit dhe i
Shko-drës. Ka mbajtur titullin
shkencor “Profesor” dhe është
dekoruar me titullin “Artist
i merituar”, bëhet me dije
përmes një mesazhi të publikuar
prej Teatrit Kombëtar, në
kujtim të 90-vjetorin e lindjes
së regjisorit, Esat Oktrova.
(vijon nga faqja 9)
Në epokën e turizmit, në
epokën e dyndjes dhe të etjes
të botës që ka për informacion
historiko- kulturor për vendin
tonë, duket sikur ata nuk shikojnë
punë fare tek një artist.
Ndërkohë që bashkia e tyre
është një kooperativë bujqësore
sërish nuk shikoj ndonjë
argument për ndonjë artist.
Unë nuk e kuptoj këtë gjë, ka
nevojë që dialogu të vijë dhe
nga sipër -poshtë. Nëse ne
kërkojmë një dialog me institucionet
bashkiake ose të ministrisë
zakonisht ka një lloj
fodullëku. Ata e konsiderojnë
atë një inferioritet, që e eliminojnë
shumë kollaj.
-Çfarë prisni këtë kohë për
aktivitetin e Galerisë Kombëtare
të Arteve?
- Sa i takon Galerisë Kombëtare
të Arteve po e shohim
të çmontuar nga një performancë,
e cila nuk kishte
ndonjë sukses, por ishte një
lloj ekstravagance e tepruar
pa ndonjë mendim dhe një lloj
reminishence e arteve të tjera.
Një lloj kopje e instalacioneve
të mëdha që ka bërë Kristo një
artist i madh, në Berlin, Nju
Jork, etj. Ajo që pat GKA ishte
një veshje e shëmtuar dhe kopje
e një arti, që është bërë.
Me rifillimin e aktivitetit,
GKA duhet të mos jetë më
bunker. Drejtuesi i saj bashkë
me këshillin e GKA nuk duhet
të flasin me vete dhe të mos ti
drejtohen publikut vetëm nga
interneti. Sigurisht që këto
kohë është e justifikueshme,
në këtë kohë të pandemisë ne
e kemi pranuar këtë gjë, por
e para GKA të hapet ndaj artistëve
sepse është një bunker.
Rrota lëvizëse e aktiviteteve
të GKA të lëvizë më shpejt
dhe të respektojë artistët e njohur,
që janë sot në një moshë
të caktuar. Nëse ata duan të
bëjnë retrospektiva dhe kanë
një argument për t’iu drejtuar
publikut, ata duhet ta marrin
në konsideratë. GKA është
ende e bunkerizuar dhe nuk
po prezanton asnjë ide dhe
shpresojmë, që ti propozojë
ose ekspozojë për publikun
shqiptar edhe evente europiane
të rëndësishme.
-Vjet keni pasur ekspozita të
suksesshme edhe jashtë vendit.
Këtë vit si do të vijojë
aktiviteti juaj?
- Mua kjo kohë nuk më ka penguar,
kam vazhduar të punoj.
Unë jam marrë me gravurat
e mia, me një cikël. Por tani
jam duke pikturuar dhe kam
disa projekte për të cilat mendoj
se në çfarë mënyre duhet
ti ekspozoj dhe ku. Ende nuk
kam bërë negociata, sepse një
institucion si GKA është njësoj
sikur të duash të ekspozosh
në galeritë e mëdha të botës,
është po aq e vështirë, gati e
pamundur. Galeritë e tjera në
vend kanë një axhendë të caktuar
dhe duhet komunikuar
përpara, por sigurisht që do
të mendoj për tu ekspozuar
në vijim dhe jashtë, kam disa
projekte.
-Sa e vështirë të jesh artist
sot sipas jush?
- Është e vështirë, por kënaqësia
për të qenë një artist është
shumë herë më e madhe, se sa
ato që thashë.
Intervistoi: Julia Vrapi