Create successful ePaper yourself
Turn your PDF publications into a flip-book with our unique Google optimized e-Paper software.
Novités
3
HIGHLAND GAMES
I Highland Games é manifestaziuns
tradizionales cun competiziuns sportives.
Zacan fajôres pert dles incuntades di clans ti
Highlands dla Scozia. Ai é tres ciamó da ciasa
dailó mo ai vëgn ince fac te vigni atra pert dl
monn, olache i scozesc s’á lascé jö.
Tla Scozia vëgnel tigní vigni ann cina a 100
Highland Games. I jüc plü conesciüs vëgn fac
ince chëst’ann la pröma sabeda de setëmber
a Braemar, an ti dij le Braemar Gathering.
Pro chisc jüc vëgnel fat n diesc disciplines
desfarëntes, sciöche bai tradizionai, gares cun
la cornamusa, competiziuns de forza, le sciuré
de na taia, dl martel, de fieres de ciavai, le trá
ala föm y tröpes d’atres ativités.
600 METRI DE CASCADES
L’energia eletrica vëgn conscidrada ecologica
deache les zentrales eletriches generëia forza
eletrica zënza emisciuns. La zentrala de
St. Anton a Balsan é en funziun dal 1951. Al é la
cuinta majera zentrala idroeletrica dl Südtirol.
Mo ince les zentrales eletriches mëss vigni tant
gní renovades y insciö él gnü cherié n proiet
por mëte impé na zentrala nöia daldöt. La
zentrala nöia gnará arlungiada tles cavernes dl
Hörtenberg, la munt che se erj sö sura Balsan
y ara ará na tecnologia moderna. L’energia
idroeletrica gnará tl dagní anüzada te na
manira plü efiziënta. Foradechël an tut tröpes
mosöres por podëi lauré a na manira respetosa
dl ambiënt.