You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Mini Info
29
Les Olimpiades
a Cortina d’Ampëz
Bele dan da n valgugn agn s’á deplu paisc candidé
por les Olimpiades dl 2026. Do na seleziun de düc
i paisc che s’á porvé da davagné süa candidatöra,
é la lita tomada sön Milan y Cortina. Les disciplines
olimpiches da d’invern gnará partides sö inanter un
y l’ater post: a Cortina d’Ampëz él dessigü les gares
de schi alpin. Te d’atri posć sciöche tla val de Flëm,
a Rasun te Antersëlva o a Baselga di Piné vëgnel fat
les gares de paslunch, sambëgn ince le salt cun
i schi y le biatlon.
De merz dl 2026 él ince i jüć paraolimpics ti medemi
posć, olache al é la XXV ediziun dles Olimpiades.
When given the choice
between being right or
being kind, choose kind.
Wonder – n film da leghermes
Wonder é n film, olache le protagonist Auggi,
(August) che á diesc agn, é nasciü cun na
malformaziun. Al á albü tröpes operaziuns y al
n’é mai jü a scora, ince deache al á messü sté
tröp ti ospedai. Canche al röia tla scora mesana,
él por ël n ambiënt daldöt nü y al s’la debita dër
da pié ia, deache al n’é denant mai sté adöm
cun compagns de scora. Tl pröm él düc che ti
ciara, deache so müs é n pü’ desformé y al se
stá sambëgn mal. Al é tröp da su mo spo fejel
amizizia cun n valgügn mituns de süa classa.
Mo l’amizizia n’é nia sinziera, al vëgn coiené.
Plü inant spo se capëscel bun cun n ater möt
y ai devënta de bugn amisc. Auggie á na so,
Olivia, süa mama y so pere, düc le sostëgn de
vigni vers y a scora él dër n bun scolare. Al
dëida ince sü compagns. Ala fin dl ann scolastich
vëgnel premié por so comportamënt ejemplar.