Birba_#8_ValBadia

Esperc nes cunta
25
Pepi Costner
Fisioterapist
Laora a Pidrô y stá a San Laurënz
Cal é pa le laur de n fisioterapist?
Le fiosioterapist dëida da mëte a jí les
funziuns dl sistem dl movimënt. Do che
al á valuté la funziun o nia funziun, a
gauja de n inzidënt, de na maratia o de na
malfunziun, laórel cun le paziënt.
Adorun tröpa forza da fá chësc laur?
Aladô dl ciamp, olache le fisioterapist
laora, adorel plü o manco forza. Da lauré
cun jënt che ne se möi daldöt nia plü, ól
ester tröpa forza da tigní sö o sposté la
porsona. Te d’atri caji sciöche por ejëmpl,
da lauré cun mituns o jënt autonoma te so
movimënt, nia propi dër tröpa.
Co svilupëion pa tröpa forza?
Le svilup dla forza muscolara vëgn dantadöt cun
le »adoré« la funziun muscolara. Döt le sistem dl
movimënt s’adatëia aladô che al vëgn adoré deplü
o demanco. »La funziun forma le corp.«
Él na desfarënzia de forza inanter ël y ëra?
Al é na desfarënzia danter ël y ëra. Bele tla
poscibilité de svilup dla muscolatöra y spo ince tl
degré de forza. Chësc ince dantadöt por na gauja
ormonala che fej svilupé deplü la muscolatöra tl ël.