Birba_#8_ValBadia

24
INTERVISTES
Intervistes
Gottlieb Moling
Verdabosch
Laora a Al Plan y stá a La Val
Ti ultimi dis d’otober dl 2018 él sté n ri vënt da
tempesta, le Vaja, che á sciuré jö lëgns y alüsc
ince bosć intiers. Ince sëgn ciamó, do döt chësc
tëmp, él i paurs y chi dai bosć che laora y romëna
sö i lëgns tomá.
Cai é pa i laurs che vëgn fac, por romené sö?
Te ci secuënza pa?
Por pröm messunse dí che i laurs da lauré sö
lignan rosedé é dër prigorusc. Zënza formaziun
o esperiënza da lauré te bosch, desson inciarié
na dita spezialisada. I lëgns mëss gní dramá
fora, laurá sö y trac fora de bosch. Ai vëgn
spo condüc demez te na siëia.
Al vëgn lauré cun mascins. Cares pa?
La mascinn da sié jö legns, le tractor cun na
corda o aldedaincö ince cun na teleferica o
mascins modernes sciöche le prozesor o le
forwarder.
Gran é ince le laur a man. Ól ester tröpa forza dailó?
Al ó ester esperiënza y dër n bun stat fisich
dla porsona. Dessigü ól ince ester forza. Cun na
buna ergonomia (interaziun inanter porsona y
tecnologia) y les mascins modernes ti vëgnel tut
jö ala persona tröpa fadía.
Cai podess pa ester i prighi?
I prighi pó ester tröc: chël de se taié cun la
mascinn da sié jö lëgns, da se fa mé cun rames …,
mo dantadöt da rové sot n lëgn ite. Porchël él da
respeté tröpes regoles de segurëza, da fá cursc
y da se vistí le guant de segurëza (manëces, elm
cun visir, proteziun dal crabal, braia y cialzá de
proteziun).
A ci messön pa mëte averda?
A tröpes cosses: ala forma di lëgns, ales pizes
rotes, ales forzes che é tl lignan rosedé, ala
tecnica, ales destanzes de segurëza y ales
condiziuns dl terac y dl tëmp.