Háskólagátt 2020 bæklingur

HÁSKÓLAGÁTT
- í fararbroddi í fjarnámi

Mótaðu framtíð þína
Háskólagáttin þjónar þeim sem uppfylla ekki formleg inntökuskilyrði háskóla og þeim sem þurfa á undirbúningsnámi
að halda og vilja styrkja stöðu sína áður en sótt er um inngöngu í grunnnám háskóla. Nám í Háskólagátt býr nemendur
undir nám á háskólastigi í greinum hug- og félagsvísinda og veitir einnig undirstöðumenntun á framhaldsskólastigi
sem eykur samkeppnishæfni einstaklinga á vinnumarkaði.
Fjölbreytt nám - hagkvæmur kostur
Kennslan er sniðin að þörfum fullorðinna og nemendur eru hvattir til að byrja strax að búa sig markvisst undir
það háskólanám sem þeir hyggjast stunda eftir að námi í Háskólagátt lýkur. Nemendur vinna með námsefnið á
fjölbreyttan hátt og glíma við raunhæf verkefni þar sem áhersla er lögð á sjálfstæða, skapandi og gagnrýna hugsun.
Þá er mikil áhersla lögð á námstækni, markmiðasetningu, framkomu, tjáningu, verkefnastjórnun og sjálfsmynd
nemenda. Nemendur í Háskólagátt njóta sömu réttinda og háskólanemar og eiga fulltrúa í háskólaráði.
Inntökuskilyrði
Til þess að eiga kost á að hefja nám í Háskólagátt þurfa umsækjendur að hafa lokið 140 framhaldsskólaeiningum
(f-ein) samkvæmt núgildandi einingakerfi framhaldsskóla. Það jafngildir um 80-90 einingum samkvæmt gamla
einingakerfinu. Auk þess verða umsækjendur að hafa lokið að minnsta kosti einum áfanga í íslensku, stærðfræði og
ensku. Ef umsækjandi uppfyllir ekki inntökuskilyrði en býr yfir töluverðri starfsreynslu gefst honum kostur á að leggja
fram niðurstöður raunfærnimats sem metur jafngilda reynslu og menntun.

Skipulag náms og kennsluaðferðir
Nám í Háskólagátt er 62 f-ein og nær yfir tvær annir. Einnig er hægt að bæta þriðju önninni
við (sumarönn) og taka allt að 15 f-ein. Námið hefst á haustönn en á sumarönn gefst kostur á
að bæta við sig allt að 15 f-ein í kjarnagreinum. Sá valkostur er ætlaður nemendum sem þurfa
að bæta við sig námsgreinum til að uppfylla sértæk inntökuskilyrði annarra háskóla. Einnig er
hægt að taka Háskólagátt með vinnu, en þá nær námið yfir fjórar annir og er ætlað þeim sem
vilja taka færri námskeið í einu.Einnig getur viðkomandi sótt um að taka viðeigandi áfanga í
fjarnámi við framhaldsskóla með milligöngu Háskólans á Bifröst.
Kennt er í lotum og er hver lota sjö vikur þar sem kennt er í sex vikur og námsmat er í sjöundu
viku. Stuðst er við nútíma kennsluaðferðir, t.a.m. vendikennslu en hún felur í sér að nemendur
fá fyrirlestra á stafrænu formi og sækja síðan umræðu- og verkefnatíma með kennurum.
Í Háskólagátt eru kenndar þrjár kjarnagreinar; íslenska, stærðfræði og enska auk fjögurra
áherslugreina; bókfærslu, lögfræði, dönsku og heimspeki. Enn fremur eru kennd stutt námskeið
í námstækni, upplýsingatækni og nýsköpun. Með þessum námskeiðum er leitast við að þjálfa
gagnrýna hugsun og aðferðir sem endurspegla það sem efst er á baugi í háskólamenntun og
atvinnulífi. Námið fylgir aðalnámskrá framhaldsskóla og er unnið í fullu samstarfi við menntaog
menningarmálaráðuneytið.
Fyrir utan hina hefðbundnu Háskólagátt þá er einnig hægt að taka Háskólagátt með áherslu
á félagsvísindi, þar sem eru færri áfangar í stærðfræði og í stað þeirra, áfangar í almennum
félagsvísindum.

“Háskólagátt er bara rosalega góður
grunnur fyrir áfram-haldandi nám,
sérstaklega ef fólk hefur verið lengi
frá námi, þá mæli ég sérstakelga
með þessu. Ég fann það um leið og
ég byrjaði í háskólanáminu að það
sem ég lærði í gáttinni nýttist mér
rosalega vel í þessu áframhaldandi
námi.
“
- Ásmundur Ásmundsson,
nemandi í Háskólagátt 2017

Háskólagátt með áherslu á verslun og þjónustu
Nám í Háskólagátt með áherslu á verslun og þjónustu er fjarnám þar sem áhersla er lögð á hagnýtingu námsins. Námið
hentar öllum þeim sem hafa áhuga á að starfa innan verslunar og þjónustu. Hægt er að velja um tvær námsleiðir
innan verslunar og þjónustu: Tveggja anna 40 f-eininga nám í verslun og þjónustu og fjögurra anna 80 f-eininga nám
í Háskólagátt með áherslu á verslun og þjónustu.
Inntökuskilyrði
Til þess að eiga kost á að hefja nám í Háskólagátt með áherslu á verslun og þjónustu þurfa umsækjendur að hafa
lokið 118 framhaldsskólaeiningum (f-ein) samkvæmt núgildandi einingakerfi framhaldsskóla. Það jafngildir um 70
einingum samkvæmt gamla einingakerfinu. Auk þess verða umsækjendur að hafa lokið að minnsta kosti einum áfanga
í íslensku, stærðfræði og ensku á framhaldsskólastigi.
Umsækjendur sem hyggja á tveggja anna nám í verslun og þjónustu þurfa að vera orðnir 20 ára og hafa a.m.k. eins
árs reynslu í faginu.
Skipulag náms og kennsluaðferðir
Fullt nám í Háskólagátt með áherslu á verslun og þjónustu er 80 f-einingar, þar af 40 f-einingar í kjarnagreinum
samkvæmt aðalnámskrá framhaldsskólanna; íslenska, stærðfræði og enska. Sérhæfingin felst í 40 f-eininga fagnámi
verslunar og þjónustu. Fullt nám miðar að því að nemendur uppfylli að námi loknu inntökuskilyrði í viðskiptadeild
Háskólans á Bifröst.
Námið er fjarnám og fer fram í gegnum fjarnámsvef skólans. Kennt er í lotum og er hver lota fimm til sjö vikur.
Nemendur verja einni staðnámslotu í hverri námslotu við verkefnavinnu á Bifröst. Lögð er áhersla á sjálfstæða,
skapandi og gagnrýna hugsun, glímu við raunhæf verkefni og vinnu að lausn vandamála. Námið og reynslan sem því
tengist stuðlar að agaðri hugsun og vinnulagi.

Hvers vegna að velja Bifröst?
› Í fararbroddi í fjarnámi
› Allt námsefni aðgengilegt á netinu þegar þér hentar
› Skólinn kemur til þín og mætir þínum þörfum
› Sterk tengsl við atvinnulífið
› Persónuleg þjónusta
- follow us - on follow social us media on social media
Vertu með okkur
- vertu með - vertu okkur með okkur
#bifrostu
#bifrostu
Nánari upplýsingar á bifrost.is
Háskólinn á Bifröst
311 Borgarnes
Iceland