hæmus - Libraria pentru toti

Personat:
MAESTROJA
MISIONARI
SHPRESA
DASHURIA
Hija e BARDHYLIT
REGJISORI
Vetëkryqëzimi
(Dramë në pesë pamje)
Ngjarja ndodh në një vend të Kosovës së pasluftës.
“Mos e kërkoni vdekjen me gabime të jetës suaj
Dhe mos e rrënoni veten me vepra të duarve tuaja,
Sepse Hyji nuk e krijoi vdekjen
Dhe nuk i gëzohet vdekjes së të gjallëve”
Bibla (Nga "Libri i Urtisë")
Tekstet NË VEND TË PROLOGUT dhe ai në fund, NË VEND TË
EPILOGUT, janë tekste shpjeguese sa për regjisorin po aq për lexuesin e
kësaj vepre dramatike. Njësitë në kursiv (që janë vendosur brenda këtyre
teksteve) mund të deklamohen (në vend të një narratori) nga Regjisori që
njëherësh është personazh i kësaj drame.
Për rolin e Hijes së Bardhylit, përkatësisht për dukjen e tij në skenë le të
vendosë regjisori i shfaqjes në marrëveshje me inspicientin (organizatorin)
dhe ekipin përbërës të saj. Në kontekst të kësaj me disa ide të tij mund të
kontribuojë edhe autori i tekstit.
Çdo ngjashmëri me personat e kësaj drame është e rastësishme.
NË VEND TË PROLOGUT
(Në mesin e korrikut të asaj vere të pas pavarësisë, Bardhyli përpëlitej
ndërmjet dy përbindëshave: mërzisë e pikëllimit. I kishte munguar diçka që ta
bënte të fortë, i kishte munguar diçka që ta bënte të lumtur, i kishte munguar
diçka që ta bënte të buzëqeshur. Për këtë gjendje, sa i kishte ardhur keq prej
vetes, po aq i kishte ardhur keq prej të tjerëve. Kishte mëtuar për ta ndriçuar
161