revista pranvere 2019 (1)

PRANVERË 2019
Falas

Për herë të parë në Shqipëri, Korça ka një hapësirë vetëm për fëmijët me mundësi të shumta që ata të
argëtohen dhe edukohen përmes pikturës, muzikës, aktrimit, baletit, teknologjisë dhe sporteve. Qyteza e
Fëmijëve, një nga infrastrukturat më moderne do të vazhdojë funksionimin e saj për të zbuluar dhe
evidentuar talentin e çdo fëmije. Investimi në vlerën 525 milion lekë ndërthuri strukturën e kohëve të
shkuara me format dhe teknologjinë e kohëve të sotme duke formuar një objekt simbol për aktivitetet
kulturore dhe sportive dhe unik në arkitekturën e vet.
Këtë 1 Qershor, fëmijët së bashku me prindërit e tyre patën mundësinë të festojnë përmes lojërave të
larmishme, të shijojnë shoqërinë e njëri-tjetrit por edhe të njihen me mënyrën e funksionimit të kësaj qyteze.
Klasat e shkencës dhe teknologjisë së informacionit do të
jenë pjesë shumë e rëndësishme e Qytetit të Fëmijëve
krahas artit, sportit dhe kreativitetit. Modelet dhe programet
më të mira botërore për fëmijë do të implementohen nga
ekspertë dhe konsulentë të njohur për ta kthyer Qytezën e
fëmijëve në një prej hapësirave më funksionale dhe të
dashura për fëmijët. Drejtorja e Qendrës Shkencore për
Fëmijë në Suedi, Lotta Johanson e sjellë nga UNICEF përcolli
përvojën e kësaj qendre, e vetmja e këtij lloji në botë.

Një projekt madhor, falë të cilit prodhimet e rajonit vijnë për konsumatorin brenda një njësie
të mirëorganizuar. Shija e Korçës e sjellë përmes një koncepti fantastik dhe larmie
produktesh ushqimore. Investuam për ndërtimin e “Markatës së re të Korçës”, një projekt i
cili ofron më të mirën në çdo aspekt; nga cilësia e garancia ushqimore deri tek produktet
autentike të zonës; një mënyrë e re e konceptimit të shitjes dhe blerjes përmes standardeve
bashkëkohore.
Një investim i përbashkët i Bashkisë Korçë, IADSA dhe TAP, në vlerën 56 milion lekë, që
siguron kushtet optimale për tregtimin dhe blerjen e prodhimeve të zonës, duke zhvilluar
ekonominë lokale.

Ndërtimi i këtij parku është një
ndër projektet më të rëndësishme
dhe me impakt të
drejtpërdrejtë në përmirësimin
e cilësisë së jetës për banorët e
Korçës. Parku Japonez pozicionohet
në një zonë të rëndësishme,
midis Muzeut Kombëtar
të Artit Mesjetar dhe Muzeut
Oriental “Bratko”.
Inaguruam me Ambasadorin e
Japonisë Makoto Ito këtë
projekt të rëndësishëm, i cili
shumëfishoi hapësirën e
gjelbër dhe i shtoi një atraksion
të ri Korçës. Ceremonisë së
inaugurimit i parapriu një vizitë
e ambasadorit në ambientet e
Muzeut Oriental Bratko, ku ai u
njoh me një pjesë të koleksionit
japonez, pjesë e fondit të rrallë
të këtij muzeu. Më pas në
Pazarin e Vjetër të Korçës, një
koncert i veçantë me muzikë
dhe instrumenta tradicionale
japoneze me performancën e
shkëlqyer nga Munedaiko
Band.

2
10 000 m sipërfaqe e re i është shtuar parkut
të qytetit.
Sipërfaqe e gjelbëruar, korsi biçikletash,
ndriçim, tualete dhe fidanë të rinj iu shtuan
pjesës me çlodhëse të qytetit të Korçës.
9000 fidanë pisha, panjë dhe akacie iu
shtuan kurorës së gjelbër të qytetit.
Vetëm gjatë dy viteve të fundit kemi pyllëzuar
2
55 000 m sipërfaqe në kodrat e qytetit, për të
shtuar gjelbërimin e për të përmirësuar
cilësinë e ajrit për banorët.
TRANSFORMIM RRËNJËSOR
I LULISHTES “SHËN MARIA”
Një vend që ofron mundësinë e çlodhjes dhe
argëtimit në mes të gjelbërimit për të gjitha
grupmoshat.
Rikonceptim i hapësirës së gjelbër dhe
rehabilitim i rrugëve të brendshme, për t'a
kthyer atë në një prej lulishteve më çlodhëse në
qytet. Punuam edhe për rikonstruksionin e
trotuarit në krah të lulishtes "Shën Maria". 1000
2
m trotuar i ri në gjithë gjatësinë e rrugës si edhe
ndërhyrjet në lulishten përbri saj, do të
ndryshojë pamjen e kësaj zone shumë të
frekuentuar nga qytetarët.
Si çdo vit, Ndërmarrja e Shërbimeve Publike,
firma e pastrimit dhe qytetarët që u bashkuan
me ne, ndërhynë në çdo lagje të Korçës.
Vëmendje jo vetëm për pastrimin por edhe
vendosjen e sinjalistikës për ndërgjegjësimin
e banorëve për ta mbajtur pastër qytetin.

Nisi puna për një prej projekteve më bashkëkohore për kulturën në Korçë.
Godina në qendër të qytetit do të jetë së shpejti një hapësirë dedikuar ekspozitave,
eventeve artistike dhe promovimit të ideve kreative.
Së shpejti gati, me kapacitet të shtuar, ambiente
komode dhe funksionale për më të vegjlit e qytetit.
Vogëlushët e Korçës do të kenë mundësinë që të
akomodohen brenda këtij viti në ambjentet e
çerdhes së re. Mundësuam realizimin e këtij projekti
pas kërkesës së prindërve për të shtuar
hapësirën dhe mundësinë që fëmijët të mund të
kenë përkujdes në çerdhe.
Kopshti nr. 9 në qytet ka ndryshuar tërësisht falë
ndërhyrjes për rikonstruksionin e tij.
Investuam 60 milionë lekë për të mundësuar krijimin
e një ambienti komod dhe të dashur për 120
vogëlushë, të cilët frekuentojnë këtë kopësht.

Nisëm punimet për ujësjellësin e ri në
Dvoran dhe Kamenicë. Një projekt madhor,
i cili do të sigurojë furnizimin me ujë të
pijshëm për 900 familje në këto fshatra.
2 milionë euro janë financuar nga Qeveria
Shqiptare dhe Bashkia Korçë, për të
zgjidhur përfundimisht një nga problemet
më madhore të këtyre banorëve. Punimet
po avancojnë me ritme të shpejta dhe
shumë shpejt banorët do të kenë 24 orë ujë
në çezmat e shtëpive të tyre.
Bashkia e Korçës është një prej
përfitueseve kryesore të projektit
"SAVE - WATER" nga fondet IPA,
zbatuar nga Këshilli i Qarkut Korçë.
Investimi do të shërbejë për ndërtimin
e depove, linjave të transmetimit
dhe rrjeteve shpërndarëse të
ujit për fshatin Shamoll, Malavec,
Goskovë dhe Qatrom duke i dhënë
zgjidhje përfundimtare problemit të
furnizimit me ujë të pijshëm për çdo
familje.
310 milion lekë
Ujësjellësi Shamoll, Malavec
226 milion lekë
Ujësjellësi Goskovë
70 milion lekë
Ujësjellësi Qatrom

Ndryshim i dukshëm infrastrukturor në lagjet e Korçës, falë paketës
së rikonstruksionit të rrugëve. Rehabilitim i rrjetit të kanalizimeve,
asfaltim dhe trotuarë të rinj në të gjitha rrugët falë projektit të madh
për rehabilitimin e infrastrukturës në çdo lagje të qytetit të Korçës.
ü Rruga “Hamid Mani” në lagjen 8 të qytetit, e transformuar pas
rikonstruksionit.
ü Drejt përfundimit puna për rikonstruksionin e rrugës "Eleni Gjika" në lagjen
5 të qytetit.
ü Transformim rrënjësor i rrugës “Sotir Kuneshka” në lagjen 4 të qytetit.
ü Rruga “Qybra Sokoli” në lagjen 6 të qytetit me një pamje të re, pas
ndërhyrjes për rikonstruksionin e saj.
ü Në lagjen 13 të qytetit, ndërhyrje në rrugët Vaskë Pendavinji, Loni
Grazhdani, Vangjel Dhamo, Kiço Drenova dhe Ilia Trebicka.
ü Ndriçim LED në rrugën “Thoma Huaja”. Instaluam 22 ndriçues të rinj
përgjatë kësaj rruge, rrëzë kodrave të qytetit.

F BARÇ - Ndërhyme për sistemimin e rrugëve mes parcelave të fshatit.
F BARÇ - Ndërtuam lulishten e re dhe lapidarin në kujtim të të rënëve të luftës.
F BOBOSHTICË - Vazhdon puna për pastrimin dhe sistemimin e argjinaturës në përroin e
fshatit
F BULGAREC- Lulishte e re për çlodhjen dhe argëtimin e nxënësve dhe banorëve
F BULGAREC - Rehabilituam 2 km rrugë parcelash për të lehtësuar punën e fermerëve
F ÇIFLIK - Ndërhyrje për pastrimin e kanaleve vaditës dhe kullues.
F ÇIFLIK - Nisi puna për transformimin e qendrës së fshatit në një hapësirë pushimi të
gjelbër
F DRENOVË- Drejt përfundimit lulishtja e re me stola, gjelbërim dhe lojëra për fëmijët
F DVORAN - Vazhdojmë punën për ndërtimin e lulishtes së re, një kënd çlodhës për
banorët
F DVORAN - Vazhdon puna sistematike për pastrimin e kanaleve kullues dhe vaditës
F GJONOMADH - Filluam punën për sistemimin e rrugës hyrëse të fshatit.
F MALAVEC - Drejt përfundimit puna për rehabilitimin e lulishtes të fshatit
F MELÇAN - Ndërhyrje për rehabilitimin e kanaleve anësore të rrjetit rrugor të fshatit.
F QATROM - Transformim rrënjësor i lulishtes në qendër të fshatit.
F VINÇAN - Rikonstruktuam urën që lidh dy lagjet e fshatit Vinçan me fshatin Damianec.
F TURAN - Nisëm punën për rehabilitimin e rrugës që lidh fshatin me parcelat
F VOSKOPOJË - Nisëm punën për ndërtimin e shkollës së re të fshatit

Në Javën Europiane të Rinisë, pranë të
moshuarve të Qendrave te Moshës së tretë
në Korçë.
Qendra Rinore, Këndi i BE Bashkia Korçë,
me mbështetjen e projektit Bashkitë për në
Europë, u bënë bashkë për të përcjellë
mesazhin njerëzor të solidaritetit.
Drejt përfundimit ndërtimi i mencës së
re, ku do të ofrohen 200 vakte
ushqimore falas për personat në
vështirësi. Me përfaqësuesit e
fondacionit norvegjez "New start in
Eastern Europe", diskutuam lidhur me
ecurinë e projektit dhe vëmendjen për
këtë kategori në nevojë.
“KORÇA LEXON”
Në Ditën Botërore të Librit, të rinj të
talentuar sollën punimet e tyre prej
druri në formë libri, me emrat e
autorëve më të njohur të letërsisë
shqiptare. Me nxënës të shkollave të
Korçës lexuam dhe diskutuam rreth
librave në parkun e qytetit.
Gjithashtu, dhuruam libra për të
mbështetur nismën e bukur të
shkollës “Faik Konica”. “Dhuro një
libër, dhuro nga vetja fuqinë e
ndryshimit”. - një inicjativë që kishte
si qëllim pasurimin e bibliotekës dhe
rritjen e numrit të lexuesve.

Dita
Ndërkombëtare
e Tokës
Fëmijët e Qendrës Kulturore të
Fëmijëve në Korçë, sollën një
ekspozitë të hapur në Parkun Rinia
me mesazhin për të qënë sa më
miqësorë me mjedisin.
2 QENDRA TË REJA TË SHËRBIMEVE
MULTIFUNKSIONALE KOMUNITARE
Me modelin e Qendrës së Shërbimeve Multifunksionale
Komunitare të Korçës, që funksionon prej
katër vitesh në qytet, do të çelim edhe 2 qendra të reja
në Bulgarec dhe Voskop.
Mundësi të shtuara në edukim, punësim dhe shërbime
sociale për familjet e kthyera nga emigracioni.
Në një takim me donatorë e mbështetës, lançuam
shtrirjen e projektit edhe në fshatra.
Në Ditën Ndërkombëtare të Muzeve, kryebashkiaku
i Korçës Sotiraq Filo vizitoi laboratorin e restaurimit
të ikonave për t'u njohur nga afër me këtë art
mjeshtëror. Ekipi restaurues i ikonave në Muzeun e
Artit Mesjetar, një ekip fantastik që çdo ditë punon
me pasion dhe përkushtim për nxjerrjen në dritë të
thesareve tona kulturore dhe konservimin e tyre.
Për herë të parë, këtë vit u zhvillua në Korçë edhe
Nata Europiane e Muzeve
8 prilli
Dita Ndërkombëtare e Romëve
Gjatë aktivitetit të organizuar me këtë rast, drejtori i
Unionit Kombëtar Rom z. Dorin Cioaba vlerësoi punën e
kryer nga Bashkia e Korçës, për respektimin e të drejtave të
këtij komuniteti. Gjithashtu, së bashku me Konsulentët e
programit ROMACTED, prezantuam edhe draftin e parë të
Planit Vendor të Veprimit për Integrimin e Komuniteteve
Rome dhe Egjiptiane 2019 - 2022.
11

Ë
Traditat e pasura të qytetit të ndërthurura me aktivitetet të larmishme kulturore
gjallërojnë muajt pranverorë të Korçës. Si çdo vit, Panairi i Pranverës solli një
spektër të gjerë aktivitetesh në zona të ndryshme të qytetit. Rigjallërimi i traditave
të familjeve korçare, ditët e arta që po përjeton kultura e Korçës, dekori fantastik
dhe aktivitetet e larmishme i shumëfishuan mundësitë e argëtimit për banorët dhe
vizitorët e Korçës. Ndryshe nga çdo vit Panairi i Luleve, çeli Panairin e Pranverës
në Korçë duke rizgjuar traditën e bukur të zbukurimit të oborreve dhe ballkoneve
me lule shumëngjyrëshe në çdo familje. Nuk mungoi as Panairi i Poçerisë, me
krijimet artistike të bukura prej balte e qeramike të cilat i shtuan ngjyrat sheshit
para Katedrales “Ringjallja e Krishtit” ndërsa mjeshtri korçar Vasillaq Kolevica solli
një ekspozitë qeramike si dhe demonstroi këtë art mjeshtëror për të gjithë fëmijët.

Nisëm turin e festave lokale nga fshati
Turan. Pas urimit tradicional në
Teqenë e Turanit me rastin e Sulltan
Novruzit, së bashku me banorët por
edhe vizitorë të shumtë festuam së
bashku mes muzikës, valleve dhe
gatimeve tradicionale.
Vazhduam turin e festave lokale
në fshatin me tradita të pasura
dhe natyrë të veçantë. Gatime
tradicionale, panair dhe koncert
festiv për të promovuar traditën
e fshatrave të Korçës.
Një prej fshatrave që do të
kthehet në destinacion turistik.
Panair, koncert festiv dhe
argëtim për banorët e fshatit
dhe vizitorët. Festat lokale jo
vetëm gjallërojnë jetën në
fshatrat e Korçës, por edhe
promovojnë traditat e tyre duke
bërë të njohur potencialin dhe
resurset e tyre natyrore.

Për herë të parë në Korçë
organizuam këtë festë, e cila do
të kthehet në një traditë të
promovimit të një produkti të
rëndësishëm vendas. Panair
mjalti me bletërritës nga trevat
mbarëshqiptare, koncert festiv,
aktivitete për fëmijë dhe shumë
argëtim erdhën në një festë të
vetme që gjallëroi Zonën
Këmbësore të qytetit.
300 motoristë nga Shqipëria, Kosova
dhe Maqedonia e Veriut, u bënë
pjesë e edicionit të parë të "Born to
Ride", një iniciativë e Riders Legend
Korça. Një event fantastik, parakalim
plot adrenalinë, atmosferë dhe
emocione, në qendër të qytetit të
Korçës.
Argëtim dhe gjallëri për
vogëlushët në fundjavë, tek
Zona Këmbësore e qytetit.
Fundjavat ofruan një hapësirë
të dedikuar për fëmijët e
grupmoshave të ndryshme
duke mundësuar një argëtim
ndryshe për ta që i bëri ata të
jenë në botën e përrallave e
pjesë e lojërave të ndryshme
argëtuese.

ART
ME WE
Qendra e Artit Bashkëkohor
Një tjetër vlerë e shtuar për Korçën gjendet në
Pazarin e Vjetër të Korçës. Qendra e Artit
Bashkëkohor, e cila do të sjellë krijime artistike
moderne dhe ekspozita periodike është një tjetër
atraksion që iu shtua qytetit së fundmi.
Videoinstalacione, kaleidoskopë, por edhe punime
të tjera artistike janë ekspozuar brenda kësaj
qendre në Pazarin e Vjetër të Korçës.
EKSPOZITA 48 ORË
Dy ditë qëndrim në Korçë frymëzuan
nxënësit e Liceut Artistik “Jordan Misja”,
për të hedhur në telajo atraksionet më të
spikatura të Korçës dhe Voskopojës.
Një koncert i veçantë me muzikë tradicionale rumune, në
Pazarin e Vjetër.
Një mbrëmje festive, e cila u organizua nga Bashkia
Korçë dhe Ambasada Rumune, për të vlerësuar lidhjen
dhe bashkëpunimin mes Korçës dhe Rumanisë.
Për herë të parë në Korçë, shpirti dhe muzika ruse u
ngjitën në skenën e teatrit duke sjellë një prej
koncerteve më të bukura. Muzikë tradicionale ruse,
tinguj folklorikë dhe entuziazëm në koncertin që u
realizua nga Ansambli Rus "Jarmarka".
Artdashësit korçarë jo vetëm mirëpritën artistët por
edhe u përfshinë në ritmet e muzikës dhe shpirtit rus!

Një tjetër edicion i suksesshëm i këtij festivali në Korçë, qytetin ku talentet e reja jo vetëm nuk mungojnë, por
shtohen çdo vit. Një organizim i shkëlqyer i Qendrës Kulturore të Fëmijëve “Mihal Grameno” e cila solli plot
jetë, të ngrohtë dhe shumë të talentuar, të gjithë vogëlushët që u bënë pjesë e festivalit.
Folklori i Ballkanit erdhi përmes performancave të
mrekullueshme nga ansamblet e Shqipërisë,
Kosovës, Maqedonisë së Veriut, Greqisë, Turqisë
dhe Bullgarisë. Për dy mbrëmje radhazi në Korçë,
ansamble nga 6 shtete përcollën përmes
performacave të shkëlqyera folklorin e pasur
ballkanas.Maqedonia e Veriut u vlerësua fituese e
këtij edicioni të parë të festivalit.
Energji rinore, emocione dhe atmosferë fantastike në RIN SHOW 2019
Gara e talenteve të reja ishte emocionuese me performancat
e shkëlqyera nga nxënësit e gjimnazeve të Korçës.
Super energji në të gjitha ditët e konkurimit nga nxënësit e
Kolegjit "Preka" dhe "Omiros", Gjimnazit "Faik Konica", Ymer
Dishnica", "Themistokli Gërmenji" dhe "Raqi Qirinxhi". Të
rinjtë sollën interpretime brilante në fushat e ndryshme
artistike të aktrimit, kërcimit, krijimtarisë etj. Gjimnazi “Raqi
Qirinxhi" u shpall fitues i Rin Show 2019!

SPORT
Aktivitet i madh rinor në Kompleksin e ri Sportiv midis shkollave të mesme të qytetit.
Tradita sportive e Korçës tani vazhdon rrugëtimin e saj në Kompleksin Sportiv, një zonë moderne dhe me hapësira
të dedikuara për ushtrimin e të gjitha sporteve.
Për herë të parë, një garë mes të rinjve nga
Korça, Bilishti, Maliqi dhe Erseka, në
terrenet e reja të Zonës Sportive në Korçë.
Një hapësirë bashkëkohore dhe mundësi
të shtuara për zhvillimin e aktiviteteve
sportive falë këtij investimi madhor në
qytetin e Korçës.
Korça, qyteti simbol i alpinizmit në Shqipëri u
përzgjodh për të zhvilluar Konferencën e Federatës së
Alpinistëve të Ballkanit. Alpinistë nga Shqipëria,
Ballkani por edhe Europa diskutuan për nxitjen dhe
zhvillimin e këtij sporti në potencialet natyrore të
Korçës dhe jo vetëm.

NGJARJE TË VEÇANTA DHE TAKIME ME DIPLOMATË
Si çdo vit, zhvilluam ceremoninë e përvitshme në respekt
dhe mirënjohje për Dëshmorët e Atdheut. Më pas
kryebashkiaku i Korçës, Sotiraq Filo zhvilloi edhe vizita në
familjet e dëshmorëve Pandi Visi, Irini Prifti, Sotiraq Beçka
në ditën e 5 Majit.
Zhvilluam mbledhjen përkujtimore të veprës së
Dëshmorëve me veteranët e LANÇ.
Ambasadorja e Francës znj. Christine Vasac, e
shoqëruar nga 3 senatorë francezë zhvilluan një
vizitë në Bashkinë e Korçës.
“Jemi këtu për të njohur Shqipërinë dhe nuk mund të
linim pa vizituar Korçën, Parisin e vogël të këtij
vendi" - u shprehën përfaqësuesit e këtij delegacioni,
duke vlerësuar traditat dhe zhvillimin e Korçës.
Ambasadori i Turqisë z. Murat Ahmet
Yourk, gjatë vizitës së tij në Bashkinë e
Korçës, vlerësoi zhvillimin e Korçës dhe
mundësitë e gjera të bashkëpunimit në
fushën e turizmit dhe zhvillimit
ekonomik.
Shefja e Zyrës së Këshillit të Evropës në Tiranë
Jutta Gützkow, gjatë një takimi me kryebashkiakun
Sotiraq Filo, vlerësoi bashkëpunimin e deritanishëm
me Bashkinë Korçë si edhe siguroi
mbështetjen në vazhdim për projekte të
rëndësishme të bashkisë në fushën e edukimit dhe
krijimit të mundësive për të rinjtë.
Ministrja e Drejtësisë znj. Etilda Gjonaj
vizitoi Bashkinë e Korçës. Gjatë takimit me
kryetarët e bashkive Korçë, Maliq, Kolonjë
si dhe prefektin e Qarkut, Dhori Spirollari
ndër të tjera ministrja vlerësoi zhvillimin e
Korçës dhe dhënien e shërbimeve të
përmirësuara për qytetarët.

Shtypshkronja “Kotti”, Korçë