You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
HAQQ SEVƏN BƏNDƏYƏ ELƏ DİNDİ TÜRK<br />
Göy Tanrı, Qara Xan, Oğuz, Güntəkin...<br />
Hərəsi içdiyim bir andan gəlir.<br />
Mənim ruhumdakı bu üsyan, qiyam.<br />
Tanrıqut Metedən, Gürşaddan gəlir.<br />
Yenə də qılınclar çıxıbdı qından,<br />
Qisas almalıyam dar ağacından.<br />
Başına bu sevda Tanrı dağından –<br />
–Qibləmiz Altaydan – ilk yurddan gəlir.<br />
Tanrıdan savayı kimə yendi türk?!<br />
Nə vaxtsa ruh kimi göydən endi türk.<br />
Haqq sevən bəndəyə elə dindi türk.<br />
İnam da, iman da bu anddan gəlir.<br />
Bir əlində qılınc, birində Quran,<br />
Yadlara qızıl taxt ucaltdı Turan.<br />
Ucaldıb özünə daş atdı Turan<br />
Bəlamız kim deyir tək yaddan gəlir?<br />
Səndən də bil daha dönübdür üzüm,<br />
Min ildir içimi göynədən dözüm.<br />
Mənim qərib-qərib ulayan sözüm<br />
Atilla gözləyən Boz Qurddan gəlir.<br />
Tək sənə inandım, kim olursan ol,<br />
Anam ol, bacım ol, ancaq sən “sən”ol.<br />
Təki sevdiyim qız, bilim bircə yol.<br />
Bu sevdan göydəki son qatdan gəlir.<br />
Mən tənha, qurd yalqız, o Tanrı təkdi,<br />
Yalqızlıq içimdə bir sevda əkdi.<br />
Təkcə mən bilirəm, Boz Qurd nə çəkdi<br />
Nə yaxşı, yazdığım umuddan gəlir.<br />
18
Change language