You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
OTURUM KƏDƏRLİ BİR ŞEİR YAZIM<br />
Dərviş tək hər şeyə könülsüzəm mən,<br />
Qələmlə, kağızdır olar-olmazım.<br />
Dünyanın ən qərib adamı mənəm,<br />
Oturum kədərli bir şeir yazım.<br />
Mən öz sözlərimdə qurd ağızlı ər,<br />
Bəxt bundan nə tapar, nəyi itirər?!<br />
“Qurd ular, başına bəla gətirər” –<br />
Oturum kədərli bir şeir yazım.<br />
Kim sözü çevirib üz qarasına,<br />
Mənim tək duz basar öz yarasına.<br />
Heç kim tablaşammaz söz yarasına, –<br />
Oturum kədərli bir şeir yazım.<br />
Torpaqdır ən böyük iman da, din də,<br />
O da oyuncaqdır naşı əlində.<br />
Ölən balıqların “Xəzər dili”ndə,<br />
Oturum kədərli bir şeir yazım.<br />
Kim səni qarğıyıb, a bədbəxt qadın,<br />
İçimdə yaradır bax, bu gün adın.<br />
Sən ki “Zeynəb”dən də yazıq yaşadın –<br />
Oturum kədərli bir şeir yazım.<br />
Ey yatan qəzəbim, ayağa dur di,<br />
Bugünkü Beyrəyin gör nədi dərdi?!<br />
Ən böyük istəyi, kiçik bir evdi –<br />
Oturum kədərli bir şeir yazım.<br />
9