Create successful ePaper yourself
Turn your PDF publications into a flip-book with our unique Google optimized e-Paper software.
NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE<br />
Moikom Zeqo<br />
In memoriam për<br />
Frano Prendin, babain<br />
e prehistorisë<br />
shqiptare<br />
Në 28 dhjetor 2011 mbylli sytë përgjithmonë në<br />
Bruksel të Belgjikës një nga dijetarët më të<br />
rëndësishëm të kulturës shqiptare, prof. Frano<br />
Prendi. Ishte 83 vjeç, qe rënduar nga shëndeti dy<br />
vitet e fundit, por rrallë kam njohur një njeri që<br />
kishte një gjallëri të tillë dhe që reflektonte një<br />
rini të përhershme si Frano Prendi.<br />
Një natyrë njerëzore e hapur dhe tejet modeste.<br />
Plot përkushtim të jashtëzakonshëm për<br />
shkencën arkeologjike. I lindur në 1928, i<br />
specializuar në Universitetin e Sofjës për<br />
arkeologji në degën e prehistorisë, Frano Prendi<br />
u bë një nga themeluesit kryesorë të shkencës së<br />
arkeologjisë shqiptare, së bashku me Hasan<br />
Cekën, Skënder Aramalin dhe Selim Islamin. Në<br />
vitet ‟50 të shekullit të kaluar u institucionalizua<br />
arkeologjia shqiptare, me një vizion dhe vetëdije<br />
profesionale të mirëfilltë. Dukej sikur arkeologjia<br />
qe një shkencë e vonuar në Shqipëri, ndonëse<br />
fillesat e saj u projektuan nga arkeologë të huaj,<br />
disa prej të cilëve dhe autoritete të mëdha të<br />
nivelit evropian. Por arkeologjia në Shqipëri qe<br />
më tepër një mungesë, ndonëse ëndrra për të qe<br />
e madhe. Djaloshi Frano Prendi në vitin 1951,<br />
kur ishte 23 vjeç, i diplomuar shkëlqyeshëm në<br />
Sofje, do të kthehej në atdhe dhe do të fillonte<br />
punë në Muzeun Arkeologjik të Institutit të<br />
Shkencave në Tiranë, të krijuar në vitin 1948.<br />
Ndryshe nga kolegët e tij, të cilët kishin një<br />
traditë paraprirëse në arkeologjinë klasike të<br />
antikitetit dhe të mesjetës, Frano Prendi ishte<br />
përpara një situate të çuditshme dhe paradoksale:<br />
në hartën arkeologjike shqiptare të dhënat për<br />
prehistorinë vërtet mund të paramendoheshin<br />
por për to nuk dihej pothuaj asgjë. Dikur Leon<br />
Rey kishte thënë se prehistoria në Shqipëri është<br />
“një njollë e bardhe”. Puna kërkimore e Prendit<br />
qe në shumë mënyra edhe fati i një misionari dhe<br />
ai me të drejtë mund të quhet si babai i<br />
prehistorisë shqiptare. Për afro 60 vjet ai iu<br />
përkushtua arkeologjisë prehistorike. Ai u bë<br />
mjeshtër i zbulimit dhe paraprijësi. Ai qe<br />
dokumentuesi i patjetërsueshëm, argumentuesi<br />
dhe përuruesi i disiplinës shkencore që nuk<br />
ekzistonte më parë. Vështirësitë nuk qëndronin<br />
vetëm në të panjohurën, por edhe në mungesën e<br />
një ekipi paraprak, ekip të cilin ai më vonë e<br />
përuroi dhe e bëri një fakt dhe aksion veprues<br />
tejet të suksesshëm. Frano Prendi kreu dhe<br />
drejtoi gërmime arkeologjike në të gjitha skajet e<br />
hartës së Shqipërisë. Kështu ai e dyzoi këtë hartë<br />
dhe e pasuroi me atë që i mungonte: domethënë<br />
në strukturën e prehistorisë. Kështu në tumat e<br />
Matit, në ato të Vajzës së Vlorës, të Vodhimës e<br />
të Bodrishtës së Gjirokastrës, në Pzhok të<br />
PROF. FRANO PRENDI<br />
(Shkodër 1928-Bruksel 2012)<br />
Elbasanit si dhe në një numër të madh<br />
vendbanimesh të tjerash si në Kamnik të<br />
Kolonjës, në Maliq, Podgorie e Sovjan të Korçës,<br />
në Burim të Dibrës, në vendbanimet e Belajt e të<br />
Gajtanit në Shkodër, në peizazhet shpellore të<br />
Blazit, Nezirit e Këputës të Matit por dhe në<br />
qytetet ilire të Lisit, në atë të Irmajt (Gramsh) etj,<br />
ky dijetar i pasionuar dhe i ditur nga terri<br />
informativ krijoi një mrekulli shkencore:<br />
grumbulloi të dhëna dhe fakte të pamohueshme.<br />
Kjo përbën një karakteristikë unike dhe krejt të<br />
veçantë të jetës së tij. Dijetar i terrenit, ai e ka<br />
përjetuar gjeografinë e Shqipërisë që në zanafillat<br />
e jetës njerëzore si dhe procesin e mijëvjeçarëve<br />
si askush tjetër. Duke qenë themelues i<br />
prehistorisë shqiptare Frano Prendi i ka disa<br />
merita të mëdha: krijoi pothuajse nga hiçi<br />
shkollën e prehistorisë shqiptare, ku u formua<br />
brezi i prehistorianëve duke u specializuar,<br />
konceptoi metodologjinë bashkëkohore në<br />
gërmimet arkeologjike të prehistorisë, duke<br />
dhënë një kontribut të pashembullt. Krijimtaria e<br />
tij shkencore është e madhe dhe e shumëfishtë,<br />
substanca e saj është një konditë sine qua nonpër<br />
etnogjenezën e kombit shqiptar. Prendi e<br />
konceptualizoi prehistorinë si një dimension të<br />
patjetërsueshëm dot të etnogjenezës. Frano<br />
Prendi për herë të parë në shkencën shqiptare<br />
dhe atë evropiane strukturoi sistemin e<br />
periodizimit dhe të kronologjisë për të gjitha<br />
epokat prehistorike në Shqipëri. Ai bëri<br />
gjithashtu në rrafshin krahasimtar inkuadrimin e<br />
kulturave prehistorike shqiptare në arealin<br />
prehistorik të Ballkanit, Evropës dhe botës<br />
Mesdhetare. Vështrimi i tij dialektik, erudit dhe i<br />
mirinformuar vëzhgoi qartë evidentimin e<br />
unitetit por dhe atë të diversitetit në zhvillimin e<br />
kulturës ilire nga epoka e bronzit në epokën e<br />
hekurit dhe më pas në Shqipëri si dhe<br />
argumentoi mjeshtërisht gjenezën e<br />
pakundërshtueshme të autoktonisë së<br />
shqiptarëve në viset e tyre. Duke qenë për shumë<br />
vjet koleg dhe mik i afërt me Frano Prendin, unë<br />
kam shumë kujtime dhe mbresa, por ndoshta<br />
nuk është momenti për t‟i shpalosur hollësisht<br />
dhe me konsideratën më të lartë në këtë shkrim<br />
in memoriam. Ajo që dua të theksoj është se<br />
34<br />
Frano Prendi qe jo vetëm arkeologu më i madh<br />
shqiptar i prehistorisë, por ai qe i shquar, autoritativ<br />
dhe pikë referuese edhe në rrafshin e prehistorisë<br />
evropiane. Puna kolosale e këtij njeriu meriton një<br />
nderim pa mëdyshje. Ky nderim nuk iu bë sa ishte<br />
gjallë, ky nderim nuk ka nevojë për retorika vlerësuese<br />
dhe formale. Emri i tij nuk ka për t‟u harruar kurrë dhe<br />
si shkencëtar ai qëndronte shumë më lart në raport me<br />
shumë të tjerë që sot quhen akademikë, të cilët janë<br />
shtatvegjël përpara një vigani të tillë. Frano Prendi<br />
mund të krahasohet në mënyrë të përafërt vetëm me<br />
një vigan tjetër të shkencës: rolin e Eqrem Çabejt në<br />
gjuhësi. Atë që bëri Çabej në hulumtimet gjuhësore me<br />
një akribi dhe kulturë të shumëfishtë e bëri dhe Frano<br />
Prendi në studimet prehistorike. Në këtë kuptim<br />
mungon ndoshta ndonjë i tretë. Padyshim që dijetarë të<br />
tjerë të mëdhenj do të vijnë më vonë. Por dhe shkenca<br />
për historinë e ka vetë përbrenda një histori.<br />
Frano Prendi tashmë është fiksuar përjetësisht si një<br />
nga personazhet më të mëdhenj të shkencës shqiptare.<br />
Frano Prendi është i vetmi dijetar shqiptar i cili ka<br />
botuar një kapitull si “Prehistoria e Shqipërisë”, “The<br />
Prehistory of Albania” në Cambridge Ancient History,<br />
vol. III, part. I, chapter V, The prehistori of Balkans,<br />
the middle East and the Aegean Worlds tenth to<br />
eightenth centuries B.C, Cambridge, 1982, page 187-<br />
237. Ky botim i specializuar dhe i vetmi deri më sot<br />
nga një shqiptar, është kryevepra shkencore e Frano<br />
Prendit. Në të ai analizon periudhat paleolitike,<br />
mezolitike, periudhën e neolitit, periudhën eneolitike të<br />
shoqëruar me një pasuri grafike dhe dokumentare të<br />
objekteve të qeramikës, të veprave të artit eneolitik ku<br />
spikatin vazot antropomorfike të Kamnikut, vazot e<br />
Dunavecit me fytyrë njerëzore në reliev, figurinat e<br />
stilizuara të kultit të Magna Matter, vazot ornitomorfike<br />
të Maliqit, figurinat zoomorfe etj. Me këtë pasuri të<br />
pazakontë Frano Prendi vërtetoi vijimësinë kulturore<br />
dhe kronologjike, formësimin e etnosit ilir në epokën e<br />
bronzit dhe të hekurit, duke modeluar kështu<br />
qytetërimin e revolucionit eneolitik që çoi në krijimin e<br />
gjenezës së popullit ilir si pasardhës i shqiptarëve. Por<br />
duhen përmendur dhe aspekte të tjera studimore të<br />
Prendit. Ai ka shkruar mbi lashtësinë ilire të periudhës<br />
klasike dhe helenistike, ka shkruar për qytetin ilir të<br />
Lisit, për skulpturat e lashta të Apolonisë si dhe për<br />
vendvarrimin Skënderbeut në Lezhë që i takon<br />
mesjetës. Duke mos qenë asnjëherë dogmatik por një<br />
mendje e hapur Prendi ka treguar shumëllojshmërinë,<br />
apo dhe efektet fragmentare për atë që quhet diversiteti<br />
në unitet ose uniteti në diversitet në qytetërimin ilir.<br />
Frano Prendi qe kulmi i kontributit të një gjenerate të<br />
tërë shkencëtarësh. Në vitin 2008, me ndihmën<br />
financiare të arkeologut Shafi Gashi nga Prishtina dhe<br />
nën kujdesin edhe të Prof. As. Dr. Adem Bungulit,<br />
vepra e tij u botua në dy vëllime të mëdha sipas<br />
parametrave bashkëkohorë. Ky botim përmbledh<br />
studimet kryesore të Prendit. Ai ia kushton këtë botim<br />
familjes së tij, gruas Dritës, vajzave Lisianës dhe<br />
Marinës, gjithashtu nipit dhe mbesave. Por përtej<br />
kushtimit intim ekziston dhe një kushtim më i epërm,<br />
kushtimi për kulturën dhe shkencën moderne<br />
shqiptare. Në këtë kohë të demonizuar nga politika dhe<br />
nga zotërimi i mediave elektronike dhe të shkrimit<br />
shpesh nga një subkulturë mediokre, të shkruash një in<br />
memoriam për Frano Prendin do të thotë të vlerësosh jo<br />
vetëm dinjitetin dhe mundin e këtij shqiptari të madh<br />
por të lesh të hapur dhe të papërmbysur etikën dhe<br />
institucionin e mirënjohjes pa të cilën zhvillimi i<br />
emancipimit do të ishte diçka e kotë. E di që miku im,<br />
Frano Prendi, meriton shumë më tepër sesa këto<br />
rreshta që unë shkrova për të, i pikëlluar thellë për<br />
vdekjen e tij, diku jashtë kufijve të atdheut, gati në një<br />
situatë anonimati. Qoftë i paharruar kujtimi i tij në jetë<br />
të jetës !