Create successful ePaper yourself
Turn your PDF publications into a flip-book with our unique Google optimized e-Paper software.
NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE<br />
POETET<br />
E BELGJIKES<br />
Misteri i Gostive te Bardha...<br />
Butësisht...<br />
Binin flokëza dëbore<br />
Të bardha...<br />
Ato vinin<br />
Nga më të lartat<br />
Maja malesh të bardha<br />
Ku vareshin si rrëke ujëvare<br />
Mbi gurë të bardhë<br />
Mbi lëndina të pashkelura,<br />
Ku kullosnin e hanin bar<br />
Delet e bardha.<br />
Burrat me qeleshe të bardha<br />
Therën për gosti<br />
Të bardhat dele.<br />
Flokëza bore të bardha<br />
Binin butësisht...<br />
Mbi kulla e ksula të bardha<br />
Ku nuset<br />
Me rroba të bardha<br />
Zbukuronin qivure<br />
Me çarçafë të bardhë<br />
Xhamadane vija-vija<br />
Të kuqe, të zeza, të bardha<br />
Në kohëra të reja<br />
Me gota plastike të bardha<br />
Pihej rakia<br />
Oshëtinte lavdia<br />
Përmes të ngriturave mure<br />
Lyer lara-lara<br />
Të bardha!<br />
Në kohëra moderne<br />
Mbyteshin bukuritë e reja<br />
Si bulëza shampanje<br />
Në gota antike<br />
Të bardha!<br />
Nën dritën e dlirë të hënës<br />
Binin jashtë butësisht<br />
Flokëza dëbore..<br />
Të bardha !<br />
Leuven, 2 Shkurt 2012<br />
Shqiponja Duro<br />
Yjet mbinë në timin shpirt<br />
Një mbrëmje të qetë vere<br />
Pas mbydhjes së grilave<br />
Kur edhe enët e darkës<br />
Përmbysën brengat e ditës...<br />
U renditën në harmoni<br />
Palë-palë<br />
Si paja e nuses që ...<br />
Mezi pret t'i zhubravisi çarçafët<br />
E bardhë...<br />
Rrëshkita qetësisht si një ujëvarë<br />
Në kujtime...<br />
Zemra filloi te rrihte<br />
Si një lokomotive treni në agim<br />
Mushkëritë merrnin e jepnin<br />
Pasione të ndezura si qiri<br />
Nën lëkurën time merrte flakë<br />
Imazhi i tij...<br />
Me ritmin e një trumcaku<br />
Nga foleja i rënë...<br />
Unë hapa portën e madhe<br />
Dola ne oborrin e murëzuar<br />
Eca këmbëzbadhur<br />
Mbi guraleca gri<br />
Nën fustanin e kuq të natës<br />
Dallgëzonte trupi im<br />
Fluturonte si flutur<br />
Era e borzilokut me aromosi ëmbël<br />
Parfumosi flokët e mi<br />
Varur mbi supe që<br />
Dridheshin<br />
Një tufë e hollë kaçurrelash<br />
Ja kish prerë rrugën në mes<br />
Një loti të ngrohtë<br />
Ngrita kokën Lart<br />
Ja ngula sytë Universit<br />
Ku u mbështolla me yje<br />
Sytë m'u flakëruan me dritën<br />
E hënës së plotë të ndezur<br />
Hapa gjoksin tim<br />
Ku binin yjet lehtaz<br />
Si fara e grurit<br />
Mbinë ata<br />
Në timin<br />
Shpirt.<br />
26 gusht 2010<br />
26<br />
Hija e lotit tim...<br />
Erdhi përsëri vjeshta në qytetin tim të dashur<br />
Ku unë s'jam më<br />
Ku kujtimet e mia nën gure kalldrëmesh flenë<br />
Ku gjethet edhe pa mua<br />
Përtokë bien<br />
Mbi guraleca gri<br />
U zhveshën pemët lakuriq<br />
Dhe era nuk jua tund më flokët<br />
Ngriu malli per qytetin tim gri !<br />
Ah, sikur të isha atje<br />
Ah, sikur edhe një fletë gjetheje të isha<br />
Ah, sikur edhe një fije e hijes së saj<br />
Veç atje të isha...<br />
Të më binin gjethet në shpirt<br />
Lotin e largët mbi një gjethe vjeshte<br />
E derdha.<br />
Renkime në treg<br />
...dy buzë të hapura si petale trëndafili<br />
dy dhëmbë të rënë ngulur në shpresë<br />
një fustan i djegur flakëruar si vullkani<br />
një gojë e hapur zjarri<br />
Një lule e harruar, e tharë...<br />
Loton motivin e të qenit<br />
Violina ime...<br />
Në tinguj rënkon ajo<br />
Një zinxhir gri dhunimi<br />
Mish femre<br />
Në treg<br />
Kopshti Lakuriq<br />
Hëna shkëlqen mbi fytyrën tënde<br />
Deri poshtë gishtave të këmbës<br />
Mbi stolinë që njeh sekretet<br />
Ashtu pret ti të dashurin të mbërrijë<br />
Edhe në hije<br />
E të ta vjedhë puthjen<br />
Pa zemër të të lërë<br />
Dhe ti shikon rreth e rrotull<br />
Lakuqësinë e kopshtit<br />
Që mban fatin tënd<br />
Kopshti e di dekorin e fustanit tënd<br />
Diellin<br />
E duhet të jeshë veç grua<br />
Për ta kundruar bukurinë<br />
Sa bukur shkëlqeu atë natë<br />
Hëna e lumtur<br />
Mbi lakuqësinë<br />
Tonë…