Mark Bregu - Tribuna Shqiptare

More documents

Recommendations

Info

NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE POETET E BELGJIKES Misteri i Gostive te Bardha... Butësisht... Binin flokëza dëbore Të bardha... Ato vinin Nga më të lartat Maja malesh të bardha Ku vareshin si rrëke ujëvare Mbi gurë të bardhë Mbi lëndina të pashkelura, Ku kullosnin e hanin bar Delet e bardha. Burrat me qeleshe të bardha Therën për gosti Të bardhat dele. Flokëza bore të bardha Binin butësisht... Mbi kulla e ksula të bardha Ku nuset Me rroba të bardha Zbukuronin qivure Me çarçafë të bardhë Xhamadane vija-vija Të kuqe, të zeza, të bardha Në kohëra të reja Me gota plastike të bardha Pihej rakia Oshëtinte lavdia Përmes të ngriturave mure Lyer lara-lara Të bardha! Në kohëra moderne Mbyteshin bukuritë e reja Si bulëza shampanje Në gota antike Të bardha! Nën dritën e dlirë të hënës Binin jashtë butësisht Flokëza dëbore.. Të bardha ! Leuven, 2 Shkurt 2012 Shqiponja Duro Yjet mbinë në timin shpirt Një mbrëmje të qetë vere Pas mbydhjes së grilave Kur edhe enët e darkës Përmbysën brengat e ditës... U renditën në harmoni Palë-palë Si paja e nuses që ... Mezi pret t'i zhubravisi çarçafët E bardhë... Rrëshkita qetësisht si një ujëvarë Në kujtime... Zemra filloi te rrihte Si një lokomotive treni në agim Mushkëritë merrnin e jepnin Pasione të ndezura si qiri Nën lëkurën time merrte flakë Imazhi i tij... Me ritmin e një trumcaku Nga foleja i rënë... Unë hapa portën e madhe Dola ne oborrin e murëzuar Eca këmbëzbadhur Mbi guraleca gri Nën fustanin e kuq të natës Dallgëzonte trupi im Fluturonte si flutur Era e borzilokut me aromosi ëmbël Parfumosi flokët e mi Varur mbi supe që Dridheshin Një tufë e hollë kaçurrelash Ja kish prerë rrugën në mes Një loti të ngrohtë Ngrita kokën Lart Ja ngula sytë Universit Ku u mbështolla me yje Sytë m'u flakëruan me dritën E hënës së plotë të ndezur Hapa gjoksin tim Ku binin yjet lehtaz Si fara e grurit Mbinë ata Në timin Shpirt. 26 gusht 2010 26 Hija e lotit tim... Erdhi përsëri vjeshta në qytetin tim të dashur Ku unë s'jam më Ku kujtimet e mia nën gure kalldrëmesh flenë Ku gjethet edhe pa mua Përtokë bien Mbi guraleca gri U zhveshën pemët lakuriq Dhe era nuk jua tund më flokët Ngriu malli per qytetin tim gri ! Ah, sikur të isha atje Ah, sikur edhe një fletë gjetheje të isha Ah, sikur edhe një fije e hijes së saj Veç atje të isha... Të më binin gjethet në shpirt Lotin e largët mbi një gjethe vjeshte E derdha. Renkime në treg ...dy buzë të hapura si petale trëndafili dy dhëmbë të rënë ngulur në shpresë një fustan i djegur flakëruar si vullkani një gojë e hapur zjarri Një lule e harruar, e tharë... Loton motivin e të qenit Violina ime... Në tinguj rënkon ajo Një zinxhir gri dhunimi Mish femre Në treg Kopshti Lakuriq Hëna shkëlqen mbi fytyrën tënde Deri poshtë gishtave të këmbës Mbi stolinë që njeh sekretet Ashtu pret ti të dashurin të mbërrijë Edhe në hije E të ta vjedhë puthjen Pa zemër të të lërë Dhe ti shikon rreth e rrotull Lakuqësinë e kopshtit Që mban fatin tënd Kopshti e di dekorin e fustanit tënd Diellin E duhet të jeshë veç grua Për ta kundruar bukurinë Sa bukur shkëlqeu atë natë Hëna e lumtur Mbi lakuqësinë Tonë…
NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE KOLABORACIONIZMI, NË KUSHTET E QËNJES SË VËNDIT TË PUSHTUAR NGA KËMB‟E HUAJ, SI EDHE NË VAZHDIM, KUR SHQIPËRIA U QUAJT E ÇLIRUAR ! Mergim Korça Vazhdim nga Nr. 59 Dhe sot, në vitin e njëmbëdhjetë të shekullit tonë të XXI-të, dhe në vitin e XXI-të që nga shkërmoqja e diktaturës komuniste, shtrohet pyetja e sinqertë dhe aspak retorike : Vallë do të vijë ndonjë herë dita që të vërtetat historike të thuhen ashtu si kanë qenë, që të gjitha dhe as pa zbukurime por edhe as pa përçudnime ? Pikërisht, nisur nga ky synim që i kemi vënë vetes të analizojmë, vazhdojmë me paraqitje faktesh, kurrë të zëna në gojë nga studjuesit e periudhës së diktaturës komuniste. Kur Francesco Jacomoni u propozon drejtuesve të shtetit italian që qeveria Vërlaci, si e pambështetur nga shumica e popullit shqiptar, duhej zëvëndësuar nga një qeveri e drejtuar nga Mustafa Kruja, ministri i Punëve të Jashtëme të Italisë Galeazzo Ciano, me datën 10 nëntor 1941 shkruante në Ditarin e tij Politik, (botim i Rizzoli-t, tetor 1990 në faqen 556), “... Ky një lëshim i mëtejshëm ndaj ekstremistëve të nacionalizmës shqiptare.” Sikur vetëm nisur nga ky vlerësim i ministrit të Punëve të Jashtëme të Qeverisë Italisë Fashiste të niseshim ku ai, në nënvetëdijen e tij jo që nuk e quante sukses të pushtetit fashist marrjen e fuqisë egzekutive në Shqipëri nga ana e Mustafa Merlika Krujës me shokë, por përkundrazi e quan lëshim ndaj ekstremistëve të nacionalizmës shqiptare, do të ishte një argument si edhe provë e pakundërshtueshme dhe skajshmërisht e fuqishme për t‟iu kundërvënë propagandës komuniste e cila atë kategori që Galeazzo Cianoja i quante ekstremistë të nacionalizmës shqiptare, ajo i quante kolaboracionistë të fashizmit italian !(?) E të mbetej me kaq, vetëm një çpifje sporadike e komunistëve shqiptarë, do të ishte vërtet një e keqe, por në fund të fundit jo edhe shum‟e rëndësishme. Por, dhe gjithënjë ka një “por”, nga që përgjatë 47 viteve të diktaturës i u mëshua ditë mbas dite, muaj mbas muaji, vit mbas viti si edhe dhjetëvjeçar mbas dhjetëvjeçari cilësorëve kolaboracion si edhe kolaboracionist nga kënd-vështrimi skajshëm përkeqësues dhe vetëm përkeqësues, ai koncept u rrënjos aq thellë sa që sot e kësaj dite as nuk diskutohet më dhe ky cak gjuhësor nënkuptohet vetëm me vetëm sipas kuptimit të keq ! Vijmë tashti duke e ngushtuar rrethin e arsyetimeve si edhe nxjerrjes së përfundimeve logjike, prirur nga të arriturit në një sintezë të tyre, qëmtuar këta hap mbas hapi. Mbasi u trajtua më lart qëndrimi i P.K.Sh. të udhëhequr nga Enver Hoxha, lidhur me qëndrimin e mbajtur sa i takon aneksimit të Kosovës dhe futjes së saj në kuadrin e Federatës Jugosllave, vazhdojmë edhe me një fakt të dokumentuar dhe që hedh dritë në aspekt më të gjerë rreth qëndrimit të Shtetit Shqiptar në marrëdhënjet e tija me Jugosllavinë e Titos. Me 15 Dhjetor të vitit1947 në mbledhjen e Byrosë Politike të K.Q.P.K.Sh., në pranín‟e të dërguarit të Mareshallit Tito, Sava Zllatiç-it, Enver Hoxha deklaron, (proçes-verbali i asaj mbledhje ruhet në Arkivin e Shtetit - shënim M.K.) :” ... Tani që e likuiduam këtë pengesë, (Nako Spirun - shënim M.K.), duhet t‟a fitojmë kohën e humbur e të bëjmë sa më shpejtë bashkimin DE FACTO të Shqipërisë me Jugosllavinë në të gjitha fushat, (parti, ekonomi, ushtri, etj.), se Shqipëria nuk mund të qëndrojë si shtet i pavarur dhe aq më pak të ndërtojë Socializmin, PA U BASHKUAR ME JUGOSLLAVINË ...” ! Me këtë rast nuk mundemi t‟u shmangemi dy pohimeve madhore lidhur me si e kanë përkufizuar KOMUNIZMIN dy personalitete të njohur në fushë ndërkombëtare dhe lexuesit e këtyre radhëve të nxjerrin vetë përfundimet e ndërsjella lidhur me si e shikonte Mareshalli Tito komunizmin dhe si e shikonte Enver Hoxha, nga këndvështimi i tij, po këtë ideologji : Mao Tse Tung-u : “ KOMUNIZMI NUK ËSHTË DASHURI. KOMUNIZMI ËSHTË NJË PRESË PËR TË SHTYPUR ARMIKUN !” (Titoja dërgoi emisarët e tij q‟e formuan P.K.Sh., mbollën ideologjin‟e zhdukjes së klasës intelektuale atdhedashëse e skajëshme, e me gjithë ta edhe të klerikëve drejtues për t‟a ç‟armatosë Shqipërinë nga ata që VDEKJA PËR ATDHE u dukej BASH SIKUR ME LE !) John Kennedy : “ MENDIMI QË PRIN KOMUNISTËT ËSHTË IDEJA SE E IMJA ËSHT‟E IMJA, E JOTJA ËSHT‟E JONA” ! (Enver Hoxha, shëmbulli tipik i egoistit të skajshëm, e donte Shqipërinë, por e 27 donte siç e bëri ... pronë krejtësisht të tijën, pronë personale. Si u tha fshatarëve librazhdaz në shtëpin‟e tij : “... shkeleni me këmbë këtë sixhade ... e dini e kujt ka qenë ? E Shefqet Vërlacit !). Stalini, ? xy ? , Molotovi e Enveri : bashkëpunim vllzëror e kolaboracionizëm për krime e terror.. E lemë më një anë tashti çështjen e marrëdhënjeve Shqipëri – Jugosllavi, trajtuar më lart me referenca dokumentash arkivale lidhur me qëndrimet e Enver Hoxhës si ndaj problemit të Kosovës, por edhe më gjerë, lidhur me vetë Shqipërinë, dhe vazhdojmë me një dokument, por dokument i cili t‟a shtrydhësh kullon gjak intelektualësh shqiptarë ! E ky dokument është letra e diktatorit të kuq shqiptar, drejtuar Atit të tij ideologjik Josif Visarionoviç Stalinit më 21 Shkurt të vitit 1951, (mbasi ishin arrestuar pa urdhër prokurorie dhe pushkatuar, pa pretencë prokurori e as vendim trupi gjykues, 22 intelektualë shqiptarë, për një ngarkesë dinamiti hedhur në oborrin e Ambasadës Sovjetike në Tiranë, si pasoj‟e së cilës veç disa xhama të ndërtesës qenë thyer), në emër të Pleniumit të K.Q. të P.P.Shqipërisë : “... Atentati i poshtër që armiku i egër i popullit tonë dhe i B.Sovjetik na bëri kundër Legatës Sovjetike në Tiranë në datën 19-02-1951 në orën 19:47, duke hedhur dinamit në oborrin e Legatës, na ka goditur mu në zemër të Partisë dhe të popullit tonë. Ky akt politik terrorist u drejtua ndaj çka është më i dashur, më i shtrënjtë dhe më i shënjtë i popullit tonë , Bashimit Sovjetik, që është gjithçka për ne e që pa atë nuk kishte dhe nuk mund të ketë jetë për popullin dhe për Partinë tonë. Shoku Stalin, ne nuk kemi qenë vigjilentë sa duhet. Ne shoku Stalin, ju betohemi juve dhe Partisë Bolshevike të lavdishme se do t‟ia lajmë Partisë dhe popullit tonë këtë gjë kaq të rëndë që u shkaktua nga mungesa e vigjilencës sonë. Ky akt i poshtër i armikut na ka egërsuar pa masë ndaj tradhëtarëve fashistë të Beogradit, të Athinës, të Romës dhe reaksjonit të brëndshëm, vegël e tyre. Shoku Stalin, Partia jonë do të jetë e pamëshirëshme kundër armiqve të Bashkimit Sovjetik ! Dhe ç‟e bën akoma më të trishtë deklaratën e Enver Hoxhës drejtuar Stalinit, është pohimi i tij Molotovit, ministrit të Jashtëm Sovjetik : “... ne me këtë rast i arrestuam 150 vetë, duke i pushkatuar 22 prej tyre por në
Page 1 and 2: NE KUADRIN E JUBILEUT TE MADH TE 10
Page 25: NE KUADRIN E JUBILEUT TE MADH TE 10
Page 37: NE KUADRIN E JUBILEUT TE MADH TE 10

Mark Bregu - Tribuna Shqiptare

Create successful ePaper yourself

Delete template?

Save as template?