Mark Bregu - Tribuna Shqiptare

More documents

Recommendations

Info

NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE Shqiptarve s‟kanë ç‟u duhën ideologjitë e hueja duke pasë një te vetmën të tynën, Shqiptarizmin, Idealin Kombëtar. THEMELUE NE BRUKSEL ME TETOR 1993 E DREJTUE NGA LEK PERVIZI BASHKEPUNTORE Myrteza Bajraktari, Robert Elsie, H.-J. Lanksch, Mergim Korça, Thanas Gjika, Frtiz Radovani, Daniel Gazulli, Paul Tedeschini, Tomorr Aliko, Piro M. Tase, Arben Sebastej, Mark Bregu, Gjovalin Kola, Kastriot Marku, Visar Zhiti, Peter Tase, Lahutari Shqiptar, ================= PAJTIMI VJETOR Belgjikë.................................40 Euro Europë.................................50 “ Amerikë, Australi.................60 “ Shqipni, Kosovë...................20 “ Pranohën ndihma të veçanta vullnetare ================== PAGESAT Me llogari Bankare ose Postë të thjeshtë Llogari Bankare Nr. 001-2138758-81 BNP PARIBAS FORTIS BELGIQUE Adresa : Revista Kuq e Zi Rue de la Victoire, 18 1060 Bruxelles Belgique E-mail : lekpervizi@gmail.com Bahen edhe porosi blerje librash që disponojmë. Kontaktoni me email të mësipërm. 2 P E R M B A J T J E * Editorial Special Redaksiai ...........................................................................................3 * Mjer ai që nuk e njeh madhështinë e shpirti arbnor… Mark Bregu .......................................................................................4 * Jubileu i Madh i Pavarësisë Lek Pervizi...........................................................................................5 * Kreyngrtja e Kurbinit Shtjefën Gjeçovi....................................................................................7. * Mihal Grameno Thanas Gjika....................................................................................11 * Delegatët e Kuvendit të Vlorës. Redaksia...........................................................................................14 * Për Aktin e Pavarësisë (interviste) Olivera Lila………………………………………………....14 * Kastrioti e Shqipnia janë nji Konrad Rodoni……………………………………………….15 * Gjuha shqipe, gjuha e shqiptarve Paul Tedeschini……………………………………….............16 * A kishte desidenzë (letër e Patër Mëshkallës) Fritz Radovani………………………………………..............17 * Te huajt për Shqipërinë e Shqiptarët Piro Marko Tase................................................................................19 * Poetët e Belgjikës Shqiponja Duro……………………………………………...23 * Kolaboracionizmi Mergim Korça………………………………………………..24 * Texts and documents of Albanian History Robert Elsie.....................................................................................27 * In memoriam për Frano Prendin Mojkom Zeqo……………………………………………….31 * Thanje të njerëzve të shquem e të pashquem………………32 Lëxoni e perhapni Revistën Kuq
NE KUADRIN E JUBILEUT TE MADH TE 100 VJETORIT TE SHPALLJES SE PAVARESISE EDITORIAL SPECIAL Të përjetosh 100 vjetorin e shpalljës së Pavarësisë asht si të gjëndësh në ditën historike e fatlume të 28 Nëndori 1912 në Vlorë, kur Ismail Qemali me patriotët e tjerë ngritën flamurin kombëtar kuq e zi të Gjergj Kastrioti dhe i njoftuen shqiptarve e botës mbare, se Shqipnia e fitoi Lirinë e Pavarësinë e saj pas 400 e sa vjet e robni osmane. Ngjarje e paharrueshme do të jetë për secilin prej nesh, që do të ketë fatin me festue kete 100 vjetor që po e presim me deshire e krenari të papërmbajtun, dhe dhashtë Zoti të na rueje shëndetin që ta përjetojmë këtë jubilé të madh historik. Pasardhësit tonë do të mburrëshin se si këtë datë e kanë përjeue baballarët e gjyshët. Padiskutim se një ngjarje e tillë e 100 vjetorit merr randësi po si ajo 28 Nëndorit 1912. Me një pasunim të metejshëm të historisë që përfshin vendin tonë gjate kësaj periudhe njeqindvjeçare. Nuk mund të themi se gjithçka i shkoi mbarë e mirë atdheut tonë të dashun, por sidoqoftë Pavaresia e fitueme pas katër e ma shumë shekujsh të një sundimit t‟egër dhe mohues, që e katandisi popullin shqiptar n‟injorancën ma të madhe dhe e ndau nga Evropa e nga qytetnimi e përparimi i saj. Shqiptarët, populli ma i vjetër në Ballkan dhe n‟Evropë e panë vetën të kthyem e të mbërthyem në kohën e barbarisë. Kjo Pavarësi e fitueme pas shekujsh robnie, nuk ka vetëm randësinë se na shpëtoi e na nxori nga kthetrat e Turkisë, por merr edhe randësinë e krijimit të shtetit të parë shqiptarë në histori. Të një shteti ligjor e kushtetues i njohun nga të gjithë kombet, siç ishin të t‟organizuem në Lidhjen e Kombëve e siç janë tani ne Kombët e Bashkueme. Por randësia e këtij 100 vjetori asht edhe ma e theksueme sepse Shqionia brenda asaj periudhe pati tronditje të mëdha, siç ishte pushtimi i Italisë që ndërpreu hovin e përparimit të vendit tonë nën Mbretninë shqiptare. Ky pushtim u ba shkak i një katastrofe të vërtetë që përfshiu Shqipninë, siç ishte ardhja e sllavo-komunistëve në fuqi dhe vendosja e një diktature gjakatare, antishqiptare dhe antinjerëzore, që kreu krime dhe masakra të hatashme, duke e izolue përsëri vendin nga bota e qytetnueme, kryesisht nga Evropa për 50 vjet të tjera, sa për peseqind të Turkisë e kalue asaj për nga shpirligësia e xhahilleku, që ai sistem bolshevik ushtroi mbi popollin e tij ma zi e ma kriminalisht se një pushtues i huej. Një tjetër aspekt, fatkeqësisht negativ, asht fakti se Pavarësia qe duhet të përfhsinte mbarë trojet shqiptar, gjithë Kombin, mbneti e kufizueme brenda kufijve që fuqitë e mëdha, padrejtësisht, ia kishin cantue e shënue në hartat politike. Kështu KJosova dhe viset e tjera shqiptare, mbetën të përjashtueme. Kjo ishte një fatkeqësi e madhe, një padrejtësi absurde, veçanërisht për Kosovën, që kishte luftue e derdhë gjak, kundër pushtimit turk dhe serb, dhe e pa veten të ndame nga Atdheu amë. Aq ma keq, kur nga rrethanat e Luftës Dytë Botnore, për katër vjet ishte bashkue në Shqipninë etnike. Por sllavët nuk e lejuen atë punë dhe e rimorën me anë të partisë motër sllavo-komuniste shqiptare, që nuk la krim pa krye në Kosovë, për të ia dorëzue përsëri shkjaut. Dhe po bahej gati t‟i dorëzonte edhe Shqipninë, me i motërzue me Federatën Jugosllve. Për fat të mire kjo nuk ndodhi, por pasojat e sundimit të diktaturës komuniste ishin shumë të mëdha, dhe shqiptarët e paguen me një holocaust të vërtetë viktimash të pafajshme. Të shkueme të harrueme ! Ta presim e ta kremtojmë 100 vjetorin me vlerësimin e sukseseve të arrituna, siç asht shëmbja e diktaturës komuniste dhe fitorja e demokracisë që urojmë ta çojë Shqipninë në atë Evropë, prej të cilës pushtimet e hueja dhe forcat e erreta dhe regresive e mbanin të ndame. Ta çojë drejt bashkimit shpirtnor dhe kulturor më Kosovën, këtë krahin martire, dhe përfundimisht në Bashkimin Kombëtar të Shqiptarve, qellimi dhe idelai ma i naltë i popullit shqiptar ! Ky 100 vjetor ban thirrje që midis shqiptarve të mbretnojë mirëkuptim i shkallës së marrëveshjës midis forcave të ndryshme politike, tani të pranishme në kontekstin shqiptar, për të mirën e përparimin e vendit me përpjekje konstruktive dhe jo destruktive. Gjithë vendet e tjera, ku mbretnon demokracia dhe ku respektohen te drejta e njeriut, qeverisën dhe administrohën në sintoni të plotë të forcave politike, që, sidoqë të fitojë një palë ose tjetra, gjithçka zbatohet për të mirën e popullit dhe debati politik nuk kalon në forma ekstremizmi e huluganizmi për të iu imponue njera tjetrës. Gjithçka zgjidhet brenda parlamentit. Prandaj urojmë që 100 vjetori të jetë një mesazh për forcat politike shqiptare, që këto forca të ulën në tryezën e rrumbullakët dhe në karrikat e parlamentit, për të gjetë rrugë e zgjidhkeve të problemeve me marrëveshje, dhe jo për të kriojue barrikata pënguese, duke përjashtue çdo përdorim të forcës dhe arrogancës, të çdo formë qoftë. Me këtë hyrje kushtue 100 vjetorit, revista Kuq e Zi, do t‟i kushtohet me shkrimet e saj, kësaj ngjarje të madhe, duke rreshtue në faqet e saj një përmbledhje të ngjarjeve historike dhe të figurave që kontribuen , ku arritjën e asaj fitorëje të madhe, që me shpalljën e pavarësisë e bani Shqipninë të njohun e t‟afirmueme ndërkombëtarisht, si Shtet e si Komb. Në këto faqe do të paraqiten edhe ngjarje e figura rilindase e patriote te mbetuna në hije dhe të mohueme nga regjimi antishqipta i diktaturës komunsite, që i kishte vu detyrë vetës ta shkallmonte historinë e Shqipnisë duke u ba varrmihëse e saj. Le te vlejne vargjet e Pashko Vasës, të këtij patrioti të madh për ta mbyllun këtë editorial : …Moj Shqimpn e mjera Shqipni, Qysh të kanë qitë me krye në hi. Ti ke pas kenë një zojë e randë, Burrat e dheut të thirrshin Nanë… 3 …………………………. S‟kan ç‟na duhen kisha e xhamija, Feja e shqiptarei asht Shqiptaria. Drejtori i revistës Kuq e Zi, Lek Pervizi me mikun e tij mirditor, Ndue Bajraktarin, që mbajnë flamurin ma të vjetër që eksziston në Shqipni (ndoshta nga koha e Skenderbeut), i ruejtun brez pas brezi nga familja e Bajraktarit. Me ketë flamur, delegatet e Mirditës, kanë shkue në Lidhjen e Prizrenit më 1978. Siç shihet, shqipja e Gjergj Kastriotit e qëndisun me mjeshetri të posaçme, i përgjigjet përshkrimit të Dhimitër Frangut, kur Skënderbegu më 28 Nëndor 1443 hyni në Krujë e hoqi flamujt turq e vendosi flamuri e tij : « …me fushë te kuqe e shqipën e zeze me kunorat perandorake » Flamuri i Gjergj Kastriotit, me shqipën e qëndisun në një mënyrë krejt të veçantë nga ato që njihën, i vjetri që të jetë ruejtë në një familje të nderueme shqiptare, kur në Shqipni nuk ekzistonte asnjë flamur i tillë, që dolën pas ngritjes të tij në Deçiç nga Ded Gjo Luli dhe me rastin e shpalljës së Pavarësisë, me 28 Nëndor 1912, në Vlonë. Shkrimi MIRDITA, i shtuem me rastin e shkuemjës se delegatëve të Mirditës në Lidhjen e Prizrenit. Ky flamur u shpalos në Prizren 34 vjet para 1912-ës
Page 1: NE KUADRIN E JUBILEUT TE MADH TE 10
Page 5 and 6: NE KUADRIN E JUBILEUT TE MADH TE 10
Page 37: NE KUADRIN E JUBILEUT TE MADH TE 10

Mark Bregu - Tribuna Shqiptare

Create successful ePaper yourself

Delete template?

Save as template?