kurrikula e edukimit parashkollor në kosovë - Ministria e Arsimit ...

IV. I. 1. OBJEKTIVAT E PËRGJITHSHME
PËR GRUP-MOSHAT 3– 6
1. Të arrijë mirërritjen, zhvillimin maksimal, rezistueshmërinë e organizmit
dhe shëndetin.
2. Të zotërojë lëvizjet elementare motorike, aftësitë e përgjithshme për
lëvizje dhe aftësitë shprehëse trupore dhe aftësitë specifike elementare
për lëvizje.
3. Të plotësojë nevojën për lëvizje e në funksion të aktiviteteve të
ndryshme (loja, aktivitetet figurative, muzikore etj.)
4. Të aftësohet të bashkëpunojë për t`i parandaluar apo tejkaluar
pengesat dhe çrregullimet individuale në rritje dhe zhvillim.
5. Të zhvillojë aftësitë motorike, senzoromotorike dhe psikomotorike.
6. Të arrijë njohuri, shkathtësi dhe shprehi për higjienën personale,
higjienën e ushqimit dhe të mjedisit jetësor dhe të kuptuarit e
rëndësisë së shëndetit dhe kulturës fizike.
7. Të zhvillojë shkathtësitë për aplikimin e mjeteve dhe masave të
domosdoshme për zhvillimin fizik dhe ruajtjen e shëndetit.
8. Të shfrytëzojë aktivitete fizike si përmbajtje -mjete për pushim të
drejtë të fëmijës pas aktiviteteve mendore e trupore të tij.
9. Të arrijë inkurajimin e zhvillimit etiko-moral dhe estetik përmes
edukimit fizik
10. Të zhvillohet në sferën afektive (emocionet, ndjenjat, interesat etj.).
11. Të pavarësohet në jetësimin e shkathtësive dhe shprehive të
dobishme për fizikun dhe shëndetin e tij.
12. Të vetëdijesohet për mirërritjen dhe mirëqenien personale.
13. Të synojë përparimin në edukimin fizik e shëndetësor.
14. Të arrihet përparimi i duhur në procesin e edukimit fizik e shëndetësor
të fëmijës parashkollor.
14