Te Faufaa Apî

Te Aparauraa o te
Papa◊iraa Mo◊a e te
Faaohiparaa
• Eaha te hoê o te mau semeio a te Faaora o ta outou e hinaaro ia ite mata atu?
No te aha? (E hinaaro paha outou i te tapa◊o mai i te tahi o te mau semeio a te
Mesia i nia i te tabula ereere no te tauturu i te mau melo o te piha haapiiraa ia
pahono i teie uiraa.)
A haamaramarama e, e aparau teie haapiiraa i te tahi o te mau semeio a te Faaora
e te mau tumu oia i rave ai i te reira.
A haapii ai outou i te mau irava o te mau papa◊iraa mo◊a i muri nei, a aparau e
mea nahea te reira e tano ai i to outou oraraa o te mahana atoa. A haapapu e, e
tamau â Iesu i te rave i te mau semeio i roto i to tatou oraraa. A faaitoito i te mau
melo o te piha haapiiraa ia faaite mai, mai te mea e tano, i te mau semeio ta
ratou i farii i roto i te oraraa. (E hinaaro paha outou ia haamana◊o i te mau melo
o te piha haapiiraa e, te tahi o te mau iteraa o te oraraa e mea mo◊a roa no te
faaite atu. E nehenehe te Varua Maitai e tauturu ia ratou ia ite i te taime tano no
te faaite i te hoê iteraa o te oraraa.
1. Te ratere nei Iesu na roto i Galilea ma te haapii i te evanelia e ma te rave
i te mau semeio
A aparau i te Mareko 1:14–15, 21–45. A titau manihini i te mau melo o te piha
haapiiraa ia tai◊o haapuai mai i te mau irava i maitihia mai.
• A ratere ai Iesu na roto i Galilea ma te haapii atu i te evanelia, ua rave oia i te
mau semeio e rave rahi, e tae noa÷tu i te faaoraraa i te ma◊i e te tiavaruraa i te
diabolo (Mareko 1:34, 39). No te aha Iesu i rave ai i teie e i te tahi atu mau
semeio i roto i ta÷na ohipa pororaa i te evanelia? (Teie te tahi o te mau
pahonoraa, oia hoi, mai teie mau mea i raro nei.)
a. No te faaiteraa i te here e te aroha rahi (a hi◊o Mareko 5:19; a hi◊o atoa 3
Nephi 17:6–7).
b. No te paturaa e te haapapuraa i te faaroo (a hi◊o Mataio 9:27–30).
c. No te faaite-papu-raa i to÷na atuaraa e te mana (a hi◊o Mareko 1:27;
2:10–11).
A tapa◊o mai i te mau pahonoraa a te mau melo o te piha haapiiraa i nia i te
tabula ereere, e a vaiiho i teie nei tabula i nia i te tabula ereere i roto i te taime
haapiiraa atoa. A aparau ai outou i te mau semeio ta Iesu i rave, a aparau i te
tahi o te mau tumu o tei faaîhia e te semeio tataitahi. A amui mai i te tabula,
te tahi mau tumu atoa i faahitihia i roto i te haapiiraa.
• No te aha te mau taata i roto i te sunago i Kaperenaumi i maere ai i ta Iesu
mau haapiiraa e i to÷na aravihi ia tiavaru i te mau varua faufau? (A hi◊o Mareko
1:22, 27.) I te hea mana ta Iesu i haapii atu e i rave i te mau semeio? (Na roto i
te mana o te autahu◊araa, tei ere i te feia papa◊i parau.) E mea nahea tatou i te
farii i teie puai e te mana i teie mahana?
• I roto i te Mareko 1:41, eaha te hoê tumu i faaora ai Iesu i te lepera? A faaite
papu e, ua rave Iesu i te mau semeio e rave rahi o te haamaitai afaro noa i te
hoê ana◊era taata. Eaha ta teie mau ohipa i tupu e faaite nei no nia i to Iesu
huru no tatou tataitahi? E mea nahea to÷na faaiteraa mai i te here e te aroha
rahi no tatou?
33