Te Faufaa Apî

Te Aparauraa
Papa◊iraa Mo◊a
e te Faaohiparaa
208
Ia pahono afaro ana◊e mai te mau melo o te piha haapiiraa, a ani i te hoê melo o
te piha haapiiraa ia faahiti mai e aore ra ia tai◊o mai i te hiroa faaroo ahuru ma
toru. I muri iho, a ani i te melo o te piha haapiiraa ia faahiti faahou mai i te afa
matamu o te hiroa faaroo, tae atu i te “titauraa a Paulo.”
• Eaha te “titauraa a Paulo”? I hea roa e itehia ai?
A ani i te mau melo o te piha haapiiraa ia huri atu i te Philipi 4:8 e ia faaau i te
reira i te hiroa faaroo ahuru ma toru. A haamaramarama e, i te taime i faahiti ai
Iosepha Semita i te titauraa a Paulo i roto i te hiroa faaroo ahuru ma toru, te
parau ra oia i te Philipi 4:8, oia te hoê tuhaa o te hoê rata ta Paulo i papa◊i i te
Feia Mo◊a i Philipi. E puohu te haapiiraa o teie mahana i teie rata e te mau rata a
Paulo i to Kolosa e i to Philemona, ua papa◊i-atoa-hia i roto i te taime i mau ai o
Paulo i te fare tapearaa i Roma. E aparau teie mau rata i te mau atiributi [mau
huru tano] o te tia ia tatou ia imi no te faatupu ia tatou ei feia pee ia Iesu Mesia.
A haapii ai outou i te mau irava o te papa◊iraa mo◊a i muri nei, a aparau e mea
nahea ia faatano i te reira ia tatou i teie mahana mai te au hoi i ta te reira i
faatano i te Feia Mo◊a i roto i te tau o Paulo. A faaitoito i te mau melo o te piha
haapiiraa ia faaite i te iteraa i tupu o te tuati i te mau parau tumu o te pae varua.
1. Te faaitoito nei o Paulo i te Feia Mo◊a i Philipi ia pee ia Iesu Mesia.
A aparau i te episetole a Paulo i to Philipi. A ani i te mau melo o te piha haapiiraa
ia tai◊o puai mai i te mau irava i maitihia.
• Ua mau o Paulo i te fare tapearaa i Roma i te taime i papa◊i ai oia i to Philipi.
Eaha te mana◊o o te tahi mau melo o te Ekalesia i te mauraa o Paulo i te fare
tapearaa? (A hi◊o Philipi 1:12–18.) Ua tauturuhia anei outou na roto i te iteraa e
aore ra te faarooraa no nia ia vetahi ê o tei itoito roa i roto i te taviniraa i te Fatu?
• I roto i te Philipi 2:2–3, eaha ta Paulo i titau i te mau melo o te Ekalesia ia rave?
I roto i te hea rave◊a e tia ai i te mau melo o te Ekalesia i te “tahoê-maite-raa to
[ratou] mana◊o”? (A hi◊o Philipi 1:27; 2:14–15.) No te aha tatou e rave ai i te tahi
mau taime i te mau mea “eiaha no÷na iho”? No te aha i to outou mana◊o, i a◊o
ai o Paulo ia ore e turu i te reira? No te aha e mea faufaa ia ore tatou e mana◊o e,
e mea maitai a◊e tatou i te tahi atu mau taata? (A hi◊o PH&PF 38:24–26.)
• Eaha ta Paulo i haapii no nia ia Iesu i roto i te Philipi 2:5–8? E mea nahea Iesu
i te haamau raa i te hi◊oraa maitai roa i roto i te haehaa e te fariiraa i te hinaaro
a to÷na Metua? (A hi◊o Ioane 8:29.) E mea nahea tatou e riro mai ai hau atu te
haehaa e te fariiraa i te hinaaro o te Metua i te Ra◊i ra?
• I to outou mana’oraa, eaha te auraa o te parau a Paulo a parau ai oia i to Philipi,
“e rave faaoti hua i to outou ora ma te m≤ta◊u e te rurutaina”? (Philipi 2:12).
Ua haamaramarama te Peresideni David O. McKay: “‘A rave faaoti i to outou iho
ora o te hoê ïa titauraa o te faaitehia na roto i te ohiparaa, te mana◊o, te itoito ia
faatura, o te vai-mau-raa ïa o te faaroo. Tera râ, e mea tia ia ravehia te reira ma
te feruriraa papu e, te tiaturiraa ana◊era ia÷na iho e nehenehe e hotu mai te
te◊ote◊o e te paruparu o te hopoi mai i te hi◊araa. Ma te ‘mâta◊u e te rurutaina, o
ta tatou ïa e imi i te puai e te aroha rahi o te Atua no te faaûrûraa ia noaa te rê
hopea” (i roto Conference Report, Apr. 1957, 7).