Te Faufaa Apî

taua mau viritu [huru viiriiore] ra, e tahe mai na roto mai i te punavai rahi o te
faaroo mau, te puai o to tatou faaroo na roto i te amuiraa mai i te maitai atoa
ia here i te mau tamarii a Iesu tei haamaitaihia. E nehenehe tatou e pure i roto
i te tau no te pure, e nehenehe tatou e here i to tatou taata tupu mai ia tatou
iho, e ia haapa◊o i roto i te ati, ma te ite e, te utu◊a maitai no taua ohipa ra e
mea rahi atu ïa i roto i te basileila o te ra◊i ra. Auê ïa faaitoitoraa! Auê ïa oaoa!”
(Teachings of the Prophet Joseph Smith, sel. Joseph Fielding Smith [1976], 76).
2. E nehenehe tatou e fanau-faahou-hia e ia riro mai ei feia tuhaa i te Mesia ra.
A tai◊o e a aparau i te mau irava i maitihia mai roto mai i te Roma 6 e 8.
Haapiiraa 36
• Ua faaau o Paulo i te bapetizoraa i te pohe, te tanuraa, e te tia-faahou-raa. E
mea nahea te bapetizoraa e riro ai mai te pohe, te tanuraa, e te tia-faahou-raa
(fanauraa apî)? (A hi◊o Roma 6:3–4; PH&PF 76:50–52.) E mea nahea i riro ai te
bapetizoraa ei fanauraa apî no outou?
A haamaramarama e, te bapetizoraa na roto i te utuhi, e tapa◊o ïa no to tatou
fanau-faahou-raa i te pae varua. Ia haere tatou i raro i te pape, e tapa◊o ïa te
tanu nei tatou i to tatou huru tahito i roto i te menema. Ia haere mai tatou i
nia mai raro mai i te pape, e tapa◊o ïa ua mâ i te horoihia. Ua riro tatou ei taata
apî o tei fafau ia pee i te Mesia.
• E mea nahea tatou ia tapea i te mâraa e te “apîraa o te ora” (Roma 6:4) o ta
tatou i ite i te tupuraa i te bapetizoraa? (Teie te tahi o te mau pahonoraa oia
hoi, na roto i te faaapîraa i ta tatou mau fafauraa no te bapetizoraa a rave ai
tatou i te oro◊a mo◊a i te hebedoma tataitahi, na roto i te tatarahaparaa e te
imiraa i te faaoreraa hara no ô mai i te Fatu ra, e na roto i te haamataraa i te
mahana tataitahi ma te faapî i te faaotiraa ia tavini i te Atua.)
• Eaha te auraa te parau ra ia au “i ta te tino ra”? (A hi◊o Roma 8:5–6.) Eaha te mau
hopearaa no te auraa i ta te tino? (A hi◊o Roma 8:6–8, 13.) E mea nahea tatou ia
faaore roa i to te tino mai roto atu i to tatou mau feruriraa e to tatou aau? E mea
nahea to outou haamaitairaahia i te taime i maiti ai outou ia au i to te varua?
• Ua faaite papu o Paulo “e mau tamarii tatou na te Atua” (Roma 8:16). Eaha to
outou huru na roto i te iteraa e, e tamarii outou na te Atua? Eaha te tupu no
nia i to tatou mau huru e te mea e vai ra ia tatou?
Ua parau o Elder Dallin H. Oaks: “A feruri i te puai o te mana◊o i haapiihia i roto
i ta tatou himene auhia ‘E Tamarii Au na te Atua’ (Te Himene, numera 185). . . .
Teie te pahonoraa i te hoê o ta tatou mau uiraa rahi o te oraraa, ‘O vai au nei? E
tamarii au na te Atua no roto mai i te opu varua o na metua i te ra◊i ra. Na taua
metuaraa ra e faataa i to tatou huru mure ore. Taua mana puai rahi ra e raau tera
no te oto. E nehenehe e haapuai ia tatou tataitahi ia rave i te mau maitiraa parau
tia e ia imi i te mea maitai a◊e e vai ra i roto ia tatou. A haamau i roto i te feuriraa
o te hoê taure◊are◊a te mana◊o puai rahi, e tamarii oia, te tamaroa e aore ra te
tamahine, na te Atua, e ua horo◊ahia ia ratou te faatura ia ratou iho, e te itoito ia
haere i mua i nia i te mau fifi o te oraraa” (i roto Conference Report, Oct. 1995,
31; e aore ra Ensign, Nov. 1995, 25).
Mai te mea e, e faaafaro outou ia himenehia “E Tamarii Au na te Atua” e aore
ra ia hautihia ei pehe taa ê, a ani i te hoê taata himene, e aore ra te hoê p∂p∂
na◊ina◊i ia faaite mai i te reira i teie nei. E aore ra a himene te reira e te mau
melo o te piha haapiiraa (a hi◊o i te tuhaa “Te Faaineineraa”).
189