Te Faufaa Apî

Te Aparauraa no te
Papa◊iraa Mo◊a e te
Faaohiparaa
A haapii ai outou i te mau aamu pae papa◊iraa mo◊a i muri nei, a aparau e mea
nahea ia faaohipa i te reira i to tatou ora o te mahana tataitahi. A faaitoito i te
mau melo o te piha haapiiraa ia faaite mai i te mau iteraa i tupu no te tuati i te
mau parau tumu o te mau papa◊iraa mo◊a.
1. Te mau autaatiraa o te tane e te vahine i te tahi e te tahi e i te Fatu
A tai◊o e a aparau i te 1 Korinetia 11:1–3, 11–12.
• Eaha na autaatiraa e toru ta Paulo e paraparau ra i roto i te 1 Korinetia 11:3?
No te aha i to outou mana◊oraa, ua amui mai o Paulo i taua mau autaatiraa
atoa ra? Eaha te faufaa e vai ra i roto i te autaatiraa i rotopu ia Iesu Mesia e
to÷na Metua Tane? (A hi◊o Ioane 5:20; 8:29; 17:21–22.) E mea nahea tatou ia
faatupu i teie mau aravihi [maitai] i roto i to tatou autaatiraa e Iesu Mesia? E
mea nahea te mau tane e te mau vahine ia faatupu i teie mau aravihi i roto i to
ratou autaatiraa?
• Eaha te auraa o te parau “”aita râ te tane i taa ê i te vahine, aita atoa te vahine
i taa ê i te tane i te Fatu nei”? (1 Korinetia 11:11). No te aha te autaatiraa o te
tane e te vahine e riro ai ei mea faufaa roa i roto i te basileia o te Atua? Eaha ta
te reira e haapii nei ia tatou no nia i te mau huru o te tia i te mau tane e te
mau vahine ia rave no te tahi e te tahi?
Ua haapii te Peresideni Marion G. Romney e: “E mea tia i [te tane e te vahine]
ia hoê i roto i te hoêraa, te faatura, e te feruriraa te tahi i te tahi. Eiaha roa ia
faanaho e aore ra ia pee i te tereraa ohipa aore te tahi. E mea tia ra ia farerei
raua, ia pure, e ia faaoti amui. . . A haamana◊o e, eita te vahine e eita te tane i
te tîtî na te tahi o raua. Ua riro te tane e te vahine ei na hoa aifaito” (“In the
Image of God,” Ensign, Mar. 1978, 2, 4).
Mai te mea e faaohipa outou i te faahi◊oraa ohipa, a aparau e mea nahea teie mau
autaatiraa e nehenehe ai e riro ei mau vahi tauiraa maitai e aore ra ei mau vahi
tauiraa ino i roto i to tatou oraraa.
2. Te tumu o te oro◊a mo◊a
Haapiiraa 34
A tai◊o e a aparau i te 1 Korinetia 11:17–29. A haamaramarama e, e rave rahi Feia
Mo◊a i roto i Korinetia aita ratou e haapa◊o ra i te tumu no te raveraa i te oro◊a
mo◊a. Aita ratou i hi◊o rahi atu i nia i te oro◊a no te raveraa i te oro◊a mo◊a, ua mârô
râ ratou i te tahi e te tahi i te amuraa e te inuraa rahi (1 Korinetia 11:18–22).
• Eaha te tumu matamua o te pureraa oro◊a? (A hi◊o 1 Korinetia 11:20, te papa◊iraa
na◊ina◊i roa 20b, o te horo◊a ra i te Joseph Smith Translation [Tatararaa a Iosepha
Semita] no teie irava: “E ere anei no te amu i te tamaaraa a te Fatu”)
Ua haapii o Elder Jeffrey R. Holland e: “No te rahi roa i roaa mai, e mea tia ia
ravehia [te oro◊a mo◊a] hau atu i te feruri-maite-raa i te rave noa i te tahi mau
taime. E mea tia ia riro taua taime ra ei taime mana rahi, te tura, e te feruri
mau. E mea tia ia faaitoitohia te mau mana◊o e te mau paraparauraa pae varua.
I taua taime atoa ra, e mea tia ia ore e rûhia. Eita i te hoê mea o te ‘rave-noahia
ia oti’ ia nehenehe ia faahaerehia te tumu mau o te pureraa oro◊a. O teie te
tumu mau o te pureraa” (i roto Conference Report, Oct. 1995, 89; e aore ra
Ensign, Nov. 1995, 68).
• Ia au i ta Paulo parau, eaha te mau tumu o te oro◊a mo◊a? (A hi◊o 1 Korinetia
11:23–26; a hi◊o atoa Luka 22:19–20.) E mea nahea tatou ia tapea maitai a◊e i to
tatou feruriraa e to tatou aau i nia ia Iesu a rave ai tatou i te oro◊a mo◊a?
179