Te Faufaa Apî

“E te Tapao o To
Oe Taeraa Mai”
Joseph Smith [Iosepha Semita]—Mataio (Mataio 24)
Haapiiraa
21
Te Tumu No te tauturu i te mau melo o te piha haapiiraa ia ite i te mau tapa◊o o te na mua
mai i te Tae Pitiraa mai o te Faaora e ia faaitoito i te mau melo ia faaineine ia
ratou iho no teie oro◊a rahi.
Te Faaineineraa 1. A tai◊o, a feruri hohonu, e a pure no nia i te mau papa◊iraa mo◊a i muri nei:
Te Tatararaa o
te Haapiiraa i
Mana◊ohia Mai
a. Joseph Smith [Iosepha Semita]—Mataio 1:1–20 (Mataio 24:1–5, 9–13,
15–22). Te tohu nei Iesu i te haamouraa o Ierusalema.
b. Joseph Smith [Iosepha Semita]—Mataio 1:21–55 (Mataio 24:6–8, 14, 23–51).
Te faataa nei Iesu i te mau tapa◊o o te na mua mai i to÷na Tae Pitiraa mai e te
haapii nei e mea nahea ta÷na feia maitihia e nehenehe ai ia faaineine no
to÷na taeraa mai.
2. Te tahi atu tai◊oraa: Mareko 13; Luka 21:5–38; Te Parau Haapiiraa e te Mau
Parau Fafau 45:15–55.
3. Mai te mea e, te vaira te hoho◊a o Te Tae Pitiraa Mai (62562; Afata Hoho◊a no
te Evanelia 238), a faaohipa i te reira i roto i te haapiiraa.
4. Te mana◊o no te haapiiraa: Aita te hoê piiraa no te haapii e titau ia ite outou
i te mau mea atoa ra no nia i te evanelia, no reira eiaha outou e haamâ mai te
mea e, e ani mai te hoê melo o te piha haapiiraa i te hoê uiraa o ta outou eita
e nehenehe ia pahono. Eiaha e tamata i te hamani noa i te pahonoraa, a faaite
râ e, aita outou i ite e te tamata nei ia itehia mai te hoê pahonoraa.
Te Faahi’oraa Ohipa Mai te mea e tano, a faaohipa i te ohiparaa i muri nei e aore ra hoê o ta outou
iho no te haamata i te haapiiraa.
A ani i te mau melo o te piha haapiiraa ia hi◊o atu i rapae na roto i te
haamaramarama e ia hi◊o maitai i te ra◊i. Mai te mea e, aita e haamaramarama
to te piha haapiiraa, a ani i te mau melo o te piha haapiiraa eaha te huru o te
mahana i rapaeau, a tae mai ai ratou i te fare pure. I reira a rave i te hoê tohuraa
huru tano paha no nia i te mahana. Mai teie te huru, mai te mea e, e mea teatea
te ra◊i e e mea ve◊ave◊a i rapaeau, a tohu atu e, e topa te hiona [te uâ] i roto i te
tahi tau hora. Mai te mea e, e mea huru to◊eto◊e e te uâ i rapaeau, e e au ra e, e
tamau noa te uâ no te tahi tau taime, a tohu e, e riro i te ve◊ave◊a rahi e te marô
i rapaeau i roto i na minuti e pae.
A ani i te mau melo o te piha haapiiraa eaha ta ratou e mana◊o nei no nia i ta
outou tohuraa. I muri a◊e i to ratou aparauraa, a ani i te mau uiraa i muri nei:
• Eaha ta outou tohuraa no nia i te mahana i roto i na toofanu hora i mua nei?
Eaha tei tauturu ia outou ia rave i taua faaararaa ra?
107