Mankhwala a HIV ndi EDZI - PIH Model Online - Partners in Health

5
6
7
Mutu 5: Mankhwala a HIV ndi EDZI
Fotokozani kuti pofuna kuletsa kachirombo ka HIV kuti kasaswane, wodwalayo
ayenera kumwa mitundu itatu ya ma-ARV tsiku ndi tsiku. Tili ndi mwayi kuti
ma-ARV ambiri amene tili nawo ku Malawi kuno, anaphatikizamo mitundu
iwiri kapena itatu m’pilisi limodzi kuti munthu asamachite kumwa mapilisi
ambirimbiri. Mapilisi amenewa amatchedwa amphamvu zingapo.
Anthu amene ali ndi HIV akangoyamba kumwa mankhwala afunika kumwa
mankhalawa nthawi yomweyomweyo tsiku lililonse moyo wawo wonse. Uku
ndiko timati kumwa mankhwala kosadukiza. Ngati wodwala alekeza kumwa
mankhwala kapena adumphitsadumphitsa kamwedwe kake, HIV imayamba
kuswana ndi kupha ma-CD4. Ngati odwala ali ndi chizolowezi chomamwa
ndi kulekeza kumwa ma-ARV, kachirombo ka HIV kamene kali m’thupi lawo
kadzatha kulimbana ndi ma-ARV. Zikafika apa timati kachilomboko sikakumva
mankhwala ndipo ndizoopsa kwambiri. Mankhwala a ma-ARV sadzathanso
kugwira nthito yawo monga m’mene amayenera kuchitira.
Fotokozani kuti amayi oyembekezera amene ali ndi HIV amathandzidwa
mosiyana ndi anthu ena. Atha kuyambitsidwa kumwa ma-ARV pofuna kupewa
kuti angapatsire kachirombo ka HIV mwana yemwe akuyembekezerayo. Amayi
oyembekezera amene ali ndi HIV angafunike kupita ku chipatala kangapo pa
mwezi m’malo mwa kamodzi. Wodwala akayamba kumwa ma-ARV dokotala
kapena namwino amakumana ndi wazaumoyo wa m’mudzi pamodzi ndi
wodwalayo n’kuwafotokozera mankhwala amene wodwalayo azimwa, nthawi
yomwera ndiponso kuchuluka kwake. Zimenezi azidzilemba pa pepala kuti
wodwalayo ndi wazaumoyo wa m’mudzi adzitha kukumbukila.
8 Mu ntchito iyi ophunzirawa aphunzira nkhani zokhudza ma-ARV. Ayesetse
kukumbukira zomwe aphunzirazi, komabe mfundozi ziliponso mu Bukhu la
Wazaumoyo wa M’mudzi (gawo 5 tsamba 113).
9
10
Gawani ophunzirawa m’magulu asanu powauza kuti aliyense azitchula
manambala kuchokera 1 mpaka 5 — onse amene anatchula 1 akhale gulu
limodzi, amene anatchula 2 akhalenso gulu lawo mpaka 5. (Yesetsani kuika
munthu amene amatha kulemba ndi kuwerenga kapena wazaumoyo wa m’mudzi
yemwe amadziwa bwino ntchito yake pa gulu lililonse.)
Uzani ophunzirawa kuti pagulu lililonse pali makhadi olandirira mankhwala.
(mtundu ulionse wa ARV uli ndi khadi lake) ndi mapilisi a ma-ARV. Awa
ndi ma-ARV osiynasiyana amene akupezeka m’dziko muno. Apatseni
ophunzirawa nthawi yokwanira kuti awaone makhadi olandirira mankhwala
ndi kufunsa mafunso okhudza makhadiwo. Onetsetsani kuti akutha kuwerenga
makhadiwa. Fotokozani kuti mu gawo 6, aphunzira mavuto amene amadza
munthu akamamwa ma-ARV kotero kuti asadere nkhawa za zimenezi panopa.
Onetsetsani kuti ophunzirawa akumvetsa zomwe zithunzi zomwe zili pa makhadi
olandirira mankhwala zikuimira.
Bukhu Lophunzitsira Alangizi Azaumoyo a M’mudzi a Bungwe la Abwenzi Pa Za Umoyo: Chisindikizo Choyeserera 139