Björgunarprinsessan og töfraduftið

BJÖRGUNARPRINSESSAN
OG
TÖFRADUFTIÐ

TEXTI
Ásta Kristín Andrésdóttir
Andrés Ásgeir Andrésson
TEIKNINGAR
Ásta Kristín Andrésdóttir
Öll réttindi áskilin
Bók þessa má ekki afrita með neinum hætti, svo sem ljósmyndun, prentun, hljóðritun eða á
annan sambærilegan hátt, að hluta eða í heild án skriflegs leyfis höfunda.
www.pabbasogur.com
Mosfellsbær
Nóvember 2017

PABBASÖGUR
BJÖRGUNARPRINSESSAN
OG
TÖFRADUFTIÐ

Sólin
Fannar prins í
kastalanum
Einu sinni fyrir ekkert svo voðalega löngu síðan, en
samt pínu, bjuggu prinsessa og prins í köstulum sínum.
Kastalarnir voru langt í burtu frá hvor öðrum og því
þekktust þau ekki neitt.
En eftir þetta ævintýra þá þekktust þau vel og urðu
bestu vinir.

Björg prinsessa í
kastalanum
Og nú hefst ævintýrið, haldið ykkur fast og spennið
beltin.

Regnboginn
Einn góðan veðurdag var Fannar prins eitthvað úti í
göngutúr að labba. Hann var dálítið lengi í göngutúr
því hann sá svo flottan regnboga.
Þar sem hann stóð og horfði dolfallinn á regnbogann
tók hann ekki eftir stóra andfúla drekanum sem læddist
upp að honum.

Áður en hann gat sagt „tjútilú “ þá var drekinn
búinn að taka hann og stinga honum ofan í bakpokann
sinn. Drekinn fór með hann beinustu leið
í hellinn sinn. Drekinn ógurlegi ætlaði nefnilega
að nota Fannar prins fyrir jólatré þessi jólin.

Björgunarprinsessan
Þegar Björg prinsessa frétti af því að dreki hafi
komið og stolið prinsinum ákváð hún að
bjarga honum. Svo hún tók sig til og lagði af stað
í björgunarleiðangurinn.

Smá bakgrunnur um Björgu
prinsessu.
(Björg prinsessa er engin venjuleg
prinsessa. Hún er sko björgunarprinsessa.
Hún bjargar bæði fólki
og dýrum. Hún er með sítt bleikt
hár sem glóir í myrkri og svo
hjálpar hún líka að taka
gullpeningana af ræningjum)
Dúkka
Bangsi
Uppáhaldsdótið hennar
Bjargar
Sólarbangsi

Björg ánægð með sig
Björg prinsessa var búin að ganga í eina mínútu þegar
hún kom að krókódílavatninu ógurlega. Þar voru þrír
risastórir krókódílar sem biðu hennar svangir.
En Björg dó ekki ráðalaus. Hún opnaði bakpokann sinn,
náði þar í verkfæri og hófst handa við að smíða sér brú
yfir krókódílavatnið.

Krókódílarnir 3
Brúarsmíðin tókst mjög vel og þegar Björg
prinsessa labbaði yfir brúnna þá
kölluðu krókódílarnir: „Viltu ekki bara koma
ofan í vatnið til okkar frekar en að labba á
þessari brú? “ „Nei takk “, svaraði Björg
Prinsessa. Krókódílarnir urðu virkilega reiðir
því þá þuftu þeir að vera svangir áfram.

Sjóræninginn
Hákarlar
Veiðinet
Áfram gekk Björg björgunarprinsessa í leit að Fannari prinsi.
En ekki vildi betur til en að hún kom að sjóræningjasjónum
sem var fullur af sjóræningjaskipum og hákörlum.

Björg
Björg snaraði bakpokanum af
bakinu og sótti samanbrotna
vindsæng. Hún blés hana upp,
lagðist ofan á hana og synti
rólega að einu sjóræningjaskipi.
Hún þurfti að fara mjög
hljóðlega til að sjóræningjarnir
tækju ekki eftir henni.
Hún kom að skipinu og klifraði upp veiðinetið. Því næst
henti hún yfir sig hvítu laki og sagði “úuuuuhhuuuu íiiiiiíiii”.
Þegar sjóræninginn sá ógurlegan draug koma
labbandi að sér þá pissaði hann í buxurnar og stökk út í
sjó af hræðslu.
Núna gat hún stytt sér leið yfir sjóinn með því að sigla á
sjóræningjaskipinu.

Sólin
En ekki var Björg björgunarprinsessa komin yfir allar
hætturnar. Þegar hún var að koma að landi í
sjóræningjaskipinu þá kom hún auga á Ísak og Jónatan,
hættulegustu hákarlana í öllum sjónum.
Ísak
Jónatan

Þeir voru svo gamlir að amma hennar hafði sagt henni
sögur af þessum ógurlegu hákörlum þegar hún var lítil.
En amma hennar hafði líka sagt henni að þeir elskuðu
sardínur í dós. Og auðvitað var hún með sardínur í dós
í bakpokanum sínum. Hún opnaði dósirnar og gaf Ísaki
og Jónatani að borða. Þeir urðu himinlifandi því það var
svo langt síðan að þeir höfðu fengið svona gómsætar
sardínur.
Ísak sagði: „Takk kærlega fyrir sardínurnar, hvað getum
við gert fyrir þig “?
Björg svaraði: „Ef þið gætuð kannski gefið mér far að
landi þá væri það frábært “.
Stuttu seinna stóð Björg ofan á hættulegustu hákörlum
hafsins og komst þurr í land.

Hún fann drekafnykinn magnast þegar hún gekk upp
fjallið þar sem ógurlegi drekinn átti heima.
Það var byrjað að rigna og hvessa.
Ský
Rigning
Rigning

Töfraduftið
Drekinn
Björg björgunarprinsessa opnaði bakpokann sinn og
sótti töfraduftið. Björg læddist rólega að drekanum og
setti einn dropa af töfraduftinu á drekann sem sofnaði
samstundis.
Inni í kústaskáp fann hún Fannar prins sem grét af gleði
þegar hann sá Björgu og að búið væri að bjarga honum.

Björg og Fannar
3 dúfur
Þegar Björg björgunarprinsessa og Fannar komu heim
tók mömmur þeirra beggja vel á móti þeim. Þær voru
búnar að baka bananaköku. Þrjár hvítar dúfur flugu í
kringum þau.
Stuttu seinna flutti Fannar prins í kastalann hennar
Bjargar og þau bjuggu þar hamingjusöm ...

Risa kastali
Dúkka
Bangsakrútt
... alveg þangað til að þau fluttu. Endir.

PABBASÖGUR
WWW.PABBASOGUR.COM