Create successful ePaper yourself
Turn your PDF publications into a flip-book with our unique Google optimized e-Paper software.
Gonzalez<br />
75<br />
Bahagi ng inyong problema bílang akademya ay ang patunayan kung mali o tama<br />
ako ngunit alinman doon, kailangang suriin ang dimensiyong sosyolingguwistiko ng inyong<br />
gawaing bumuo ng isang wika at pumilì ng mga elemento at katangian ng mga wika sa<br />
Filipinas.<br />
Ang pagbuo ng <strong>Filipino</strong> ay nangangailangan ng estandardisadong mga gramatika<br />
(na may ibá’t ibáng uri, karamihan reperensiya at pedagohiya, para gamítin sa ibá’t ibáng<br />
antas ng sistema ng edukasyon at ng ibá’t ibáng uri ng guro at estudyante, kabílang ang<br />
mga tigulang, maaaring kahit mga gramatika na magagámit ng midyang pangmadla), mga<br />
diksiyonaryo, mga tanging leksikon para sa intelektuwalisasyon. Pagkatapos ay diseminasyon:<br />
Ang inyong gawain ay ikalat, hindi ang Pilipinong batay sa Tagalog, kundi ang <strong>Filipino</strong><br />
kapag nabuo na ito. Hinggil dito, kapag dumatíng na ang gayong sitwasyon sa hinaharap,<br />
ipinapayo ko sa inyo na huwag na ninyong uulitin ang mga pagkakamali noong nakaraan<br />
na pagwawalang-bahala sa midyang pangmadla. Anumang uri ng pagpapalaganap ng wika<br />
ay maisasagawa nang mahusay, para sa akin, sa pamamagitan ng midyang pangmadla at ng<br />
sistema ng edukasyon, na isinasapriyoridad ang una kaysa hulí.<br />
Pagbubuod at mga Kongklusyon<br />
Samakatwid, para sa susunod na mga taón, ang inyong bagong papel na gagampanan bílang<br />
mga unang kawani ng akademya na itatatag ng Pambansang Asamblea ay ang pagsasagawa<br />
ng saliksik—pagsasaliksik ng mga karaniwang elemento at katangian ng mga wika sa<br />
Filipinas na may pananaw para sa preskripsiyon at kodipikasyon sa pamamagitan ng<br />
paghahanda ng ibá’t ibáng gramatika na kakailanganin para sa diseminasyon at elaborasyon.<br />
Gayunman, bago ang kodipikasyon, dapat ay maging lehitimo at higit sa lahat,<br />
maging katanggap-tanggap para sa inyong anak, ang produkto ng inyong saliksik. At<br />
dito, dapat ninyong tingnan ang mga baryabol at dinamikang panlipunan, ang buong<br />
saklaw ng etnikong identidad, motibasyong panlipunan—sikolohiyang panlipunan—ang<br />
pinagsámang sosyolohiya at lingguwistika na tinatawag nating sosyolingguwistika—upang<br />
matiyak na ang inyong produkto, itong <strong>Filipino</strong>, ay tatanggapin at hindi tatanggihan.<br />
Ngunit upang maisagawa ang malahiganteng gawaing ito ng pananaliksik, dapat<br />
ninyong patunayan ang inyong kredibilidad bílang isang pangkat ng mga intelektuwal sa<br />
pamamagitan ng inyong kakayahan at dedikasyon at sa pamamagitan ng kalidad ng inyong<br />
mga produkto, ng inyong saliksik.<br />
Kung gayon, sa inyo nakasalalay ang responsabilidad ng pagpapalayà sa ating mga<br />
mamamayan at pagtulong na matupad ang kaniláng hangaring magkaroon ng wikang tunay<br />
na magpapahayag ng kaluluwang <strong>Filipino</strong>.<br />
Salin ni Minda Blanca Limbo<br />
TALA: Salin sa <strong>Filipino</strong> ng artikulong “The Surian ng <strong>Wika</strong>ng Pambansa in National Language Development”<br />
ni Dr. Andrew Gonzalez na nalathala sa Institute of National Language, tomo 1, blg 1, 1977.
Change language