You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Pineda<br />
55<br />
3. Ang pagpapayaman at modernisasyon ng Pilipino ay kailangang sa<br />
pamamagítan ng magkasanib na Metod 3 at Metod 1.<br />
4. Ang mga materyales pangkurikulum ay kailangang sulátin at ilathala sa<br />
wika ng PILM1 na ginagámit sa ibá’t ibáng sitwasyong pangkomunikasyon,<br />
at sa pagtuturo ng ibá’t ibáng asignatura o kurso.<br />
5. Ang PILM5 ay dapat gamítin sa paghahanda ng mga materyales<br />
pangkurikulum para sa pagtuturo ng matematika at mga likás na agham.<br />
Ang Makro Plan<br />
Batay sa kalalahad na ebidensiyang empiriko, nilikha namin ang ganitong tipolohiya ng<br />
pagpapasiya tungkol sa kultibasyon ng wikang panlahat.<br />
Makikíta sa Kolum A ang mga larangang sumasailalim ng pagpaplano (Kolum<br />
B). Ito ang mga aktibidad ng ahensiya, institusyon, o grupong tagapagplano sa kaantasang<br />
makro. Ang kabuuan ng kultibasyon ay nahahati sa dalawang kategorya. Una, sa korpus ng<br />
wika at pangalawa, sa larangan ng gámit ng wika. Sa ibabaw ng dalawang kategorisasyon<br />
ay iniluluklok namin ang retorika (hindi nakalakip sa eskema). Ito’y isang aspekto ng<br />
kultibasyon na nag-uugnay sa dalawa: wika per se, at sitwasyon ng gámit. Ang totoo, sa<br />
proseso ng paggámit ng wika, ito’y nagkakaroon ng pagpapanibagong-ayos o adyastment<br />
na kailangang subaybayan ng ahensiya o pangkat na tagapagplano. At ito’y naisasagawa sa<br />
anyong pidbak na kasangkapan ng ebalwasyon.<br />
Sa panahong ito sa búhay ng wika bílang kasangkapang panlipunan nagkaroon<br />
ng kabuluhan ang pananaw na mahubuging katatagan (flexible stability). Kung pagaaralang<br />
mataman, ito ang isang sukatan ng pagiging katanggap-tanggap at awtentiko ng<br />
pagsasakatuparan ng plano.<br />
Sa paninging makro, ang kultibasyon ay sabay-sabay sa lahat ng kaaantahan. Ito’y<br />
dapat sapagkat ang wikang ito na pinaiinam pa (upang maging higit na komprehensibo,<br />
episyente, produktibo, at matipuno) ay magiging tunay na kasangkapan ng pambansang<br />
pagsúlong. Sa ibáng pananalitâ, ang wikang tinutukoy ay batis. At hindi maaaring maging<br />
batis ang wikang konseptuwal lámang. Sa pormulasyong ito, ang isinasailalim sa pagpaplano’y<br />
isang buháy na wikang nangangailangan ng ibayong pagpapainam gaya ng nasabi na, upang<br />
higit na maging mabisàng instrumento ng pagbabago. Mahalagang bigyang-diin dito na<br />
kailangang pagpunan ang mga kakulangan ng wika, at gayundin ang mga kakulangan ng<br />
tagagámit ng wika.