You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Pineda<br />
45<br />
ganap na suportang moral at pagganyak na kailangan nitó. Sa maraming pagkakataón, ang<br />
natatanggap nitó ay insulto at kabiguan sanhi ng makasariling motibo, kamangmangan,<br />
at balighong hálagáhan at prehuwisyo. Nakalulungkot sabihing mismong ang MECS<br />
ay walang ganap na suporta. May dalawang pagkakataón: may kalabuan ang ibá’t ibáng<br />
kautusang sinasabing suporta sa patakarang bilingguwal sa edukasyon at sa gayong kalikasán<br />
ay nagpapahintulot ito ng tahasang paglabag; nása Ingles lámang ang letterhead ng MECS,<br />
isang paglabag sa Pampanguluhang Memorandum Sirkular Blg. 172, na pinagtibay noong<br />
27 Marso 1968.<br />
Kakulangan sa pondo. Paulit-ulit na hadlang sa SWP ang kakulangan sa pondo. Kayâ<br />
ang mga natapos nang proyekto ay hindi nagiging available sa mga target audience dahil<br />
napupunta sa sahod ng mga empleado ang malaking bahagdan ng badyet ng opisina.<br />
Mahalaga ang mga diksiyonaryo at ibá pang katulad na kasangkapang pangwika.<br />
Ngunit hindi makabili ang SWP ng kinakailangang teknolohiya, tulad ng computer, upang<br />
tumulong sa paggawa ng diksiyonaryo at katulad na gawain.<br />
Re-ebalwasyon ng sistema ng edukasyon. Nalikha sa higit tatlong daang taón ng pagkaalipin<br />
sa mga mananakop ang suliraning pangwika sa Filipinas. Binigyan táyo ng America ng<br />
“mis-edukasyon” gaya sa wika ng historyador na Renato Constantino, na kontrolin ang<br />
ating bansa at gawin táyong tagakonsumo at tagagámit ng kaniláng mga produkto hábangbúhay.<br />
Hindi uusbong ang lahat ng usaping ito ukol sa ating wika kundi dahil sa ating<br />
kolonyal na pag-iisip na ipinataw sa atin ng ating edukasyon. Panahon na upang muli nating<br />
suriin ang sistema ng edukasyon sa Filipinas. Ilapat natin ito sa idyosingkrasiya, karakter,<br />
pangangailangan, ideal, at lunggati ng ating malalaya at nakapagsasariling mamamayan.<br />
Salin ni Kriscell Largo Labor<br />
TALA: Ang “Pagdevelop ng <strong>Wika</strong> at Edukasyong Pangwika” ay salin sa <strong>Filipino</strong> ng artikulong Ingles na<br />
“SWP Direktor Ponciano BP Pineda’s Analysis of Certain Issues on Language Development and Language<br />
Education Raised By Then MECS Minister Jaime C. Laya” na may petsang 13 Nobyembre 1985. Lumabas<br />
ang artikulo bílang Apendiks C sa Limampung taon ng Surian ng <strong>Wika</strong>ng Pambansa: Hulíng Isa’t Kalahating<br />
Dekada (1970 – 1987) at inilathala ng SWP.