You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Pineda<br />
43<br />
Ikalawa, banyagang wika ang Ingles. Ngunit inaaral ito bílang unang wika, ibig<br />
sabihin, inaaral ito sa Filipinas na may ibáng kaligirang sosyo-kultural kompara sa lugar na<br />
katutubong sinasalitâ ang Ingles. Ang pakikihalubilo o pakikipag-usap sa mga gumagámit<br />
ng target na lengguwahe bílang unang wika ay isa ring salik sa pagtatamo ng kompetensing<br />
komunikatibo sa wikang inaaral, i.e., Ingles para sa mga <strong>Filipino</strong>. Nahahadlangan ang<br />
kahusayang komunikatibo sa Ingles ng nakararaming <strong>Filipino</strong> dahil hindi pinahihintulutan<br />
ng sitwasyon.<br />
Ikatlo, mismong ang mga guro ay nangangailangan ng pagpapahusay ng kaniláng<br />
kompetensi sa Ingles. Upang makapagturo ng anumang wika, kinakailangang mahusay ang<br />
mga guro sa wikang iyon. Sa kasawiampalad, isang katotohanang ang ilan, kung di man<br />
ang karamihan, sa mga guro sa Ingles sa bansa ay hindi mahusay na nakapagsasalitâ sa<br />
Ingles; kayâ hindi silá makapaglaan ng isang modelo ng kompetensing kailangan ng mga<br />
estudyante upang mahusay na matuto sa Ingles.<br />
Pinakahulí, mahalaga ang aktitud sa pagkatutong pangwika. Kinakailangang<br />
ganyakin ang mga estudyante na matuto ng Ingles na, sa kasawiampalad, walang gámit sa<br />
labas ng klase.<br />
Sa kabilâng bandá, madalîng matutuhan ang Pilipino hindi lámang sa mga paaralan<br />
kundi maging sa labas nitó. <strong>Wika</strong> ito ng midyang pangmadla at ng entertainment. <strong>Wika</strong><br />
itong ginagámit sa mahigit 5,000,000 magasing komiks na kinokonsumo linggo-linggo<br />
ng taumbayan. Pilipino din ang wika ng pelikula na pinanonood ng mga tao sa buong<br />
Filipinas.<br />
Gayundin, madalîng iangkop ang Pilipino dahil nagtataglay ng maraming<br />
pagkakatulad sa ibá pang wika sa Filipinas sa antas ng ponolohiya, gramatika, at leksikon.<br />
Natural na napagtitibay ang Pilipino sa labas ng paaralan.<br />
Kung “humina” sa Ingles ang mga estudyante, gaya ng sinasabi, hindi dahil mahusay<br />
na ngayon sa Pilipino ang mga kabataan. At kung magkagayon nga, tanging ang mga utakkolonyal<br />
na edukador ang desmayado sa sitwasyong ito.<br />
Bakit ipinipilit ng ilang tao na manatíli ang Ingles bílang tanging midyum ng<br />
instruksiyon, gaya noong panahong kolonyal? Dahil ba napagtanto niláng nakapagpapalaya<br />
ang wika, at kasangkapan din sa pang-aalipin? Ano na nga ba ang nalikha ng ating<br />
edukasyong maka-Ingles? Murang paggawa para sa eksport? Propesyonal o empleadong<br />
teknisyan para sa mga kompanyang banyaga at multinasyonal?<br />
Kapuwa sinira ng Ikalawaang Digmaan ang Taiwan at Korea. Ngunit tingnan<br />
ang kaniláng pagbangon, hindi dahil sa Ingles, kundi sa di-paghahari’t halos di-pag-iral<br />
ng Ingles sa mga bansang ito. Napag-iwanan na nilá ang mga <strong>Filipino</strong> sa pagdevelop<br />
ng ekonomiya. Malinaw na pinabubulaanan nitó ang paniwalang taglay ng <strong>Filipino</strong> ang<br />
bentahang kompetetibo sa mga Korean at Chinese dahil sa kakayahan ng <strong>Filipino</strong> sa Ingles.
Change language