Create successful ePaper yourself
Turn your PDF publications into a flip-book with our unique Google optimized e-Paper software.
28<br />
Nasyonalisasyon at Modernisasyon ng <strong>Filipino</strong><br />
Blg. 7104. Hindi nakawala ang KWF sa nakagawiang trabaho ng Surian. Kapag nilimi ang<br />
mga pahayag ng ating mga tagapangasiwa ng <strong>Wika</strong>ng Pambansa sa nakaraang panahon,<br />
wari ngang hindi nilá matalakay nang sabáyan ang nasyonalisasyon at modernisasyon. O<br />
kayâ, malimit na ipanukala niláng kailangang itutok muna ang pansin sa isa—malimit ding<br />
sa nasyonalisasyon—upang balingan ang ikalawa pagkatapos. Hindi naharap nang epektibo<br />
ang problema sa nakalipas na panahon sapagkat hindi napatnubayan ng isang malinaw na<br />
planong wika ang naging pagkilos ng mga alagad at kapisanang pangwika.<br />
Ipinahiwatig mismo ng 1987 Konstitusyon ang naturang tambalang tungkulin para<br />
sa pagsusúlong ng wikang <strong>Filipino</strong>. Alinsunod sa Seksiyon 6, Artikulo XIV:<br />
The national language of the Philippines is <strong>Filipino</strong>. As it evolves, it shall be<br />
further developed and enriched on the basis of existing Philippine and other<br />
languages.<br />
Titigan ang ikalawang pangungusap at malilinawan ang iniaatas na paraan ng pagdevelop<br />
at pagpapayaman sa <strong>Filipino</strong>: “(B)atay sa mga umiiral na (mga wika ng) Filipinas at ibáng<br />
mga wika.” Ang nasyonalisasyon ay magaganap sa pamamagitan ng pagpapayaman sa<br />
<strong>Filipino</strong> sa pamamagitan ng mga wika ng Filipinas. Ang modernisasyon ay mapapabilis<br />
sa pamamagitan ng ibá’t ibáng pandaigdigang wikang sinasangguni at hinihiraman ng<br />
edukasyong <strong>Filipino</strong>. Tinutukoy mismo, sa gayon, ng ikaanim na seksiyon ng Artikulo<br />
XIV ang kaliwa’t kanang pagpangitain sa dalawang pangunahing tungkulin túngo sa<br />
pagpapaunlad sa <strong>Filipino</strong> bílang wikang pambansa. Ang pagpapangalang “<strong>Filipino</strong>” sa<br />
<strong>Wika</strong>ng Pambansa ay nakabatay sa isang bisyon ng nasyonalisasyon at modernisasyon nitó.<br />
Ano ba ang mga problema at hindi nagaganap ang naturang mga gampanin?<br />
Sinasabing ang pagpaplanong wika sa katotohanan ay isang pagsisiyasat sa problema<br />
ng isang wika. Ngunit tulad ng naipaliwanag ko na, ipinahiwatig na ng Artikulo XIV ng<br />
1987 Konstitusyon ang problema ng <strong>Filipino</strong>. Ang tambalang gampaning “nasyonalisasyon<br />
at modernisasyon” ang siyá mismong mga problemang dapat harapin sa pagpapalaganap<br />
at pagpapayaman ng <strong>Filipino</strong> bílang wikang pambansa. Subalit hindi sapat ang pagtukoy<br />
sa problema sa pagpaplanong wika. Ang higit na mabigat na gawain ay ang paghahanay<br />
ng mga tiyak at malawakang aktibidad at proyekto upang malutas o maigpawan ang<br />
anumang tinukoy na problema. Iyon ang higit na kahulugan ng pagpaplanong wika. Ngunit<br />
malungkot na hindi nakapag-organisa ang KWF sa nakaraang panahon ng isang pulong o<br />
kumbensiyon upang sangguniin man lámang ang mga alagad ng wika hinggil sa bagay na<br />
ito.<br />
Maaaring may lumabas nang mga pagsusuri hinggil sa isa o sa dalawang gampanin.<br />
Maaaring may nakapagdulot na ng mga mungkahi upang dibdibang harapin ang mga<br />
problema sa nasyonalisasyon at modernisasyon ng <strong>Wika</strong>ng Pambansa. Subalit hindi iyon<br />
natipon ng KWF, nabigyan ng kaukulang analisis, at naisalin sa mga kongkretong hakbang<br />
at proyekto sa loob ng isang takdang panahon at sa kabilâ ng maaaring limitadong pondo<br />
at tauhan.